ដោយ: សហសេវិក
ភ្នំពេញ: តម្លៃលក់ និងជួលអាផាតមុិននៅរាជធានីភ្នំពេញរបស់កម្ពុជាមានភាពខុសៗគ្នា អាស្រ័យលើទំហំយូនីត និងទីតាំងអគារអាផាតមុិនទាំងនោះ។ ខាងក្រោមនេះជាតម្លៃអាផាតមុិនជាមធ្យមនៅទីក្រុងភ្នំពេញ ដែលក្រុមហ៊ុន Global Property Guide បានធ្វើបច្ចុប្បន្នភាពត្រឹមតែខែមករា ឆ្នាំ២០២៦។
តួយ៉ាង តម្លៃអាផាតមុិនដែលមានបន្ទប់គេងទោល មានទំហំទឹកប្រាក់ជាមធ្យមចំនួន១០០.០០០ដុល្លារអាមេរិក និងមានតម្លៃជួលជាមធ្យមចំនួន៥៥០ដុល្លារក្នុងមួយខែ ហើយផលចំណេញពីការវិនិយោគមានអត្រា៦,៦ភាគរយ។
តម្លៃអាផាតមុិនដែលមានបន្ទប់គេងចំនួន២ មានទំហំទឹកប្រាក់ជាមធ្យមចំនួន២៣០.០០០ដុល្លារអាមេរិក និងមានតម្លៃជួលជាមធ្យមចំនួន១.០០០ដុល្លារក្នុងមួយខែ ហើយផលចំណេញពីការវិនិយោគមានអត្រា៥,២២ភាគរយ។
-->
តម្លៃអាផាតមុិនដែលមានបន្ទប់គេងចំនួន៣ មានទំហំទឹកប្រាក់ជាមធ្យមចំនួន៣៥៤.០០០ដុល្លារអាមេរិក និងមានតម្លៃជួលជាមធ្យមចំនួន២.០០០ដុល្លារក្នុងមួយខែ ហើយផលចំណេញពីការវិនិយោគមានអត្រា៦,៧៨ភាគរយ។
ចំណែក តម្លៃអាផាតមុិនដែលមានបន្ទប់គេងចំនួន៤ មានទំហំទឹកប្រាក់ជាមធ្យមចំនួន៧៣០.០០០ដុល្លារអាមេរិក និងមានតម្លៃជួលជាមធ្យមចំនួន៤.៥០០ដុល្លារក្នុងមួយខែ ហើយផលចំណេញពីការវិនិយោគមានអត្រា៧,៤ភាគរយ។
ក្នុងនោះ គេសង្កេតឃើញថា តម្លៃអាផាតមុិនដែលមានបន្ទប់គេងទោល នៅតំបន់ជ្រោយចង្វារមានទំហំទឹកប្រាក់ជាមធ្យមចំនួន៨០.០០០ដុល្លារអាមេរិក និងមានតម្លៃជួលជាមធ្យមចំនួន៤៥០ដុល្លារក្នុងមួយខែ ហើយផលចំណេញពីការវិនិយោគមានអត្រា៦,៧៥ភាគរយ។
ទន្ទឹមនឹងនេះ តម្លៃអាផាតមុិនដែលមានបន្ទប់គេងចំនួន២ នៅតំបន់ជ្រោយចង្វារមានទំហំទឹកប្រាក់ជាមធ្យមចំនួន១៨៣.៦០០ដុល្លារអាមេរិក និងមានតម្លៃជួលជាមធ្យមចំនួន៧៥០ដុល្លារក្នុងមួយខែ ហើយផលចំណេញពីការវិនិយោគមានអត្រា៤,៩ភាគរយ៕ប្រភព: Global Property Guide៕
