ដោយៈ គង់ សូរិយា
ភ្នំពេញៈ ឧកញាំតាំង គួងហាវបានជាប់ឈ្មោះជាប្រធានក្រុមប្រឹក្សាភិបាលសមាគមថ្មអារកម្ពុជា ខណៈសន្និបាតសមាគមបានសម្រេចប្តូរឈ្មោះសមាគមនេះ មកជាសមាគមថ្មក្រានីតកម្ពុជាជំនួសវិញ។
ពិធីនេះបានប្រារពធ្វើនៅក្រសួងរ៉ែ និងថាមពល ដោយមានការអញ្ជើញចូលរួមជាអធិបតីពីលោក កែវ រតនៈ រដ្ឋមន្ត្រីក្រសួងរ៉ែ និងថាមពល ថ្នាក់ដឹកនាំសភាពាណិជ្ជកម្ម និងមន្រ្តីពាក់ព័ន្ធ។
សន្និបាតនេះក៏មានការចូលរួមផងដែរ ពីសំណាក់មន្ត្រីពាក់ព័ន្ធនៃក្រសួងរ៉ែ និងថាមពល តំណាងក្រសួង ស្ថាប័ន តំណាងក្រុមហ៊ុនឯកជនពាក់ព័ន្ធក្នុងវិស័យថ្មអារ និងអ្នកពាក់ព័ន្ធជាច្រើនផងដែរ។
ជាលទ្ធផលនៃការបោះឆ្នោត ឧកញ៉ា តាំង គួងហាវ ត្រូវបានសមាជិក នៃសមាគមផ្តល់ទំនុកចិត្ត បោះឆ្នោតជាប់ជាប្រធានក្រុមប្រឹក្សាភិបាលសមាគមថ្មអារកម្ពុជាអាណ្ណត្តិទី១ ជាផ្លូវការ អមដោយអនុប្រធាន២រូប និងសមាជិកក្រុមប្រឹក្សាភិបាល ៣រូបផ្សេងទៀតផងដែរ។
សមាគមថ្មអារកម្ពុជា ត្រូវបានផ្លាស់ប្តូរឈ្មោះថ្មីដែលដំបូងសមាគមនេះមានឈ្មោះថា សមាគមថ្មក្រានីតកម្ពុជា៕
