ទីផ្សារលំនៅឋានប្រភេទទី២ នៅបណ្តាទីក្រុងធំៗរបស់ប្រទេសចិនកំពុងបង្ហាញសញ្ញានៃការងើបឡើងវិញ

ដោយ: សហសេវិក
អន្តរជាតិ: ទីផ្សារលំនៅឋានប្រភេទទី២ (pre-owned home) នៅបណ្តាទីក្រុងធំៗរបស់ប្រទេសចិនកំពុងបង្ហាញសញ្ញានៃការងើបឡើងវិញ។ ប៉ុន្តែ ក្រុមអ្នកវិភាគនៅតែមានការប្រុងប្រយ័ត្នចំពោះទស្សនវិស័យរបស់ទីផ្សារអចលនទ្រព្យជារួម។

លំនៅឋានចំនួន១៥.០៨២យូនីតនៅទីក្រុងប៉េកាំង ត្រូវបានលក់ចេញនៅខែមករា ឆ្នាំ២០២៦។ ការលក់ផ្ទះនៅទីក្រុងសៀងហៃបានកើនឡើង២៦,៦៩ភាគរយដល់២០.៣០០យូនីតបើធៀបនឹងរយៈពេលដូចគ្នាកាលពីឆ្នាំមុន។

លោក Gao Yuan នាយកវិទ្យាស្ថានស្រាវជ្រាវ Beijing Lianjia ត្រូវបានដកស្រង់សម្តីដោយកាសែត Economic Daily ថា នៅខែមករា ឆ្នាំនេះ ការលក់ផ្ទះប្រភេទទី២ នៅទីក្រុងប៉េកាំងបានកើនឡើង១៥ភាគរយធៀបនឹងខែធ្នូ ឆ្នាំ២០២៥ ដែលជាសញ្ញាបង្ហាញថា ទីផ្សារកំពុងងើបឡើងវិញ។