ដោយ: សហសេវិក
អន្តរជាតិ: គណៈរដ្ឋមន្ត្រីកូរ៉េខាងត្បូងបានអនុម័តការកែប្រែក្រឹត្យអនុវត្តច្បាប់ពន្ធលើប្រាក់ចំណូល ដែលនឹងលុបចោលការលើកលែងជាបណ្ដោះអាសន្ននូវពន្ធលើប្រាក់ចំណេញមូលធនសម្រាប់បុគ្គលដែលមានផ្ទះច្រើនយូនីត។
ក្រោមការកែសម្រួលថ្មីនេះ អត្រាពន្ធអតិបរមាចំនួន៧៥ភាគរយនឹងត្រូវអនុវត្តចំពោះប្រាក់ចំណេញមូលធនពីការលក់ផ្ទះ ដែលជាកម្មសិទ្ធិរបស់បុគ្គលមានផ្ទះច្រើនយូនីតនៅក្នុងតំបន់ដែលបានកំណត់ ( designated speculative areas) ដែលភាគច្រើនស្ថិតនៅក្នុងតំបន់រដ្ឋធានីសេអ៊ូល។
វិធានការខាងលើនឹងចាប់ផ្តើមចូលជាធរមាននៅថ្ងៃទី៩ ខែឧសភា។ ការសម្រេចចិត្តយកពន្ធលើចំណេញមូលធនឡើងវិញនេះ ធ្វើឡើង បន្ទាប់ពីផ្អាកអស់ជិតបួនឆ្នាំនក្រោមរដ្ឋបាលអតីតប្រធានាធិបតីលោក Yoon Suk Yeol ។
លោកប្រធានាធិបតីកូរ៉េខាងត្បូងបច្ចុប្បន្ន Lee Jae Myung បានសង្កត់ធ្ងន់លើតម្រូវការក្នុងការធ្វើឱ្យតម្លៃលំនៅឋានមានស្ថិរភាព និងទប់ស្កាត់ការទិញអចលនទ្រព្យស្តុកទុកលក់ចេញយកផលចំណេញ (speculation) ជាពិសេសនៅក្នុងតំបន់ទីក្រុងសេអ៊ូល។
ទោះជាយ៉ាងណា រដ្ឋាភិបាលកូរ៉េខាងត្បូងនឹងផ្តល់រយៈពេលអនុគ្រោះចន្លោះពីបួនខែទៅប្រាំមួយខែក្នុងករណីមួយចំនួន ដែលអ្នកជួលកំពុងកាន់កាប់អចលនទ្រព្យ។
ក្រោមវិធានការនេះ រយៈពេលអនុគ្រោះ៤ខែនឹងត្រូវអនុវត្តនៅក្នុងសង្កាត់ Gangnam និងសង្កាត់ Yongsan របស់ទីក្រុងសេអ៊ូល ខណៈរយៈពេលអនុគ្រោះ៦ខែនឹងអនុវត្តចំពោះសង្កាត់ផ្សេងទៀតទាំងអស់នៅទីក្រុងសេអ៊ូល និងតំបន់មួយចំនួននៃខេត្ត Gyeonggi៕ប្រភព: Korea Times៕
