ដោយ: សហសេវិក
អន្តរជាតិ: ក្រុមហ៊ុនចងក្រងទិន្នន័យអចលនទ្រព្យសកល Global Property Guide បានធ្វើបច្ចុប្បន្នភាពលើតម្លៃជួលអាផាតមុិនដែលមានបន្ទប់គេងមួយ នៅតាមបណ្តាទីក្រុងធំៗរបស់តំបន់អាសុី គិតត្រឹមខែមីនា ឆ្នាំ២០២៦។
តួយ៉ាង តម្លៃជួលអាផាតមុិននៅរដ្ឋធានីសេអ៊ូលរបស់កូរ៉េខាងត្បូង មានទំហំទឹកប្រាក់ចំនួន ៣.៥៣៥ដុល្លារក្នុងមួយខែ ខណៈតម្លៃជួលអាផាតមុិននៅទីក្រុងហុងកុងនៃប្រទេសចិនមានទំហំទឹកប្រាក់ចំនួន២.០៥០ដុល្លារក្នុងមួយខែ។
តម្លៃជួលអាផាតមុិននៅទីក្រុងម៉ាកាវរបស់ប្រទេសចិន មានទំហំទឹកប្រាក់ចំនួន ៩៨៥ដុល្លារក្នុងមួយខែ ខណៈតម្លៃជួលអាផាតមុិននៅទីក្រុងតៃបុិនៃកោះតៃវ៉ាន់មានទំហំទឹកប្រាក់ចំនួន៩៧០ដុល្លារក្នុងមួយខែ។
តម្លៃជួលអាផាតមុិននៅទីក្រុងតូក្យូរបស់ប្រទេសជប៉ុន មានទំហំទឹកប្រាក់ចំនួន ៨៦០ដុល្លារក្នុងមួយខែ ខណៈតម្លៃជួលអាផាតមុិននៅទីក្រុងប៉េកាំងមានទំហំទឹកប្រាក់ចំនួន៨១៥ដុល្លារក្នុងមួយខែ។
តម្លៃជួលអាផាតមុិននៅទីក្រុងគូឡាឡាំពួររបស់ប្រទេសម៉ាឡេសុី មានទំហំទឹកប្រាក់ចំនួន ៦៩០ដុល្លារក្នុងមួយខែ ខណៈតម្លៃជួលអាផាតមុិននៅរដ្ឋធានីម៉ានីលនៃប្រទេសហ្វីលីពីនមានទំហំទឹកប្រាក់ចំនួន៦៦០ដុល្លារក្នុងមួយខែ៕ប្រភព: Global Property Guide៕
