ដោយៈ ម៉ាណា
អូស្រ្តាលីៈ តម្លៃអចលនទ្រព្យនៅប្រទេសអូស្រ្តាលី បន្តកើនឡើងនៅទីក្រុងជាច្រើន ស្របពេលទីផ្សារឥឡូវនេះមានភាពចម្រុះខ្លាំង។
និន្នាការតម្លៃរួម
តម្លៃអចលនទ្រព្យក្នុងកម្រិតជាតិ នៅតែកើនឡើងនៅឆ្នាំ២០២៦ ដោយអ្នកជំនាញបានលើកឡើងថា កំណើនដែលរំពឹងទុកមានប្រហែលចន្លោះពី៥ ទៅ៧ភាគរយនៅឆ្នាំនេះ កំនើននេះបើធៀបនឹងឆ្នាំមុន គឺយឺតជាង ប៉ុន្តែនៅតែមានកំណើនវិជ្ជមាន។
មូលហេតុដែលតម្លៃអចលនទ្រព្យនៅប្រទេសនេះ បន្តកើនឡើងដោយសារកត្តាសំខាន់ៗមួយចំនួនដូចជា
- កង្វះខាតលំនៅដ្ឋាន
- កំណើនប្រជាជនខ្លាំង
- តម្លៃជួលខ្ពស់ជំរុញឱ្យមនុស្សទិញ
១ ទីក្រុងPerth
តើទីក្រុងណាខ្លះដែលកំពុងរីកចម្រើនខ្លាំង នៅប្រទេសអូស្រ្តាលី ការសិក្សាបានរកឃើញថា ទីក្រុង Perth មានកំណើនខ្លាំងបំផុត ដោយសារវាជាទីក្រុងមួយ ក្នុងចំណោមទីក្រុងដែលមានដំណើរការល្អបំផុត ដោយមានការព្យាករណ៍កំណើន ចន្លោះពី១០ ទៅ១២ភាគរយ និងជម្រុញកំណើនដោយការផ្គត់ផ្គង់ទាប សេដ្ឋកិច្ចរ៉ែ និងកំណើនប្រជាជន។
អ្នកជំនាញនិយាយថា “ទីក្រុងPerth គឺជាទីផ្សារកំណើនលេខ ១ នៅពេលនេះ”។
២ ទីក្រុង Brisbane (ខ្លាំងខ្លាំង)
តម្លៃកើនឡើងយ៉ាងលឿន (ការព្យាករណ៍ខ្លះ គឺមានកំណើនរហូតដល់ចន្លោះពី៩ទៅ១០ភាគរយ ដោយសារតម្រូវការខ្ពស់ពីការធ្វើចំណាកស្រុក មនុស្សផ្លាស់ទីលំនៅពីទីក្រុង Sydney/Melbourne)
ការអភិវឌ្ឍហេដ្ឋារចនាសម្ព័ន្ធ និងផលវិជ្ជមាននៃការរៀបចំកីឡាអូឡាំពិកឆ្នាំ ២០៣២។
៣. ទីក្រុង Adelaide
ទីក្រុងធំមួយនេះ ទីផ្សារនិងតម្លៃអចលនទ្រព្យ នៅតែកើនឡើងយ៉ាងខ្លាំង ក្នុងរង្វង់៨ភាគរយ ប៉ុន្តែអចលនទ្រព្យ មានតម្លៃសមរម្យជាងទីក្រុងធំៗ និងបានទាក់ទាញអ្នកទិញ។
៤. ទីក្រុង Darwin
ការព្យាករណ៍បានបង្ហាញពីកំណើនពីរខ្ទង់ នៅក្នុងរបាយការណ៍មួយចំនួន ស្របពេលទីផ្សារអចលនទ្រព្យនៅទីក្រុងនេះ មានទំហំតូចជាង ប៉ុន្តែមានការកើនឡើងខ្លាំង៕
