អំណាចនៃការទិញ ការរីកចម្រើននគរូបនីយកម្ម និងឥទ្ធិពលពី រាជធានីបានធ្វើឲ្យក្រុងតាខ្មៅទាក់ទាញការវិនិយោគ

ដោយៈ ចំណាន

    កណ្តាលៈ ជាខេត្តប្រៀបដូចជា ខ្សែក្រវ៉ាត់ព័ទ្ជរាជធានីភ្នំពេញទាំងមូល ទីក្រុងតាខ្មៅខេត្តកណ្តាលបាន និងកំពុងបន្តរីកចម្រើន ជាមួ​យនឹងកំណើនប្រជាសាស្រ្ត កើនដល់ប្រមាណ៩០,០០០នាក់ និងអំ​ណា​ចនៃការទិញកាន់តែច្រើន។

ដោយសារវាមានព្រំប្រទល់ ជាប់នឹងទីក្រុងភ្នំពេញដោយផ្ទាល់ ក្រុងតាមខ្មៅ បានរីកចម្រើនជាមួយនឹងការពង្រីកជាយក្រុង ការប៉ាន់ស្មានជាក់ស្តែងឆ្នាំ២០២៦ ទំនងជាមានប្រជាជនប្រហែល៨៥,០០០-៩៥,០០០នាក់ អាស្រ័យលើការធ្វើចំណាកស្រុក និងកំណើនលំនៅដ្ឋាន។

ខេត្តកណ្តាលទាំងមូល មានប្រជាជនចំនួនជាង១,៣លាននាក់ ក្នុងឆ្នាំ២០២៤ ដែលបង្ហាញពីកំណើនតំបន់ដ៏រឹងមាំ។

ជាមួយចក្ខុវិស័យដ៏រឹងមាំ និងផ្តោតលើការអភិវឌ្ឍប្រកដោយគុណតម្លៃ គំរោងទីក្រុងVictoria Park បាននិងកំពុងរៀបចំខ្លួន ដើម្បីបញ្ឆេះម៉ាស៊ីនទីក្រុងនេះ ឲ្យមានល្បឿនរត់បានកាន់តែលឿន និងមានភាពធន់បន្ថែមទៀត។

លោកបណ្ឌិតតេង រិទ្ធីអ្នកអភិវឌ្ឍន៍គំរោងVictoria Parkបានមានប្រសាសន៍ឲ្យដឹងថា ជាមួយសក្តានុពលមូលដ្ឋាន ចក្ខុវិស័យដ៏រឹងមាំ យើងបាននិងកំពុងរៀបចំផែនការអភិវឌ្ឍ ដោយឈរលើគុណតម្លៃ ដែលVictoria Park ប្រៀបបាននឹងទីក្រុងតូចមួយ ដែលប្រែក្លាយតំបន់នេះជា CBD (central business Development )ជាមួយនឹងទស្សនវិស័យនៃការអភិវឌ្ឍចម្រុះ។

លោកបន្តថា គំរោងនេះនឹងរួមបញ្ចូលនូវផ្ទះអាជីវកម្ម ផ្សារទំនើប ខុនដូ ដីឡូត៍វីឡា ដែលផ្តោតលើគុណតម្លៃ ព្រោះអ្នកទិញដីមិនអាចសាងសង់អ្វី តាមការចង់បាននោះទេ ព្រោះយើងកំណត់ហ្សូនសម្រាប់ពួកគេ​ ជាជាងឲ្យពួកគេសាងសង់ឃ្លាំង ឬអ្វីតាមការនឹកឃើញ។

លោកបន្តថា “យើងលក់ដីឡូត៍វីឡា ជាមួយនឹងចក្ខុវិស័យ និងបែបផែននៃការអភិវឌ្ឍន៍ បែបជាទីក្រុងឆ្លាតវៃមួយ ដែលផ្តោតលើភាពសុខដុមរមនា ភាពស៊ីវិល័យ និងការអភិវឌ្ឍប្រកបដោយនិរន្តរភាព”៕