ដោយ: សហសេវិក
អន្តរជាតិ: គិតត្រឹមខែឧសភា ឆ្នាំ២០២៦ ទីផ្សារអចលនទ្រព្យសកលនៅតែមានភាពធន់ ទោះបីជាមានភាពមិនប្រាកដប្រជាខាងភូមិសាស្ត្រនយោបាយ និងការប្រែប្រួលសេដ្ឋកិច្ចយ៉ាងណាក្តី។
ជាមួយគ្នានេះ មូលដ្ឋានគ្រឹះនៃទីផ្សារអចលនទ្រព្យសកលនៅតែមានស្ថិរភាព ទោះបីជាមានភាពមិនប្រាកដប្រជាដែលបណ្តាលមកពីសង្គ្រាមសហរដ្ឋអាមេរិក-អ៊ីស្រាអែលជាមួយប្រទេសអ៊ីរ៉ង់ និងការរំខានដល់ខ្សែសង្វាក់ផ្គត់ផ្គង់។
បណ្តាវិនិយោគិនបាននិងកំពុងដាក់ពង្រាយដើមទុនយ៉ាងសកម្ម ស្របពេលដែលអតិផរណាត្រូវបានគ្រប់គ្រងយ៉ាងល្អប្រសើរ ហើយអត្រាការប្រាក់កំពុងថយចុះ។
ការវិនិយោគលើអចលនទ្រព្យនៅទូទាំងពិភពលោកបានកើនឡើងដល់ទំហំទឹកប្រាក់ប្រហែល ២១៦ ពាន់លានដុល្លារអាមេរិកនៅក្នុងត្រីមាសទី១ ឆ្នាំ ២០២៦ កើនឡើង ១៨% ធៀបនឹងរយៈពេលដូចគ្នាកាលពីឆ្នាំមុន។ តំបន់អាស៊ីប៉ាស៊ីហ្វិកបានសម្រេចនូវកំណើនខ្លាំងបំផុត។
ការវិនិយោគឆ្លងដែនក៏បានកើនឡើងគួរឱ្យកត់សម្គាល់ផងដែរ ដែលបង្ហាញថាបណ្តាវិនិយោគិនអន្តរជាតិកំពុងទទួលបានទំនុកចិត្តឡើងវិញ។
តម្រូវការជួលការិយាល័យនៅតែមានសុខភាពល្អទូទាំងពិភពលោក ស្របពេលមានកង្វះខាតការិយាល័យទំនើប និងមានគុណភាពខ្ពស់នៅតាមបណ្តាទីក្រុងធំៗ ដោយសារតែការសាងសង់អគារការិយាល័យថ្មីបានថយចុះ។
តម្រូវការអចលនទ្រព្យផ្នែកភស្តុភារ និងឃ្លាំងនៅតែមានភាពរឹងមាំ ដោយសារកំណើនពាណិជ្ជកម្មអេឡិចត្រូនិក ការរៀបចំរចនាសម្ព័ន្ធខ្សែសង្វាក់ផ្គត់ផ្គង់ឡើងវិញ ការពង្រីកផលិតកម្មក្នុងតំបន់ តម្រូវការមជ្ឈមណ្ឌលចែកចាយទំនើបៗ។ ការផ្គត់ផ្គង់ថ្មីមានកំណត់ត្រូវបានគេរំពឹងថា នឹងជំរុញតម្លៃជួលអចលនទ្រព្យផ្នែកភស្តុភារ៕ប្រភព: JLL៕
