ដោយៈ ចំណាន
ភ្នំពេញៈ ក្រុមហ៊ុនផលិតយន្តហោះចិន (COMAC) នឹងចុះហត្ថលេខាលើអនុស្សរណៈ នៃការយោគយល់គ្នា(MoU)ជាមួយរដ្ឋលេខាធិការដ្ឋានអាកាសចរណ៍ស៊ីវិលកម្ពុជា ដើម្បីពង្រឹងកិច្ចសហប្រតិបត្តិការ ក្នុងវិស័យអាកាសចរណ៍របស់ប្រទេស។
ភាពជាដៃគូនេះ នឹងផ្តោតលើការផ្ទេរបច្ចេកវិទ្យា ការអភិវឌ្ឍធនធានមនុស្ស ការថែទាំអាកាសយានដ្ឋាន ការគាំទ្របច្ចេកទេស និងការកែលម្អសមត្ថភាពប្រតិបត្តិការ របស់ក្រុមហ៊ុនអាកាសចរណ៍កម្ពុជា។
សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា បានស្វាគមន៍ចំពោះការប្តេជ្ញាចិត្ត រយៈពេលវែងរបស់COMAC ចំពោះប្រទេសកម្ពុជា ដោយបានគូសបញ្ជាក់ថា កិច្ចសហប្រតិបត្តិការនេះ នឹងជួយធ្វើទំនើបកម្មឧស្សាហកម្ម អាកាសចរណ៍ស៊ីវិលរបស់ប្រទេស កែលម្អការតភ្ជាប់ផ្លូវអាកាស និងបង្កើនភាពប្រកួតប្រជែងរបស់កម្ពុជា នៅក្នុងទីផ្សារអាកាសចរណ៍ក្នុងតំបន់។
ត្រូវបានបង្កើតឡើងក្នុងឆ្នាំ ២០០៨ ក្រុមហ៊ុន COMAC ផលិតយន្តហោះក្នុងតំបន់C909 និងយន្តហោះតួតូចC919 ខណៈក្រុមហ៊ុននេះកំពុងអភិវឌ្ឍយន្តហោះC929 សម្រាប់ហោះហើរផ្លូវឆ្ងាយ ដែលត្រូវបានគេរំពឹងថា នឹងធ្វើការហោះហើរលើកដំបូងរបស់ខ្លួន នៅឆ្នាំ ២០៣០។
ក្រុមហ៊ុនក៏កំពុងពង្រីកកិច្ចសហប្រតិបត្តិការ ជាមួយកម្ពុជាតាមរយៈសេវាកម្មថែទាំយន្តហោះ និងការបណ្តុះបណ្តាលបុគ្គលិកអាកាសចរណ៍ផងដែរ៕
