ដោយៈ ម៉ាណា
ភ្នំពេញៈ ធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី(AIIB)បាន និងកំពុងគាំទ្រដល់គម្រោងរៀបចំ ហេដ្ឋារចនាសម្ព័ន្ធតំបន់កណ្តាលនៅកម្ពុជា។
ព័ត៌មាននេះត្រូវបានលើកឡើង ក្នុងឱកាសលោកយិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានដឹកនាំនាយករងគម្រោង លោកប្រធានគ្រប់គ្រងគម្រោង លោក-លោកស្រី ជាសមាជិក-សមាជិកាគម្រោង ជួបពិភាក្សាការងារជាមួយតំណាងក្រុមហ៊ុនទីប្រឹក្សា និងក្រុមការងារធនគារAIIB ដឹកនាំដោយលោកស្រី Jaishree Jindel , Project Team Leader of AIIB អំពីគម្រោងតភ្ជាប់ផ្លូវតំបន់កណ្តាល (Central Region Connectivity Project) ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)។
កិច្ចប្រជុំនេះត្រូវបានរៀបចំឡើង ក្នុងគោលបំណងដើម្បីពិភាក្សាអំពីវឌ្ឍនភាពនៃការសិក្សាសមិទ្ធិលទ្ធភាព គម្រោងពីសំណាក់ក្រុមហ៊ុនទីប្រឹក្សា និងជជែកពិភាក្សាលើនីតិវិធីពាក់ព័ន្ធ ដើម្បីពន្លឿនការអនុម័តថវិកាសម្រាប់ការសាងសង់៕
