ដោយៈ ចំណាន
កណ្តាលៈ អ្នកជំនាញនៅក្នុងទីផ្សារបានមើលឃើញ ទីក្រុងតាខ្មៅមានសក្តានុពលខ្លាំង លើវិស័យអចលនទ្រព្យក្នុងរយៈពេលវែង ជាពិសេសចាប់ពីឆ្នាំ ២០២៦ ដល់ ២០៣០។
វាជាទីផ្សារដែលមានកំណើនទីក្រុង ជាលំដាប់លំដោយ ហើយមូលហេតុដែលទីក្រុងតាខ្មៅមានសារៈសំខាន់ ដោយសារមានទីតាំងនៅជិតអាកាសយានដ្ឋានអន្តរជាតិតេជោ កំណើនប្រជាសាស្រ្ត កំនើនសេដ្ឋកិច្ចតំបន់ និងកត្តាហេដ្ឋារចនាសម្ព័ន្ធតភ្ជាប់យ៉ាងរសរវើក គឺជាកត្តាជំរុញដ៏សំខាន់បំផុត។
អាកាសយានដ្ឋាននេះ បានចាប់ផ្តើមប្រតិបត្តិការជាផ្លូវការនៅខែកញ្ញា ឆ្នាំ ២០២៥ និងមានទីតាំងស្ថិតនៅក្នុងខេត្តកណ្តាល។
ដោយមើលឃើញសក្តានុពលនេះ អ្នកអភិវឌ្ឍន៍ទីក្រុងVictoria Parkland បានចាប់ផ្តើមអភិវឌ្ឍន៍គំរោងរបស់ខ្លួន ជាមួយនឹងផែនការប្រកបដោយមហិច្ឆតា និងគ្រោងប្រែក្លាយតំបន់នេះ ជាCentral Development Center (CBD)ថ្មីមួយនៅពេលអនាគត។
លោកបណ្ឌិតតេង រិទ្ធីអគ្គនាយកក្រុមហ៊ុនVictoria Parklandបានមើលឃើញហួស ពីមូលដ្ឋាននៃក្រុមតាខ្មៅ ប៉ុន្តែលោកបានសម្លឹងមើលសក្តានុពល និងការតភ្ជាប់បែបប្រទាក់ក្រឡានាពេលអនាគត។
លោកបណ្ឌិតបានបញ្ជាក់ថា “ហេដ្ឋារចនាសម្ព័ន្ឌពិតជាកត្តាជម្រុញយ៉ាងសំខាន់ ដល់ការអភិវឌ្ឍវិស័យអចលនទ្រព្យនៅកម្ពុជា”។ លោកបន្ថែមថា “ក្រុងតាខ្មៅមានភាពប្រទាក់ក្រឡា ជាមួយនឹងព្រលានយន្តហោះអន្តរជាតិតេជោ ព្រែកជីហ្វូណន និងហេដ្ឋារចនាសម្ព័ន្ធជា ច្រើនទៀត ដែលជម្រុញឲ្យមានកំណើនប្រជាពលរដ្ឋ និងសកម្មភាព សេដ្ឋកិច្ចកើនឡើង”។
ទីក្រុងតាខ្មៅស្ថិតនៅចន្លោះរាជធានីភ្នំពេញ និងតំបន់ដែលមានកំណើនសេដ្ឋកិច្ច តាមបណ្តោយផ្លូវទៅកាន់អាកាសយានដ្ឋាន។ ចំណុចនេះផ្តល់នូវគុណសម្បត្តិមួយ ក្នុងនាមជាទីតាំងសម្រាប់លំនៅដ្ឋាន និងពាណិជ្ជកម្ម សម្រាប់អ្នកដែលចង់ធ្វើដំណើរទៅកាន់រាជធានីភ្នំពេញផង និងចង់នៅជិតអាកាសយានដ្ឋានផងដែរ។
លោកបណ្ឌិតតេង រិទ្ធីបានបន្តថា អាកាសយានដ្ឋាននេះកំពុងបង្កើតប្រព័ន្ធអេកូឡូស៊ីសេដ្ឋកិច្ចមួយ មិនមែនគ្រាន់តែជាអាកាសយានដ្ឋានមួយប៉ុណ្ណោះទេ”។ លោកបន្ថែមថា “ផែនការអភិវឌ្ឍន៍ជុំវិញអាកាសយានដ្ឋានរួមមាន ការប្រើប្រាស់ដីសម្រាប់លំនៅដ្ឋាន ពាណិជ្ជកម្ម មជ្ឈមណ្ឌលតាំងពិព័រណ៍ រោងចក្រផលិតកម្ម ឃ្លាំងស្តុកទំនិញ និងតំបន់សេដ្ឋកិច្ចពិសេស(SEZ)”៕
