ដោយ វុត្ថា
កាណាដា៖ ទីផ្សារលំនៅដ្ឋានរបស់ប្រទេសកាណាដា បានចាប់ផ្តើមធ្លាក់ចុះកាលពីខែមុនដោយសារតែការធ្លាក់ចុះនៃការសាងសង់លំនៅដ្ឋាន និងអាផាតម៉ិន។ ក្រុមហ៊ុនសាងសង់លំនៅដ្ឋាន Canada Mortgage and Housing Corp. បានសាងសង់លំនៅដ្ឋានចំនួន ២២២,០១៣យូនីត ត្រូវបានចុះ ៩.៦ភាគរយ បើប្រៀបធៀបទៅនឹងមិថុនា។
លោក Doug Porter ប្រធានសេដ្ឋវិទូនៅធនាគារ Bank of Montreal បានប្រាប់សារព័ត៌មាន Bloomberg កាលពីកន្លងទៅថ្មីៗនេះថា ចំនួនលំនៅដ្ឋានក្នុងខែកក្កដាគឺតិចជាងការគិតរបស់យើងបន្ទាប់ពីការកើនឡើងកាលពីខែមិថុនា ដោយជាមធ្យម ២០៨,០០០យូនីតនៅឆ្នាំនេះ។
-->
លោក Porter បានបន្តថា “សកម្មភាពសាងសង់លំនៅដ្ឋាននៅតែមានភាពរឹងមាំនៅក្នុងប្រទេសកាណាដាហើយរួមជាមួយសកម្មភាពលក់នៅតែបន្តធ្វើជាប្រចាំ” ។
ទីផ្សារអចលនទ្រព្យនៅប្រទេសកាណាដាកំពុងមានស្ថេរភាពបន្ទាប់ពីការធ្លាក់ចុះយ៉ាងខ្លាំងក្នុងឆ្នាំ ២០១៨ ដែលបានឈានដល់ត្រីមាសទី១ ។ ទីផ្សារអលនទ្រព្យត្រូវបានជួយដល់កំណើនសេដ្ឋកិច្ចកាន់តែខ្លាំង និងការធ្លាក់ចុះអត្រាការប្រាក់ខ្ចី។
ការលក់លំនៅដ្ឋាននៅទីក្រុងតូរ៉ុនតូ និងទីក្រុង Vancouver បានកើនឡើង ២៤ភាគរយ កាលពីខែមុន ហើយតម្លៃនៅតាមទីក្រុងធំៗ ជាច្រើនកំពុងកើនឡើងជាលំដាប់។
ការកែលម្អនេះកំពុងឈានដល់ទំនុកចិត្តអ្នកប្រើប្រាស់ដែលបានកើនឡើងដល់កម្រិតខ្ពស់បំផុតក្នុងរយៈពេលជាងមួយឆ្នាំ ដោយផ្នែកខ្លះលើការរំពឹងទុកសម្រាប់ការកើនឡើងតម្លៃផ្ទះបន្តទៀត៕
