ដោយ ប៊ី
ភ្នំពេញ៖ ស្ថិតក្នុងភាពមិនប្រាកដប្រជាអំពីកន្លែងដែលសង្គ្រាមពាណិជ្ជកម្មរវាងអាមេរិក និងចិននឹងបញ្ចប់ ក្រុមហ៊ុនផលិតចិនកំពុងស្ទាក់ស្ទើរក្នុងការប៉ុនប៉ងផ្លាស់ប្តូរផលិតកម្មទៅក្រៅប្រទេស។
ខណៈពេលដែលមានការខ្នះខ្នែងឆ្ពោះទៅរកការផ្លាស់ប្តូរទាំងនេះ ក្រុមហ៊ុនផលិតជាច្រើនមានការប្រយ័ត្នប្រយែងអំពីកង្វះបច្ចេកទេសទំនើប និងការដាក់ទុនវិនិយោគនៅក្នុងតំបន់គោលដៅ។ នេះបើយោងតាមការចុះផ្សាយរបស់កាសែត Nikkei របស់ជប៉ុន។
ការខ្នះខ្នែងនេះកើតចេញពីការដាក់ទណ្ឌកម្មរបស់អាមេរិក និងពីផែនការរបស់ទីក្រុងវ៉ាស៊ីនតោនក្នុងការដាក់ពន្ធបន្ថែមលើស្មាតហ្វូន ប្រដាប់ប្រដាក្មេងលេង និងរបស់ផ្សេងទៀតនៅថ្ងៃទី ១៥ ខែ ធ្នូ។
អ្នកតំណាងក្រុមហ៊ុនផលិតសម្លៀកបំពាក់អំបោះចាក់មួយនៅតំបន់ស្វយ័តស៊ីនជាំង បាននិយាយថា ក្រុមហ៊ុនកំពុងបារម្ភថា ផលប៉ះពាល់នៃពន្ធថ្មីនឹងកើតមាន។
ក្រុមហ៊ុនបានផ្លាស់ប្តូរការបញ្ជូនការបញ្ជាទិញដល់អតិថិជនអាមេរិករបស់ខ្លួនដើម្បីគេចពីពន្ធគយបន្ថែម យ៉ាងហោចណាស់សម្រាប់ពេលបច្ចុប្បន្ននេះ។ ក្រុមហ៊ុនដែលដឹកជញ្ជូនសម្លៀកបំពាក់របស់ខ្លួននៅជុំវិញពិភពលោកទទួលបាន ២០ ភាគរយ នៃការលក់របស់ខ្លួនពីអាមេរិក។
ប្រសិនបើពន្ធគយបន្ថែមត្រូវបានធ្វើឡើងតាមការគ្រោងទុក ពន្ធនេះនឹងជះឥទ្ធិពលយ៉ាងខ្លាំងដល់ប្រតិបត្តិការរបស់ក្រុមហ៊ុន។អ្នកផលិតសម្លៀកបំពាក់អំបោះចាក់បានពិចារណាផ្លាស់ប្តូរទីតាំងផលិតកម្មមកកាន់កម្ពុជាដែលជាកន្លែងដែលនាយកប្រតិបត្តិម្នាក់របស់ខ្លួនបានទៅទស្សនៈកិច្ចសួនឧស្សាហកម្មមួយ។ នាយកប្រតិបត្តិបានខកចិត្តនឹងបច្ចេកវិទ្យាចាស់ដែលប្រើដោយក្រុមហ៊ុនផលិត និងក្រុមហ៊ុននៅកម្ពុជាផ្សេងទៀត។
ចាប់តាំងពីពេលនោះមក ថ្នាក់គ្រប់គ្រងបានបោះបង់ចោលគម្រោងផ្លាស់ប្តូរទីតាំងដោយបារម្ភថា ក្រុមហ៊ុនអាចប្រឈមនឹងការចំណាយខ្ពស់នៅកម្ពុជាជាងនៅស៊ីនជាំង បើទោះបីជាមានការដាក់ទណ្ឌកម្មក៏ដោយ។
នៅពេលដែលទីក្រុងវ៉ាស៊ីនតោនដំឡើងពន្ធក្នុងខែ ឧសភា អ្នកផលិតខោខូវប៊យនៅក្វាងចូវបានបាត់បង់ការបញ្ជាទិញភាគច្រើនដែលខ្លួនបានទទួលពីអាមេរិកដែលជាទីផ្សារសំខាន់របស់ខ្លួន។
គូប្រជែងរបស់ខ្លួនបានបង្ហាញកាន់តែច្បាស់ និងផ្លាស់ប្តូរទីតាំងផលិតកម្មទៅវៀតណាម និងប៉ាគីស្ថាន ដូច្នេះផលិតផលរបស់ពួកគេអាចរួចផុតពន្ធគយ។ ជាលទ្ធផល ពួកគេបានបន្តទទួលការបញ្ជាទិញពីអាមេរិក។ ក្រុមហ៊ុនក្វាងចូវក៏បានពិចារណាផលិតកម្មនៅក្រៅប្រទេសផងដែរ ប៉ុន្តែក្រុមហ៊ុនទំហំតូចបានរារាំងមិនឱ្យធ្វើតាមគំនិតនេះ។
ផ្ទុយទៅវិញ អ្នកផលិតខោខូវប៊យបានផ្តោតលើការស្វែងរកអតិថិជនមិនមែនអាមេរិក។ជាមួយនឹងអ្នកផលិតខោខូវប៊យខ្នាតមធ្យម និងខ្នាតតូចជាច្រើន ឧស្សាហកម្មនេះកំពុងច្របាច់ខ្លួនដើម្បីប្រាក់ចំណេញ មុនពេលអាមេរិកចាប់ផ្តើមប្រើប្រាស់ពន្ធគយជាឧបករណ៍ការចរចាពាណិជ្ជកម្ម។
ការយកពន្ធថ្មីនេះបានផ្តល់ផលប៉ះពាល់យ៉ាងធ្ងន់ធ្ងរដល់ឧស្សាហកម្មដែលពឹងផ្អែកលើអាមេរិកដែលជាអតិថិជនសំខាន់។នាយកប្រតិបត្តិទទួលបន្ទុកផ្នែកលក់នៅក្រុមហ៊ុនផលិតខោខូវប៊យក្វាងចូវអាចនិយាយបានថា “ខ្ញុំជឿជាក់ថា សង្គ្រាមពាណិជ្ជកម្មអាមេរិក និងចិននឹងត្រូវបានដោះស្រាយឆាប់ៗ”៕
