ដោយ Donald Lee
ភ្នំពេញៈ ប្រធានាធិបតីអាមេរិកលោក Donald Trump និងមេដឹកនាំចិនលោកស៊ី ជីនពីងបានឈានដល់កិច្ចព្រមព្រៀង លើកិច្ចព្រមព្រៀងពាណិជ្ជកម្មដំណាក់កាលទី១ ដោយជោគជ័យ។ នេះបើយោងតាមរបាយការណ៍នៅក្នុងប្រព័ន្ធផ្សព្វផ្សាយអាមេរិក។
កិច្ចព្រមព្រៀងដំណាក់កាលទី១ នឹងត្រូវពន្យាពេលលើការតំឡើងពន្ធគយដែលបានគ្រោងទុកនៅថ្ងៃទី១៥ ខែ ធ្នូ លើទំនិញចិនដែលមានតម្លៃ១៦០ ពាន់លានដុល្លារ និងពន្ធទាបដែលបានដាក់រួចហើយ។ ចំពោះភាគីខាងកិច្ចព្រមព្រៀងរបស់ទីក្រុងប៉េកាំងបានយល់ព្រមបង្កើនទំនិញកសិកម្មរបស់អាមេរិក។
លោក Trump បានបញ្ជាក់លើបណ្តាញសង្គម Twitter ថា កិច្ចព្រមព្រៀងពាណិជ្ជកម្មមួយជិតមកដល់ហើយ។
លោក Trump បានសរសេរលើបណ្តាញសង្គម Twitter កាលពីថ្ងៃព្រហស្បតិ៍ “ការទទួលបានការជិតមកដល់ នៃកិច្ចព្រមព្រៀងដ៏ធំមួយជាមួយចិន។ពួកគេចង់បានវា ហើយយើងក៏ដូច្នេះដែរ!”។
សំណុំបែបបទមួយចំនួន នៃកិច្ចព្រមព្រៀងពាណិជ្ជកម្មរវាងអាមេរិក និងចិនត្រូវបានរំពឹងថា នឹងត្រូវបានបង្កើតជាផ្លូវការនៅចុងសប្តាហ៍នេះ។ ភាគីទាំងពីរមិនអាចឈានដល់កិច្ចព្រមព្រៀងស្តីពី កិច្ចព្រមព្រៀងដំណាក់កាលទី១ ដើម្បីបញ្ចប់សង្គ្រាមពាណិជ្ជកម្មរយៈពេល១៧ខែនេះទេ។
អង្គការសហប្រតិបត្តិការ និងអភិវឌ្ឍន៍សេដ្ឋកិច្ច (OECD) បានបញ្ជាក់ថា ផលប៉ះពាល់នៃសង្រ្គាមពាណិជ្ជកម្មអាមេរិក និងចិន បានបណ្តាលឱ្យកំណើនសេដ្ឋកិច្ចពិភពលោកធ្លាក់ចុះដូចកម្រិតវិបត្តិហិរញ្ញវត្ថុដ៏ធំកាលពី១០ឆ្នាំមុន។
ទន្ទឹមនឹងនេះប្រព័ន្ធផ្សព្វផ្សាយរដ្ឋចិន បានចេញផ្សាយរបាយការណ៍ដែលហាក់ដូចជា បង្ហាញពីការរៀបចំនៃការឈានទៅរកការធ្លាក់ចុះ នៃទំនាក់ទំនងជាមួយអាមេរិកឬការសង្កត់ធ្ងន់ លើការផ្តោតលើតម្រូវការក្នុងស្រុក និងពឹងផ្អែកតិចលើពាណិជ្ជកម្ម។
របាយការណ៍មួយក្នុងកាសែត Global Times របស់ចិនបានឱ្យដឹងថា “ក្នុងពេលមានសង្គ្រាមពាណិជ្ជកម្ម និងការធ្លាក់ចុះនៃសេដ្ឋកិច្ច ការអភិវឌ្ឍសេដ្ឋកិច្ចបច្ចុប្បន្នគឺជាបញ្ហានយោបាយកំពូលរបស់ប្រទេស។
របាយការណ៍នេះបានបន្ថែមទៀតថា “ដើម្បីអភិវឌ្ឍសេដ្ឋកិច្ច ការធ្វើឱ្យសង្គមសកម្មភាពនៅក្នុងគ្រប់វិស័យគឺចាំបាច់។ គំនិតផ្តួចផ្តើមសម្រាប់ការវិនិយោគ និងការប្រើប្រាស់គឺមានសារៈសំខាន់ណាស់”។
ប្រព័ន្ធផ្សព្វផ្សាយក្រុងប៉េកាំង ក៏បានផ្តល់យោបល់ផងដែរថា ការកើនឡើងរបស់ចិនគឺជិតមកដល់ហើយ ហើយនឹងក្លាយជាអ្នកដើរតួយ៉ាងសំខាន់ លើពិភពលោកទាំងផ្នែកសេដ្ឋកិច្ច និងនយោបាយ។
អត្ថាធិប្បាយមួយនៅលើកាសែត Global Times ដែលគ្រប់គ្រងដោយចិនបានឱ្យថា “ចិនគឺជាប្រទេសសំខាន់ និងជាប្រទេស ដែលមានការរីកចម្រើនលឿនបំផុត នៅអាស៊ី។ ក្នុងនាមជាប្រទេសមានសេដ្ឋកិច្ចធំទី២នៅលើពិភពលោក ចិននឹងដើរតួនាទីយ៉ាងសំខាន់ ក្នុងការកសាងសណ្តាប់ធ្នាប់អាស៊ីថ្មី និងថែរក្សាសន្តិភាព និងស្ថិរភាពនាពេលអនាគត”។
អត្ថាធិប្បាយនេះបានបន្ថែមថា “ចិន និងបណ្តាប្រទេសអាស៊ីដទៃទៀត គួរតែចាប់យកឱកាសជាប្រវត្តិសាស្ត្រ ផ្តោតលើការអភិវឌ្ឍន៍របស់ខ្លួន ហើយព្យាយាមធ្វើឱ្យបណ្តាប្រទេសនៅអាស៊ី មានការសម្រេចចិត្តកាន់តែធំនៅក្នុងពិភពលោក។ នៅពេលដែលប ណ្តាប្រទេសអាស៊ី ឈប់ដើរតាមបស្ចិមប្រទេសសតវត្សរ៍អាស៊ីពិតប្រាកដនឹងចាប់ផ្តើម”៕
