ដោយ វុត្ថា
ភ្នំពេញ៖ ក្រុមហ៊ុនអចលនទ្រព្យលំដាប់ពិភពលោក CBRE Cambodia ត្រូវបានតែងតាំងជាផ្លូវការ ដោយក្រុមហ៊ុន DTT Property Management Co.,Ltd ជាភ្នាក់ងារគ្រប់គ្រងអចលនទ្រព្យ សម្រាប់ការិយាល័យធ្វើការ ក្នុងអគារ Diamond Twin Tower នៅកោះពេជ្រ ដែលស្ថិតនៅក្នុង អគារ Phoenix Bridge នៅទីក្រុងកោះពេជ្រ។
យោងតាមសេចក្តីប្រកាសព៌តមានរបស់ក្រុមហ៊ុន CBRE CAMBODIAបានឲ្យដឹងនាល្ងាចថ្ងៃទី៨ កុម្ភៈនេះថា ក្រុមហ៊ុនទាំងពីរនឹងចុះ ហត្ថលេខាជាផ្លូវការនៅថ្ងៃនេះ នៅកន្លែងដាក់តាំងបង្ហាញអគារ Diamond Twin Tower ។ លោកស្រី Borapich Dan ប្រធានក្រុមហ៊ុន DTT Property Management Co.,Lted បានចុះកិច្ចព្រមព្រៀង ក្នុងនាមជាប្រតិបត្តិករអគារ។ ចំណែកលោក ស្រី Sothida Ann ជាប្រធាន និងជាតំណាងក្រុមហ៊ុនCBRE Cambodia។
Diamond Twin Tower បានកាន់កាប់ទីតាំងសំខាន់ ស្ថិតនៅជាប់ផ្លូវចូលច្រាំងទន្លេកោះពេជ្រ និងរួមទាំងអគារចំនួន២ ដែលរួមបញ្ចូលទាំងអគារកំពស់ ៣២ជាន់ ដែលផ្តល់សេវាផ្នែកអាផាតមិន៣៥២Unites និងអគារការិយាល័យចំនួន៣០ជាន់ ជាទីតាំងសម្រាប់ជួល ដែលមានបំពាក់នូវបរិក្ខាទាំងនៅបន្ទប់ទទួលភ្ញៀវ និងចំណតរថយន្តផ្ទាល់ដី។ គម្រោងនេះ នឹងចាប់ផ្តើមដំណើរចាប់ពីឆ្នាំ ២០១៨នេះតទៅ។
លោកស្រី Sothida Ann នាយកប្រចាំប្រទេសនៃក្រុមហ៊ុន CBRE Cambodia បានបញ្ជាក់ថា ក្រុមហ៊ុនរីករាយក្នុងការអនុវត្តគម្រោងនេះ ដោយបានលើកឡើងថា ក្រុមហ៊ុនCBRE Cambodia មានការរីករាយ ដែលត្រូវបានជ្រើសរើស ដើម្បីជួយ ក្នុងការសម្ភោធអគារ Diamond Twin Towerមួយ ដែលមានប្រវត្តិល្បីល្បាញរបស់ភ្នំពេញដោយប្រើប្រាស់ការអភិវឌ្ឍន៍រួមគ្នា។
អ្នកនាងបន្តថា “តាមរយៈការផ្តល់នូវសេវារៀបចំ ពួកយើងបានធ្វើការងារ តាមបែបស្តង់ដារអន្តរជាតិ” ។ អ្នកនាងបន្ថែមថា “ក្រុមហ៊ុន CBRE Cambodia របស់យើងជឿជាក់ថា យើងអាចបង្កើតអត្ថប្រយោជន៍ សម្រាប់អ្នកកាន់កាប់អគារ Diamond Twin Tower ដោយធានាថា នឹងអាចក្លាយទៅជាកន្លែងដែលគួរអោយចង់បាន សម្រាប់អ្នកកាន់កាប់ពាណិជ្ជកម្ម ក្នុងសង្កាត់ទន្លេបាសាក់ដែលមានការរីកចម្រើនយ៉ាងលឿននេះ”៕
