ដោយ Donald Lee
ភ្នំពេញ៖ សេដ្ឋកិច្ចរបស់ប្រទេសថៃនៅតែបន្តធ្វើឱ្យអ្នកវិនិយោគ និងអ្នកវិភាគព្រួយបារម្ភ ខណៈសេដ្ឋកិច្ចថៃនឹងបញ្ចប់នៅឆ្នាំ ២០១៩ ជាមួយនឹងកំណើនផលិតផលសរុបក្នុងស្រុកយឺតបំផុតក្នុងរយៈពេល ៥ ឆ្នាំ ហើយរំពឹងថានឹងមិនឆ្លើយតបនឹងការព្យាករណ៍ឆ្នាំ ២០២០ ទេ។
ធនាគារថៃ បានឱ្យដឹងថា សេដ្ឋកិច្ចបានកើនឡើងត្រឹមតែ ២,៥ ភាគរយនៅក្នុងឆ្នាំ ២០១៩ និងបានបន្ទាបការព្យាករណ៍របស់ខ្លួនកាលពីឆ្នាំ ២០២០ ដល់ ២,៨ ភាគរយនៃកំណើនផលិតផលក្នុងស្រុកសរុប។ ប្រទេសដែលពឹងផ្អែកលើការនាំចេញនេះ ដូចជាភាគច្រើននៅអាស៊ី បានរងផលប៉ះពាល់យ៉ាងធ្ងន់ធ្ងរដោយសារសង្គ្រាមពាណិជ្ជកម្មរវាងអាមេរិក និងចិន។ ធនាគារកណ្តាលបានឱ្យដឹងថា ខ្លួនរំពឹងថាការនាំចេញនឹងធ្លាក់ចុះ ៣,៣ ភាគរយនៅឆ្នាំ ២០១៩។
របាយការណ៍ធនាគារកណ្តាលបានប្រកាសកាលពីថ្ងៃ ព្រហស្បតិ៍ ថា “ការនាំចេញទំនិញត្រូវបានព្យាករណ៍ថានឹងងើបឡើងវិញយឺតជាងការរំពឹងទុក ដោយសារតែការធ្លាក់ចុះនៃទំហំពាណិជ្ជកម្មពិភពលោកដែលរងផលប៉ះពាល់ដោយភាពតានតឹងពាណិជ្ជកម្ម និងផលប៉ះពាល់នៃការផ្លាស់ប្តូររចនាសម្ព័ន្ធនៅក្នុងសេដ្ឋកិច្ចថៃលើវិស័យនាំចេញ”។ រូបិយប័ណ្ណរបស់សេដ្ឋកិច្ចអាស៊ានធំជាងគេទី ២ បានស្ថិតក្នុងចំណោមប្រទេសកើនឡើងខ្លាំងជាងគេបំផុតនៅលើពិភពលោកក្នុងរយៈពេលមួយឆ្នាំកន្លងមកនេះ។
ប្រាក់បាតឡើងថ្លៃជាងរូបិយប័ណ្ណផ្សេងៗទៀតនៅអាស៊ី។ វិនិយោគិនបរទេសក៏បានសម្លឹងមើលកន្លែងផ្សេងទៀត នៅពេលប្រាក់បាតឡើងថ្លៃពេញមួយឆ្នាំ ២០១៩ ដែលបានក្លាយជារូបិយប័ណ្ណមួយក្នុងចំណោមរូបិយប័ណ្ណដែលបានឡើងថ្លៃខ្លាំងបំផុតនៅលើពិភពលោក។ តម្លៃប្រាក់បាតបានធ្វើឱ្យកំណើនសេដ្ឋកិច្ចមានតម្លៃខ្ពស់ធ្លាក់ចុះ ដូចជាវិស័យអចលនទ្រព្យ រហូតដល់វិស័យទេសចរណ៍ជាដើម៕
