ដោយវុត្ថា
សឹង្ហបុរី៖ តាមការកត់ត្រារបស់ក្រុមប្រឹក្សាអភិវឌ្ឍន៍កម្ពុជា គិតត្រឹមខែធ្នូ ឆ្នាំ២០១៩ ការវិនិយោគរបស់សិង្ហបុរីនៅកម្ពុជាមានទឹកប្រាក់សរុបប្រមាណ ១.៣៥៥លានដុល្លារអាមេរិក ដែលបានបង្កើតការងារចំនួនប្រមាណជាង ១៥ម៉ឺនកន្លែង។
លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៏កម្ពុជា បានឱ្យដឹងបែបនេះ នៅក្នុងការចូលរួមជាវាគ្មិនកិត្តិយសនៅក្នុងសិក្ខាសាលាស្តីពី កិច្ចសន្ទនាធុរកិច្ចកម្ពុជា- សិង្ហបុរី” ថ្ងៃទី១៥ ខែមករា ឆ្នាំ២០២០ ដោយមានការចូលរួមពីអ្នកវិនិយោតសិង្ហបុរីចំនួនប្រមាណ ១០០រូប។
សិក្ខាសាលានេះត្រូវបានរៀបចំឡើងក្នុងគោលបំណងចែករំលែកព័ត៌មានជូនដល់អ្នកវិនិយោគ សិង្ហបុរី អំពីការវិវត្តសំខាន់ៗនៅកម្ពុជាពាក់ព័ន្ធនឹងកាលានុវត្តភាពធុរកិច្ចនិងវិនិយោត ក៏ដូចជាការដាក់ចេញនូវវិធានការថ្មីៗរបស់រាជរដ្ឋាភិបាលកម្ពុជាក្រោម ការមី ក នាំប្រកបដោយតតិបណ្ឌិតរបស់សម្តេចតេជោនាយករដ្ឋមន្រ្តី សំដៅធ្វើឱ្យកាន់តែប្រសើរឡើងនូវបរិយាកាសធុរកិច្ច និងវិនិយោគទៅកម្ពុជា។
លោក សុខ ចិន្តាសោភា ឱ្យដឹងថា កម្ពុជា សម្រេចបាននូវសមិទ្ធិផលសំខាន់ជាច្រើននារយៈពេល២ទស្សវត្សរ៍កន្លងមក បន្ទាប់ពីការសម្រេចបាននូវសុខសន្តិភាពពេញលេញលើផ្ទៃប្រទេសតាមរយៈនយោបាយឈ្នះ-ឈ្នះរបស់ សម្តេចតេជោនាយករដ្ឋមន្ត្រី។
លោករដ្ឋមន្រ្តីបានផ្តែងអំណរគុណដល់អ្នកវិនិយោគសិង្ហបុរីដែលបានផ្តល់ទំនុកចិត្តដល់រាជរដ្ឋាភិបាលកម្ពុជា តាមរយៈការបណុកក់ទុនពេលកន្លងមក និងបានលើកទឹកចិត្តឱ្យអ្នកវិនិយោតសិង្ហបុរីបង្កើនការវិនិយោគនៅកម្ពុជាបន្ថែមទៀត។ លោកថា ដើម្បីជំរុញការវិនិយោគទ្វេភាគី រដ្ឋាភិបាលនៃប្រទេសទាំងពីរបានចុះហត្ថលេខាលើ កិច្ចព្រមព្រៀងស្ដីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពាក់ព័ន្ធនឹងពន្ធលើប្រាក់ចំណូលនៅថ្ងៃទី២០ ខែឧសភា ឆ្នាំ២០១៦ ដែលជាកិច្ចព្រមព្រៀងទីមួយរបស់កម្ពុជាជាមួយដៃគូជាមិត្ត។
លោក សុខ ចិន្តាសោភា បានរំលឹកពីការចូលជាធរមាននៃសហគមន៍សេដ្ឋកិច្ចអាស៊ាន ដែលជាកត្តាជំរុញលំហូរពាណិជ្ជកម្ម និងវិនិយោគនៅក្នុងតំបន់។ ក្នុងន័យនេះ លោកបានជំរុញឱ្យអ្នកវិនិយោគសិង្ហបុរីពិចារណាធ្វើការវិនិយោគនៅកម្ពុជាក្នុងសកម្មភាពដែរចូលរួម ក្នុងខ្សែក្រវាក់តម្លៃតំបន់។ ទន្ទឹមនឹងនេះ លោក បានជំរុញឱ្យមានការវិនិយោគក្នុងសកម្មភាពកែច្នៃកសិផល និងសកម្មភាពគាំទ្រក្នុងវិស័យទេសចរណ៍ ដើម្បីប្រើប្រាស់ឱ្យអស់នូវសក្តានុពលដ៏សម្បូរបែបរបស់កម្ពុជាក្នុងវិស័យទាំងនេះ។
លោក ធៀន តៃ ជីវ (Thian Tai Chew) នាយកប្រតិបត្តិសហព័ន្ធធុរកិច្ចសិង្ហបុរី បានវាយតម្លៃខ្ពស់ចំពោះកំណើនសេដ្ឋកិច្ចដ៏ត្រចះត្រចង់ដែលកម្ពុជាសម្រេចបាននាពេលកន្លងមក ដែលស្តែងចេញ ពីការខិតខំប្រឹងប្រែងរបស់រាជរដ្ឋាភិបាលកម្ពុជា។
លោកបានបន្ថែមថា កម្ពុជាជាគោលដៅវិនិយោគដ៏ សំខាន់របស់អ្នកវិនិយោតសិង្ហបុរី ដោយរបាយការអង្កេតថ្មីបំផុតរបស់សហព័ន្ធធុរកិច្ច សិង្ហបុរីបានបង្ហាញថា កម្ពុជាជាប់ចំណាត់ថ្នាក់ទី៧ ក្នុងចំណោមប្រទេសដែលអ្នកវិនិយោតសិង្ហបុរីមានចំណាប់អារម្មណ៍ធ្វើការបណ្តាក់ទុន។
ទន្ទឹមនឹងវិធានការកែទម្រង់នានាដែលរាជរដ្ឋាបាលកម្ពុជាបាន និងកំពុងដាក់ចេញ លោក ចេង ឆៃ ជីវបានបង្ហាញពី សុទិដ្ឋិនិយម អំពី ការសម្រេចចិត្តរបស់ធុរជន និងអ្នកវិនិយោតសិង្ហបុរី ក្នុងការបណ្តាក់ទុនទៅកម្ពុជា ដែលមានកាលានុវត្តភាពនៅក្នុងវិស័យជាច្រើន៕
