ដោយវុត្ថា
ភ្នំពេញៈ ដោយមិនគិតពីអតិតកាល ប្រទេសជប៉ុនគឺជាដៃគូដ៏ខាន់របស់កម្ពុជាក្នុងការជួយអភិវឌ្ឍន៍ លើកគ្រប់វិស័យនៅទូទាំងប្រទេសកម្ពុជា ដោយឡែកគម្រោងហេដ្ឋារចនាសម្ព័ន្ធ និងដឹកជញ្ជូនធំៗចំនួន១០ ដែលប្រទេសជាមិត្តរបស់កម្ពុជាមួយនេះ បាននឹងកំពុងជួយស្តារ និងលើកកម្ពស់សេដ្ឋកិច្ចកម្ពុជាឱ្យមានការរីកចំរើនជាបន្តបន្ទាប់។
១ គម្រោងសាងសង់ពង្រីកផ្លូវជាតិ លេខ៥
គម្រោងធ្វើឱ្យប្រសើរឡើងវិញ នូវកំណាត់ផ្លូវជាតិលេខ៥ គឺជាគម្រោងក្រោមឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា (JICA)។ គម្រោងនេះនឹងពង្រីកពី២គន្លង ទៅ៤គន្លង គឺផ្តើមសាងសង់ចេញពីព្រែកក្តាម រហូតដល់ក្រុងប៉ោយប៉ែត មានប្រវែងសរុប៣៦៦គីឡូម៉ែត្រ ដែលគ្រោងចំណាយថវិកាប្រមាណ៥០០លានដុល្លារ។
២ គម្រោងពង្រីកកំពង់ផែស្វយ័តក្រុង ព្រះសីហនុ
ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានជួយក្នុងការអភិវឌ្ឍកំពង់ផែ និងការពង្រឹងសមត្ថភាពតំបន់សេដ្ឋកិច្ចពិសេស នៅកំពង់ផែក្រុងព្រះសីហនុ តាមរយៈការផ្តល់ហិរញ្ញប្បទានឥតសំណង កិច្ចសហប្រតិបត្តិការបច្ចេកទេស និងកម្ចីហិរញ្ញប្បទាន។
កំពង់ផែស្វយ័តក្រុងព្រះសីហនុ គឺជាកំពុងផែសមុទ្រទឹកជ្រៅអន្តរជាតិ តែមួយគត់ ក្នុងប្រទេសកម្ពុជា ស្ថិតនៅក្នុងខេត្តព្រះសីហនុ ដែលជាច្រករបៀងសេដ្ឋកិច្ចភាគខាងត្បូងរវាងរាជធានីភ្នំពេញ និងខេត្តព្រះសីហនុ។
៣ គម្រោងប្រើ ប្រាស់ប្រព័ន្ធPort EDIនៅកំពង់ផែ
គម្រោងប្រព័ន្ធកំពង់ផែ Electronic Data Interchange(EDI) ដែលស្ថិតក្រោមជំនួយឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិ JICA ក្នុងទឹកប្រាក់ប្រមាណជា១៤លានដុល្លារអាមេរិក នឹងដាក់ឲ្យដំណើរការនៅខែមេសា ឆ្នាំ២០២១ ខាងមុខនេះ។
ប្រព័ន្ធផ្លាស់ប្តូរទិន្នន័យអេឡិចត្រូនិកសម្រាប់កំពង់ផែឬ Electronic Data Interchange គឺជាប្រព័ន្ធដែលត្រូវបានប្រើប្រាស់ ដើម្បីគ្រប់គ្រងព័ត៌មានប្រកបដោយប្រសិទ្ធិភាពលើប្រតិបត្ដិការនាំចេញនាំចូលរបស់ទំនិញ ដែលនឹងធ្វើឲ្យនីតិវិធីកំពង់ផែ។
៤ ផែនការមេភស្តុភារកម្ម
ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានធ្វើផែនការមេរយៈពេល៥ឆ្នាំ ដើម្បីកែលម្អប្រព័ន្ធភស្តុភារកម្ម (បណ្តាញដឹកជញ្ជូនទំនិញ) ជាការជួយជំរុញវិស័យដឹកជញ្ជូនទំនិញ (Logistics) នៅកម្ពុជា ឲ្យប្រើពេលវេលាកាន់តែតិច ដឹកទំនិញបានលឿន និងមានតម្លៃថោក។
ការជួយជ្រោមជ្រែងពីមិត្តជប៉ុននេះ ក្នុងគោលដៅធ្វើឲ្យបណ្ដាញដឹកជញ្ជូន នៅកម្ពុជា មានតម្លៃប្រហាក់ប្រហែលប្រទេសជិតខាង ខណៈកម្ពុជានាពេលបច្ចុប្បន្ន វិស័យដឹកជញ្ជូនទំនិញ មានតម្លៃខ្ពស់ជាងប្រទេសជិតខាង និងបណ្តាប្រទេសជាច្រើននៅក្នុងតំបន់ និងពិភពលោក។
៥ ប្រព័ន្ធប្រតិបត្តិការរថភ្លើងស្វ័យប្រវត្តិ(AGT)
ទីភ្នាក់ងាសហប្រតិបត្តិការអន្តរជាតិជប៉ុន (JICA) បានការសិក្សាគម្រោងសាងសង់រថភ្លើងស្វ័យប្រវត្តិ AGT នៅរាជធានីភ្នំពេញ។គម្រោងរថភ្លើងស្វ័យប្រវត្តិ AGT គឺជាដំណោះស្រាយលើការដឹកជញ្ជូនអ្នកដំណើរក្នុងក្រុងភ្នំពេញ ដើម្បីកាត់បន្ថយការកកស្ទះចរាចរណ៍ ហើយក៏ដើម្បីត្រៀមសម្រាប់ការប្រកួតកីឡាស៊ីហ្គេមនៅឆ្នាំ២០២៣ ខាងមុខនេះផងដែរ។
ការសិក្សាគម្រោងខាងលើ គឺត្រូវបានបញ្ជប់ ក៏ប៉ុន្តែ ក្រសួងមិនទាន់ទទួលបានឯកសារនានាស្តីអំពីព័ត៌មានលំអិតនៃគម្រោងនេះនៅឡើយទេ។
៦ គម្រោងមេគង្គ-ជប៉ុនដើម្បីជំរុញការដឹកជញ្ជូនតាមផ្លូវទឹក
ក្រសួងសាធារណៈការ និងដឹកជញ្ជូនបាននិងកំពុងសិក្សា ជំរុញអោយមានការដឹកជញ្ជូនតាមផ្លូវទឹកស្របតាមគម្រោងមេគង្គ- ជប៉ុន ដើម្បីជំរុញការដឹកជញ្ជូនតាមផ្លូវទឹក ដែលរដ្ឋាភិបាលទាំងពីរបានដាក់ចេញ។ គម្រោងនេះ នឹងជួយឱ្យការដឹកជញ្ជូនតាមផ្លូវទឹករបស់កម្ពុជាកាន់តែប្រសើរឡើងថែមទៀត ដើម្បីជួយសម្រួលដល់ការដឹកជញ្ជូនទំនិញ និងការធ្វើដំណើររបស់ប្រជាពលរដ្ឋកម្ពុជា។
ក្រៅពីនេះ ក្រសួងសាធារណៈការ និងដឹកជញ្ជូបាននឹងកំពុងធ្វើការជាមួយទីភ្នាក់ងារ JICA ដើម្បីសម្រប សម្រួលរវាងកម្ពុជានិងភាគីថៃទាក់ទងនឹងការបើកច្រកទ្វារព្រំដែនអន្តរជាតិស្ទឹងបត់ (ស្ពានស្ទឹងបត់)ជាបណ្ដោះអាសន្ន ដើម្បីសម្រួលដល់ការកកស្ទះចរាចរណ៍ពីការដឹកជញ្ជូនឆ្លងកាត់ព្រំដែន នៅច្រកទ្វារព្រំដែនអន្តរជាតិប៉ោយប៉ែតជាប់ព្រំដែនថៃ ខណៈកំពុង រង់ចាំការបញ្ចប់ការសាងសង់អគាររដ្ឋបាលជាដើម៕
