ដោយ ប៊ី
ភ្នំពេញ៖ ចំនួនអាផាតមិនយូនីតសរុបកើនឡើង ២៣៤ យូនីត ស្មើនឹង ២,៧២៥ យូនីតក្នុងឆមាសទី ៤ ឆ្នាំ ២០១៩ កើនឡើង ២៨ ភាគរយ បើធៀបនឹងនៅត្រីមាសទី ៤ ឆ្នាំ ២០១៨ ខណៈអគារអាផាតមិនថ្មីចំនួន ៣ បានបញ្ចប់ការសាងសង់នៅឆមាសទី ២ នៃឆ្នាំ ២០១៩ រួមមានអាគារអាផាតមិន Grade A ចំនួន ១ អាគារ និង Grade B ចំនួន២ អាគារ។ នេះបើយោងតាមរបាយការណ៍ចុងក្រោយរបស់ក្រុមហ៊ុន CBRE Cambodia។
របាយការណ៍បានឱ្យដឹងថា ខណៈការផ្គត់ផ្គង់អាផាតមិន Grade B បច្ចុប្បន្នលើសពីចំនួន Grade A នេះត្រូវបានរំពឹងថានឹងវិលត្រឡប់មកវិញក្នុងកំឡុងឆ្នាំ ២០២០ នៅពេលដែលទីផ្សារអាផាតមិនលំដាប់ប្រណីតត្រូវបានកំណត់ដើម្បីគ្រប់គ្រងការផ្គត់ផ្គង់ថ្មី។
របាយការណ៍ បានបញ្ជាក់ថា “ការកាន់កាប់អាផាតមិននៅតែមានភាពរឹងមាំនៅទូទាំងទីផ្សារជាមួយនឹងអចលនទ្រព្យដែលមានគុណភាពខ្ពស់ដែលមើលឃើញអត្រានៃការកាន់កាប់មានស្ថេរភាពជាមធ្យម ៨០%។ អគារអាផាតមិនថ្មីៗត្រូវចំណាយពេលយូរដើម្បីជួល ដោយមានការប្រកួតប្រជែងពីខុនដូសម្រាប់អ្នកជួលកាន់តែដើរតួសម្រាប់ប្រកួតប្រជែង”។
ការជួលក្នុងវិស័យអាផាតមិនបានកើនឡើងនៅឆមាសទី ២ នៃឆ្នាំ ២០១៩ ដែលជំរុញដោយការផ្គត់ផ្គង់ថ្មីចូលទីផ្សារជាមួយនឹងទំហំយូនីតខុសៗគ្នា ការផ្តល់សេវាកម្ម និងគុណភាព។
ការបែងចែកថ្លៃជួលមានលក្ខណៈទូលំទូលាយណាស់ ដោយអចលនទ្រព្យ Grade A ខ្លះតម្លៃជួលរហូតដល់ ១១,០០០ ដុល្លារក្នុងមួយខែ។ នេះបើយោងតាមរបាយការណ៍ខាងលើ។
បឹងកេងកង១ បានបង្កើនចំណែកនៃការផ្គត់ផ្គង់របស់ខ្លួនក្នុងរយៈពេលពាក់កណ្តាលឆ្នាំមុន កើនឡើងដល់ ៤២% បើប្រៀបធៀបទៅនឹង ៣៨% នៅក្នុងឆមាសទីមួយ។
ជាលទ្ធផលនៃការបន្តការផ្គត់ផ្គង់របស់បឹងកេងកង ១ បន្តការគ្របដណ្តប់ក្នុងការផ្គត់ផ្គង់ ហើយចំណែកផ្សេងទៀតនៃការផ្គត់ផ្គង់ក្នុងខណ្ឌផ្សេងទៀតមានកំរិតមធ្យមក្នុងរយៈពេលឆមាសទី ២។
នៅឆ្នាំ ២០២០ ខណ្ឌដូនពេញ និងទួលគោកបានត្រៀមខ្លួនទទួលចំណែកផ្គត់ផ្គង់កាន់តែច្រើន ជាពិសេសប្រតិបត្តិករអន្តរជាតិពេញចិត្តនឹងទីតាំងដែលនៅជិតនឹងតំបន់ពាណិជ្ជកម្ម៕
