ក្រុមហ៊ុន​យក្ស​របស់​ចិន ចាប់ផ្តើម​សង់​មជ្ឈមណ្ឌល​ពាណិជ្ជកម្ម​លំដាប់​ពិភពលោក​នៅ​ខេត្ត​ព្រះសីហនុ

0

ដោយ គង់ សូរិយា

ភ្នំពេញ៖ ក្រុមហ៊ុន​អចលនទ្រព្យ​យក្ស​របស់​ប្រទេស​ចិន Price Real Estate Group បាននិងកំពុង​ចាប់ផ្តើម​សាងសង់​មជ្ឈមណ្ឌល​ពាណិជ្ជកម្ម និង​លំនៅដ្ឋាន​ដ៏​ធំ​មួយ​នៅ​ខេត្ត​ព្រះសីហនុ។

យោងតាម​ព៌​ត​មាន​ដែល​បង្ហាញ នៅលើ​គេហទំព័រ​របស់​ក្រុមហ៊ុន​នេះ​បាន ឲ្យ​ដឹងថា គំរោង​នេះ​មានឈ្មោះ​ព្រី​ន ខូ​លី​ណាន បេ មាន​ទីតាំង​ស្ថិតនៅ​ចំ​កណ្តាល​ខេត្ត​ព្រះសីហនុ ដែលមាន​ផ្ទៃក្រឡា​សំណង់​សរុប១៦ម៉ឺន​ម៉ែត្រការ៉េ។ គំរោង​នេះ ជា​បណ្តុំ​នូវ​មុខងារ​ជាច្រើន សម្រាប់​មជ្ឈមណ្ឌល​ពាណិជ្ជកម្ម និង​លំនៅដ្ឋាន​ស្តង់ដា​អន្តរជាតិ​នេះ រួមមាន​សណ្ឋាគារ​លំដាប់​ផ្កាយ៥ អាគារ​ស្នាក់នៅ​រួម(ខុន​ដូ) អាគារ​ពាណិជ្ជកម្ម ផ្សារ​ទំនើប អាហា​រដ្ឋា​ន និង​កន្លែង​សម្រាកលំហែរ​កាយ។

ជាមួយគ្នានេះ ក្រុមហ៊ុន​នេះ​នឹងដាក់​ឲ្យ​ដំណើរការ​សណ្ឋាគារ​ផ្កាយ៥មួយ ទៀត​ឈ្មោះ ព្រី​នស៍ ថា​ម ដែលមាន​ទីតាំងនៅ​ខេត្ត​ព្រះសីហនុ ក្នុងឆ្នាំនេះ​ផងដែរ។

តាម​ព៌​ត​មាន​របស់​ក្រុមហ៊ុន​នេះ​បាន​ឲ្យ​ដឹងថា សណ្ឋាគារ​នេះ​ស្ថិតនៅ​ក្បែរ​ឆ្នេរ​ដ៏​ស្រស់ស្អាត និង​ជា​សណ្ឋាគារ​បំពាក់​នូវ​សេវា​គ្រប់គ្រង បែប​ខ្ពស់បំផុត​លំដាប់​អន្តរជាតិ​ផងដែរ។

ក្រុមហ៊ុន Prince Real Estate Group ជា​ក្រុមហ៊ុន​អចលនទ្រព្យ​យក្ស​មួយ​របស់​ប្រទេស​ចិន ដែល​បាននិងកំពុង​អភិវឌ្ឍន៍​គំរោង​ជាច្រើន នៅ​ទីក្រុង​ភ្នំពេញ និង​ខេត្ត​ព្រះសីហនុ។ នៅ​ទីក្រុង​ភ្នំពេញ​ក្រុមហ៊ុន​នេះ​បាន​សាងសង់​រួចហើយ​នូវ​ខុន​ដូ​ប្រណីត Diamond One នៅ​ទីក្រុង​កោះ​ពេជ្រ មជ្ឈមណ្ឌល​ពាណិជ្ជកម្ម​និង​លំនៅដ្ឋាន Prince Plaza ស្ថិតនៅតាម​បណ្តោយ​មហាវិថី​ព្រះ​នរោត្តម និង​គំរោង​ជាច្រើន​ទៀត​នៅ​ទីក្រុង​កោះ​ពេជ្រ៕

LEAVE A REPLY

Please enter your comment!
Please enter your name here