ដោយ ហ្សូលី
អាមេរិកៈ ការផ្ទុះឡើងនៃវីរុសកូរ៉ូណា ក្នុងប្រទេសចិនបានធ្វើឱ្យមនុស្សរាប់លាននាក់នៅទូទាំងពិភពលោកភ័យខ្លាច នឹងរងការប៉ះពាល់ដល់ទីផ្សារហិរញ្ញវត្ថុពិភពលោក ហើយទំនងជារីករាលដាលដល់ទីផ្សារ អចលនទ្រព្យប្រណីត របស់សហរដ្ឋអាមេរិកផងដែរ។
ខណៈពេលដែលករណីចំនួន១១ នៃវីរុសកូរ៉ូណាត្រូវបានបញ្ជាក់ច្បាស់ថា មានវត្តមាននៅលើទឹកដីអាមេរិកនោះ បានធ្វើឲ្យទីផ្សារលំនៅដ្ឋាន កំពុងទទួលរងការប៉ះពាល់យ៉ាងធ្ងន់ធ្ងរ។ អត្រាការប្រាក់កម្ចី ដែលមានទ្រព្យបញ្ចាំបានធ្លាក់ចុះ ហើយទីផ្សារអចលនទ្រព្យប្រណីត ដែលត្រូវពឹងផ្អែកលើអ្នកទិញជនជាតិចិននោះ ក៏មានបញ្ហាគួរឱ្យកត់សម្គាល់។
-->
លោក Lawrence Yun ប្រធានសេដ្ឋវិទូនៅសមាគមជាតិRealtors®បានមានប្រសាសន៍ថា “ប្រទេសចិនគឺជាប្រភពដ៏សំខាន់បំផុត នៃតម្រូវការអចលនទ្រព្យបរទេស”។លោកបន្តថា “អ្នកទិញជនជាតិចិន ដែលមានទ្រព្យសម្បត្តិស្តុកស្តម្ភច្រើន តែទិញអចលនទ្រព្យប្រណីតដូចជាខុនដូខ្ពស់ៗ នៅរដ្ឋកាលីហ្វ័រញ៉ា និងញូវយ៉កជាដើម។ ជាលទ្ធផល ទីផ្សារលំដាប់ខ្ពស់អាចរំពឹងថានឹងមានសភាពខ្សោយជាងមុន”។
យោងតាមទិន្នន័យថ្មីៗនេះរបស់NARស្តីពី អ្នកទិញបរទេសបានឲ្យដឹងថាអ្នកបញ្ជាទិញលំនៅដ្ឋានមកពីប្រទេសចិន បានចំណាយទឹកប្រាក់ប្រហែល១៣,៤ ពាន់លានដុល្លារ ចាប់ពីខែមេសាឆ្នាំ២០១៨ រហូតដល់ខែឧសភាឆ្នាំ២០១៩។
ពេលស្តាប់ទៅគួរអោយចាប់អារម្មណ៍ ព្រោះនេះជាតំណាងឱ្យការធ្លាក់ចុះចំនួន ៥៦%ធៀបនឹងរយៈពេលដូចគ្នាកាលពី១២ខែមុន។ អតិថិជនចិនបានចំណាយថវិកាតិចតួចលើអចលនទ្រព្យ ក្នុងទឹកដីសហរដ្ឋអាមេរិក ដោយសារតែរដ្ឋាភិបាលរបស់ពួកគេបានរឹតបន្តឹងច្បាប់ថា តើលុយអាចចាកចេញពីប្រទេសរកបានបានយ៉ាងដូចម្តេច? ដូចនេះច្បាប់អន្តោប្រវេសន៍របស់សហរដ្ឋអាមេរិក បានរឹតបន្តឹងហើយការចរចាពាណិជ្ជកម្មរវាងប្រទេសទាំងពីរកាន់តែឡើងកំដៅ។
ជាមួយនឹងការហាមឃាត់ជាបណ្តោះអាសន្ន ចំពោះជនបរទេសណា ដែលបានស្នាក់នៅក្នុងប្រទេសចិន ក្នុងរយៈពេលពីរសប្តាហ៍ចុងក្រោយនេះ និងការលុបចោលជើងហោះហើរជាច្រើនពីប្រទេសចិន ទៅកាន់សហរដ្ឋអាមេរិកនោះ អតិថិជនចិនភាគច្រើនមិនអាចចូលទៅអាមេរិកវិញបានទេ ដោយសារការទិញលក់ផ្ទះ ត្រូវបានសន្និដ្ឋានថាជាផែនការគ្រោងទុកមុន។
ទន្ទឹមនេះ ប្រធានសេដ្ឋវិទូDanielle Hale នៃគេហទំព័រrealtor.com®មានប្រសាសន៍ថា “ប្រាក់លើកទឹកចិត្តមានចំនួនតិចតួច ក្នុងករណីដែលទិញអចលនទ្រព្យគ្មានព័ត៌មានច្បាស់ ឬអាចនិយាយបានថា ដោយសារតែវីរុសកូរ៉ូណា បានទម្លាក់ទីផ្សារអចលនទ្រព្យប្រណីតក៏ថាបាន”៕
