ដោយៈ រ៉ាណេត
កំពតៈ បន្ថែមពីលើការផ្តល់ជូនជាកាដូយ៉ាងពិសេស ពីគម្រោងលំនៅដ្ឋានទាន់សម័យ តម្លៃសមរម្យរបស់ក្រុមហ៊ុននាគី ហ្វេមីលី ប្រផឹធី ឯ.ក ( NEAKI Family Property Co.,Ltd) ដោយការបញ្ចុះតម្លៃមិនធ្លាប់មាននោះ អតិថិជនថែមទាំងទទួលបានដំណើរកម្សាន្តយ៉ាងរីករាយ នៅតំបន់ភូមិភាគឥសាន្ត និងទឹកដីខេត្តសៀមរាបផងដែរ។
ជាការថ្លែងអំណរគុណ ចំពោះអតិថិជនដែលជឿទុកចិត្ត និងគាំទ្រគម្រោងលំនៅ ដ្ឋានបែបទាន់សម័យតម្លៃសមរម្យ ក្រៅពីមានការបណ្ចុះតម្លៃយ៉ាងពិសេស រួមជាមួយនឹងកាដូបន្ថែមជាច្រើន ជាសម្ភារៈប្រើប្រាស់ ដែលត្រូវបានបំពាក់រួចរាល់នៅក្នុងលំនៅដ្ឋាន ក្រុមហ៊ុនអភិវឌ្ឍន៍លំនៅដ្ឋាន នាគី ហ្វេមីលី ប្រផឹធី ឯ.ក ថែមទាំងរៀបចំដំណើរកម្សាន្តយ៉ាងរីករាយនៅលើទឹកដីខេត្តសៀមរាប និងខេត្តស្ទឹងត្រែងព្រំដែនប្រទេសឡាវ ដែលមានរយៈពេល២ថ្ងៃដូចគ្នា ជូនដល់អតិថិជនថែមទៀតផង។
-->
នាយិកាក្រុមហ៊ុននាគី ហ្វេមីលី ប្រផឹធី ឯ.ក លោកស្រី វ៉ាន់ សុខខេង បានមានប្រសាសន៍ប្រាប់កាលពីថ្ងៃទី២៥ ខែកុម្ភៈ ឆ្នាំ២០២០កន្លងមកថា ការបង្កើតនូវកម្មវិធីនៃដំណើរកម្សាន្តដ៏រីករាយមួយនេះ ជាការរួមចំណែកគាំទ្រដល់វិស័យទេសចរណ៍កម្ពុជា ក៏ដូចជាការថ្លែងអំណរគុណចំពោះអតិថិជន ដែលគាំទ្រលើគម្រោងលំនៅដ្ឋានទាន់សម័យតម្លៃសមរម្យក្រោម២ម៉ឺនដុល្លារ ស្ថិតនៅទឹកដីទេសចរណ៍ ដ៏មានប្រជាប្រិយភាពនៃទឹកដីខេត្តកំពត។
កម្មវិធីដំណើរកម្សាន្តសម្រាប់អតិថិជនខាងលើនេះ នឹងត្រូវធ្វើឡើងចំនួន២កម្មវិធីផ្សេងគ្នា ដោយកម្មវិធីទី១ធ្វើនៅថ្ងៃទី៧-៨ ខែមីនា ឆ្នាំ២០២០ ឆ្ពោះទៅកាន់តំបន់រ៉ាមសារ ខេត្តស្ទឹងត្រែង ជាប់ព្រំដែនកម្ពុជា-ឡាវ ដែលជាបណ្តុំប្រជុំកោះប្រមាណ៤០០០ ដោយមានកម្មវិធីកម្សាន្តជាច្រើន ដូចជាការបោះជំរុំតង់មិត្តភាពនិស្សិត និងអតីតសាកលវិទ្យាល័យនៅលើកោះលន ដែលមានអាកាសធាតុត្រជាក់ ការជិះទូកកម្សាន្តនៅតំបន់កោះ ទស្សនាតំបន់អន្លង់ផ្សោតទឹកសាប ទស្សនាទឹកធ្លាក់ព្រះនិម្មិត ទស្សនាវារីអគ្គិសនីដនសាហុង ស្វែងយល់ពីប្រជាជនចាយលុយ៤ប្រទេស ប្រើ២ភាសា រួមជាមួយនឹងកម្មវិធីសប្បាយៗជាច្រើនទៀត។
ដោយឡែកសម្រាប់កម្មវិធីទី២ នឹងត្រូវធ្វើឡើងនៅថ្ងៃទី៤-៥ ខែមេសា ឆ្នាំ២០២០ ឆ្ពោះទៅកាន់តំបន់អច្ឆរិយៈនៃទឹកដីខេត្តសៀមរាប សម្រាកនៅសណ្ឋាគារប្រណីតលំដាប់ផ្កាយ៤ ដោយមានមគ្គុទេសក៍ទេសចរជំនាញរៀបចំ ដំណើរកម្សាន្តជូននៅតាមតំបន់សំខាន់ៗជាច្រើននៅក្នុងបរិវេណអង្គរវត្ត ដែលមានរយៈពេល២ថ្ងៃ១យប់ ដោយកម្មវិធីដំនើរកម្សាន្តដ៏រីករាយនេះ នឹងផ្ដល់ជូនអតិថិជនគាំទ្រគម្រោងលំនៅដ្ឋានទាន់ សម័យតម្លៃសមរម្យរបស់ក្រុមហ៊ុន នាគី ហ្វេលីមី ប្រផឹធី ឯ.ក ទាំងឡាយណាដែលធ្វើការបង់ប្រាក់ផ្ដាច់មុនថ្ងៃទី៨ខែមីនា ឆ្នាំ២០២០ ខាងមុខនេះ ជាមួយនឹងការបញ្ចុះតម្លៃត្រឹម១៧០០០ដុល្លារតែប៉ុណ្ណោះ។
គម្រោងលំនៅដ្ឋានបែបទាន់សម័យ តម្លៃសមរម្យត្រឹម១៧,០០០ដុល្លារ មានទីតាំងស្ថិតនៅតំបន់ ដ៏មានសក្ដានុពលក្នុងវិស័យទេសចរណ៍ ពោរពេញទៅដោយសម្រស់ធម្មជាតិព្រៃភ្នំ ជាប់នឹងដៃព្រែកយ៉ាងស្រស់ស្អាត ងាយស្រួលក្នុងការរស់នៅបែបកម្សាន្តក្នុងភូមិព្រៃតម្ព ឃុំព្រៃឃ្មុំ ស្រុកទឹកឈូ ខេត្តកំពត ក្រោមការគូប្លង់ និងសាងសង់ដោយក្រុមហ៊ុន DOLPHIN INTERIOR។
ជាមួយនឹងការផ្តល់ជូននូវតម្លៃទាប អតិថិជនអាចមានជម្រើស ក្នុងការទិញដោយការបង់រំលោះប្រចាំខែរហូតដល់រយៈពេល១៥ឆ្នាំ។ ក្រុមហ៊ុនអភិវឌ្ឍន៍ ក៏បានយកចិត្តទុក ដាក់ខ្ពស់ទៅលើគុណភាពសំណង់ ស្របតាមស្ដង់ដារ និងមានចំនួនត្រឹមតែ៣០ខ្នងតែប៉ុណ្ណោះ ដោយគ្រប់លំនៅដ្ឋាននីមួយៗមាន ទំហំ ៥ X ៧ ម៉ែត្រ នៅសល់ទីធ្លាខាងមុខ២ម៉ែត្រ និងក្រោយផ្ទះ៣ម៉ែត្រ រួមជាមួយនឹងច្រកផ្លូវថ្មើរជើងខាងក្រោយទំហំ១ម៉ែត្រកន្លះ។ លំនៅដ្ឋាននេះក៏មានសល់ឌឿងហែមទំហំ២ម៉ែត្រផងដែរ សំរាប់លំនៅដ្ឋាននិមួយៗ។
គំរោងនេះ មានបន្ទប់គេងចំនួន១ បន្ទប់ទទួលភ្ញៀវចំនួន១ ចង្ក្រានបាយ១ កន្លែងលាងចាន បន្ទប់ទឹកចំនួន១ រួមនឹងការរៀបចំកន្លែងទទួលទានអាហារ យ៉ាងមានរបៀបជាទីបំផុត។ លំនៅដ្ឋានប្រណីតតំលៃសមរម្យនេះ មានផ្លូវខាងមុខផ្ទះទំហំ៨ម៉ែត្រ ហើយក្រុមហ៊ុនវិនិយោគបានរៀបចំអំពូលសូឡា សម្រាប់បំភ្លឺនៅក្នុងបរិវេណគម្រោងនេះនាពេលរាត្រីផងដែរ។
អ្វីដែលជាលក្ខណៈពិសេស នៃលំនៅដ្ឋានបែបកម្សាន្តស្ថិតក្នុងតំបន់ធម្មជាតិ ចម្ងាយប្រមាណ៣គីឡូម៉ែត្រពីរង្វង់មូលផ្លែធុរ៉េន និង៥០០ម៉ែត្រពីផ្លូវវាងក្រុងកំពត។ ក្រៅពីផ្តល់ជូននូវតម្លៃទាប ថែមទាំងមានការថែមជូនជាកាដូជាច្រើនទៀត ដែលត្រូវបានរៀបចំ និងតម្លើងនៅក្នុងលំនៅដ្ឋានរួចជាស្រេច ដូចជា គ្រែ ពូកចំនួនមួយឈុត ទូរទឹកកក ម៉ាស៊ីនត្រជាក់ សាឡុង វាំងនន ការតភ្ជាប់បណ្តាញអគ្គិសនី បណ្តាញទឹកស្អាត ប្រព័ន្ធបង្ហូរទឹក និងការកសាងផ្លូវថ្នល់ទំហំ៨ម៉ែត្រ ដែលបង្កភាពងាយស្រួលក្នុងការធ្វើដំណើរ និងការទុកដាក់យានយន្តផ្ទាល់ខ្លួន។
អតិថិជនដែលទិញលំនៅដ្ឋានតម្លៃទាបពីគម្រោងនេះ មុនថ្ងៃទី៨ ខែមីនា ឆ្នាំ២០២០ នេះ នឹងទទួលបានការបញ្ចុះតម្លៃកាន់តែអស្ចារ្យ ត្រឹមតែ១៧០០០ដុល្លារតែប៉ុណ្ណោះ។ រួសរាន់ឡើងចំនួនមានកំណត់ ត្រឹមតែ៣០ខ្នងតែប៉ុណ្ណោះ។ សម្រាប់ព័ត៌មានបន្ថែម សូមទាក់ទងតាមរយៈទូរស័ព្ទលេខ ៖ ០១២ ៦៩១ ៤៤៣ / ០៩៦ ៩៣៨ ២២ ៧៩ / ០៨៨ ៧៦៥ ៨៥ ៧៤ / ០១០ ៣៤៦ ៦២១៕
