ដោយ ៖ រ៉ាណេត
ភ្នំពេញ ៖ ស្របពេលដែលគម្រោងស្ថាបនាផ្លូវជាតិលេខ៣ ពង្រីករហូតដល់៤គន្លង ដែលកំពុងសម្រុកសាងសង់ដើម្បីបញ្ចប់ទៅតាមផែនការរបស់រាជរដ្ឋាភិបាលកម្ពុជា ពេលនេះមានក្រុមហ៊ុនធំៗ ដែលជាអ្នកអភិវឌ្ឍលើវិស័យលំនៅដ្ឋានកម្រិតមធ្យម និងក្រោមមធ្យម បាន និងកំពុងចាប់អារម្មណ៍បាញ់ឆ្ពោះទៅកាន់តំបន់នេះ ស្របពេលដែលហេដ្ឋារចនាសម្ព័ន្ធផ្លូវថ្នល់ទូទាំងតំបន់ត្រូវបានរដ្ឋាភិបាលស្ថាបនាកាន់តែមានភាពល្អប្រសើរ។
នាយកគ្រប់គ្រងទូទៅ បុរី វឌ្ឍនៈ ដែលអភិវឌ្ឍន៍លំនៅដ្ឋានបែបទាន់សម័យ ស៊ីវិល័យបែបថៃ ដែលកំពុងមានភាពទាក់ទាញ លោក កន សុខគា បានមានប្រសាសន៍កាលពីព្រឹកថ្ងៃទី៧ ខែមីនា ឆ្នាំ២០២០ ក្នុងពិធីបើកសម្ពោធលក់គម្រោងជាផ្លូវការថា ការអភិវឌ្ឍវិស័យលំនៅដ្ឋាននៅក្នុងប្រទេសកម្ពុជានាពេលបច្ចុប្បន្ននេះ គឺមានសន្ទុះខ្លាំង ជាពិសេសនៅតាមបណ្តាទីប្រជុំជន និងតំបន់ជាយក្រុង ជាក់ស្ដែងដូចជានៅតាមបណ្តោយផ្លូវជាតិលេខ១ ផ្លូវជាតិលេខ៦ និងផ្លូវជាតិលេខ៣ ដែលក្នុងនោះក៏មានគម្រោងអភិវឌ្ឍន៍បុរីលំនៅដ្ឋានដ៏ទាន់សម័យបែបថៃលើកដំបូងនៅកម្ពុជាផងដែរ។
លោកបានបញ្ជាក់ថា “ដូចដែលយើងមើលឃើញច្បាស់ហើយថា នៅតំបន់ជាយក្រុងផ្លូវជាតិលេខ១ ផ្លូវជាតិលេខ៦ ក៏ដូចជានៅតំបន់ខណ្ឌសែនសុខ គឺមានបុរីជាច្រើនចូលទៅអភិវឌ្ឍន៍ដែលជំរុញឱ្យតម្លៃអចលនទ្រព្យមានការឡើងថ្លៃ។ ដោយឡែកនៅតំបន់ផ្លូវជាតិលេខ៣ ដែលស្ថិតនៅប៉ែកខាងត្បូងក្រុង គឺនៅមានវិសាលភាពធំទូលាយ អនុគ្រោះដល់ការវិនិយោគ និងសមស្របទៅនឹងកាអភិវឌ្ឍន៍”។
លោកបានបន្តទៀតថា “បច្ចុប្បន្ន តំបន់ស្ថិតនៅប៉ែកខាងត្បូង ឈាងខាងលិចរាជធានីភ្នំពេញ ជាពិសេសតំបន់ស្ថិតនៅផ្លូវជាតិលេខ៣ គឺកំពុងតែមានភាពទាក់ទាញយ៉ាងខ្លាំង ទាំងការទិញលក់ដី ក៏ដូចជាការអភិវឌ្ឍលំនៅដ្ឋាន ហើយក៏មានតម្រូវការទីផ្សារខ្ពស់ផងដែរ។ ជាក់ស្ដែងដូចជាគម្រោងអភិវឌ្ឍន៍ បុរី វឌ្ឍនៈ ដែលមានទីតាំងស្ថិតនៅភូមិស្រែជំរៅ សង្កាត់ចោមចៅ២ ខណ្ឌពោធិ៍សែន ចម្ងាយប្រមាណ៣គីឡូម៉ែត្រពីរង្វង់មូលចោមចៅ តាមផ្លូវជាតិលេខ៣ (បត់ឆ្វេងចូលតាមខ្លោងទ្វារវត្តព្រៃស្ពឺប្រមាណ៦០ម៉ែត្រ) ដែលទើបតែបើកលក់ក្នុងដំណាក់កាលដំបូងបានសម្រេចជាង៣០ភាគរយ”។
បុរី វឌ្ឍនៈ គឺជាគម្រោងអភិវឌ្ឍន៍សំណង់លំនៅដ្ឋានបែបទំនើប និងទាន់សម័យ តម្លៃសមរម្យ ដោយការរចនាម៉ូត និងប្លង់មេតាមបែបថៃលើកដំបូងនៅកម្ពុជា ដែលប្រកបដោយសោភ័ណភាព ប្រណីតភាព គុណភាពកម្រិតស្ដង់ដារ ក្រោមការសាងសង់ដោយអ្នកជំនាញ ដែលមានបទពិសោធន៍ខ្ពស់ផ្នែកសំណង់ជាច្រើនឆ្នាំនៅក្នុងប្រទេសថៃ ក៏ដូចជានៅក្នុងប្រទេសកម្ពុជាផងដែរ។
គម្រោងលំនៅដ្ឋានបែបទំនើប និងទាន់សម័យ បុរី វឌ្ឍនៈ នឹងត្រូវអភិវឌ្ឍន៍នៅលើផ្ទៃដីទំហំ១ហិកតា ស្មើនឹង៧៨ខ្នង ដោយមានការបែងចែកជា ២ប្រភេទ រួមមានប្រភេទផ្ទះអាជីវកម្ម ចំនួន៦ខ្នង និងប្រភេទផ្ទះវីឡាកូនកាត់ ចំនួន ៧២ខ្នង តម្រូវតាមការចង់បានរបស់អតិថិជនដែលចង់បានបទពិសោធន៍ថ្មីនៃការរស់នៅតាមបែបស៊ីវិល័យប្រកបដោយផាសុកភាពខ្ពស់។
ដោយឡែកនៅក្នុងបុរី ក៏ត្រូវបានរៀបចំ និងសាងសង់ហេដ្ឋារចនាសម្ព័ន្ធស្របតាមបទដ្ឋាន ដែលរួមមានផ្លូវភ្លោះដ៏ធំទូលាយងាយស្រួលចរាចរណ៍ មានបណ្តាញទឹកស្អាត បណ្តាញអគ្គិសនី មានទីធ្លាសួនច្បារសាធារណៈ ឧទ្យានកម្សាន្តកុមារ ពិភពបៃតង និងការរក្សាអនាម័យ ហើយជាពិសេសមានសេវាគ្រប់គ្រងសន្ដិសុខខ្ពស់២៤ម៉ោង។
លោក កន សុខគា បានមានប្រសាសន៍បញ្ជាក់ផងដែរថា សម្រាប់អតិថិជនដែលគាំទ្រគម្រោងអភិវឌ្ឍន៍លំនៅដ្ឋានក្នុងបុរី វឌ្ឍនៈ នៅពេលនេះ នឹងទទួលបានអត្ថប្រយោជន៍ និងផលចំណេញយ៉ាងច្រើន ដែលក្រៅពីទទួលបានលំនៅដ្ឋានដ៏ស្រស់ស្អាតស្ថិតក្នុងតំបន់អភិវឌ្ឍន៍ដែលមានហេដ្ឋារចនាសម្ព័ន្ធខ្វាត់ខ្វែងងាយស្រួលចរាចរណ៍ និងប្រកបអាជីវកម្ម អំណោយផលដល់ការរស់នៅ ថែមទាំងមានឱកាសចំណេញខ្ពស់នៅពេលលក់បន្តនៅថ្ងៃខាងមុខ។ បន្ថែមពីនេះ រាល់ការរៀបចំឯកសារ រត់ការផ្ទេរសិទ្ធិ កាត់ប្លង់ និងប្រថាប់ត្រា គឺជាការទទួលបន្ទុករបស់ក្រុមហ៊ុនអភិវឌ្ឍន៍បុរីទាំងអស់ រួមជាមួយនឹងការផ្តល់ជូននូវលក្ខខណ្ឌបង់ប្រាក់យ៉ាងងាយស្រួល និងច្រើនជម្រើសដោយការបង់រំលោះក្នុងរយៈពេលយូរជាមួយធនាគារ។
រួសរាន់ឡើង លំនៅដ្ឋានស្រស់ស្អាត ប្រណីតភាព ស្ថិតនៅទីតាំងមានសក្ដានុពលល្អខាងលើនេះ ចំនួនមានកំណត់៕
