ដោយ ហ្សូលី
ប្រទេសចិនៈ ប្រទេសចិនលើកទឺកចិត្តដល់ក្រុមហ៊ុនអចនទ្រព្យនានា ឱ្យប្រើប្រាស់ការលក់អចនទ្រព្យតាមប្រព័ន្ធអនឡាញ ជៀសវាងការចេញទៅខាងក្រៅ ដែលអាចឆ្លងមេរោគ និងបង្កើនអត្រាការលក់អចលនទ្រព្យកុំឱ្យជាប់គាំង។
ការដាក់លក់អចលនទ្រព្យតាមប្រព័ន្ធអនឡាញនៅប្រទេសចិនកំពុងល្បីល្បាញ
ក្រុមហ៊ុនអចនទ្រព្យធំជាងគេនៅចិនEvergrande បានបង្កើតសហគមន៍លក់អចលនទ្រព្យនេះ ដោយមានការបញ្ចុះតម្លៃជាច្រើនភាគរយ ក្នុងនោះមានខុនដូ អូហ្វីស និងលំនៅដ្ឋានជាដើម។ កម្មវិធីនេះអនុញ្ញាតឱ្យគ្រប់ក្រុមហ៊ុនអចនលទ្រព្យ ប្រើប្រាស់បាន ហើយអ្នកទិញ ក៏អាចស្វែងរកអចលនទ្រព្យដែលខ្លួនពេញចិត្ត និងអាចស្រាវជ្រាវព័ត៌មានបានតាមចិត្ត។
ព័ត៌មាននោះមានដូចជា ការបង្ហាញនូវបន្ទប់និមួយ ទិដ្ឋភាពនៅជុំវិញអចនទ្រព្យនោះ ទីតាំង និងការផ្តល់ជូនពិសេសៗជាច្រើន។
ចាប់តាំងពីមានការធូរស្បើយពីវីរុសកូរ៉ូណា ការបញ្ចុះតម្លៃអចលនទ្រព្យហាក់បីដូចជាមិនខ្ពស់នោះទេ។ ត្រឹមតែរយៈពេល៣ថ្ងៃ អចលនទ្រព្យប្រមាណជាជិត៥ម៉ឺន ដែលស្មើនឹងជាង៩ពាន់លានដុល្លារ ត្រូវបានធ្វើសកម្មភាពលក់ ទិញយ៉ាងសកម្មតាមប្រព័ន្ធអនឡាញ។
ទោះបីជាយ៉ាងណាក៏ចំនួននេះ នៅតែមានភាពធ្លាក់ចុះ ប្រសិនបើធៀបនឹងតួលេខកាលពីពេលដែលមិនទាន់មានមេរោគឆ្លង។
អ្នកវិភាគបានឱ្យដឹងថា ការដាក់លក់របស់ក្រុមហ៊ុនអចលនទ្រព្យ ជាបណ្តោះអាសន្ននេះ អាចនឹងជួបប្រទះហានិភ័យ ព្រោះថារោងចក្រផ្គត់ផ្គង់សំណង់ និងសម្ភារៈផ្សេងៗ មិនទាន់ដំណើរការល្អ អាចទ្រទ្រង់តម្រូវការទាន់ពេលវេលានៅឡើយទេ៕
