ដោយ ៖ រ៉ាណេត
ភ្នំពេញ ៖ ស្របទៅតាមគម្រោងអភិវឌ្ឍន៍ ដែលស្ថិតនៅក្នុងផែនការនៃប្លង់មេរបស់រាជរដ្ឋាភិបាល នៅតាមតំបន់ជាយក្រុងឱ្យមានភាពរីកចម្រើន បច្ចុប្បន្នតំបន់ភាគខាងត្បូងនៃរាជធានីភ្នំពេញ ដែលធ្លាប់តែមានសភាពស្ងប់ស្ងាត់ បានប្រែក្លាយមកជាតំបន់ដ៏មានប្រជាប្រិយភាព និងមានសក្ដានុពលក្នុងការវិនិយោគវិស័យលំនៅដ្ឋានមិនចាញ់តំបន់អភិវឌ្ឍន៍លំនៅដ្ឋានក្នុងខណ្ឌសែនសុខនោះទេ។
អគ្គនាយកក្រុមហ៊ុនអចលនទ្រព្យ Century21 Fortuna Investment លោក វ៉ា វិរៈ បានមានទទួលស្គាល់នូវភាពរីកចម្រើន និងសន្ទុះនៃការអភិវឌ្ឍគម្រោងលំនៅដ្ឋានជាច្រើននៅតំបន់ខាងលើនេះ ដោយលាកបានអះអាងថា រាល់គម្រោងអភិវឌ្ឍន៍នានាសុទ្ធតែត្រូវបានសិក្សាពីគម្រោង និងផែនការរបស់រដ្ឋាភិបាល ជាពិសេសនៅពេលដែលមានលំហូរប្រជាជនចូលទៅរស់នៅកាន់តែច្រើន។
លោកបានបញ្ជាក់ថា “មនុស្សអាចចូលទៅរស់នៅតំបន់ណាមួយបាន គឺទាល់តែតំបន់នោះមានហេដ្ឋារចនាសម្ព័ន្ធគ្រប់គ្រាន់ និងងាយស្រួលប្រើប្រាស់ជាពិសេសផ្លូវថ្នល់ រួមជាមួយទីតាំងបម្រើសេវាសាធារណៈ”។ លោក បានបន្តទៀតថា “សម្រាប់តែសង្កាត់ព្រៃស ខណ្ឌដង្កោ ពេលនេះស្ថិតនៅមិនឆ្ងាយពីក្រុងនោះទេ ជាពិសេសមានភាពងាយស្រួល ក្នុងការធ្វើដំណើរទៅទីតាំងផ្សេងៗ ដូចជាចេញចូលក្នុងរាជធានីភ្នំពេញ ចេញទៅផ្លូវជាតិលេខ៣ ចេញទៅផ្លូវជាតិលេខ២ ចេញទៅក្រុងតាខ្មៅ ក៏ដូចជា ឆ្ពោះមកកាន់តំបន់ពាណិជ្ជកម្មពិសេស ដែលស្ថិតនៅតាមបណ្តោយផ្លូវ៦០ម៉ែត្រជាដើម”។ លោកបានបញ្ជាក់ថា “វត្តមានរបស់ក្រុមហ៊ុនអភិវឌ្ឍន៍ ដែលចូលទៅកាន់តំបន់ខាងលើនេះនៅមិនទាន់គ្រប់គ្រាន់នោះតែ ដែលនឹងមានគម្រោងថ្មីៗចូលបន្ថែមទៀតនៅពេលខាងមុខនេះ ដោយសារតែទីតាំងតំបន់មានភាពល្អប្រសើរ ងាយស្រួលក្នុងការរស់នៅ និងប្រកបអាជីវកម្ម”។
បច្ចុប្បន្ននេះ ចំពោះតម្លៃដីធ្លីនៅក្នុងសង្កាត់ព្រៃស មានការហក់ឡើងខ្ពស់ ពោលគឺកាលបីប្រមាណ២ឆ្នាំមុន ដីដែលស្ថិតនៅជាប់ផ្លូវ៣០ម៉ែត្រ មានតម្លៃក្នុងចន្លោះចាប់ពី ៣៥០-៥០០ដុល្លារក្នុងមួយម៉ែត្រការ៉េ ឬលើសពីនេះអាស្រ័យទៅតាមសណ្ឋានដី ដោយឡែកនៅពេលបច្ចុប្បន្ននេះ ដីនៅទីតាំងដដែលនេះឡើង ដល់ប្រមាណ១០០០ដុល្លារក្នុងមួយម៉ែត្រ។
សម្រាប់គម្រោងលំនៅដ្ឋាននៅពេលបច្ចុប្បន្ននេះ ភាគច្រើនត្រូវបានក្រុមហ៊ុនអភិវឌ្ឍន៍សាងសង់ ជាប្រភេទលំនៅដ្ឋានកម្រិតមធ្យម។ ក្រៅពីនេះ ក៏មានគម្រោងបុរីខ្លះធ្វើការសាងសង់លំនៅដ្ឋានបែបទំនើប និងប្រណីត ដាក់លក់នៅក្នុងតម្លៃចន្លោះពី២៥ -៣០ម៉ឺនដុល្លារក្នុងមួយខ្នងផងដែរ។
នាយកប្រតិបត្តិក្រុមហ៊ុន Great Cam Asia Real Estate លោក ស បញ្ញា ដែលកំពុងកាន់គម្រោងអភិវឌ្ឍន៍បុរីលំនៅដ្ឋានបែបទំនើប និងទាន់សម័យ ប៉េង អុីម (Borey Peng Im) ដែលមានចំនួន៣៥៥ខ្នង នៅតំបន់ព្រៃស បានមានប្រសាសន៍ថា “កាលពី២ឆ្នាំមុន តំបន់ព្រៃស រាប់ចាប់គិតពីចំណុចផ្លូវបំបែកស្ដុបចំការដូងឆ្ពោះទៅកាន់វត្តព្រៃស ពោរពេញទៅដោយវាលលិចទឹក និងដើមកក់ដុះសងខាងផ្លូវនោះ ពេលនេះត្រូវបានចាក់បំពេញជំនួស ដោយគម្រោងអភិវឌ្ឍន៍លំនៅដ្ឋានយ៉ាងស្អេកស្កះ ជាពិសេសគម្រោងបុរីធំៗមិនតិចជាង៣០គម្រោងនោះទេ ដែលកំពុងតែមានសកម្មភាពសាងសង់យ៉ាងសកម្ម”។
លោកបានបន្តទៀតថា “ ជាក់ស្ដែងដូចជាគម្រោងសំណង់បុរីលំនៅដ្ឋាន ប៉េង អុីម (Borey Peng Im) ដែលកំពុងតែដំណើរការសាងសង់ដើម្បីបំពេញតម្រូវការអតិថិជន ក៏កំពុងតែមមាញឹកក្នុងការសាងសង់ផងដែរ”។
លោកបានបន្តទៀតថា “ នៅក្នុងគម្រោងសំណង់បុរី ប៉េង អុីម (Borey Peng Im) នេះមានសរុបចំនួន៣៣០ខ្នង ដែលសុទ្ធតែធានាបាននូវគុណភាពសំណង់គុណភាពខ្ពស់ទាំងអស់ដោយគ្រប់សម្ភារៈសំណង់ទាំងអស់សុទ្ធតែជាផលិតផលរបស់ក្រុមហ៊ុន SCG ទាំងអស់ ។ លោកបន្តថា “នៅក្នុងគម្រោងរបស់បុរី ប៉េង អុីម ត្រូវបានសាងសង់ជាលំនៅដ្ឋាន៣ប្រភេទ ដែលក្នុងនោះរួមមានដូចជា ផ្ទះអាជីវកម្មចំនួន២០៦ចំនួនខ្នង ដែលស្ថិតនៅជាប់ផ្លូវធំ ហើយក្រៅពីនេះ គឺជាប្រភេទផ្ទះវីឡាភ្លោះ និងវីឡាកូនកាត់”។
លោក ស បញ្ញា បានមានប្រសាសន៍បន្តទៀតថា “ ជាមួយនឹងភាពល្អប្រសើរ និងសក្ដានុពលនៅក្នុងតំបន់ គម្រោងបុរី ប៉េង អុីម នឹងធ្វើការបើកសម្ពោធលក់ជាផ្លូវការណ៍នៅត្រឹមថ្ងៃទី២៧ ខែមីនា ឆ្នាំ២០២០ខាងមុខនេះ ដោយអតិថិជន នឹងទទួលបាននូវអត្ថប្រយោជន៍ជាច្រើនដែលផ្ដល់ជូនដោយក្រុមហ៊ុន”។ លោកបានបញ្ជាក់ថា “គ្រប់អតិថិជនទាំងអស់ដែលទិញលំនៅដ្ឋាននៅក្នុងគម្រោងរបស់បុរី ប៉េង អុីម នឹងទទួលបានអត្ថប្រយោជន៍ជាច្រើនបន្ថែមទៀត ដែលក្រៅពីទទួលបានការបញ្ចុះតម្លៃចាប់ពី ១០ ០០០-២០ ០០០ ដុល្លារ នៅមានការផ្ដល់ជូនជាច្រើនទៀតដូចជា សម្ភារៈប្រើប្រាស់នៅក្នុងលំនៅដ្ឋានជាច្រើនទៀត ជាពិសេស នៅក្នុងលំនៅដ្ឋានសុទ្ធតែមានបំពាក់ជណ្ដើរយន្តប្រអប់ទាំងអស់ ដែលបង្ហាញពីភាពទាន់សម័យនៃលំនៅដ្ឋានបែបសម័យថ្មី”។
ពាក់ព័ន្ធទៅនឹងការទិញលំនៅដ្ឋានបែបទាន់សម័យ និងស៊ីវិល័យនៃបុរី ប៉េង អុីម (Borey Peng Im) រាល់អតិថិជនទាំងអស់អាចមានជម្រើសជាច្រើនដូចជាការទិញដោយការបង់ផ្ដាច់ និងការបង់រំលោះជាមួយធនាគារជាមួយអត្រាការប្រាក់ទាបក្នុងរយៈពេលយូរ ហើយមានឱកាសទទួលបានភាគលាភជាច្រើនទៀតនៅថ្ងៃខាងមុខដ៏ខ្លី។ រួសរាន់ឡើង ចំនួនមានកំណត់។ ព័ត៌មានបន្ថែមសូមទាក់ទងតាមរយៈទូរស័ព្ទលេខ ៖ ០៨១ ៥៥៥ ១៦៤ / ០៧៦ ៧៩ ៧៧ ៧៧៨
