ដោយៈ រ៉ាណេត
កំពតៈ នៅក្នុងក្រុងកំពត ខេត្តកំពត នៅពេលបច្ចុប្បន្នស្ទើរតែគ្មានដីទំនេរ សម្រាប់អភិវឌ្ឍន៍ លើគម្រោងសំណង់មជ្ឈមណ្ឌលពាណិជ្ជកម្មនោះទេ ហើយក៏មិនស័ក្ដិសមទៅនឹងគម្រោងអភិវឌ្ឍន៍បុរីលំនៅដ្ឋាន ក្នុងទ្រង់ទ្រាយធំៗនោះដែរ ដោយភាគច្រើនអ្នកវិនិយោគ បានបង្វែរទិសងាកទៅកាន់តំបន់ជិតជាយក្រុង ឬតំបន់ជាយក្រុងតែម្ដង ដោយសារតែកត្តាតម្លៃថ្លៃដីបានឡើងឡើងខ្ពស់រួចទៅហើយ។
ម្ចាស់ដីឡូតិ៍លំនៅដ្ឋានមួយកន្លែង ដែលស្ថិតនៅក្នុងសង្កាត់ក្រាំងអម្ពិល ក្រុងកំពត លោក ជ្រឹម ដារ៉ា បានមានប្រសាសន៍ប្រាប់តាមទូរស័ព្ទកាលពីល្ងាចថ្ងៃទី២២ ខែមីនា ឆ្នាំ២០២០កន្លងមកថា នៅក្នុងក្រុងកំពតបច្ចុប្បន្ននេះ មិនមានដីទំនេរច្រើននោះទេ ប្រសិនបើមានក៏មានមិនធំទូលាយនោះដែរ ហើយភាគច្រើនសម្រាប់គម្រោងអភិវឌ្ឍន៍នានា បានងាកទៅកាន់តំបន់ជិតជាយក្រុង ឬជាយក្រុងតែម្ដង ដោយសារតែតម្លៃនៅទាបបើប្រៀបទៅតំបន់កណ្តាលក្រុង។
លោក ជ្រឹម ដារ៉ា បានបន្តទៀតថា ជាក់ស្ដែងដូចជាគម្រោងដីឡូតិ៍ សម្រាប់លំនៅដ្ឋានដែលស្ថិតនៅក្នុងភូមិគ្រាំង សង្កាត់គ្រាំងអម្ពិល ក្រុងកំពត ដែលមានចម្ងាយប្រមាណ៥០០ម៉ែត្រពីសាលាសង្កាត់ និងនៅភាគខាងកើតសាលាបឋមសិក្សាពិជ័យ ឧត្តុង្គ ត្រូវបានដាក់លក់ក្នុងតម្លៃសមរម្យ។ សម្រាប់ដីឡូតិ៍សម្រាប់អភិវឌ្ឍន៍ លំនៅដ្ឋាននៅក្នុងគម្រោងខាងលើនេះ ត្រូវបានបែងចែកជា២ប្រភេទ គឺប្រភេទដីឡូតិ៍ដែលមានទំហំ៥ X ២៣ ម៉ែត្រ និងប្រភេទដីឡូតិ៍ដែលមានទំហំ៤,៥០ X ៣១ ម៉ែត្រ ដែលងាយស្រួលក្នុងការសាងសង់លំនៅដ្ឋានរស់នៅជាទីបំផុត។
អ្វីដែលជាលក្ខណៈពិសេសរបស់គម្រោងដីឡូតិ៍ សម្រាប់សំណង់លំនៅដ្ឋានមួយនេះ ក្រៅពីស្ថិតនៅក្នុងតំបន់ក្រុង ដែលមានសក្ដានុពលលើវិស័យសំណង់ គឺនៅមានគម្រោអភិវឌ្ឍន៍ជាច្រើននៅព័ទ្ធជុំវិញ ដែលក្នុងរួមមានទាំងគម្រោងអភិវឌ្ឍន៍ របស់រដ្ឋបាលខេត្ត គម្រោងអភិវឌ្ឍន៍វិស័យលំនៅដ្ឋានបែបទាន់សម័យ រួមជាមួយនឹងគម្រោងអភិវឌ្ឍតំបន់កម្សាន្តក្នុងវិស័យឯកជនចំរុះ ស្របពេលដែលការសាងសង់ហេដ្ឋារចនាសម្ព័ន្ធរបស់រដ្ឋាភិបាលក៏កំពុងអនុវត្តន៍យ៉ាងសកម្ម។
លោកជ្រឹម ដារ៉ា បានមានប្រសាសន៍បញ្ជាក់ថា “សម្រាប់អ្នកដែលមានបំណងចង់ក្លាយជាម្ចាស់កម្មសិទ្ធិដីឡូតិ៍ សម្រាប់សាងសង់លំនៅដ្ឋាន ក្នុងគម្រោងខាងលើនេះ ងាយស្រួលបំផុត ដោយលោកអ្នកគ្រាន់តែមានថវិកា ត្រឹមតែ១០០០ដុល្លារសម្រាប់ការកក់បិតឡូតិ៍ ហើយក្នុងរយៈពេល២សប្ដាហ៍ បន្ទាប់បង់ត្រឹមតែ៣០ភាគរយ រហូតដល់ដល់២ខែក្រោយទៀតទើបបង់៣០ភាគរយ ដែលស្របទៅតាមគោលការណ៍ក្រុមហ៊ុន ដើម្បីទទួលបានការបំបែកក្បាលដី និងឈានទៅដល់ការកាត់ប្លង់ជូនស្របតាមច្បាប់ ហើយរាល់ការចំណាយក្នុងការកាត់ប្លង់គឺជាការទទួលបន្ទុករបស់ក្រុមហ៊ុន។
លោកបានបញ្ជាក់ថា “គ្រប់អតិថិជនទាំងអស់ សុទ្ធតែអាចមានសិទ្ធិ ក្នុងការទំនាក់ទំនងជាមួយធនាគារនានា ដើម្បីធ្វើការទូទាត់ទៅលើការបង់រំលោះប្រចាំខែ ទៅលើគម្រោងដីឡូតិ៍ក៏បាន ហើយជាការលើកទឹកចិត្តពីក្រុមហ៊ុន សម្រាប់អ្នកទិញ២ឡូតិ៍ក្នុងពេលតែមួយ នឹងទទួលបានការបញ្ចុះតម្លៃជូនភ្លាមៗចំនួន៣ភាគរយ ហើយសម្រាប់កម្រៃជើងសារអ្នកនាំភ្ញៀវក៏ទទួលបាន៣ភាគរយផងដែរ”។
សម្រាប់ព័ត៌មានបន្ថែម លោកអ្នកអាចទាក់ទងបានតាមរយៈទូរស័ព្ទលេខ ៖ ០៨១ ៥៨ ៥៤ ៣៨ / ០៧៨ ៩០ ១០ ១០ / ០៧១ ៩១ ៤៥ ៩៩៩៕
