ដោយ ហ្សូលី
ប្រទេសចិនៈ ថ្វីត្បិតែមានភាពធូរស្បើយ ពីមេរោគឆ្លងកូវីដ១៩ក៏ពិតមែន ប៉ុន្តែក្រុមហ៊ុនអចលនវត្ថុជាង១០០បានប្រកាសថា មុខជំនួញខ្លួនដួលរលំ។ នេះបើយោងតាមការចុះផ្សាយរបស់សារព័ត៌មាន Bloomberg។
ត្រឹមរយៈពេល២ខែក្រុមហ៊ុនអចលនវត្ថុជាង១០០នៅចិនប្រកាសក្ស័យធន
សារព៌តមានដដែលបានឱ្យដឹងថា ក្រុមហ៊ុនអចលនទ្រព្យ ដែលសកម្មនៅប្រទេសចិន បានប្រកាសអំពីការដួលរលំមុខជំនួញ ដែលត្រឹមរយៈពេល២ខែ មានក្រុមហ៊ុនលើសពី១០០បានបរាជ័យ។
ក្រុមហ៊ុនខ្នាតតូច ដល់ខ្នាតកណ្តាលប្រឈមមុខជាងគេ ដោយសារតែមិនមានអតិថិជនចង់ធ្វើការទិញអចលនវត្ថុ ដែលក្រុមហ៊ុនដាក់លក់នោះទេ។
រលកនៃការក្ស័យធន បានបង្ខំចិត្តឱ្យម្ចាស់ក្រុមហ៊ុនខ្នាតតូច ត្រូវចូលហ៊ុនគ្នា ក្លាយជាក្រុមហ៊ុនតែមួយ។ ជាក់ស្តែងដូចជាក្រុមហ៊ុនFu Seng ដែលមានទីតាំងនៅតំបន់អាស៊ីអាគ្នេយ៍ បានក្លាយជាក្រុមហ៊ុនខ្នាតកណ្តាលដំបូងគេដែលដួលរលំ និងលក់ភាគហ៊ុនគ្រប់គ្រងទៅឱ្យក្រុមហ៊ុនផ្សេង។
បណ្តាក្រុមហ៊ុនដែលបានដាក់ផ្ទះជួល ក្នុងរយៈពេលខ្លី និងវែង ត្រូវអស់សង្ឃឹម ដោយសារការរឹតបន្តឹង និងបម្រាមគោចរពីបរទេស ដែលជាហេតុឱ្យគ្មានការចរាចរណ៍ជួលទាល់តែសោះ។
គម្រោងលំនៅដ្ឋានតម្លៃសមរម្យនៅប្រទេសចិន ចាប់ផ្តើមធ្លាក់ចុះជាលើកដំបូងក្នុងឆ្នាំនេះប្រមាណ១៥ ទៅ២០ភាគរយ។ ក្រុមហ៊ុនសំណង់អាមេរិក បានរងផលប៉ះពាល់ពីចិនដូចគ្នា ព្រោះថាការផ្គង់ផ្គង់សម្ភារៈប្រមាណ៣០% មិនអាចដើរទាន់តម្រូវការដោយយោងទៅតាមការយឺតយ៉ាវនៃការដឹកជញ្ជូន៕
