ដោយវុត្ថា
ភ្នំពេញ៖ គម្រោងហេដ្ឋារចនាសម្ព័ន្ធធំៗនៅក្នុងខេត្តចំនួន២ រួមមានផ្លូវជាតិលេខ៧ លេខ៧៣ លេខ៣៧៧ និង៣៧៧A ស្ថិតក្នុងខេត្តត្បូងឃ្មុំ និងខេត្តក្រចេះ នឹងត្រូវបានកែលម្អលើកគុណភាពឲ្យប្រសើរឡើងវិញ។ នេះ បើតាមការផ្សព្វផ្សាយរបស់ក្រសួងសាធារណៈ និងដឹកជញ្ជូននៅថ្ងៃទី ២៧ ខែមីនា ឆ្នាំ ២០២០។
ក្រសួងសាធារណការ និងដឹកជញ្ជូន នឹងធ្វើការកែលម្អឡើងវិញនូវផ្លូវជាតិលេខ ៧ (គ.ម ៣០០ ដល់ ៣៣១+២៥០) ផ្លូវជាតិលេខ ៧៣(គម ០០ ដល់ ៥០+០០០) ផ្លូវខេត្តលេខ ៣៧៧(គមលេខ ០០+៥០០ ដល់ ៣៦+០០០) និង ៣៧៧A(គមលេខ ០០+០០០ ដល់ ១៣+៦០០) ស្ថិតក្នុងខេត្តត្បូងឃ្មុំ និងខេត្តក្រចេះ ដើម្បីកែលម្អលើកគុណភាពឲ្យប្រសើរឡើងវិញ ។
