ដោយ វុត្ថា
ភ្នំពេញ៖ យោងតាមការសិក្សារួមមួយ ដែលចេញផ្សាយកាលពីពេលថ្មីៗដោយ ក្រុមហ៊ុនCushman & Wakefield (C & W) និង Real Capital Analytics (RCA)បានបង្ហាញឱ្យដឹងថា ប្រជាជននៃប្រទេសសិង្ហបុរី បានក្លាយជាអ្នកវិនិយោគអាស៊ីដ៏ធំបំផុត នៅក្នុងទីផ្សារអចលនទ្រព្យពាណិជ្ជកម្មសហរដ្ឋអាមេរិក។
របាយការណ៍នេះបានរកឃើញថា វិនិយោគិនសឹង្ហបូរីបានចំណាយប្រាក់ចំនួន៩,៥ពាន់លានដុល្លារ លើអចលនទ្រព្យសហរដ្ឋអាមេរិកនៅឆ្នាំ២០១៧ ខណៈពេលដែលការវិនិយោគរបស់ចិនដីគោក បានធ្លាក់ចុះ៦៦ភាគរយស្មើ នឹង ៥,៩ ពាន់លានដុល្លារ។
តួលេខនេះ ធ្វើឱ្យប្រទេសសឹង្ហបុរី បានក្លាយជាប្រទេសវិនិយោគដ៏ធំបំផុតទី ៣នៅលើពិភពលោក ក្នុងអចលនទ្រព្យពាណិជ្ជកម្មអាមេរិក បន្ទាប់គឺប្រទេសកាណាដា និងបារាំង។ នេះគឺជាលើកដំបូងចាប់តាំងពីឆ្នាំ ២០១២ ដែលប្រទេសសិង្ហបុរីបានយកឈ្នះប្រទេសចិន ក្នុងការវិនិយោគរបស់សហរដ្ឋអាមេរិក។
នៅទូទាំងពិភពលោកប្រទេសសឹង្ហបូរី ជាប្រភពវិនិយោគទុនអចលនទ្រព្យដែលធំជាងគេទី៥នៅលើពិភពលោក បន្ទាប់ពីសហរដ្ឋអាមេរិក ហុងកុង ចិន និងបារាំង។
ការវិនិយោគអចលនទ្រព្យក្រៅស្រុក បានកើនឡើង៤០ភាគរយ ដែលមានទឹកប្រាក់ប្រមាណជា២៨,៤ ពាន់លានដុល្លារនៅឆ្នាំ២០១៧ ដែលជាកម្រិតខ្ពស់បំផុតក្នុងរយៈពេលពីរឆ្នាំកន្លងមកនេះ។
វិនិយោគិនសឹង្ហបូរី បានបែងចែកទ្រព្យសម្បត្តិរដ្ឋ សម្រាប់ផ្តល់ឱកាសភាគច្រើន នៅក្នុងផ្នែកគ្រួសារ ដែលមានសមាជិកច្រើន ដែលមានឧស្សាហកម្ម និងតំបន់ជាយក្រុង ក៏ដូចជាមជ្ឈមណ្ឌលទិន្នន័យ និងលំនៅដ្ឋានរបស់សិស្ស។
ក្រុមហ៊ុន C & W បានចង្អុលបង្ហាញថា គំរោងវិនិយោគពីប្រទេសិង្ហបុរី កំពុងចូលទីផ្សារទីពីរ និងទីបីនៅសហរដ្ឋអាមេរិក។
ការវិនិយោគរបស់ប្រទេសសឹង្ហបូរីនៅឆ្នាំ២០១៧ នៅតែស្ថិតនៅក្នុងតំបន់អាស៊ីប៉ាស៊ីហ្វិក យ៉ាងណាក៏ដោយប្រទេសចិន បានជាប់ចំណាត់ថ្នាក់លេខ៤ ក្នុងការវិយោគនៅក្នុងទីប្រជុំជននៅក្នុងសហរដ្ឋអាមេរិកផងដែរ។
កិច្ចព្រមព្រៀងវិនិយោគពីសិង្ហបុរីធំបំផុត ក៏ត្រូវបានកត់ត្រាកាលពីឆ្នាំមុនផងដែរ នៅពេលដែលមូលនិធិទ្រព្យសម្បត្តិអធិបតេយ្យភាព GIC បានទិញភាគហ៊ុនរបស់ក្រុមហ៊ុន Monogram Residential Trust ក្នុងទំហំទឹកប្រាក់ចំនួន៤,៧ ពាន់លានដុល្លារ។
កាលពីថ្មីៗនេះមូលនិធិនេះ បានចំណាយប្រាក់ចំនួន២៤៤,៥ លានដុល្លារក្នុងការវិនិយោគលើអចនលទ្រព្យសម្រាប់គ្រួសារ ដែលមានសមាជិកច្រើនរបស់សហរដ្ឋអាមេរិក៕
