ដោយ ប៊ី
ភ្នំពេញ៖ ការដ្ឋានសាងសង់ស្ពានបេតុង ឆ្លងកាត់ទន្លេសាបស្របស្ពានបាឡេនៅមុខឃ្លាំងសាំង ស្ថិតក្នុងខណ្ឌឫស្សីកែវតភ្ជាប់ទៅតំបន់អភិវឌ្ឍន៍ជ្រោយចង្វារ ខណ្ឌជ្រោយចង្វា សម្រេចបាន១៥ភាគរយហើយគិតមកដល់ពេលនេះ។
ស្ពាននេះមានតួនាទីសំខាន់ ក្នុងការរួមចំណែករំដោះចរាចរលើផ្លូវជាតិលេខ៦ និងផ្លូវជាតិលេខ៥ ក៏ដូចជាច្រកចេញចូលរាជធានីភ្នំពេញ និងជាសមិទ្ធផលថ្មីមួយទៀតជាចំណងដៃសម្រាប់រាជធានីភ្នំពេញ។
លោកសាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញឱ្យដឹងថា ការដ្ឋានសាងសង់ ស្ពានបេតុងឆ្លងកាត់ទន្លេសាប ស្របជាមួយស្ពានបាឡេនៅមុខឃ្លាំងសាំងការដ្ឋានទាំងមូលសម្រេចបាន១៥ភាគរយហើយ។
លោកបានឱ្យដឹងថា “បើគិតពីគ្រឹះជម្រៅខាងក្រោម ដែលចាក់បេតុងរួចក្នុងចំណោម៥២ដើមនោះ គឺយើងអនុវត្តបានស្ទើតែ៩០ភាគរយហើយ។លោកបន្តថា “ចំពោះគ្រឹះជម្រៅក្បាលស្ពានចំនួន២០ យើងអនុវត្តបាន៤គ្រឹះជម្រៅហើយ ស្មើនឹង២០ភាគរយ។
ស្ពាននេះមានតួនាទីសំខាន់ ក្នុងការរួមចំណែករំដោះចរាចរលើផ្លូវជាតិលេខ៦ និងផ្លូវជាតិលេខ៥ ក៏ដូចជាច្រកចេញចូលរាជធានីភ្នំពេញ និងជាសមិទ្ធផលថ្មីមួយទៀតជាចំណងដៃសម្រាប់រាជធានីភ្នំពេញ។ ប្រជាពលរដ្ឋដែលបានឆ្លងកាត់ស្ពាន ក៏ដូចបង្កើនសរសៃឈាមសេដ្ឋកិច្ច តភ្ជាប់ពីបណ្តាខេត្ត មករាជធានីភ្នំពេញទៅតាមបណ្តាខេត្តក្រោមអនុសាសន៍ របស់សម្តេច តេជោ ហ៊ុន សែន។
សម្ដេចតេជោហ៊ុន សែន នាយករដ្ឋមន្ដ្រីនៃកម្ពុជា កាលពីព្រឹកថ្ងៃទី២៣ ខែតុលា ឆ្នាំ២០១៧ បានអញ្ជើញជាអធិបតី ក្នុងការបើកការដ្ឋានសាងសង់ស្ពានបេតុងមួយខ្សែ ស្របជាមួយស្ពានបាឡេ ដែលបានស្ថាបនារួច នឹងបានដាក់ឱ្យប្រជាពលរដ្ឋបានធ្វើដំណើរឆ្លងកាត់ប្រមាណ២ឆ្នាំហើយ។
ស្ពានបេតុងដែលស្ថាបនានៅអមជាមួយស្ពានបាឡេ នៅមុខឃ្លាំងសាំងមានប្រវែង៩២២ម៉ែត្រទទឹង២០,៥ម៉ែត្រ។ ចិញ្ចើមស្ពានសម្រាប់ថ្មើរជើង មានទទឹង១,២៥ម៉ែត្រសងខាង កម្ពស់សរសរស្ពានសម្រាប់ព្យួរខ្សែកាប ធៀបនឹងកម្រាលស្ពាន៣៤ម៉ែត្រ។
សរសរសម្រាប់ព្យួរខ្សែកាបមានសរសរចំនួន៤គន្លង ខ្សែយានយន្តទទឹង៣.៧៥ម៉ែត្រ,គន្លងធ្វើចរាចរ២ខ្សែទៅ២ខ្សែមក កម្ពស់នាវាចរក្រោមស្ពានអតិបរមានៅរដូវវស្សា១០.៥ម៉ែត្រ កម្ពស់នាវាចរក្រោមស្ពានអប្បរមានៅរដូវប្រាំង២០,៥ម៉ែត្របំពាក់បង្គោលភ្លើងបំភ្លឺ និងដាក់ស្លាកសញ្ញាចរាចរ៕