ដោយ វុត្ថា
ភ្នំពេញ៖ រដ្ឋាភិបាលកម្ពុជាមានគម្រោងសាងសង់ស្ពានស្ពានឆ្លងកាត់ទន្លេងមេគង្គមួយទៀតនៅក្នុងខេត្តក្រចេះ ដើម្បីសម្រួលដាក់ការធ្វើដំណើរ និងការដឹកជញ្ជូនមានភាពកាន់តែប្រសើរ ខណៈដែលគម្រោងផ្សេងទៀត បានសិក្សាបញ្ចប់រួចរាល់ហើយ នៅឡើយតែចចាររកប្រាក់ចម្ចីពីរដ្ឋាភិបាលចិនដើម្បីសាងសង់។
លោកទេសរដ្ឋមន្ត្រីក្រសួងសាធារណៈការ និងដឹងជញ្ជូនបានគូសបញ្ជាក់ឲ្យដឹងកាលពីពេលថ្មីៗនេះថា យើងមានផែនការសង់ស្ពានមួយទៀត នៅក្នុងខេត្តក្រចេះ។ ចំណែកស្ពានឆ្លងកាត់នៅរាជធានីភ្នំពេញ ដូចជាស្ពានឆ្លងកាត់ទន្លេនៅស្វាយជ្រុំ និងស្ពានឆ្លងកាត់នៅអរិយក្សត្រ និងមួយទៀតនៅក្តីតាកុយ នៅមេគង្គខាងលើ និងមេគងខាងក្រោមនេះ បានសិក្សាចប់សព្វគ្រប់រួចអស់ហើយ ដើម្បីចូលទៅក្នុងការស្នើរសុំថវិកា កម្ចីពីរដ្ឋាភិបាលចិនដើម្បីសាងសង់។
ប្រទេសកម្ពុជាមានស្ពានឆ្លងកាត់ទន្លេចំនួន១០ នៅតាមបណ្តាលខេត្តក្រុងនានានៅទូទាំងប្រទេសកម្ពុជា។
រដ្ឋាភិបាលកម្ពុជាមានមហិច្ឆតា សាងសង់សង់ស្ពានឆ្លងទន្លេជាច្រើនផ្សេងទៀត ដើម្បីសម្រួលដល់ជីវភាពរបស់ប្រជាពលរដ្ឋ និងកាត់បន្ថយពេលវេលាក្នុងការធ្វើដំណើរ។
នាយករដ្ឋមន្ត្រីកកម្ពុជាសម្តេចតេជោហ៊ុន សែន ធ្លាប់បានលើកឡើងថារដ្ឋាភិបាលមានគំរោងច្រើន ក្នុងការធ្វើស្ពានឆ្លងកាត់ទន្លេ មិនតែប៉ុណ្ណោះរដ្ឋាភិបាលនឹងធ្វើស្ពានឆ្លងកាត់នៅតាមព្រែកនានាថែមទៀត តែកម្ពុជាមិនមានទុនគ្រប់គ្រាន់នោះទេ តែអ្វីដែលយើងធ្វើកន្លងមកនេះ បានធ្វើអោយសេដ្ឋកិច្ចរបស់ប្រជាពលរដ្ឋមានការរីកលូតលាស់។
សម្តេចបន្តថា “ខ្ញុំសង្ឃឹមថា កម្ពុជានឹងបន្តទៅមុខថែមទៀត ក្នុងដំណើរដ៏រឹងមុំា”។
លោកស៊ុន ចាន់ថុល បានបន្ថែមថា ដើម្បីអភិវឌ្ឍន៍ត្រីកោណ រដ្ឋាភិបាល មានគម្រោងសាងសង់ផ្លូវពីខេត្តរតនគិរី ឡើងទៅកានមណ្ឌលគិរី ដែលផ្លូវនេះកំពុងស្ថិតក្នុងការសិក្សា។លោកបន្តថា បច្ចុប្បន្ននេះ ប្រទេសកម្ពុជាមានប៉ូលសេដ្ឋកិច្ខ៣ គឺប៉ូលសេដ្ឋកិច្ចខេត្តព្រះស៊ីហនុ ប៉ូលសេដ្ឋកិច្ចភ្នំពេញ និងប៉ូលសេដ្ឋកិច្ចខេត្តសៀមរាប តែយើងនឹងបន្ថែមប៉ូលទៀត គឺប៉ូលសេដ្ឋកិច្ចក្នុងបន់ភូមិភាគឥសាន្តចាប់ពីខេត្តក្រចេះ។
ស្ពានគ្រោងសាងសង់ក្នុងខេត្តក្រចេះ គ្រោងធ្វើភ្ជាប់រវាងទីប្រជុំជនស្រុកឆ្លូង ឆ្ពោះទៅកាន់ស្រុកព្រែកប្រសព្វក្នុងខេត្តក្រចេះ៕
