ដោយ ហ្សូលី
ភ្នំពេញៈ ផ្លូវជាតិលេខ៥១ ដែលនឹងបណ្តុំទៅដោយរោងចក្រ សហគ្រាសធំៗនឹង ក្លាយទៅជាទីក្រុងថ្មីមួយទាក់ទាញអ្នកវិនិយោគជាច្រើន។ ក្រៅពីកត្តារោងចក្រ នៅមានចំនុចសំខាន់ៗជាច្រើនទៀត ដែលអ្នកជំនាញនឹងមកបកស្រាយរៀបរាប់ ពីមូលហេតុដែលគួរវិនិយោគ។
លោកម៉ន សុខា អគ្គនាយកក្រុមហ៊ុនអចលនទ្រព្យ UTRUST បានថ្លែងប្រាប់តាមទូរសព្ទមកកាន់គេហទំព័រ Property Area Asia កាលពីថ្ងៃទី៣០មិនាកន្លងមកថា មានកត្តាច្រើន ដែលអ្នកវិនិយោគគួរតែសម្លឹងទៅខាងផ្លូវលេខ៥១ ដោយសារតែតំបន់នោះអាចត្រូវប៉ាន់ច្រើនគួរសម។ ព្រោះមានផ្លូវធំខ្វាត់ខ្វែងផ្សារភ្ជាប់ពីផ្លូវជាតិ៥ មកផ្លូវជាតិលេខ៤ ហើយឡើងមកផ្លូវជាតិលេខ៤១ ដល់ផ្លូវជាតិលេខ៣ ខេត្តកំពត។
លោកបន្ថែមថា “អ្វីដែលសំខាន់នោះប្លុកផ្លូវជាតិ៥១ កំពុងមានការកើនឡើងនូវតម្លៃអចលនទ្រព្យលឿន ហើយគម្រោងអចលនទ្រព្យ ក៏មានការគាំទ្រច្រើនពីអតិថិជនផងដែរ។ លោកបន្តថា “នៅតំបន់នោះតម្លៃផ្ទះមានតម្លៃធូរជាងប្លុកផ្សេងៗ អញ្ចឹងជាឱកាសសម្រាប់អតិថិជន ដែលជាអ្នកវិនិយោគអាចប្រើទុនតិច ដើម្បីទិញហើយគាត់នឹងទទួលបានឱកាសនៃការចំនេញខ្ពស់ជាងតំបន់ផ្សេង។
រាជរដ្ឋាភិបាលត្រូវបម្លាស់ទីរោងចក្រសហគ្រាសធុនតូច មធ្យម ទៅកាន់តំបន់ជាយក្រុងនៅក្នុងប្លុកហ្នឹងដូចគ្នា។ ម្យ៉ាងទៀត ខេត្តកំពង់ស្ពឺ និងខេត្តកណ្តាលដែលជាព្រំប្រទល់គ្នា បច្ចុប្បន្នក៏មានគម្រោងអភិវឌ្ឍធំៗច្រើនយក្សៗ មកពីចិន ជប៉ុននិងក្រៅប្រទេសផ្សេងៗទៀត។ ម្យ៉ាងនៅតំបន់នោះមានការកើនឡើងជាសំណង់ផ្ទះល្វែង ផ្ទះវីឡា ជាពិសេសផ្ទះអាជីវកម្ម នៅលើផ្លូវ៥។
ប្រធានសមាគមអ្នកជំនាញអចលនទ្រព្យកម្ពុជា លោកស្រី ចេវ សុឃុន ធ្លាប់បានមានប្រសាសន៍ថា ផ្អែកតាមទិដ្ឋភាពនៃការអភិវឌ្ឍជាក់ស្ដែង នៅពេលបច្ចុប្បន្ននេះ មិនយូរទៀតនោះទេ នឹងប្រែរូបរាងទៅជាក្រុងថ្មីជាក់ជាមិនខាន។ តំបន់ផ្លូវ៥១ បើប្រៀបធៀបជាមួយតំបន់ជាយក្រុងដទៃទៀត គឺមានសក្ដានុពលជាងគេ ដោយសារតែតំបន់ នេះភាគច្រើនមានការអភិវឌ្ឍនិងមានប្រជាជនរស់នៅច្រើន។
លោកស្រីបន្តថា “អ្វីដែលធ្វើឱ្យអ្នកវិនិយោគគួរចូលទៅតំបន់នេះ ដោយសារតែកត្តា ភូមិសាស្ត្រ ហេដ្ឋារចនាសម្ព័ន្ធ មានភាពល្អប្រសើរងាយស្រួលក្នុងការធ្វើចរាចរណ៍ និងដឹកជញ្ជូនសម្រាប់សេដ្ឋកិច្ច។
ជាក់ស្តែងបុរីអូរ៉ូរ៉ាស៊ីធី ជាក្រុមហ៊ុនអភិវឌ្ឍន៍លំនៅដ្ឋាន ប្រភេទអាជីវកម្មនៅតាមបណ្តោយផ្លូវជាតិលេខ៥១ផងដែរ។ គម្រោង បុរី អូរ៉ូរ៉ា ស៊ីធី ផ្លូវជាតិលេខ៥១ (ឧដុង្គ) ក៏បានគិតគូរយ៉ាងឥតខ្ចោះ សម្រាប់អតិថិជនដែលចង់ប្រកបអាជីវកម្ម បង្កើតមុខជំនួញ ចំពោះការទិញ-លក់ ដែលអាចរកនូវប្រាក់ចំណេញខ្ពស់ ឬដាក់ជួលជាអគារការិយាល័យផ្សេងៗ ខណៈដែលតំបន់នេះ ជាតំបន់គោលដៅអភិវឌ្ឍបន្ថែម ឱ្យក្លាយជាតំបន់រណបដែលទាក់ទាញបំផុត។
ក្រៅពីនេះគំរោងនេះ ក៏ជាតំបន់អភិវឌ្ឍន៍លំនៅដ្ឋានរស់នៅសមប្រកប ក្នុងទីប្រជុំជន បណ្តុំដោយសំណង់សហគ្រាសតូចធំនានា ក្បែរគម្រោងវិនិយោគនានា។ គម្រោង បុរី អូរ៉ូរ៉ា ស៊ីធី ផ្លូវជាតិលេខ៥១ (ឧដុង្គ) បានស្ថាបនាទៅលើប្រព័ន្ធធារាសាស្ត្រ ផ្លូវថ្នល់ ខ្វែងខ្វាត់ធំទូលាយ ប្រព័ន្ធលូបង្ហូរទឹកស្អុយដែលមានទំហំធំ មិនកកស្ទះ ពោរពេញដោយអំពូលភ្លើងអគ្គិសនីអមពេញដងផ្លូវ ដែលជាកត្តាមួយជម្រុញអោយតំបន់នេះ កាន់តែមានសក្តានុពលសេដ្ឋកិច្ចទ្វេរដង។
បុរីអ៊ូរ៉ូរ៉ា ស៊ីធី គម្រោងឧត្តុង្គ ស្ថិតនៅលើផ្លូវជាតិលេខ៥១ ភូមិក្បាលអូរ ឃុំព្រះស្រែ ស្រុកឧដុង្គ ខេត្តកំពង់ស្ពឺ ដើម្បីទទួលបានព័ត៌មានលម្អិត អាចធ្វើការអញ្ជើញទៅដល់ទីតាំងការដ្ឋានផ្ទាល់ ឬទំនាក់ទំនងមកកាន់លេខទូរស័ព្ទ៖ 017 222 099 / 086 666 375 ៕
