ដោយ ៖ រ៉ាណេត
ភ្នំពេញ ៖ បន្ទាប់ពីខណ្ឌសែនសុខ ដែលត្រូវបានចាក់បំពេញទៅដោយសំណង់លំនៅដ្ឋានកម្រិតមធ្យម និងកម្រិតខ្ពស់យ៉ាងស្អេកស្កះកាលពីឆ្នាំកន្លងទៅនោះ បច្ចុប្បន្នការវិនិយោគ និងការផ្គត់ផ្គង់ក្នុងវិស័យមួយនេះកំពុងតែបាញ់ឆ្ពោះទៅកាន់តំបន់ព្រែកព្នៅ ស្ថិតនៅភាគខាងជើងរាជធានីភ្នំពេញ។
សម្រាប់ការអភិវឌ្ឍ និងការផ្គត់ផ្គង់លំនៅដ្ឋានតម្លៃមធ្យមនៅក្នុងតំបន់ព្រែកព្នៅ បើទោះជាបច្ចុប្បន្នកំពុងតែមានការគំរាមកំហែងពីជំងឺសាកល Covid-19 ក៏ដោយ ប៉ុន្តែសម្រាប់សកម្មភាពនៃការសាងសង់ ជាពិសេសសកម្មភាពនៃការទិញ-លក់ ត្រូវបានអ្នកដែលស្ថិតនៅក្នុងវិស័យមួយនេះអះអាងថានៅតែមានល្អប្រសើរ មិនមានអ្វីប្រែប្រួល ឬធ្លាក់ចុះនោះទេ។
-->
អគ្គនាយកក្រុមហ៊ុន PREMIUM Group លោក ម៉ាន់ ចាន់ឌី បានមានប្រសាសន៍បញ្ជាក់ថា ទីផ្សារអចលនទ្រព្យសម្រាប់វិស័យលំនៅដ្ឋាន គឺនៅតែមានការផ្គត់ផ្គង់ ដើម្បីឆ្លើយតបទៅនឹងតម្រូវការជានិច្ច បើទោះជាក្នុងដំណាក់កាលនេះហាក់មានភាពប្រឈមតិចតួច ប៉ុន្តែការទិញលក់ គឺនៅតែមានសកម្មភាព។
លោក ម៉ាន់ ចាន់ឌី បានមានប្រសាសន៍បន្តទៀតថា “ភាពប្រឈមនៃវិស័យអចលនទ្រព្យនៅក្នុងរយៈពេលខ្លីនៃបញ្ហា Covid-19 នេះ គឺភាគច្រើនអាចប៉ះពាល់ទៅលើគម្រោងអភិវឌ្ឍន៍ធំ ដែលមានម្ចាស់វិនិយោគជាក្រុមហ៊ុនបរទេស។ ដោយឡែកសម្រាប់វិស័យលំនៅដ្ឋានភាគច្រើនគឺជាការវិនិយោគដោយក្រុមហ៊ុនក្នុងស្រុក ដើម្បីផ្គត់ផ្គង់តម្រូវការពិតប្រាកដនៅក្នុងស្រុក ដូច្នេះភាពប៉ះពាល់នៅក្នុងផ្នែកមួយនេះហាក់មានភាពប្រឈមតិចតួចប៉ុណ្ណោះ”។
នាយកក្រុមហ៊ុនភ្នាក់ងារអចលនទ្រព្យ SAM SN Realty លោក សំ សុខនឿន បានទទួលស្គាល់នូវកាលលើកឡើងខាងលើនេះ ដោយលោកបានបញ្ជាក់ថា បច្ចុប្បន្ននេះ ក្រៅពីតំបន់ខណ្ឌសែនសុខ និងតំបន់ភាគខាងត្បូងរាជធានីភ្នំពេញ សម្រាប់ខណ្ឌព្រែកព្នៅ ដែលស្ថិតនៅប៉ែកខាងជើងរាជធានីភ្នំពេញ កំពុងតែក្លាយគោលដៅវិនិយោគនៅក្នុងវិស័យលំនៅដ្ឋាន និងមានឱកាសទទួលបានចំណេញក្រោយបញ្ហា Covid-19 ត្រូវបានបញ្ចប់។
លោកបានបញ្ជាក់ថា “បើនិយាយពីទីតាំងភូមិសាស្ត្រ ងាកចេញពីខណ្ឌសែនសុខ ដែលក្លាយជាតំបន់លំនៅដ្ឋានកម្រិតខ្ពស់ គឺមានខណ្ឌព្រែកព្នៅ ដែលកំពុងមានសកម្មភាពអភិវឌ្ឍន៍ជាបុរីលំនៅដ្ឋាន និងបណ្តុំលំនៅដ្ឋានដែលមានលក្ខណៈជាបុរីជាច្រើន”។ លោកបានបន្តថា “មុនពេលបោះទុនវិនិយោគ អ្នកអភិវឌ្ឍន៍សុទ្ធតែបានសិក្សាពីភាពល្អប្រសើរ និងផលប៉ពាល់យ៉ាងលម្អិតបំផុត ដូច្នេះសម្រាប់គម្រោងដែលកំពុងតែមានសកម្មភាពពេលនេះ ភាគរយខ្ពស់បំផុតដែលអាចទទួលបានចំណេញពីការវិនិយោគរបស់ពួកគេ”។
ដូចទៅនឹងការលើកឡើងរបស់អ្នកជំនាញនៅក្នុងវិស័យអចលនទ្រព្យខាងលើនេះ បច្ចុប្បន្នគម្រោងអភិវឌ្ឍន៍បុរី ខេស៊ី ផ្គត់ផ្គង់លំនៅដ្ឋានបែបទាន់សម័យ និងមានតម្លៃសមរម្យ ត្រូវបានគេមើលឃើញថា មានភាពសកម្មជាងគេនៅក្នុងតំបន់ ស្របពេលដែលកំណើននៃការលក់ក៏មានភាពល្អប្រសើរ ក្រោមការផ្តល់ជូននូវលក្ខខណ្ឌយ៉ាងងាយស្រួលក្នុងការទិញដោយបង់រំលោះ។
អ្វីដែលជាលក្ខណៈពិសេសរបស់បុរី លំនៅដ្ឋាន ខេស៊ី ក្រៅពីមានម៉ូដរចនាដ៏ស្រស់ស្អាត និងទាន់សម័យគួរជាទីទាក់ទាញ គុណភាពសំណង់ខ្ពស់ ដែលផ្តល់ផាសុកភាពដល់ការរស់នៅ ថែមទាំងមានហេដ្ឋារចនាសម្ព័ន្ធជាច្រើនទៀតនៅអមសងខាង ដូចជានៅខាងក្រោយមានផ្សារព្រែកព្នៅចាស់ នៅខាងមុខជាប់ផ្លូវ មានផ្សារព្រែកព្នៅ សាលារៀនរដ្ឋ និងឯកជន មណ្ឌលសុខភាព គ្លីនិកឯកជន និងបណ្តាញហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងជាច្រើន នៅជាប់ផ្លូវ៣០ម៉ែត្រ តភ្ជាប់ពីមហាវិថីឈ្នះ ឈ្នះ នៃទីក្រុងមរតកតេជោ ឆ្ពោះទៅផ្លូវជាតិលេខ៥។
បន្ថែមពីនេះ នៅមានគម្រោងអភិវឌ្ឍបឹងតាម៉ោក និងតំបន់អភិវឌ្ឍរមណីយដ្ឋានគំរូនៅតំបន់ជាយក្រុងនៃភ្នំប្រសិទ្ធិ ដែលជាគម្រោងអាទិភាពរបស់រដ្ឋបាល រាជធានីភ្នំពេញផងដែរ។
គម្រោងសំណង់លំនៅដ្ឋាន ដែលកំពុងតែមានភាពទាក់ទាញមួយនេះ បច្ចុប្បន្ន បាន និងកំពុងតែសម្រុកសាងសង់យ៉ាងមមាញឹក ដើម្បីបញ្ចប់ទៅតាមគម្រោងទាំងស្រុងនៅត្រឹមឆ្នាំ២០២១។
ចំពោះលក្ខខណ្ឌនៃការក្លាយខ្លួនជាម្ចាស់លំនៅដ្ឋាននៅក្នុងបុរី ខេ ស៊ី គឺមានភាពងាយស្រួលបំផុត ដោយលោកអ្នកគ្រាន់តែមានប្រាក់ដំបូងត្រឹមតែ១០០០ដុល្លារតែប៉ុណ្ណោះ ដើម្បីក្លាយជាម្ចាស់កម្មសិទ្ធិ ហើយបង់បណ្តាក់ក្នុងរូបភាពជារំលោះ ជាបន្តបន្ទាប់ស្របទៅតាមគោលការណ៍ងាយៗ ដែលបានកំណត់ដោយក្រុមហ៊ុនអភិវឌ្ឍលំនៅដ្ឋានតែប៉ុណ្ណោះ។
ក្រុមហ៊ុនអភិវឌ្ឍន៍បុរីលំនៅដ្ឋានដ៏ទាន់សម័យមួយនេះបានយកចិត្តទុកដាក់ និងផ្តោតសំខាន់ទៅលើសំណង់់បែបបៃតង ដែលជាការជួយសន្សំសំចៃថាមពលអគ្គិសនី ដោយធ្វើឱ្យលំនៅដ្ឋានក្នុងគំរោងនេះទទួលពន្លឺ និងលំហូរខ្យល់ធម្មជាតិចេញចូលគ្រប់គ្រាន់ រួមជាមួយនឹងការដាំដើមឈើបៃតងលម្អនៅពីមុខផ្ទះ ដែលកាន់តែជួយបន្ថែមភាពត្រជាក់ដល់លំនៅដ្ឋាន។
នៅក្នុងគម្រោងបុរី ខេស៊ី ត្រូវបានរៀបចំនូវហេដ្ឋារចនាសម្ព័ន្ធ ស្របតាមស្ដង់ដារសំណង់ ដូចជាផ្លូវបេតុងមេមានទំហំ១២ម៉ែត្រ ផ្លូវតូចមានទំហំ៨ម៉ែត្រ មានប្រព័ន្ធទឹកស្អាត និងបណ្តាញរំដោះទឹកយ៉ាងត្រឹមត្រូវ និងមានការរៀបចំសាងសង់ជាទីធ្លាសម្រាប់អង្គុយកម្សាន្ត ហាត់ប្រាណសាធារណៈ និងសួនច្បារ ដែលបំពាក់ទៅដោយចង្កៀងអគ្គិសនី LED យ៉ាងភ្លឺច្បាស់ត្រជាក់ភ្នែកផងដែរ។
លោកអ្នកអាចធ្វើការសម្រេចចិត្តប្រភេទលំនៅដ្ឋាននៅក្នុង ខេស៊ី បានតាមសេចក្ដីប្រាថ្នា ទៅលើលំនៅដ្ឋាន៣ប្រភេទខុសគ្នា រួមមានប្រភេទ Link House, Shop House និងប្រភេទ Twin Villa ដែលសុទ្ធតែសមស្របទៅនឹងការរស់នៅដែលពោរពេញទៅដោយផាសុកភាពខ្ពស់ទាំងអស់។ សម្រាប់ព័ត៌មានបន្ថែម លោកអ្នកអាចទំនាក់ទំនងបាន តាមរយៈទូរស័ព្ទលេខ ៖ ០៧៨ ៩៥ ៩៥ ៦៧ / ០៨៧ ៣៦៩ ៥៣៦ / ០៨៩ ៧៨ ៧៧ ២១ ៕
