ដោយដែន ចែងចាំង
ភ្នំពេញ៖ មជ្ឈមណ្ឌលពាណិជ្ជកម្មចម្រុះ និងលំនៅដ្ឋានបែបសហកម្មសិទ្ឋដ៏ធំមួយ នឹងបើកដំនើរការនៅឆ្នាំ២០២០ខាងមុខនេះ ស្របពេលទស្សនទាននៃការ អភិវឌ្ឍចម្រុះបែបនេះ កំពុងពេញនិយមនៅកម្ពុជា។
យោងតាមរបាយការណ៍របស់ក្រុមហ៊ុន CBRE Cambodia បានឲ្យដឹងនាព្រឹកថ្ងៃទី១៤ មិនានេះថា គំរោង Urban Village បានចាប់ផ្តើមសាងសង់កាលពីឆ្នាំមុន និងគ្រោងបញ្ចប់នៅឆ្នាំ២០២០ សម្រាប់ដំណាក់កាលទី១ ដែលមានផ្ទះសរុបចំនួន៨២៨យូនីត និងមានអាគារចំនួនបីប្លុក។ គំរោងនេះ ស្ថិតនៅចម្ងាយប្រមាណ៧០០ម៉ែត្រ ចេញពីចំណុចប្រសព្វរវាងមហាវិថីព្រះមុនីវង្ស និងផ្លូវលេខ២៧១ ឆ្ពោះទៅកាន់ផ្លូវលេខ៦០ម៉ែត្រ។
របាយការណ៍ដដែលបានឲ្យដឹងទៀតថា “ទីផ្សារខុនដូនៅតែមានភាពល្អប្រសើរ សម្រាប់គំរោងដែលស្ថិតនៅទីតាំងល្អ និងមានលក្ខខ័ណ្ឌទីផ្សារល្អ”។
CBRE Cambodia មានមោទនភាពក្នុងការបង្ហាញ និងការដាក់លក់ខុនដូរ របស់គំរោង Urban Village។ Urban Village គឺជាគំរោងថ្មី ធំទូលាយ មានការរចនាឥតខ្ចោះ និងស្រស់ស្អាត ដែលមានទីតាំងស្ថិតនៅភាគខាងត្បូងនៃ ចំនុចកណ្តាលតំបន់ពាណិជ្ជកម្ម។ នេះជាគំរោងសមស្របសម្រាប់ គ្រួសារទំហំតូច និងមធ្យម ព្រមទាំងសំរាប់អ្នកវិនិយោគ។
ខុនដូទាំងអស់នៃគំរោងនេះ ត្រូវបានបង្កើតជាសហគមន៍ ដែលតំរូវតាមក្រុមគ្រួសារនិងសហគមន៍ជុំវិញ។ គំរោងនេះមានចំងាយតែ១៥នាទីប៉ុណ្ណោះនៅភាគខាងត្បូង នៃចំនុចកណ្តាលនៃរាជធានីភ្នំពេញ ហើយការរចនាធ្វើឡើងដើម្បីបំពេញនូវការរស់នៅបែបទីក្រុងបៃតង និងបរិវេណធំទូលាយ ដើម្បីបង្ហាញពីភាពឥតខ្ចោះនៃគំរោង។គំរោងនេះមានតំលៃចាប់ពី 59,500 ដុល្លារប៉ុណ្ណោះ៕
