ដោយគង់ សូរិយា
ភ្នំពេញ៖ តើការវាយតម្លៃអចលនទ្រព្យមានសារៈប្រយោជន៍អ្វីខ្លះ សម្រាប់អ្នកដែលមានបំណងចង់លក់ និងអ្នកដែលមានបំណងចង់ទិញអចលនវត្ថុមួយ ក្នុងតម្លៃប្រៀបធៀ បមួយនៅលើទីផ្សារ។
តើការវាយតម្លៃអចលនវត្ថុមានអត្ថប្រយោជន៍អ្វីខ្លះដល់អ្នកលក់អចលនទ្រព្យ?
អ្នកនាងចេវ សុឃុននាយិកាក្រុមហ៊ុនអចលនទ្រព្យKhat Appraisal និងជាប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា បានចែករំលែកចំណេះដឹងសំខាន់ៗទាក់ទងនឹងផ្នែកនេះ។
អ្នកនាងបន្តថា ការវាយតម្លៃអចលនទ្រព្យ មានសារៈប្រយោជន៍ចំនួន៨យ៉ាង ដូចជា។ ចំពោះអ្នកលក់ៈ ប្រសិនបើអ្នកចង់លក់អចលនវត្ថុរបស់អ្នក និងត្រូវការស្វែងរកតម្លៃលក់ដែលសមរម្យ ការប្រើប្រាស់សេវាវាយតម្លៃអចលនវត្ថុគឺជាជម្រើសដ៏ល្អបំផុត។
ទី២.ចំពោះអ្នកទិញៈនៅពេលដែលអ្នកមានចំណាប់អារម្មណ៍ ក្នុងការទិញអចលនវត្ថុថ្មី និងត្រូវការវាយតម្លៃមុននឹងទិញអ្នកអាចរកព័ត៌មានទាំងអស់ ដែលអ្នកត្រូវការដោយទទួលយកសេវាវាយតម្លៃអចលនវត្ថុ។ ៣.ការអនុវត្តន៍កាតព្វកិច្ចពន្ឋ៖ ការបង់ពន្ធ ការវាយតម្លៃអចលនវត្ថុ ដោយអ្នកវាយតម្លៃគឺជាការចាំបាច់ ដើម្បីកំណត់ពីបំណុល ពន្ធដារ ដោយស្មើភាពគ្នា និងដោយបើកចំហរ។ ៤.ការវាយតម្លៃអត្រានៃការជួល និង អត្រាតម្លៃជួល៖ អ្នកដែលមានបំណងចង់ជួលអចលនវត្ថុរបស់អ្នក និងត្រូវការកំណត់តម្លៃជួលដែលសមរម្យមួយដោយផ្អែកលើគុណភាព នៃទ្រព្យរបស់អ្នកការវាយតម្លៃអចលនវត្ថុនឹងមានប្រយោជន៍ នៅក្នុងការកំណត់ចំនួនទឹកប្រាក់ ដោយផ្អែកលើតម្លៃទីផ្សារអចលនវត្ថុរបស់អ្នក។
៥.ការតាំងទីលំនៅស្របច្បាប់ ៖ សម្រាប់ការតាំងទីលំនៅព្រមព្រៀងរវាងសមាជិកគ្រួសារ លំនៅដ្ឋានអ្នកដែលទើបរៀបអាពាហ៍ពិពាហ៍ លំនៅដ្ឋានមានជម្លោះ។. អ្នកត្រូវ ដឹងពីតម្លៃសមរម្យនៃអចលនវត្ថុ ដើម្បីបែងចែកឲ្យមានភាពស្មើគ្នា។ ៦.ការធានាលើបំណុលឬ អ៊ីប៉ូតែក៖ ដើម្បីខ្ចីលុយពីធនាគារ អ្នកត្រូវផ្តល់ព័ត៌មានពី អចលន វត្ថុរបស់ អ្នកដោយអាចធានាលើប្រាក់កម្ចីបាន។ ដើម្បីងាយស្រួលក្នុងការវាយតម្លៃ ដែលល្អនឹងធានាលើប្រាក់កម្ចី ឫ អ៊ីប៉ូតែកក្រោយៗទៀតរបស់អ្នក។
៧. ធានារ៉ាប់រង៖ អ្នកផ្តល់សេវាកម្មលើការ វាយតម្លៃអចលនវត្ថុប្រកបដោយវិជ្ជាជីវៈ ផ្តល់ជូនសេវាកម្មធានារ៉ាប់រងលឿន។ និងទី៨.ការបង្កើនតម្លៃនៃអចលនវត្ថុរបស់អ្នក៖ អ្នកអាចបង្កើនតម្លៃនៅពេលវាយតម្លៃពេលក្រោយ ទៅស្ថានភាពជាក់ស្តែងនៃបំរែបំរួលសេដ្ឋកិច្ច៕
