ដោយវុត្ថា
ភ្នំពេញ៖ គម្រោងធំៗ លើវិស័យវិស័យអចលនទ្រព្យដែលសល់ពីឆ្នាំចាស់នៅនៅតែបន្តមានសសកម្មភាពសាងសង់ធម្មតា បើទោះបីកម្ពុជាបានឹងកំពុងប្រយុទ្ធប្រឆាំងទៅនឹងការរីករាលជាសកលនៃជំងឺ Covid-19 យ៉ាងណាក្តី។
គម្រោងចាស់ៗលើវិស័យអចលនទ្រព្យនៅតែបន្តសាងសង់ធម្មតា
លោក ម៉ាន់ ច័ន្ទឌី អគ្គនាយកក្រុមហ៊ុន Premium housing Co, Ltd បានប្រាប់ឱ្យដឹងនៅថ្ងៃទី ១៥ ខែមេសា ឆ្នាំ ២០២០ នេះឱ្យដឹងថា សកម្មភាពនៃការសាងសង់លើគម្រោងចាស់ៗ នៃវិស័យសំណង់ និងអចលនទ្រព្យនៅតែមានភាពរស់រវើក បើទោះបីកម្ពុជាមានករណីឆ្លងជំងឺកូវីដ ១៩ ក៏ដោយ ។
លោកបន្តថា “យើងមើលឃើញថាអត់មានការថមថយសកម្មសាងសង់លើគម្រោងចាស់ៗទេ សកម្មភាពនេះ នឹងធ្វើឱ្យវិស័យអចលនទ្រព្យកម្ពុជានៅតែមានភាពរីកចំរើននាពេលខាងមុខនេះ បើទោះបីបច្ចុប្បន្ននេះ មានស្ថានភាពនៅទ្រឹងដោសជំងឺកូវីដ ១៩ ។
លោក ច្រឹក សុខនីម ប្រធានាសមាគមអ្នកវាយតម្លៃអចលនវត្ថុកម្ពុជាបានឱ្យដឹងកន្លងមកនេះដែរថា វិស័យអចលនទ្រព្យទទួលរងនូវផលប៉ះពាល់ផ្ទួនៗ ចាប់តាំងពីចុងឆ្នាំ២០១៩ រហូតមកដល់ដើមឆ្នាំ ២០២០ តែយ៉ាងសកម្មភាពនៃការសងសង់គម្រោងចាស់នៅតែបន្តធ្វើសកម្មភាព មិនមានការថមថយនោះទេ។
លោកបន្តថា “យើងគម្រោងស្នើសុំវិនិយោគនៅដើមឆ្នាំនេះមានចំនួនច្រើន តែយើងមិនដឹងថា គាត់ធ្វើឬមិនធ្វើទេ តែសម្រាប់គម្រោងចាស់ៗ បើទោះបីមានកូវីដ១៩ ឬការបិហ្គេមអនឡាញក៏ដោយ តែខ្ញុំឃើញសកម្មភាពសាងសង់នូវគម្រោងធំៗទាំងនៅតែបន្ត មិនមានសញ្ញាណាមួយជាប់គាំងលើវិស័យអចលនទ្រព្យនោះទេ” ។
លោក សេង ឡូត អ្នកនាំពាក្យក្រសួងរៀបចំដែនដី នគរូបនីយកម្ម និងសំណង់ ធ្លាប់បានឱ្យដឹងដែរថា ក្នុងត្រីមាសឆ្នាំ ២០២០ នេះ ក្រសួងនៅតែទទួលបានពាក្យស្នើសុំវិនិយោគលើវិស័យសំណង់ និងអចលនទ្រព្យ ជាបន្តបន្ទាប់ តែ សម្រាប់ការសាងសង់ជាក់ស្តែងមិនទាន់ដឹងថាមានការផ្អាកសកម្ម ឬ យ៉ាងណានោះទេ ៕
