ដោយ ហ្សូលី
កំពង់ស្ពឺ៖ ផ្លូវជាតិលេខ ៥១ ដែលជាផ្លូវក្រវ៉ាត់ក្រុងទី ៣ ស្ថិតនៅមិនជាយទីក្រុងភ្នំពេញ កំពុងមានការវិនិយោគយ៉ាងផុសផុលស្ទើរគ្រប់វិស័យ ក្នុងនោះមានគម្រោងបុរីលំនៅដ្ឋានច្រើន ដែលសម្រុកទៅវិនិយោគនៅតំបន់ពោរពេញដោយសក្តានុពលនោះ។ នេះបើតាមឱ្យដឹងពីអ្នកជំនាញផ្នែកអចលនទ្រព្យ។
លោក ម៉ន សុខា អ្នកជំនាញអចលនទ្រព្យនិងជាអគ្គនាយកក្រុមហ៊ុនអចលនទ្រព្យ UTrust បានមានប្រសាសន៍កាលពីថ្មីៗនេះថា ស្ថានភាពផ្លូវជាតិលេខ៥១ ពីផ្សារឧត្តុង្គ ដល់ផ្សារថ្នល់ទទឺង គឺជាតំបន់មានសក្តានុពលខ្លាំងមែនទែន។ តំបន់នេះកំពុងមានការវិនិយោគយ៉ាងផុសផុលទៅលើគម្រោងមួយចំនួនដូចជាបុរី ដែលកាលពីមុនមិនមានច្រើនទេ ប៉ុន្តែឥលូវសង្កេតឃើញថា មានច្រើន ដែលនៅម្តុំផ្សារឧត្តុង្គ និងបាត់ដឹង។
លោកបន្តថា ផ្លូវជាតិលេខ ៥១នេះ គឺមានកំណើនអភិវឌ្ឍយ៉ាងច្រើនដូចជា គម្រោងដីឡូតិ៍ លំនៅដ្ឋាន បុរី វីឡា រីសត ក្រុមហ៊ុនធំ និងក្រុមហ៊ុនតូចដែលនាំគ្នាទៅវិនិយោគជាហូរហែ។
បន្ថែមពីលើនេះ នៅស្របតាមបណ្តោយផ្លូវនិងជុំវិញតំបន់នោះពោរពេញដោយរោងចក្រ សហគ្រាស ឃ្លាំងស្តុកទំនិញ ដែលមានសកម្មភាពចាក់ដីយ៉ាងគគ្រឹកគគ្រេង និងមានការសាងសង់យ៉ាងច្រើនផងដែរ។ ទោះបីជាចុះពីផ្លូវ៥១ ពី ២ ទៅ ៣គីឡូម៉ែត្រ ក៏នៅតែមានសកម្មភាពដែរ។
ចំពោះការលើកឡើងមួយទៀតពីនាយិកាប្រចាំក្រុមហ៊ុន Amaktak Property បានមានប្រសាសន៍ថា តំបន់នេះជាតំបន់ដែលមានការអភិវឌ្ឍលឿន មិនថាជាប្រភេទបុរីលំនៅដ្ឋាន ដីឡូតិ៍ គឺហក់ទៅម្តុំនោះច្រើន។ សូម្បីតែរោងចក្រ ឧស្សាហកម្មក៏ទៅដូចគ្នាដែរ ប៉ុន្តែទើបតែមួយរយៈក្រោយនេះរាងមានសភាពស្ងាត់បន្តិច ប៉ុន្តែមិនមែនតែតំបន់នោះទេ គឺគ្រប់តំបន់តែម្តង ដោយសារតែការរាតត្បាតជម្ងឺឆ្លង Covid-19 នេះឯង។ ទោះជាយ៉ាងណាតំបន់នោះគឺនៅតែមានចរន្តសេដ្ឋកិច្ចចេញចូលជាលំដាប់ដែលភ្ជាប់គ្នាទៅដល់ផ្លូវជាតិលេខ ៤ ខាងព្រះសីហនុ។
ដោយសារតែកត្តាភូមិសាស្រ្តល្អគ្រប់វិស័យ រួមជាមួយឱកាសវិនិយោគមានផលចំណេញខ្ពស់នៅពេលអនាគតនេះហើយ ទើបបានជាបុរី អូរ៉ូរ៉ា ស៊ីធី (Aurora City) ដែលជាបុរីលំនៅដ្ឋានមានស្តង់ដាររចនាបថអូស្រ្តាលី សម្រេចទៅបង្កើតគម្រោងទី ២ នៅស្របមាត់ផ្លូវជាតិលេខ ៥១ បន្ទាប់ពីទទួលបានជោគជ័យយ៉ាងខ្លាំងនៅគម្រោងទី ១ ក្នុងតំបន់ក្រាំងធ្នង់ ខណ្ឌសែនសុខ រាជធានីភ្នំពេញ។
បុរីអូរ៉ូរ៉ាស៊ីធី Aurora City មានជាប្រភេទលំនៅដ្ឋានដែលអាចប្រកបអាជីវកម្មក៏បាន និងជាលំនៅដ្ឋានសម្រាប់រស់នៅយ៉ាងមានផាសុកភាពថែមទៀតផង។ បុរីបានគិតគូរយ៉ាងល្អិតល្អន់ទៅលើសុខុមាលភាពអតិថិជន ដូចជាមានការអភិវឌ្ឍហេដ្ឋារចនាសម្ព័ន្ធនានារួមមាន ផ្លូវថ្នល់ ប្រព័ន្ធធារាស្រ្ត អគ្គិសនីនិងទឹក មានបណ្តាញលូជីកជ្រៅ ដែលមិនបង្ករឱ្យមានការស្ទះឬលិចនៅថ្ងៃអនាគត។ ជាពិសេស គុណភាពសំណង់វិញធានាជូននូវភាពរឹងមាំ មិនបណ្តាលឱ្យប្រេះ ស្រាំ ឬជ្រាបទឹកនៅថ្ងៃមុខឡើយ។
កាន់តែពិសេស បុរី អូរ៉ូរ៉ា ស៊ីធី កំពុងមានប្រូម៉ូសិនយ៉ាងពិសេសបញ្ចុះតម្លៃដល់ទៅ ៩% ជូនដល់អតិថិជនដែលកំពុងស្វែងរកលំនៅដ្ឋានប្រណីត រាល់អតិថិជនធ្វើការបង់ផ្តាច់ និងទទួលបានការបញ្ចុះតម្លៃយ៉ាងសន្ធឹកសន្ធាប់នេះភ្លាមៗតែម្តង។ អាសយដ្ឋានរបស់បុរី អូរ៉ូរ៉ា ស៊ីធី គម្រោងឧត្តុង្គ ស្ថិតនៅជាប់ផ្លូវជាតិលេខ 51 ភូមិក្បាលអូរ ឃុំព្រះស្រៃ ស្រុកឧដុង្គ ខេត្តកំពង់ស្ពឺ។ ដើម្បីសាកសួរព័ត៌មានបន្ថែម សូមទំនាក់ទំនងលេខទូរសព្ទ 012 222 016/ 017 222 069/ 017 222 099៕
