ដោយៈឧត្តម
ភ្នំពេញៈ នៅព្រឹកថ្ងៃទី៣ ខែមិនា ឆ្នាំ២០២១នេះ នាយកដ្ឋានប្រយុទ្ធនឹងជំងឺឆ្លង(CDC)បានផ្សាយឱ្យដឹងថា កម្មករ កម្មការិនីបម្រើការងារនៅក្នុងរោងចក្រY.W នៅព្រែកជ្រៃចំនួន៧១៦នាក់ ដែលប៉ះពាល់ដោយផ្ទាល់ និងប្រយោលជាមួយស្រ្តីអាយុ៤៨ឆ្នាំកម្មករបម្រើការងារនៅក្នុងរោងចក្រនេះ ដែលគាត់មានវិជ្ជមានកូវីដ១៩ គឺលទ្ឋផលអវិជ្ជមានវីរុសកូវីដទាំងអស់។
ទោះជាយ៉ាងណា សូមបន្តការប្រុងប្រយ័ត្នទាំងអស់គ្នា ព្រោះជំងឺកូវីដ-១៩នេះ នៅតែបន្តការគំរាមកំហែងខ្លាំងក្លានៅឡើយ ។ ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះ បើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ និងប្រទេសជិតខាងយើង និងក៏ពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ។ យើង ត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។
បើយោងតាមនាយកដ្ឋានប្រយុទ្ធនឹងជំងឺឆ្លង(CDC)ដដែលបានឱ្យដឹងថា គិតត្រឹមវេលាម៉ោង៩ព្រឹកថ្ងៃទី៣ ខែមិនា ឆ្នាំ២០២១នេះ កម្ពុជាបានរកឃើញករណីជំងឺកូវីដ-១៩ សរុបចំនួន៣៤នាក់(ករណីឆ្លងសហគមន៌នៅភ្នំពេញ:២២នាក់ ក្រុងព្រះសីហនុ:១០នាក់ ខេត្តស្វាយរៀង ២នាក់) និងមានជាសះស្បើយ៤នាក់។
ដូច្នេះចំនួនករណីជំងឺកូវីដ-១៩សរុប បានកើនឡើងដល់៨៧៨នាក់ ហើយអ្នកកំពុងសម្រាកព្យាបាល នៅក្នុងមន្ទីរពេទ្យបានកើនឡើងដល់៣៩៦នាក់ និងចំនួនជាសះស្បើយសរុប៤៨២នាក់ និងស្លាប់គ្មាន ៕
