ដោយៈគង់ សូរិយា
ភ្នំពេញៈ ក្នុងគោលដៅកាត់បន្ថយ និងឈានទៅលុបបំបាត់ការរីករាលដាលជំងឺកូវីដ១៩ រដ្ឋបាលខេត្តចំនួន៣ បានសម្រេចផ្អាកការរៀបចំពិធីពាហ៍ពិពាហ៍៍ ជប់លៀង និងកម្មវិធីខួបកំណើត ដែលមានមនុស្សចូលរួមច្រើន។
ខេត្តទាំងនោះរួមមានខេត្តកំពង់ស្ពឺ ខេត្តកោះកុង និងជាពិសេសខេត្តព្រះសីហនុ ដែលសម្តេចតេជោហ៊ុន សែននាយករដ្ឋមន្រ្តីនៃកម្ពុជាបានប្រកាសផ្អាកលែងឲ្យមនុស្សចេញចូលខេត្តនេះកាលពីសប្តាហ៍មុន ក្នុងករណីមិនចាំបាច់ លើកលែងតែរថយន្តដឹកទំនិញ ព្រោះខេត្តព្រះសីហនុជាដង្ហើមសេដ្ឋកិច្ចតែមួយគត់របស់កម្ពុជា។
គិតត្រឹមម៉ោង៧ព្រឹកថ្ងៃទី១០ ខែមីនានេះ កម្ពុជាមានអ្នកឆ្លងជំងឺកូវីដ១៩សរុបចំនួន១១២៤នាក់ ក្នុងនោះមានអ្នកជាសះស្បើយចំនួន៥៤៩នាក់ និងកំពុងសម្រាកព្យាបាលសរុបចំនួន៥៧៤នាក់៕
