ដោយៈលក្ខិណា
ភ្នំពេញៈ បន្ទាប់ពីស្ងប់ស្ងាត់មួយរយៈ ដោយសារតែការរីរកាលដាលខ្លាំង នៃជំងឺកូវីដ១៩ ពេលនេះសកម្មភាព នៃការពុះដីឡូត៍នៅតាមបណ្ដាខេត្តនានា ជាពិសេសបណ្ដាខេត្ត ដែលមានសក្ដានុពលចាប់ផ្ដើមកម្រើកឡើងវិញ ដើម្បីបន្តអាជីវកម្មពីមុនមក។
ជាក់ស្ដែងសកម្មភាពនៃការពុះដីឡូត៍ នៅតំបន់ឆ្នេរបានបង្ហាញពីសកម្មភាពនិងប្រកាសលក់ជាបន្តបន្ទាប់ឡើងវិញផងដែរ។
ភ្នាក់ងារអចលនវត្ថុប្រចាំខេត្តកំពតបានបង្ហាញថា ពេលនេះសកម្មភាពពុះឡូត៏ថ្មីៗបានកម្រើកឡើងវិញហើយ ក្រោយពេលសកម្មភាពនេះ បានស្ងប់ស្ងាត់មួយរយៈ នៅក្នុងអំឡុងពេលនៃការរីករាលដាលខ្លាំងនៃជំងឺកូវីដ១៩។
លោកជិន ណារិនភ្នាក់ងារអចលនវត្ថុប្រចាំខេត្តកំពតនិងកែប បានឱ្យដឹងថាពេលនេះ សកម្មផាពនៃការទិញដីឡូត៍ និងដីប្លង់ៗ ពីពលរដ្ឋបានបង្ហាញពីសកម្មភាពបន្តិចម្ដងៗឡើងវិញ ទោះបីជាកូវីដ១៩មិនទាន់បញ្ចប់ទាំងស្រុងក្ដី។លោកបន្តថា មួយរយៈចុងក្រោយនេះ តំបន់ឆ្នេរនៃខេត្តកំពតនិងកែប ហាក់ទទួលបានការចាប់អារម្មណ៍ខ្លាំងពីសំណាក់វិនិយោគិនក្នុង និងក្រៅប្រទេស ដោយពួកគេបានស្វែងរកទិញដីនៅតំបន់ឆ្នេរ និងតំបន់ភ្នំ ដើម្បីទុកអភិវឌ្ឍន៍នៅពេលអនាគត ហើយភាគច្រើនអភិវឌ្ឍន៍ជាលំនៅឋានលំហែកាយ។
ក្រៅពីនេះ សកម្មភាពនៃទិញលក់ដីឡូត៍នៅជុំវិញទីរួមខេត្តកំពត ក៏ឃើញថាចាប់ផ្ដើមមានសញ្ញាវិជ្ជមានឡើងវិញ ។
លោកបន្តថា បច្ចុប្បន្ននេះ ដោយរដ្ឋាភិបាលសម្រេ ចបើកការធ្វើដំណើរបានវិញ ទើបធ្វើឱ្យការទិញលក់ដីធ្លី និងដីឡូត៍នៅខេត្តកំពត ចាប់ផ្ដើមដំណើរការល្អប្រសើរឡើងវិញ ។ ដោយឡែកសម្រាប់ដីឡូត៍ ក៏បានចាប់ផ្ដើមមានសកម្មភាពពុះលក់ឡើងវិញច្រើន ដោយសារតែមានតម្រូវការពីភ្ញៀវក្នុងតំបន់ហ្នឹងផ្ទាល់ និងភ្ញៀវមកពីតំបន់ផ្សេងសម្រាប់ទិញទុកចំណេញ និងខ្លះទៀតសម្រាប់សង់លំនៅឋាន ។
លោកបន្ថែមថា “ភ្ញៀវដែលគាត់ទិញនៅពេលនេះ ជាឱកាសល្អសម្រាប់ពួកគាត់ព្រោះថា ម្ចាស់គម្រោងគាត់ទិញដីចូលបានធូរថ្លៃ ដូច្នេះហើយគាត់ពុះជាឡូតិ៍ធូរថ្លៃដែរ ចឹងហើយគាត់ទិញពេលនេះ ជាឱកាសល្អបំផុតដែលអាចរកប្រាក់ចំនេញបាន នៅពេលអនាគតដ៏ខ្លី”។
ដោយឡែកម្ចាស់គម្រោងដីឡូត៍ នៅខេត្តជាប់រាជធានីភ្នំពេញ ក៏បានចាប់ផ្ដើមបង្ហាញពីសកម្មភាពនៃការពុះដីឡូត៍លក់បន្ថែមទៀត ក្នុងពេលរដ្ឋាភិបាលបានបន្ធូរបន្ថយការរឹតត្បិតនូវការធ្វើដំណើរ និងអាចឱ្យសកម្មភាពចរាចរណ៍ក្នុងរាជធានីភ្នំពេញ និងបណ្ដាខេត្តដំណើរការឡើងវិញបាន ។
តែយ៉ាងណាទោះបីជាសកម្មភាពបានកម្រើកឡើងវិញក្ដី តែការទិញលក់នៅតែមិនទាន់កម្រើកខ្ពស់ ដូចមុនវិបត្តិជាពិសេសមុនព្រឹត្តិការណ៍២
