ដោយ៖ វឌ្ឍនៈ

ភ្នំពេញ៖ រាជរដ្ឋាភិបាលបានកំណត់យកខេត្តតំបន់ឆ្នេរ ជាគោលដៅនៃការអភិវឌ្ឍ និងមានអាទិភាពជាងបណ្ដាខេត្តមួយចំនួនទៀត។ ក្នុងចំណោមខេត្តទាំង៤នៃតំបន់សមុទ្រនេះ ខេត្តចំនួន២មានសក្ដានុពល និងទាក់ទាញការវិនិយោគច្រើនជាងគេ។

តើខេត្តទាំងពីរនោះជាខេត្តណា ហើយមានសក្ដានុពលអ្វីខ្លះ?

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឱ្យដឹងថា ក្នុងចំណោមខេត្តតំបន់សមុទ្រទាំង៤ ឃើញថាមានខេត្តពីរ រួមមាន ខេត្តព្រះសីហនុ និងខេត្តកំពត ដែលមានសក្ដានុពល និងទាក់ទាញការវិនិយោគ ទាំងជាតិនិងអន្តរជាតិច្រើនជាងគេ។ អ្នកវិនិយោគចាប់អារម្មណ៍និងបណ្ដាក់ទុនច្រើន ដោយមើលឃើញពីសក្ដានុពលធំៗ ជាពិសេសលើគម្រោងអភិវឌ្ឍន៍លំនៅឋានលំហែកាយ។

លោកបន្តថា ខេត្តព្រះសីហនុកំពុងតែបង្ហាញភាពទាក់ទាញកាន់តែខ្លាំងបន្ថែមទៀត ស្របពេលផ្លូវល្បឿនលឿនភ្នំពេញ ក្រុងព្រះសីហនុ នឹងដាក់ដំណើរការបើកបរសាកល្បងនៅពេលឆាប់ៗនេះ ហើយកំពុងផែទឹកជ្រៅក៏កំពុងតែមមាញឹកក្នុងកម្មភាពអាជីវកម្មផងដែរ។

លោកបន្តថា “ដោយឡែកខេត្តកំពតវិញ លោកមើលឃើញថាជាខេត្តមួយ ដែលស្ថិតនៅមិនឆ្ងាយពីរាជធានីភ្នំពេញប៉ុន្មាននោះដែរ ហើយរដ្ឋាភិបាលក៏បានស្ថាបនាផ្លូវថ្មីធំជាងមុន ស្រួលធ្វើដំណើរជាងមុន ជាក់ស្ដែងឃើញស្រាប់ហើយ ផ្លូវជាតិលេខ៣ពីភ្នំពេញទៅកំពតស្អាតធំទូលាយ និងអាចធ្វើដំណើរវិលល្ងាចដោយស្រួលផងដែរ”។

លោកបន្ថែមថា ខេត្តកំពតក៏ឃើញថាមានសក្ដានុពលជាច្រើនទៀត មិនចាញ់ព្រះសីហនុនោះទេ ក្នុងនោះកំពង់ផែទឹកជ្រៅថ្មី នៅក្នុងខេត្តកំពត ក៏បានបើកការដ្ឋានសាងសង់ ដែលនឹងអាចឱ្យនាវាធំៗចូលចតបាន និងធ្វើឱ្យសកម្មភាពនៃការដឹកជញ្ជូនទំនិញទៅកាន់ខេត្តកំពតកាន់តែមមាញឹក ហើយក៏រំពឹងថានឹងមានការវិនិយោគនៅក្នុងខេត្តនេះបន្ថែមទៀត។

លោកស្រី អាន សុធីតា អគ្គនាយកក្រុមហ៊ុន PropNex Cambodia ក៏បានលើកឡើងផងដែរថា ខេត្តតំបន់សមុទ្រ នឹងទទួលបានការវិនិយោគឡើងវិញ នៅពេលខាងមុខ។ ជាពិសេស ខេត្តព្រះសីហនុនិងកំពត។ ទោះបីបច្ចុប្បន្ននេះ អាចនឹងមិនទាន់មានសកម្មភាពខ្លាំងក្លានៅឡើយ ជាពិសេសការវិនិយោគពីបរទេស ប៉ុន្តែនៅពេលខាងមុខនឹងចាប់ផ្ដើមមានកំណើនឡើងវិញ។

គោលនយោបាយរបស់រដ្ឋបានជំរុញការអភិវឌ្ឍតំបន់ឆ្នេរ ជាគោលដៅក្នុងការទាក់ទាញការវិនិយោគ។ ក្នុងនោះ រដ្ឋាភិបាលបានចំណាយថវិកាជាច្រើន អភិវឌ្ឍហេដ្ឋារចនាសម្ព័ន្ធតភ្ជាប់ ពីភ្នំពេញទៅកាន់តំបន់សមុទ្រ និងការអភិវឌ្ឍហេដ្ឋារចនាសម្ព័ន្ធក្នុងតំបន់នោះផ្ទាល់ ដូចជា ផ្លូវជាច្រើនក្នុងខេត្តព្រះសីហនុ ដែលធ្វើឱ្យកាន់តែទាក់ទាញ ការតភ្ជាប់ខេត្តតំបន់សមុទ្រនិងតំបន់សមុទ្រ ឱ្យកាន់តែខិតជិតគ្នាផងដែរ៕

ដោយ៖ សហការី

កណ្តាល៖ លោកបណ្ឌិត ហ៊ុន ម៉ាណែត បានថ្លែងដោយចាត់ទុកវិស័យឯកជនថា ជាប្រភពដ៏ធំធេងមួយនៃការវិនិយោគ ក្នុងការជំរុញវឌ្ឍនភាពផ្នែកសង្គម និងសេដ្ឋកិច្ចឱ្យកាន់តែរីកចម្រើន និងមានភាពច្នៃប្រឌិត ប្រកបដោយចីរភាព ហើយក៏ជាដៃគូសំខាន់មួយ ដែលមិនអាចខ្វះបាននៅក្នុងការលើកកម្ពស់សុខភាពសាធារណៈ និងសុខុមាលភាពរបស់ប្រជាពលរដ្ឋ។

លោកថ្លែងបែបនេះ ក្នុងពិធីសម្ពោធបើកឱ្យដំណើរការជាផ្លូវការនូវឡប្រព្រឹត្តកម្មសំណល់វេជ្ជសាស្ត្រចំនួន ៥ខេត្ត របស់ក្រុមហ៊ុន ប៊ុន លាងលី គ្លូប៊ល ឯ.ក ស្ថិតក្នុងភូមិចំការគួយ ឃុំព្រៃពួច ស្រុកអង្គស្នួល ខេត្តកណ្តាល នៅថ្ងៃសុក្រ ទី១០ ខែមិថុនា។

លោកបណ្ឌិត ហ៊ុន ម៉ាណែត អគ្គមេបញ្ជាការរងកងយុទ្ធពលខេមរភូមិន្ទ និងជាមេបញ្ជាការទ័ពជើងគោក បានលើកឡើងថា រាជរដ្ឋាភិបាលកម្ពុជា តែងបានចាត់ទុកវិស័យឯកជន គឺជាក្រុមប្រតិបត្តិករជាក់ស្ដែង នៃការអភិវឌ្ឍរីកចម្រើនរបស់ប្រទេសជាតិ។ វិស័យឯកជន គឺជាប្រភពដ៏ធំធេងមួយនៃការវិនិយោគ ក្នុងការជម្រុញវឌ្ឍនភាពផ្នែកសង្គម និងសេដ្ឋកិច្ចឱ្យកាន់តែរីកចម្រើន និងមានភាពច្នៃប្រឌិត ប្រកបដោយចីរភាព ហើយក៏ជាដៃគូសំខាន់មួយ ដែលមិនអាចខ្វះបាននៅក្នុងការលើកកម្ពស់សុខភាពសាធារណៈ និងសុខុមាលភាពរបស់ប្រជាពលរដ្ឋ។

លោកបណ្ឌិតបន្តថា មួយវិញទៀត សុខភាព គឺជាទ្រព្យធនដ៏មានតម្លៃមិនអាចខ្វះបាន នៅក្នុងដំណើរការអភិវឌ្ឍសង្គម-សេដ្ឋកិច្ចកម្ពុជា ជាពិសេស ការទ្រទ្រង់នូវស្ថិរភាព នៃកំណើនសេដ្ឋកិច្ចជាតិ ការកាត់បន្ថយភាពក្រីក្រ និងភាពប្រកួតប្រជែងរបស់កម្ពុជា។

ផ្តើមចេញពីគោលគំនិតទាំងនេះ រាជរដ្ឋាភិបាលតែងបានខិតខំបង្កើនធនធាន និងកិច្ចសហប្រតិបត្តិការកៀរគរជំនួយជាតិ និងដៃគូអភិវឌ្ឍអន្តរជាតិ ជាពិសេសការបើកទូលាយឱ្យមានការចូលរួមពីវិស័យឯកជន ដើម្បីជំរុញការអភិវឌ្ឍហេដ្ឋារចនាសម្ព័ន្ធជាមូលដ្ឋាននៃប្រព័ន្ធសុខាភិបាល រួមមានការកសាងហេដ្ឋារចនាសម្ព័ន្ធ ការបណ្តុះបណ្តាលធនធានមនុស្ស ការបំពាក់ឧបករណ៍បរិក្ខារ ហើយជាក់ស្តែង គឺការគ្រប់គ្រងសំណល់វេជ្ជសាស្ត្រនេះជាដើម ដែលម្រើឱ្យដល់ការផ្តល់សេវាសុខាភិបាលប្រកបដោយគុណភាពនៅទូទាំងប្រទេស៕

HELSINKI: Finland’s government plans to amend border legislation to allow the building of barriers on its eastern frontier with Russia, it said on Thursday, in a move to strengthen preparedness against hybrid threats amid Russia’s invasion of Ukraine.

Finland, which is currently applying for membership in the Western military alliance NATO, has a history of wars with Russia, although currently the forest-covered border zone between the two countries is marked merely with signs and plastic lines for most of its 1,300-km (810-mile) length.

The Finnish government has rushed to strengthen border security as it fears Russia could attempt to put pressure on Finland by sending asylum seekers to its borders – as the European Union accused Belarus of doing at the end of last year when hundreds of migrants from the Middle East, Afghanistan and Africa got stuck on the Polish border.

The government’s amendments to the law include a proposal to enable concentrating the reception of asylum applications only at specific points of entry.

Under existing EU rules, migrants have the right to ask for asylum at any given entry point to an EU member country.

The amendments would also allow the building of barriers such as fences, as well as new roads to facilitate border patrolling on the Finnish side.

“Later on, the government will decide on border barriers to the critical zones on the eastern border, on the basis of the Finnish Border Guard’s assessment,” minister of internal affairs Krista Mikkonen said in a statement.

Source: Reuters

ដោយ៖ សុខុម

អន្តរជាតិ: រដ្ឋាភិបាលហ្វាំងឡង់ គ្រោងនឹងធ្វើវិសោធនកម្មច្បាប់ស្ដីពីព្រំដែន ដើម្បីអនុញ្ញាតឱ្យមានការសាងសង់របងខណ្ឌចែកព្រំដែនភាគខាងកើតរបស់ខ្លួនជាមួយរុស្ស៊ី ដើម្បីពង្រឹងការត្រៀមលក្ខណៈទប់ទល់នឹងការគំរាមកំហែងពីខាងក្រៅ ស្របពេលប្រទេសរុស្ស៊ីកំពុងឈ្លានពានប្រទេសអ៊ុយក្រែន។

យោងតាមទីភ្នាក់ងារព័ត៌មាន Reuters ចុះផ្សាយកាលពីថ្ងៃព្រហស្បតិ៍ ទី០៩ ខែមិថុនា ឱ្យដឹងថា ប្រទេសហ្វាំងឡង់ ដែលបច្ចុប្បន្នកំពុងស្នើសុំចូលជាសមាជិកភាពអង្គការបក្សសម្ព័ន្ធយោធា NATO របស់លោកខាងលិច ធ្លាប់មានប្រវត្តិសង្រ្គាមជាមួយរុស្ស៊ី ប៉ុន្តែបច្ចុប្បន្នតំបន់ព្រំដែន ដែលគ្របដណ្តប់ដោយព្រៃក្រាស់ ខណ្ឌចែករវាងប្រទេសទាំង២ ត្រូវបានកំណត់ដោយស្លាកសញ្ញា និងខ្សែផ្លាស្ទិកតែប៉ុណ្ណោះ លើព្រំដែនប្រវែង១.៣០០គីឡូម៉ែត្ររបស់ខ្លួន។

រដ្ឋាភិបាលហ្វាំងឡង់ បានប្រញាប់ប្រញាល់ពង្រឹងសន្តិសុខតាមព្រំដែន ខណៈដែលខ្លួនបារម្ភខ្លាចរុស្ស៊ី អាចប៉ុនប៉ងដាក់សម្ពាធលើប្រទេសហ្វាំងឡង់ តាមរយៈការបញ្ជូនជនស្វែងរកសិទ្ធិជ្រកកោនទៅកាន់ព្រំដែនរបស់ខ្លួន។

ការធ្វើវិសោធនកម្មច្បាប់នេះ រួមបញ្ចូលទាំងសំណើមួយ ដើម្បីអនុញ្ញាតឱ្យខ្លួនផ្ដោតលើការទទួលពាក្យសុំសិទ្ធិជ្រកកោន តែនៅចំណុចជាក់លាក់នៃការសុំចូលផងដែរ។

ក្រោមច្បាប់បច្ចុប្បន្នរបស់សហភាពអឺរ៉ុប ជនចំណាកស្រុកមានសិទ្ធិស្នើសុំសិទ្ធិជ្រកកោនក្នុងប្រទេសជាសមាជិករបស់សហភាពអឺរ៉ុប នៅចំណុចច្រកចូលណាមួយក៏បាន។

វិសោធនកម្មនេះក៏នឹងអនុញ្ញាតឱ្យមានការសាងសង់រនាំងខណ្ឌចែកព្រំដែន ដូចជារបង ព្រមទាំងផ្លូវថ្មីៗផងដែរ ដើម្បីសម្រួលដល់ការល្បាតព្រំដែននៅខាងទឹកដីហ្វាំងឡង់៕