ដោយៈ សុខុម

សិង្ហបុរី: តែគជ់ (Bubble Tea) គឺជាភេជ្ជៈដែលកំពុងទទួលបានពេញនិយមយ៉ាងខ្លាំង នៅតំបន់អាស៊ីអាគ្នេយ៍ រួមទាំងកម្ពុជា យើងផងដែរ ជាពិសេសក្នុងចំណោមយុវវ័យ និងអ្នកធ្វើការវ័យតែម្ដង។

ប៉ុន្តែតើអ្នកទាំងអស់គ្នាដឹងទេថា ក្នុងមួយឆ្នាំៗពួកគេចំណាយប្រាក់សរុបអស់ប៉ុន្មានលានដុល្លារអាមេរិក ក្នុងមួយឆ្នាំៗ?។

យោងតាមសារព័ត៌មាន CNA ចុះផ្សាយកាលពីថ្ងៃពុធ ទី១៧ ខែសីហាបានឱ្យដឹងថា អ្នកដែលចូលចិត្តញ៉ាំតែគជ់នៅអាស៊ីអាគ្នេយ៍ ចំណាយប្រាក់រហូត ដល់ទៅ៣,៦៦ពាន់លានដុល្លារអាមេរិក ក្នុងមួយឆ្នាំៗទៅលើភេសជ្ជៈនេះ និងភេសជ្ជៈ “តែថ្មីៗ” ស្រដៀងគ្នា ដោយប្រទេសសិង្ហបុរី មានអត្រាចំណាយខ្ពស់បំផុត បើទោះបីជាមានចំនួនប្រជាជនតិចបំផុត ក្នុងចំណោមទីផ្សារសំខាន់ៗទាំង៦នៅក្នុងតំបន់យ៉ាងណាក្ដី។

លទ្ធផលដ៏គួរឱ្យភ្ញាក់ផ្អើលនេះ ត្រូវបានរកឃើញនៅក្នុងការសិក្សាស្រាវជ្រាវមួយ ដែលធ្វើឡើងដោយក្រុមហ៊ុន Momentum Works និងក្រុមហ៊ុនផ្ដល់ដំណោះស្រាយ ទូទាត់តាមប្រព័ន្ធឌីជីថល Qlub ដែលផ្តល់នូវការវិភាគ និងការយល់ដឹងអំពីសក្ដានុពលអាជីវកម្មនៅពីក្រោយតែគជ់។

របាយការណ៍សិក្សាស្រាវជ្រាវនេះក៏បានរកឃើញដែរថា តម្លៃជាមធ្យមនៃតែគជ់ក្នុងប្រទេសសិង្ហបុរី គឺកើនឡើងទ្វេដង បើធៀបនឹងប្រទេសផ្សេងទៀតនៅក្នុងតំបន់។

ក្រុមហ៊ុន Momentum Works បានចេញសេចក្ដីប្រកាសព័ត៌មានកាលពីថ្ងៃអង្គារ ទី១៦ ខែសីហា ថា បច្ចុប្បន្នមានម៉ាកយីហោ ឬBrand សកម្មជាង៦០នៃខ្សែសង្វាក់តែគជ់។

ទីផ្សារធំបំផុតក្នុងតំបន់ គឺប្រទេសឥណ្ឌូនេស៊ី ដែលវិស័យតែគជ់រកចំណូលប្រចាំឆ្នាំ បានប្រមាណ១,៦ពាន់លានដុល្លារអាមេរិក។ ចំណែកឯប្រទេសថៃ ជាប់ចំណាត់ថ្នាក់លេខ២ ជាមួយនឹងចំណូល៧៤៩លានដុល្លារអាមេរិក តាមរយៈហាងតែគជ់ជាង៣១.០០០សាខា និងបណ្តាញលក់រាយផ្សេងៗទៀត។

ទន្ទឹមនេះប្រទេសវៀតណាម ជាប់ចំណាត់ថ្នាក់លេខ៣ ជាមួយនឹងចំណូល៣៦២លានដុល្លារអាមេរិក ហើយប្រទេសសិង្ហបុរី ជាប់ចំណាត់ថ្នាក់លេខ៤ ជាមួយនឹងចំណូល៣៤២លានដុល្លារអាមេរិក។

ការសិក្សាស្រាវជ្រាវដដែលបានរកឃើញថា ម៉ាកយីហោចិនតៃវ៉ាន់ និងម៉ាកយីហោក្នុងស្រុកបាន “លប់លើគេជាយូរមកហើយ” នៅលើទីផ្សារតែគជ់ក្នុងតំបន់អាស៊ីអាគ្នេយ៍។

របាយការណ៍នេះបានបន្ថែមថា “លើសពីនេះ កាលពីពេលថ្មីៗនេះម៉ាកយីហោចិន ជាច្រើនបានឈានជើងចូលក្នុងទីផ្សារតំបន់។ តាមការប៉ាន់ប្រមាណ ទីផ្សារតែគជ់ក្នុងប្រទេសចិន រកប្រាក់ចំណូលប្រចាំឆ្នាំបានចំនួន២០ពាន់លានដុល្លារអាមេរិក”។

ម៉ាកយីហោចិន ដែលបានឈានជើងចូលទីផ្សារអាស៊ីអាគ្នេយ៍ រួមមាន Mixue, Chagee និង HEYTEA ដែលសុទ្ធតែមានហាងនៅសិង្ហបុរី៕ CNA៕

China’s central bank has leveraged its policy toolkit, cutting the interest rates of its medium-term lending facility (MLF) loans and reverse repos by 10 basis points for the second time this year, to further consolidate economic growth.

Specifically, the People’s Bank of China lowered the rate of 400 billion yuan (about 59 billion U.S. dollars) worth of one-year MLF to financial institutions to 2.75 per cent from the 2.85-per cent rate it opted for on the previous occasion.

It also injected 2 billion yuan of funds into the market via seven-day reverse repos at an interest rate of 2 per cent, down from 2.1 per cent.

The MLF tool was introduced in 2014 to help commercial and policy banks maintain liquidity by allowing them to borrow from the central bank using securities as collateral.

A reverse repo is a process in which the central bank purchases securities from commercial banks through bidding, with an agreement to sell them back in the future.

Analysts saw the move as the central bank’s quick response to changes in economic and financial situations, which will further lower financing costs for the real economy, expand domestic demand, and consolidate the momentum of economic recovery.

The central bank’s data showed that the M2, a broad measure of money supply that covers cash in circulation and all deposits, increased 12 per cent year on year to 257.81 trillion yuan at the end of last month.

Newly added social financing, a measurement of funds that individuals and non-financial firms receive from the financial system, came in at 756.1 billion yuan last month, down 319.1 billion yuan from the same period last year.

The July data suggested that while the money supply was sufficient, the financing demand from the real economy was still weak, said Zhou Maohua, an analyst with the China Everbright Bank.

Zhong Zhengsheng, chief economist with Pingan Securities, said lowering policy interest rates is the most direct way to drive down financing costs.

Zhong said more convenient financing for companies that contribute to the new drivers of the economy, as well as decreased financing costs, will be conducive to structural optimization and high-quality development of China’s economy.

Chinese leadership emphasized at a high-profile meeting in late July that the monetary policy should help maintain a proper and adequate liquidity supply, increase credit support for enterprises, and make good use of new loans from policy banks, as well as their funding for infrastructure projects.

The China Banking and Insurance Regulatory Commission said Friday that more efforts will be made to provide more credit to the real economy, including infrastructure and manufacturing, to improve services for new urban residents and bolster support for education, healthcare and elderly care.

By : Xinhua

ដោយ៖ សុផារី

ភ្នំពេញ ៖ ក្រសួងសាធារណការ និងដឹកជញ្ជូន បានដាក់ឱ្យសាកល្បងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ  ដែលនឹងផ្តល់ភាពងាយស្រួលជាងមុន ចំណេញពេលវេលា មានប្រសិទ្ធភាព និងតម្លាភាព ក្នុងការត្រួតពិនិត្យនាវាចរណ៍ចេញ-ចូលនៅប្រទេសកម្ពុជា។

ថ្លែងក្នុងពិធីសម្ពោធដាក់ឱ្យប្រើប្រាស់សាកល្បងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) នៅថ្ងៃទី១៧ ខែសីហានេះ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា ប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) គឺជាការធ្វើទំនើបកម្មទ្រង់ទ្រាយធំលើការត្រួតពិនិត្យនាវាចរណ៍ចូលចេញនៅកម្ពុជា ដោយប្តូរពីការធ្វើការដោយដៃ មកធ្វើការលើប្រព័ន្ធស្វ័យប្រវត្តិកម្មវិញ ដែលជួយសម្រួលដល់នីតិវិធីចូលចេញកំពង់ផែកម្ពុជា សម្រាប់នាវាដឹកជញ្ជូនទំនិញអន្តរជាតិ សំដៅដល់ការគ្រប់គ្រងសេវាដឹកជញ្ជូនតាមផ្លូវទឹក ប្រកបដោយប្រសិទ្ធភាព តម្លាភាព ចំណេញពេលវេលា និងកាត់បន្ថយការចំណាយផ្សេងៗ។

លោកបន្តថា គម្រោងនេះក៏នឹងបង្កើនការទាក់ទាញការវិនិយោគផ្ទាល់ពីបរទេស និងបង្កើតការងារធ្វើជូនពលរដ្ឋកម្ពុជា និងចូលរួមកាត់បន្ថយភាពក្រីក្រឱ្យបានកាន់តែប្រសើរថែមទៀតផងដែរ។

លោកបានបន្ថែមថា ប្រព័ន្ធនេះ នឹងបង្កើនការធ្វើទំនើបកម្មកំពង់ផែកម្ពុជា ឱ្យស្របតាមកំពង់ផែទាំងឡាយនៅក្នុងតំបន់ និងសាកលលោក ដែលអាចទាក់ទាញឱ្យនាវានានាចូលចេញបានច្រើន ដែលនឹងជួយជំរុញដល់ការលូតលាស់សេដ្ឋកិច្ចជាតិបានកាន់តែល្អប្រសើរថែមទៀត។ បន្ថែមពីនោះទៀត ការរៀបចំឱ្យមានប្រព័ន្ធផ្លាស់ប្ដូរទិន្នន័យកំពង់ផែអេឡិចត្រូនិកនេះ នឹងផ្តល់ផលល្អសម្រាប់ក្រុមហ៊ុនឯកជននានា តាមរយៈការចំណេញពេល វេលា កាត់បន្ថយចំណាយក្រៅផ្លូវការ មានសុវត្ថិភាព និងភាពជឿជាក់បាន កាន់តែប្រសើរឡើង និងស្របតាមស្តង់ដារប្រតិបត្តិអន្តរជាតិ នៃដំណើរការកំពង់ផែ។

លោកថា “ពីដើមពេលនាវាចេញចូលនៅកម្ពុជា យើងគឺការស្នើសុំចេញ ចូលធ្វើដោយក្រដាសទាំង អស់ ប្រើពេលវេលាយូរ។ ដោយមានជំនួយពី JICA នេះ យើងធ្វើប្រព័ន្ធផ្លាស់ប្តូរទិន្នន័យតាមប្រព័ន្ធអេឡិចត្រូនិកកំពង់ផែ។ ដូច្នេះមុននាវាមក ដល់គាត់បំពេញបែបបទតាមប្រព័ន្ធអនឡាញយើង អ៊ីចឹងមន្ត្រីមានសមត្ថកិច្ច អាចពិនិត្យឯកសារទាំងអស់ធ្វើកិច្ចការ ហើយគាត់មកដល់គាត់ចូលចតបាន។ ពីដើមនៅអង្គុយចាំ កប៉ាល់ចតចោលសិនទៅមិនទាន់បានចូលកំពង់ផែ ដោយព័ត៌មានមិនទាន់មកដល់ ខាតពេលវេលា”។

លោកបន្តថា “យើងចង់ឱ្យនាវាចូលមកភ្លាមអាចដាក់ទំនិញចេញ ដាក់ទំនិញចូល ហើយទៅវិញតាមបែបបទប្រព័ន្ធអេឡិចត្រូនិករបស់យើងសំខាន់ណាស់ ធ្វើបានលឿន មានតម្លាភាព ប្រសិទ្ធភាព កាត់បន្ថយចំណាយច្រើន ហើយការបង់គឺបង់តាមអនឡាញទាំងអស់អ៊ីចឹងអត់មានការពិបាកដែលទៅដល់ធនាគារអីទេ គឺបង់តាមអនឡាញនិងដោះសា្រយបានភ្លាមៗតែម្តង”។

សព្វថ្ងៃនេះ ប្រព័ន្ធផ្លាស់ប្ដូរទិន្នន័យកំពង់ផែអេឡិចត្រូនិក (Port EDI) របស់ក្រសួងសាធារណការ និងដឹកជញ្ជូន បានធ្វើការតភ្ជាប់ផ្លាស់ប្តូរទិន្នន័យជាមួយ ប្រព័ន្ធបញ្ជរតែមួយជាតិ (CNSW) ក្រុមហ៊ុននាវា និងភ្នាក់ងារនាវាបានរួចរាល់ នៅកំពង់ផែស្វយ័តភ្នំពេញ កំពង់ផែស្វយ័តក្រុងព្រះសីហនុ។

នៅថ្ងៃអនាគត ក្រសួងសាធារណការ និងដឹកជញ្ជូន អាចនឹងពង្រីក វិសាលភាពរបស់ប្រព័ន្ធ Port EDI ដោយដាក់បញ្ចូលកំពង់ផែផ្សេងទៀតនៃកម្ពុជា និងអាចនឹងពិនិត្យលទ្ធភាពសហការជាមួយក្រសួងស្ថាប័នផ្សេងទៀត ដើម្បីតភ្ជាប់ផ្លាស់ប្តូរទិន្នន័យទៅវិញទៅមក បង្កភាពងាយស្រួលបន្ថែមដល់ធុរជន ដែលនឹងបង្កើនប្រសិទ្ធភាពនៃការធ្វើអាជីវកម្មនៅក្នុងកម្ពុជាផងដែរ។

បច្ចុប្បន្ន រាជរដ្ឋាភិបាលកម្ពុជាកំពុងរៀបចំពង្រីកសមត្ថភាពកំពង់ផែស្វយ័តក្រុងព្រះសីហនុបន្ថែមទៀត តាមរយៈការកសាងចំណតផែកុងតឺន័រថ្មីមួយជម្រៅទឹក១៤,៥ម៉ែត្រ ប្រវែង៣៥០ម៉ែត្រ ដែលនឹងធានាដល់ការចូលចតនាវាកុងតឺន័រខ្នាតធំៗ មានចំណុះរហូតដល់ទៅ៦០.០០០តោន ឬស្មើនឹង៩៣% នៃចំនួននាវាប្រចាំតំបន់អាស៊ី-ប៉ាស៊ីហ្វិក ដែលនឹងចាប់ផ្តើមសាងសង់នៅដើមឆ្នាំ២០២៣ ដើម្បីឆ្លើយតបទៅនឹងការកើនឡើងនៃបរិមាណកុងតឺន័រ ឆ្លងកាត់កំពង់ផែមួយនេះនាពេលអនាគត៕

ដោយ៖ សុផារី

ភ្នំពេញ៖ ប្រៀបធៀបនឹងប្រទេសជិតខាង កម្ពុជាជាប្រទេសតូចតែមានសក្តានុពលធំលើការវិនិយោគ។ ជាក់ស្តែង អ្នកវិនិយោគបរទេស ដែលចូលមកវិនិយោគវិស័យអចលនទ្រព្យ ជាពិសេសទីផ្សារខុនដូ សម្លឹងប្រទេសកម្ពុជាប្រៀបបាននឹងកូនក្រមុំក៏ស្រស់ស្អាតមួយ។

លោក ខន គង្គា អគ្គនាយក​ក្រុមហ៊ុន​អចលនទ្រព្យ ERA បានលើកឡើងថា លំហូរនៃជនបរទេសចូលមកកម្ពុជាក៏បានជំរុញឱ្យទីផ្សារខុនដូរីកចម្រើន ដោយអ្នកវិនិយោគទាំងនោះសម្លឹងកម្ពុជាប្រៀបបាននឹងកូនក្រមុំក៏ស្រស់ស្អាតមួយ ដែលមានសក្តានុពលល្អៗជាច្រើន។

លោកបានលើកឡើងថា “កម្ពុជាមានការបើកជើងហោះហើរមកពីបរទេសច្រើន មកពីថៃ មកពីសិង្ហបុរី និងបណ្តាប្រទេសនៅក្នុងតំបន់។ លំហូរនៃជនជាតិបរទេសក៏បានជំរុញឱ្យវិស័យអចលនទ្រព្យ ជាពិសេសទីផ្សារខុនដូ មានការរីកចម្រើនផងដែរ”។

លោកគង្គាបញ្ជាក់ឱ្យដឹងថា សម្រាប់ទស្សនៈវិនិយោគិនបរទេសមើលឃើញប្រទេសកម្ពុជាប្រៀបបានដូចជាកូនក្រមុំមួយក៏ស្រស់ស្អាត ដែលអំណោយផលទាំងតម្លៃដីធ្លី តម្លៃកម្លាំងពលកម្ម ប្រជាសាស្ត្ររបស់ប្រទេសយើងមានភាពទាក់ទាញខ្លាំង។

លោកបន្ថែមថា “នៅក្នុងតំបន់អាស៊ី ប្រាក់ខែបុគ្គលិកក៏សមរម្យ តម្លៃដីក៏នៅល្អមែនទែន បើប្រៀបធៀបនឹងប្រទេសថៃ វៀតណាម សិង្ហបុរី ជាដើម។ វាមានន័យថា នៅមានសក្តានុពលនៅរីកចម្រើនច្រើន”។

ជាមួយគ្នានេះ លោក ​ច្រឹក សុខនីម បានឱ្យដឹងថា ការវិនិយោគលើអចលនទ្រព្យនៅក្នុងប្រទេសកម្ពុជា នាពេលបច្ចុប្បន្នជាសញ្ញានៃភាពរីកចម្រើនមួយ ពោលគឺផលចំណូលពីការវិនិយោគលើវិស័យអចលនទ្រព្យនៅកម្ពុជាមានចំណូលខ្ពស់ បើប្រៀបធៀបទៅនឹងប្រទេសជិតខាងនៅក្នុងតំបន់។

ដោយឡែក សម្រាប់ប្រទេសកម្ពុជា លោក សុខនីម លើកឡើងថា កម្ពុជាក៏មានយន្តការគ្រប់គ្រប់ក្នុងការគាំទ្រ និងការពារផងដែរ ដូចជា ការផ្តល់សញ្ជាតិដល់វិនិយោគិនបរទេស ច្បាប់វិនិយោគថ្មី ដែលត្រូវបានបង្គើតមកពិសេសសម្រាប់ការទាក់ទាញជនជាតិបរទេស មក​វិនិយោគនៅក្នុងប្រទេសកម្ពុជា៕