ដោយ៖ វឌ្ឍនៈ

ភ្នំពេញ ៖ កាលពីប៉ុន្មានឆ្នាំមុន ទួលគោកគឺជាតំបន់ដែលមានការអភិវឌ្ឍន៍លំនៅឋានដ៏មានសក្ដានុពល ដោយក្នុងនោះ៩០ភាគរយនៃសំណង់ក្នុងខណ្ឌទួលគោកគឺជាសំណង់លំនៅឋាន និង១០ភាគរយជាសំណង់ពាណិជ្ជកម្ម ប៉ុន្តែមកដល់បច្ចុប្បន្ននេះវិញ ទួលគោកបានក្លាយជាតំបន់ពាណិជ្ជកម្មដ៏មានសក្ដានុពល ដោយ៥០ភាគរយជាអគារពាណិជ្ជកម្ម និង៥០ភាគរយជាសំណង់លំនៅឋាន។

ការសិក្សារបស់ក្រុមហ៊ុន Century 21 Zillion Holding ចំនួនខុនដូនៅក្នុងខណ្ឌទួលគោកមានចំនួនរហូតដល់៣៩គម្រោង ស្មើនឹង៩ពាន់យូនីតគិតត្រឹមដំណាច់ឆ្នាំ២០២០ដែលមានចំណែក១២ភាគរយនៃខុនដូផ្គត់ផ្គង់សរុបនៅក្នុងរាជធានីភ្នំពេញ និងផ្ទះជាប់ដីមានចំនួនរហូតដល់ ២ពាន់ខ្នងឯណោះ។ ការកែប្រែតំបន់ទួលគោក ពីលំនៅឋានទៅជាតំបន់ពាណិជ្ជកម្មក៏បានធ្វើឱ្យតម្លៃដីធ្លីនៅក្នុងខណ្ឌនេះ មានការប្រែប្រួលឡើងថ្លៃជាបន្តបន្ទាប់ផងដែរ។

តាមការសិក្សាស្រាវជ្រាវបង្ហាញផងដែរថា តម្លៃដីធ្លីនៅក្នុងតំបន់ទួលគោកបានហក់ឡើងពីរង្វង់ប្រមាណ ២.២០០ដុល្លារក្នុងមួយម៉ែត្រការ៉េ ក្នុងឆ្នាំ២០១៨ ដល់ ៣.៨០០ដុល្លារអាមេរិកទៅ ៤.២០០ដុល្លារអាមេរិកក្នុងមួយម៉ែត្រការ៉េ ក្នុងឆ្នាំ២០២១។

ជាការកត់សម្គាល់តំបន់ទួលគោកមានការអភិវឌ្ឍទៅលើផ្សារទំនើបៗជាច្រើនទីតាំងផងដែរ ក្នុងនោះអគារខ្ពស់ៗជាច្រើនក៏បានកកើតឡើងក្នុងតំបន់ទួលគោក តំបន់បឹងកក់ ជាដើម ក្នុងនោះក៏មានអគារក្រោមការវិនិយោគរបស់ក្រុមហ៊ុនក្នុងជាច្រើនផងដែរ។

លោក ឌឹត ចណ្ណា អគ្គនាយកក្រុមហ៊ុនអចលនទ្រព្យ ឡាក់គី ក៏បានលើកឡើងនាពេលថ្មីៗនេះ ថា ទួលគោកជាតំបន់អភិវឌ្ឍពាណិជ្ជកម្មថ្មីមួយបន្ទាប់ពីបឹងកេងកង ដែលមានការអភិវឌ្ឍទៅលើអគារខ្ពស់ៗ ផ្សារទំនើប សាលារៀនធំៗ មន្ទីរពេទ្យ សាកលវិទ្យាល័យធំៗ។ តំបន់នេះ ក៏មានការអភិវឌ្ឍទៅលើហេដ្ឋារចនាសម្ព័ន្ធបន្ថែមទៀត ដែលជាការទាក់ទាញដល់វិនិយោគិនក្នុងនិងស្រុកជាច្រើន ទៀតផង ។

បើតាមលោកបណ្ឌិត គីម ហ៊ាង ប្រធានក្រុមហ៊ុនអចលនទ្រព្យ KW Cambodia ក៏បានបង្ហាញថា ខណ្ឌចំនួន៥ក្នុងរាជធានីភ្នំពេញចាត់ទុកជាតំបន់ដែលមានការអភិវឌ្ឍ និងចាប់អារម្មណ៍វិនិយោគពីវិនិយោគិនជាតិអន្តរជាតិជាច្រើន។

លោកបណ្ឌិតថា ខណ្ឌទាំង៥ដែលចាត់ទុកជាតំបន់កំពូលរួមមាន ខណ្ឌបឹងកេងកេង ខណ្ឌចំការមន ខណ្ឌដូនពេញ ខណ្ឌទួលគោក និងខណ្ឌជ្រោយចង្វារ។ ខណ្ឌទាំង៥នេះកំពុងទាក់ទាញនូវការសាងសង់អគារខ្ពស់ៗជាច្រើន ហើយក៏បានលេចរូបរាងជាបន្តបន្ទាប់ និងជួយលើកកម្ពស់សោភណភាពរាជធានីភ្នំពេញមួយកម្រិតទៀត៕

by Sophary

Siem Reap: In order to speed up the construction progress of the Siem Reap new international airport project in Cambodia, China has sent a huge construction team to organize the project construction units to speed up the project construction.

On March 6, 131 Chinese construction teams from the Siem Reap New International Airport Project arrived at Siem Reap International Airport. They were warmly welcomed by the Cambodian side and helped with the immigration procedures.

According to the General Administration of Immigration of Cambodia, on the same day, 131 Chinese construction teams (8 women) arrived at Siem Reap International Airport by China Eastern Airlines. They will join the Siem Reap New International Airport project and accelerate the construction of the project.

Siem Reap New International Airport Project, which invested and constructed by Angkor International Airport Investment (Cambodia) Co., Ltd. (AIAI), is located in Soutr Nikom District, Siem Reap Province, which is about 40 kilometers away from the city center. The current construction progress is smooth and will be completed as planned in 2023.

ដោយៈវឌ្ឍនៈ

ភ្នំពេញៈ ការអភិវឌ្ឍតែងតែនាំមកនូវផលប្រយោជន៍ ដល់សហគមន៍និងមូលដ្ឋានក្នុងតំបន់នោះ ក្នុងនោះការអភិវឌ្ឍលើគម្រោង លំនៅឋានលំ​ហែ​កាយ នឹងនាំមកនូវការអភិវឌ្ឍក្នុងសហគមន៍ ជាមួយនឹងការលើកកម្ពស់ជីវភាពរបស់ប្រជាពលរដ្ឋក្នុងមូលដ្ឋាននោះផ្ទាល់តែម្ដង។

លោកអ៉ិន ស៊ីថា អគ្គនាយកនៃក្រុមហ៊ុន Forest Harmony ដែលជាក្រុមហ៊ុនអភិវឌ្ឍន៍លំនៅឋានលំហែកាយមួយ នៅក្នុងខេត្តកំពតបានមានប្រសាសន៍ឲ្យដឹងនាព្រឹកថ្ងៃទី៧ មិនានេះថា ការអភិវឌ្ឍនូវលំនៅឋានលំហែកាយក្នុងប្រទេសកម្ពុជា ជាពិសេសនៅតាមបណ្ដាខេត្តសក្ដានុពល នឹងជំរុញឱ្យមានការអភិវឌ្ឍ នៅក្នុងមូលដ្ឋាននោះផ្ទាល់តែម្ដង ជាពិសេសនឹងជួយលើកកម្ពស់ជីវភាពប្រជាពលរដ្ឋ នៅក្នុងតំបន់អភិវឌ្ឍន៍នោះផងដែ។

លោកបន្តថា “នៅពេលយើងមានការអភិវឌ្ឍ គម្រោងលំនៅឋានលំហែកាយ យើងត្រូវការបុគ្គលិកកម្មករ សម្រាប់បម្រើការងារក្នុងការដ្ឋាន ជាក់ស្ដែងក្នុងការដ្ឋានរបស់យើង មានកម្មករសំណង់ប្រមាណជាង៣០០នាក់សម្រាប់បម្រើការងារ និងបានផ្ដល់ប្រាក់កម្រៃដល់ពួកគេ សម្រាប់ទ្រទ្រង់ជីវភាពក្រុមគ្រួសារផងដែរ”។

លោកអ៉ិន ស៊ីថាបានបន្តថា ក្រៅពីការផ្ដល់នូវការងារជូនកម្មករ ធ្វើការក្នុងការដ្ឋាន ប្រជាពលរដ្ឋដែលមានដីធ្លីនៅតំបន់ជុំវិញ គម្រោងអភិវឌ្ឍន៍លំនៅឋានលំហែកាយ ក៏អាចកែកុនដីរបស់ខ្លួន និងសង់ផ្ទះបើអាជីវកម្មសម្រាប់លក់ដូរ ជូនដល់អតិថិជនដែលមកមើល គម្រោងអភិវឌ្ឍន៍របស់លំនៅឋានលំហែកាយទាំងនោះ តាំងពីគម្រោងចាប់ផ្ដើមដំបូងរហូតដល់រួចរាល់និងមានមនុស្សចូលទៅរស់នៅ ។ ការអភិវឌ្ឍលំនៅឋានលំហែកាយនេះដែរ នឹងទាក់ទាញដល់ភ្ញៀវទេសចរជាតិ និងអន្តរជាតិក្នុងការទៅទស្សនានិងកម្សាន្តនៅក្នុងតំបន់អភិវឌ្ឍន៍ទាំងនោះ ។

លោកបន្ថែមថា វាមិនត្រឹមតែជួយដល់មូលដ្ឋាន នៃការអភិវឌ្ឍគម្រោងលំនៅឋាននោះទេ តែវាក៏បានជួយដល់ខេត្តនោះទាំងមូលផងដែរ តួយ៉ាងសម្រាប់ខេត្ត ដែលមានសក្ដានុពលលើវិស័យទេសចរណ៍ គេឃើញមានគម្រោងអភិវឌ្ឍន៍លំនៅឋានកាន់តែច្រើន ក្នុងនោះដែរខេត្តកំពតក៏ជាខេត្តមួយដែលមានការអភិវឌ្ឍ គម្រោងលំនៅឋានលំហែកាយច្រើន និងកំពុងតែទាក់ទាញភ្ញៀវទេសចរជាច្រើនទៅកម្សាន្ត ។

លោកCooler Tan អគ្គនាយកក្រុមហ៊ុនYoungsia Real Estateដែលបាន និងកំពុងវិនិយោគដីឡូត៍លំហែរកាយបូកគោលែន បានមានប្រសាសន៍ឲ្យដឹងផងដែរថា ការអភិវឌ្ឍគម្រោងលំនៅឋានលំហែកាយនឹងផ្ដល់អត្ថប្រយោជន៍ ដល់សហគមន៍មូលដ្ឋានផ្ទាល់តែម្ដង ក្នុងនោះយើងក៏បានរៀបចំជាផ្សារសហគមន៍ សម្រាប់ឱ្យប្រជាកសិករ ដែលមានផលិតផលមកដាក់លក់ជូនទេសចរ ដែលមកសម្រាក និងកម្សាន្តនៅក្នុងគម្រោងលំនៅឋានលំហែ ហើយវានឹងលើកមុខមាត់តំបន់ ក្នុងសហគមន៍នោះឱ្យកាន់តែល្អប្រសើរឡើងបន្ថែមទៀត៕

ដោយៈ សុផារី

សៀមរាបៈ ដើម្បីពន្លឿនដំណើរការសាងសង់ នៃគម្រោងអាកាសយា​នដ្ឋានអន្តរជាតិសៀមរាបថ្មីនៅកម្ពុជា ប្រទេសចិនបានបញ្ជូនក្រុមអ្នកជំនា​ញជាច្រើននាក់មកកាន់ខេត្តសៀមរាប ប្រទេសកម្ពុជា។

យោងតាមអគ្គនាយកដ្ឋានអន្តោប្រវេសន៍កម្ពុជា បានឱ្យដឹងថា កាលពីថ្ងៃទី៦ ខែមីនា ក្រុមសំណង់ចិនចំនួន១៣១នាក់ មកពីគម្រោងអាកាសយានដ្ឋានអន្តរជាតិថ្មីខេត្តសៀមរាប បានមកដល់អាកាសយានដ្ឋានអន្តរជាតិខេត្តសៀមរាប។

ក្រុមអ្នកជំនាញសាងសង់ត្រូវបានភាគីកម្ពុជា ស្វាគមន៍យ៉ាងកក់ក្ដៅ និងបានជួយដោះស្រាយនីតិវិធីអន្តោប្រវេសន៍ តាមរយៈកងកម្លាំងនគរបា​ល នៃប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិសៀមរាប។

ប្រភពដដែលបានឱ្យដឹងថា ក្រុមសំណង់ចិនចំនួន១៣១នាក់ (ស្រី ៨នាក់) បានមកដល់អាកាសយានដ្ឋានអន្តរជាតិ ខេត្តសៀមរាប ដោយក្រុមហ៊ុនអាកាសចរណ៍China Eastern Airlines នៅថ្ងៃទី៦ ខែមីនា ឆ្នាំ២០២២។

ក្រុមអ្នកជំនាញសាងសង់ នឹងចូលរួមគម្រោងអាកាសយានដ្ឋានអន្តរជាតិសៀមរាបថ្មី និងពន្លឿនការសាងសង់គម្រោង តាមផែនការដែលបានគ្រោងទុកនៅឆ្នាំ២០២៣។

គម្រោងអាកាសយានដ្ឋានអន្តរជាតិសៀមរាបថ្មី វិនិយោគ និងសាងសង់ដោយក្រុមហ៊ុន Angkor International Airport Investment (Cambodia) Co., Ltd. (AIAI) មានទីតាំងនៅក្នុងស្រុកសូទ្រនិគម ខេត្តសៀមរាប ដែលមានចំងាយប្រហែល៤០គីឡូម៉ែត្រពីទីក្រុងសៀមរាប៕

ដោយៈ សុផារី

ត្បូងឃ្មុំៈ សម្តេចតេជោ ហ៊ុន សែននាយករដ្ឋមន្រ្តីនៃកម្ពុជា បានលើកឡើងថា កត្តាសំខាន់ៗមួយចំនួនបានរួមចំណែក ដល់កំណើនខ្ពស់នៃអាយុសង្ឃឹមរស់នាពេលបច្ចុប្បន្ន ក្នុងនោះកត្តាការអភិវឌ្ឍហេដ្ឋារចនាសម្ព័ន្ធក៏បានរួមចំណែកដ៏សំខាន់ផងដែរ។

ក្នុងពីធីសម្ពោធដាក់ឱ្យប្រើប្រាស់មន្ទីរពេទ្យមិត្តភាពកម្ពុជា-ចិនត្បូងឃ្មុំនៅក្នុងថ្ងៃទី៧ ខែមីនា ឆ្នាំ២០២២នេះ សម្តេចតេជោ ហ៊ុន សែន បានថ្លែងថា នៅឆ្នាំ១៩៩៨ ប្រជាពលរដ្ឋកម្ពុជាមានអាយុសង្ឃឹមរស់ ត្រឹម៥៦ឆ្នាំប៉ុណ្ណោះ តែពេលបច្ចុប្បន្នអាយុសង្ឃឹមរស់ មានរហូតដល់ជាង៧០ឆ្នាំ។

សម្តេចបញ្ជាក់ថា “ក្តីសង្ឃឹមនេះ ដោយសារកត្តាមួយចំនួន មានដូចជា កត្តាសុខសន្តិភាព ការអភិវឌ្ឍហេដ្ឋារចនាសម្ព័ន្ធ ភាពចម្រើនជីវភាព និងការរីកចម្រើននៃប្រព័ន្ធសេវាសុខាភិបាល”។

សម្តេចតេជោ ហ៊ុន សែន បានថ្លែងថា អតីតកាលកម្ពុជាបានជួបការលំបាកវេទនាយ៉ាងខ្លាំង ក្នុងការដឹកអ្នកជំងឺពីកន្លែងមួយ ទៅកន្លែងមួយទៀត។

សម្តេចថ្លែងថា “នឹកឃើញអតីតកាល ដ៏លំបាកដែលត្រូវដឹកអ្នកជំងឺពីកន្លែងមួយទៅកន្លែងមួយ ដ៏លំបាកហើយគ្មានមធ្យោបាយដឹកជញ្ជូន។ បើទោះបីជាមានមធ្យោបាយដឹក ការតភ្ជាប់នៅពេលនោះក៏មិនទាន់មាន ផ្លូវថ្នល់ក៏មិនទាន់មាន”។

សម្តេចតេជោ ហ៊ុន សែន បានថ្លែងថា បច្ចុប្បន្ននេះរាជរដ្ឋាភិបាលកម្ពុជា កំពុងប្រឹងប្រែងដោះស្រាយនូវតម្រូវការរបស់ជនបទ ហើយសម្រាប់អ្នកមិនធ្លាប់មកកាន់ប្រទេសកម្ពុជាមួយរយៈធំ នៅពេលគេចូលមកកម្ពុជាវិញ ពួកគេនឹងប្លែកភ្នែកនូវការរីកចម្រើន និងការអភិវឌ្ឍសង្គមកម្ពុជា៕

ដោយ៖ សុផារី

ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងថា ការចាក់វ៉ាក់សាំង គឺជាដង្ហើមសេដ្ឋកិច្ច ព្រោះថា វ៉ាក់សាំងជាមធ្យោបាយដ៏សំខាន់បំផុតក្នុងការឈានទៅកាន់ការបើកប្រទេសនិងបើកសេដ្ឋកិច្ចឡើងវិញ។

សម្តេចតេជោ ហ៊ុន សែន បានលើកឡើងបែបនេះនៅក្នុងសម្ពោធដាក់ឱ្យប្រើប្រាស់មន្ទីរពេទ្យមិត្តភាពកម្ពុជា-ចិនត្បូងឃ្មុំ តម្លៃជាង៤៦លានដុល្លាអាមេរិក នៅខេត្តត្បូងឃ្មុំ នាពេលព្រឹកថ្ងៃចន្ទនេះ។

សម្តេចបានបញ្ជាក់ថា “ប្រសិនបើមិនមានការចាក់វ៉ាក់សាំង ឆ្នាំនេះអាចនឹងមិនមានចូលឆ្នាំ។ ប៉ុន្តែ ឆ្នាំនេះ បុណ្យចូលឆ្នាំនៅតែបន្ត។ ជាក់ស្តែង ត្រឹមតែពីរថ្ងៃកន្លងមក ក៏មានជាង១៩ ម៉ឺននាក់ដើរលេងដែរ”។

សម្តេចបន្ត “យើងនៅតែបន្តដំណើរការចាក់វ៉ាក់សាំង ព្រោះ ឥលូវនេះ វ៉ាក់សាំងគឺសេដ្ឋកិច្ចតែម្តង ព្រោះបើមិនមានការចាក់វ៉ាក់សាំងទេ ភាពស៊ាំសហគមន៍ក៏មិនមាន ដល់មិនមានចឹង តើឱ្យយើងធ្វើទំនាក់ទំនងបើកទីផ្សារយ៉ាងមិច បើកសេដ្ឋកិច្ចយ៉ាងមិច? ធ្វើទំនាក់ទំនងយ៉ាងមិច? បរទេសហ៊ានចូលទេ?”

សម្តេចបានមានប្រសាសន៍ថា កន្លងមកជើងហោះហើរពាណិជ្ជកម្មអន្តរជាតិតែងតែចុះចតនៅទីក្រុងភ្នំពេញប៉ុន្តែកាលពីយប់មិញចាប់ផ្ដើមមានជើងហោះហើរពាណិជ្ជកម្មចុះចតនៅទីក្រុងព្រះសីហនុហើយ ដែលនេះបង្ហាញពីដំណើរការសេដ្ឋកិច្ចរបស់ប្រទេសកម្ពុជាចាប់ផ្ដើមងើបឡើងវិញ។

សម្ដេចថ្លែងថា តាមរយៈបទពិសោធន៍កន្លងមករបស់ប្រទេសកម្ពុជាក្នុងការគ្រប់គ្រងនូវវិបត្តិកូវីដ១៩ កម្ពុជាមានភាពចាំបាច់ក្នុងការបង្កើតឲ្យមានភាពសាំសហគមន៍ គ្រប់ទីកន្លែង។

សម្ដេចបានថ្លែងថា “ឧទាហរណ៍កន្លែងមួយមាន ១០០នាក់ ត្រូវចាក់ឲ្យបានយ៉ាងហោចណាស់ ៩៧នាក់”។
សម្តេច ហ៊ុន សែន បានគូសបញ្ជាក់ថា នៅកម្ពុជា បើទោះបីអត់មានវ៉ាក់សាំងក៏ដោយ ក៏មិនអនុញ្ញាតឱ្យមានការចាក់វ៉ាក់សាំងផុតកាលកំណត់ដែរ។ បើតាមសម្តេចតេជោ គឺកម្ពុជាមិនអនុញ្ញាតឱ្យប្រទេសណាមួយយកវ៉ាក់សាំងហួសកាលកំណត់មកចាក់ចោលនៅក្នុងប្រទេសកម្ពុជាឡើយ។ ៕