តើអ្វីនៅពីក្រោយភាពជាប់គាំងលើសំណើរបស់សហភាពអឺរ៉ុបក្នុងការដាក់ទណ្ឌកម្មហ៊ុមព័ទ្ធប្រេងរុស្ស៊ី?

ដោយ​:សុខុម

អឺរ៉ុបៈ សហភាពអឺរ៉ុប កំពុងស្នើដាក់ទណ្ឌកម្មហ៊ុមព័ទ្ធ ប្រេងរុ  ស្ស៊ី ទ្រង់ទ្រាយធំជាលើកដំបូង ខណៈរដ្ឋាភិបាលក្រុងមូស្គូ នៅតែបន្តភ្លើងសង្រ្គាមឈ្លានពានរបស់ខ្លួន នៅក្នុងប្រទេសអ៊ុយក្រែន។

សហភាពអឺរ៉ុប សង្ឃឹមថា អឺរ៉ុប នឹងឈប់នាំចូលប្រេងរុស្ស៊ី នៅត្រឹមដំណាច់ឆ្នាំនេះ។ ទោះជាយ៉ាងណា សំណើនេះនៅតែបន្តជាប់គាំង ដោយសារប្រទេសជាសមាជិកមួយចំនួនមិនយល់ស្រប។ នេះបើយោងតាមសារព័ត៌មាន Aljazeera ចុះផ្សាយកាលពីថ្ងៃព្រហស្បតិ៍ ទី១២ ខែឧសភា។

លោកស្រី Ursula von der Leyen ប្រធានគណៈកម្មការអឺរ៉ុប (European Commission) បានប្រកាសសេចក្ដីលម្អិតនៃកញ្ចប់ទណ្ឌកម្មជុំទី៦ ដែលគ្រោងដាក់លើប្រទេសរុស្ស៊ី កាលពីថ្ងៃទី៤ ខែឧសភា ដែលរួមបញ្ចូលទាំងវិធានការប្រេងដ៏មោះមុតផងដែរ។

ទោះជាយ៉ាងណា នៅពេលសំណើនេះ ត្រូវបានប្រកាសភ្លាម ប្រទេសហុងគ្រី និងប្រទេសស្លូវ៉ាគី បានជំទាស់ដាច់ខាត។

លោក Viktor Orban នាយករដ្ឋមន្ត្រីហុងគ្រី បានលើកឡើងថា ចំណាត់ការនេះ នឹងបំផ្លិចបំផ្លាញសេដ្ឋកិច្ចរបស់ប្រទេសលោក ហើយផ្ទុយមកវិញលោកបានស្នើឡើងថា ប្រេងរុស្ស៊ី ដែលបញ្ជូនបំពង់បង្ហូរ គួរតែត្រូវបានលើកលែងពីបម្រាម ដែលអនុវត្តតែទៅលើប្រេងដឹកជញ្ជូនតាមសមុទ្រ។

កាលពីឆ្នាំ២០២១ ប្រទេសហុងគ្រី បាននាំចូលប្រេង៧៥%នៃតម្រូវការសរុបរបស់ខ្លួនពីប្រទេសរុស្ស៊ី ខណៈប្រទេសស្លូវ៉ាគី នាំចូលប្រេង១០០% នៃតម្រូវការសរុបរបស់ខ្លួនពីប្រទេសរុស្ស៊ី។

ពេលនេះគណៈកម្មការអឺរ៉ុប ចង់ឱ្យគ្រប់ប្រទេសជាសមាជិករបស់សហភាពអឺរ៉ុប ឈប់នាំចូលប្រេងឆៅរុស្ស៊ី ទាំងអស់ក្នុងរយៈពេល៦ខែ ហើយនាំចូលតែផលិតផលចម្រាញ់រួច ដូចជាប្រេងឥន្ធនៈ ប្រេងម៉ាស៊ូត ឬប្រេងកាតចូលក្នុងសហភាពអឺរ៉ុប ត្រឹមដំណាច់ឆ្នាំនេះ។

លើសពីនេះទៀត សហភាពអឺរ៉ុប ថែមទាំងស្វះស្វែងដាក់បម្រាមលើក្រុមហ៊ុនដឹកជញ្ជូន និងក្រុមហ៊ុនធានារ៉ាប់រងនានាមិនឱ្យរកស៊ីពាក់ព័ន្ធប្រេងរុស្ស៊ី ទៀតផង។

ទណ្ឌកម្មភាគច្រើនរបស់សហភាពអឺរ៉ុប ដាក់លើប្រទេសរុស្ស៊ី រហូតមកទល់ពេលនេះ បានកើតចេញពីសេចក្តីសម្រេច និងបទ     ប្បញ្ញត្តិរបស់ក្រុមប្រឹក្សាសហភាពអឺរ៉ុប (EU Council) និងជាការធ្វើវិសោធនកម្មជាពិសេស ទៅលើទណ្ឌកម្មដាក់លើរុស្ស៊ី បន្ទាប់ពីប្រទេសនេះបានកាត់បញ្ចូលតំបន់គ្រីមៀ ក្នុងប្រទេសអ៊ុយក្រែន ជាឧបសម្ព័ន្ធរបស់ខ្លួនក្នុងឆ្នាំ២០១៤។

ចាប់តាំងរុស្ស៊ី បញ្ឆេះសង្គ្រាមចូលឈ្លានពានអ៊ុយក្រែន នៅថ្ងៃទី២៤ ខែកុម្ភៈ ដើមឆ្នាំនេះមក ក្រុមប្រឹក្សាសហភាពអឺរ៉ុប បានបន្តធ្វើវិសោធនកម្មសេចក្តីសម្រេចទាំងនេះ និងបទប្បញ្ញត្តិដែលភ្ជាប់ទៅជាមួយដែលអាចអនុវត្តបាន ស្របតាមច្បាប់របស់សហភាពអឺរ៉ុប។

សម្រាប់លោកស្រី Ursula von der Leyen ដែលជាប្រធានគណៈកម្មការអឺរ៉ុប ចង់ឱ្យឈានដល់ការអនុវត្ត “បម្រាមទាំងស្រុង” លើប្រេងរុស្ស៊ី។

ទោះជាយ៉ាងណា ប្រទេសជាសមាជិកទាំង២៧ ត្រូវបោះឆ្នោតជាឯកច្ឆ័ន្ទលើលក្ខខណ្ឌមួយចំនួន ធ្វើវិសោធនកម្មបន្ថែមទៀតលើសេចក្ដីសម្រេចមុនៗ និងអនុញ្ញាតឱ្យគណៈកម្មការអឺរ៉ុប ដើរតួនាទីជាអ្នកអនុវត្តន៍ច្បាប់ដ៏សំខាន់៕ Aljazeera៕

ចូ បៃឌិនទទួលស្គាល់សារៈសំខាន់របស់អាស៊ាន ចំពោះគោលនយោបាយការបរទេសអាមេរិកបែបណា?

ដោយៈសុខុម

អន្តរជាតិ: ក្រុងវ៉ាស៊ីនតោន បាននិងកំពុងធ្វើជាម្ចាស់ផ្ទះនៃកិច្ចប្រជុំកំពូលពិសេសអាមេរិក-អាស៊ាន នៅថ្ងៃទី១២-១៣ ខែឧសភា នេះដើម្បីសម្លឹងរកឱកាសពង្រឹង កិច្ចសហប្រតិបត្តិការឡើងវិញក្នុងវិស័យសំខាន់ៗ។

កិច្ចសហប្រតិបត្តិការទាំងនោះ រួមមាន ទាំងការឆ្លើយតបទៅនឹងវិបត្តិកូវីដ-១៩ និងសន្តិសុខសុខាភិបាលពិភពលោក ការងើបឡើងវិញនៃសេដ្ឋកិច្ច ការតភ្ជាប់ ការអភិវឌ្ឍធនធានមនុស្ស និងនិរន្តរភាព បម្រែបម្រួលអាកាសធាតុ ព្រមទាំងបញ្ហាសន្តិសុខ ដែលជាផលប្រយោជន៍ និងជាក្ដីបារម្ភរួមដូចជាបញ្ហាសមុទ្រចិនខាងត្បូង សន្តិសុខដែនសមុទ្រ និងស្ថានភាពនៅក្នុងប្រទេសមីយ៉ាន់ម៉ាផងដែរ។

កិច្ចប្រជុំកំពូលពិសេសនេះ ត្រូវបានគេមើលឃើញថា ជាឱកាសដ៏ល្អសម្រាប់ភាគីទាំង២ រកឱ្យឃើញនូវបញ្ហាសំខាន់ៗទាំងនេះ ដែលនឹងកំណត់ឡើងវិញ នូវទំនាក់ទំនងរវាងសហរដ្ឋអាមេរិក និងអាស៊ាន នាពេលអនាគត។ ភាគីទាំង២ចាំបាច់ត្រូវធានា នូវការជឿទុកចិត្តគ្នាទៅវិញទៅមក និងកិច្ចសហការគ្នាកាន់តែជិតស្និទ្ធ ដើម្បីដោះស្រាយដោយប្រសិទ្ធភាពខ្ពស់ នូវក្ដីកង្វល់ដែលកើតចេញពីការផ្លាស់ប្តូរ បរិយាកាសភូមិសាស្ត្រនយោបាយ។

មានការរំពឹងទុកថា រដ្ឋការប្រធានាធិបតី ចូ បៃឌិន នឹងបង្ហាញការប្តេជ្ញាចិត្តយ៉ាងមុតមាំរបស់ក្រុងវ៉ាស៊ីនតោន ចំពោះអាស៊ាន។

ដូចគ្នាដែរ ក្រុមមេដឹកនាំអាស៊ាន ក៏កំពុងទន្ទឹងចង់បានកិច្ចប្រជុំកំពូលមួយប្រកបដោយផ្លែផ្កា ជាពិសេសទាក់ទិននឹងយុទ្ធសាស្ត្រ តំបន់របស់សហរដ្ឋអាមេរិកតែម្ដង។

ច្បាស់ណាស់ថា អាស៊ាន កំពុងស្វះស្វែងបើកចំហតំបន់អាស៊ីអាគ្នេយ៍ ដែលសហរដ្ឋអាមេរិក អាចឈរជើងកាន់តែរឹងមាំ និងទូលំទូលាយជាងមុនក្នុងតំបន់កាន់តែធំជាង ដើម្បីទប់ឥទ្ធិពលរបស់មហាយក្សចិន ដែលកំពុងកើនឡើងឥតឈប់ឈរ។

ដើម្បីឱ្យកិច្ចប្រជុំកំពូលពិសេសអាស៊ាន-អាមេរិក នេះទទួលបានជោគជ័យជាផ្លែផ្កា លោក ចូ បៃឌិន ចាំបាច់ត្រូវបង្ហាញការបេជ្ញាចិត្តរបស់ក្រុងវ៉ាស៊ីនតោន ចំពោះអាស៊ាន និងទទួលស្គាល់សារៈសំខាន់របស់អាស៊ាន ចំពោះគោលនយោបាយការបរទេសអាមេរិក។

ទន្ទឹមនេះអាស៊ាន ក៏ចង់ឱ្យសហរដ្ឋអាមេរិក ក្លាយជាដៃគូសេដ្ឋកិច្ចដែលគួរទុកចិត្តបាន និងចង់បានព័ត៌មានលម្អិតបន្ថែមទៀតស្ដីពី ក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក (Indo-Pacific Economic Framework) របស់ក្រុងវ៉ាស៊ីនតោន ផងដែរ៕ South China Morning Post៕

ចូ បៃឌិនទទួលស្គាល់សារៈសំខាន់របស់អាស៊ាន ចំពោះគោលនយោបាយការបរទេសអាមេរិកបែបណា?

ដោយៈសុខុម

អន្តរជាតិ: ក្រុងវ៉ាស៊ីនតោន បាននិងកំពុងធ្វើជាម្ចាស់ផ្ទះនៃកិច្ចប្រជុំកំពូលពិសេសអាមេរិក-អាស៊ាន នៅថ្ងៃទី១២-១៣ ខែឧសភា នេះដើម្បីសម្លឹងរកឱកាសពង្រឹង កិច្ចសហប្រតិបត្តិការឡើងវិញក្នុងវិស័យសំខាន់ៗ។

កិច្ចសហប្រតិបត្តិការទាំងនោះ រួមមាន ទាំងការឆ្លើយតបទៅនឹងវិបត្តិកូវីដ-១៩ និងសន្តិសុខសុខាភិបាលពិភពលោក ការងើបឡើងវិញនៃសេដ្ឋកិច្ច ការតភ្ជាប់ ការអភិវឌ្ឍធនធានមនុស្ស និងនិរន្តរភាព បម្រែបម្រួលអាកាសធាតុ ព្រមទាំងបញ្ហាសន្តិសុខ ដែលជាផលប្រយោជន៍ និងជាក្ដីបារម្ភរួមដូចជាបញ្ហាសមុទ្រចិនខាងត្បូង សន្តិសុខដែនសមុទ្រ និងស្ថានភាពនៅក្នុងប្រទេសមីយ៉ាន់ម៉ាផងដែរ។

កិច្ចប្រជុំកំពូលពិសេសនេះ ត្រូវបានគេមើលឃើញថា ជាឱកាសដ៏ល្អសម្រាប់ភាគីទាំង២ រកឱ្យឃើញនូវបញ្ហាសំខាន់ៗទាំងនេះ ដែលនឹងកំណត់ឡើងវិញ នូវទំនាក់ទំនងរវាងសហរដ្ឋអាមេរិក និងអាស៊ាន នាពេលអនាគត។ ភាគីទាំង២ចាំបាច់ត្រូវធានា នូវការជឿទុកចិត្តគ្នាទៅវិញទៅមក និងកិច្ចសហការគ្នាកាន់តែជិតស្និទ្ធ ដើម្បីដោះស្រាយដោយប្រសិទ្ធភាពខ្ពស់ នូវក្ដីកង្វល់ដែលកើតចេញពីការផ្លាស់ប្តូរ បរិយាកាសភូមិសាស្ត្រនយោបាយ។

មានការរំពឹងទុកថា រដ្ឋការប្រធានាធិបតី ចូ បៃឌិន នឹងបង្ហាញការប្តេជ្ញាចិត្តយ៉ាងមុតមាំរបស់ក្រុងវ៉ាស៊ីនតោន ចំពោះអាស៊ាន។

ដូចគ្នាដែរ ក្រុមមេដឹកនាំអាស៊ាន ក៏កំពុងទន្ទឹងចង់បានកិច្ចប្រជុំកំពូលមួយប្រកបដោយផ្លែផ្កា ជាពិសេសទាក់ទិននឹងយុទ្ធសាស្ត្រ តំបន់របស់សហរដ្ឋអាមេរិកតែម្ដង។

ច្បាស់ណាស់ថា អាស៊ាន កំពុងស្វះស្វែងបើកចំហតំបន់អាស៊ីអាគ្នេយ៍ ដែលសហរដ្ឋអាមេរិក អាចឈរជើងកាន់តែរឹងមាំ និងទូលំទូលាយជាងមុនក្នុងតំបន់កាន់តែធំជាង ដើម្បីទប់ឥទ្ធិពលរបស់មហាយក្សចិន ដែលកំពុងកើនឡើងឥតឈប់ឈរ។

ដើម្បីឱ្យកិច្ចប្រជុំកំពូលពិសេសអាស៊ាន-អាមេរិក នេះទទួលបានជោគជ័យជាផ្លែផ្កា លោក ចូ បៃឌិន ចាំបាច់ត្រូវបង្ហាញការបេជ្ញាចិត្តរបស់ក្រុងវ៉ាស៊ីនតោន ចំពោះអាស៊ាន និងទទួលស្គាល់សារៈសំខាន់របស់អាស៊ាន ចំពោះគោលនយោបាយការបរទេសអាមេរិក។

ទន្ទឹមនេះអាស៊ាន ក៏ចង់ឱ្យសហរដ្ឋអាមេរិក ក្លាយជាដៃគូសេដ្ឋកិច្ចដែលគួរទុកចិត្តបាន និងចង់បានព័ត៌មានលម្អិតបន្ថែមទៀតស្ដីពី ក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក (Indo-Pacific Economic Framework) របស់ក្រុងវ៉ាស៊ីនតោន ផងដែរ៕ South China Morning Post៕

កិច្ចប្រជុំកំពូលអាស៊ាន អាមេរិក នឹងអាចទាក់ទាញការវិនិយោគពីអាមេរិកលើវិស័យអចលនទ្រព្យនៅកម្ពុជា

ដោយៈវឌ្ឍនៈ

ភ្នំពេញៈ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំប្រតិភូចូលរួមក្នុងកិច្ចប្រជុំកំពូលអាស៊ាន អាមេរិក ធ្វើឡើងនៅទីក្រុងវ៉ាស៊ីនតោនសហរដ្ឋអាមេរិក។

ជាមួយនឹងដំណើរចចូលរូម និងធ្វើជាសហប្រធាននៃកិច្ចប្រជុំរបស់សម្តេចតេជោ នឹងជាការបង្ហាញនូវមុខមាត់ កិត្យានុភាពកម្ពុជាលើឆាកអន្តរជាតិ ស្របពេលអ្នកវិនិយោគកម្ពុជាជាច្រើនបានអមដំណើរសម្តេច ដើម្បីស្វែងរកឱកាស និងចាប់ដៃគូវិនិយោគជាមួយវិនិយោគិនអាមេរិក។

នៅក្នុងដំណើរចូលរួមកិច្ចប្រជុំ របស់ប្រតិភូកម្ពុជាទៅអាមេរិកនេះដែរ មន្ត្រីជាន់ខ្ពស់កម្ពុជា ដែលអមដំណើរបានជួបជាមួយវិនិយោគិនអាមេរិក និងបង្ហាញពីសក្ដានុពលវិនិយោគរបស់កម្ពុជា ទៅកាន់វិនិយោគិនអាមេរិកដើម្បីទាក់ទាញការវិនិយោគរបស់អាមេរិកមកកម្ពុជា។

លោកប៉ាន សូរស័ក្តិរដ្ឋមន្ត្រីក្រសួងពាណិជ្ជកម្មកម្ពុជា បានជួបជាមួយតំណាងក្រុមហ៊ុនលក់រាយដ៏ធំមួយរបស់អាមេរិក និងជាអ្នកបញ្ជាទិញទំនិញពីកម្ពុជាធំមួយផងដែរ ។ ហើយក្រុមហ៊ុននេះ បានបញ្ជាក់ថា គ្រោងនឹងមកកម្ពុជាដើម្បីស្វែងរកការវិនិយោគនានានៅកម្ពុជាទៀតផង ។

អ្នកស្រី អាន សុធីតា អគ្គនាយិកាក្រុមហ៊ុនអចលនទ្រព្យ PropNex Cambodia បានមានប្រសាសន៍ថា បើយើងសង្កេតមើលជាក់ស្ដែង អ្នកវិនិយោគពីអាមេរិកមកកាន់កម្ពុជា នាពេលកន្លងមកមានចំនួនតិចតួចនៅឡើយ ដោយភាគច្រើននៃអ្នកអភិវឌ្ឍន៍នៅកម្ពុជាមកពីតំបន់អាស៊ី អឺរ៉ុប ហើយអាមេរិកជាអ្នកអភិវឌ្ឍន៍កម្ពុជាមកក្រោយគេ។

អ្នកស្រីបន្តថា “បើសិនជាយើងផ្ដល់កិច្ចសហការ និងមានយុទ្ធសាស្ត្រណាមួយដើម្បីទាក់ទាញ វិនិយោគិនអាមេរិក មកកាន់កម្ពុជា វាគឺជាចំណុចវិជ្ជមាន និងធ្វើឱ្យកម្ពុជាទទួលបានការវិនិយោគ ពីបរទេសកាន់តែច្រើនបន្ថែមទៀត”។ អ្នកស្រីបន្តថា “យ៉ាងណាមិញក្នុងពេលនេះ ប្រទេសមួយចំនួន ក៏កំពុងជាប់ដៃស្ដារប្រទេសខ្លួនពីវិបត្តិកូវីដ១៩ ដូច្នេះនៅពេលគេស្ដារប្រទេសរៀបចំប្រទេសឡើងវិញបាន អ្នកវិនិយោគរបស់ពួកគេនឹងចេញក្រៅប្រទេសដើម្បីបណ្ដាក់ទុនវិនិយោគតាមប្រទេសនីមួយៗ”។

សម្ដេចតេជោហ៊ុន សែនននាយករដ្ឋមន្ត្រីនៃព្រះរាជាណាចក្រកម្ពុជា ក្នុងជំនួបជាមួយអតីតសមាជិកសភាអាមេរិកក៏បានថ្លែងថា ទំនាក់ទំនងរវាងកម្ពុជានិងអាមេរិក និងបានជំរុញឱ្យទំហំពាណិជ្ជកម្មកម្ពុជា អាមេរិកកាន់តែមានកំណើន ហើយកម្ពុជា ក៏មិនដែលចាត់ទុកប្រទេសណាមួយ ជាសសត្រូវរបស់ខ្លួនដែរ ។

សម្តេចបន្តថា “កម្ពុជាចង់ធ្វើជាមិត្តជាមួយប្រទេសទាំងអស់ មិនថាអាមេរិក ចិននិងប្រទេសនានាលើពិភពលោក”៕

គំរោងអភិវឌ្ឍន៍ទីក្រុងរាមដ៏ធំរបស់់ក្រុមហ៊ុន Prince កំពុងត្រៀមបញ្ចប់ការចាក់ដីលើដំណាក់កាលទី១

ដោយៈជេស៊ីកា

ព្រះសីហនុៈ គំរោងអភិវឌ្ឍន៍ទីក្រុងដ៏ធំទំហំជាង៨០០ហិកតា របស់ក្រុមហ៊ុនលំដាប់យក្ស Prince Real Estate Group បានឈានដល់ការត្រៀមបញ្ចប់ការចាក់ដីលើដំណាក់កាលទី១របស់ខ្លួនហើយ។

អ្នកនាំពាក្យរដ្ឋបាលខេត្តព្រះសីហនុ លោកឃាង ភារម្យបានមានប្រសាសន៍ឲន្យដឹងតាមទូរស័ព្ទ កាលពីរសៀលថ្ងៃទី១២ ឧសភាកន្លងមកថា រហូតមកទល់ពេលនេះ ការចាក់ដីបំពេញដើម្បីសាងសង់ទីក្រុងនេះ បាននិងកំពុងបន្ត ដោយមិនបានផ្អាកសកម្មភាពណាមួយនោះទេ ទោះបីកម្ពុជាឆ្លងកាត់វិបត្តិកូវីដ១៩រយៈពេល២ឆ្នាំកន្លងមកក្តី។

លោកបន្តថា “ការសាងសង់ទីក្រុងទំហំជាង៨០០ហិកតានេះ មិនបានផ្អាកឡើយ ដោយសារក្រុមហ៊ុននេះមានមូលដ្ឋានទុនគ្រប់គ្រាន់ ដែលមិនអាចធ្វើឲ្យរាំងស្ទះដល់គំរោងនេះនោះទេ”។

លោកឃាង ភារម្យបានបន្តថា ជាមួយនឹងគ្នានេះ សកម្មភាពសេដ្ឋកិច្ច សង្គម និងសកម្មភាពអភិវឌ្ឍន៍នៅក្នុងខេត្ត ពិសេសក្រុងព្រះសីហនុបានចាប់ផ្តើមដំណើរការឡើងវិញបណ្តើរៗហើយ ដោយអ្នកវិនិយោគបន្តចេញចូលជាធម្មតា ខណៈជនបរទេសដែលបានធ្វើអាជីវកម្ម ក្នុងទីក្រុងនេះក៏បាន​ចាប់ផ្តើមបើកអាជីវកម្មរបស់ខ្លួនជាបន្តបន្ទាប់ផងដែរ។

យោងតាមប្រភពពីថ្នាក់ដឹកនាំជាន់ខ្ពស់របស់ក្រុមហ៊ុន Prince បាននិយាយឲ្យដឹង ក្នុងលក្ខខ័ណ្ឌមិនបញ្ចេញឈ្មោះថា រហូតមកទល់ពេលនេះការចាក់ដីបំពេញ ដើម្បីសាងសង់ទីក្រុងនេះ បានត្រៀមបញ្ចប់ដំណាក់កាលទី១ និងត្រៀមសាងសង់គំរោងផ្សេងៗហើយ។

ទីក្រុងរាម ដែលគ្រោងបោះទុន១០ពាន់លានដុល្លារអាមេរិក នឹង ផ្តោតលើការអភិវឌ្ឍន៍នូវទស្សនទានថ្មីជាទីក្រុងឆ្លាតវៃ និងមានហេដ្ឋារចនាសម្ព័ន្ឋ សេវាកម្មលំនៅដ្ឋាន សណ្ឋាគារ មជ្ឈមណ្ឌលកំសាន្តលំដាប់ពិភពលោក និងមានអ្វីៗសព្វបែបយ៉ាងសំរាប់បំរើឲ្យការរស់នៅ និងការកំសាន្តប្រកបដោយភាពស៊ីវិល័យ៕

សកម្មភាពអាជីវកម្មតាមបណ្ដោយមហាវិថីឈ្នះឈ្នះ នឹងកាន់តែមមាញឹក ស្របពេលកំណើនលំនៅឋានកាន់តែច្រើន

ដោយៈវឌ្ឍនៈ

ភ្នំពេញៈ សកម្មភាព នៃអាជីវកម្មនៅតាមបណ្ដោយផ្លូវឈ្នះ ឈ្នះ ឬហៅថាផ្លូវកប់ស្រូវ កាន់តែមានភាពមមាញឹកបន្តិចម្ដងៗ និងរំពឹងថានឹងកាន់តែមានភាពមមាញឹកបន្ថែមទៀត នៅពេលអនាគតស្របពេលកំណើនលំនៅឋាននៅតាមបណ្ដោយផ្លូវនេះ ក៏កាន់តែមានកំណើនច្រើនឡើងៗជាបន្តបន្ទាប់ផងដែរ។

ជាការកត់សម្គាល់អ្នកអភិវឌ្ឍន៍លំនៅឋានជាច្រើន បានកំពុងអភិវឌ្ឍន៍គម្រោងលំនៅឋានរបស់ខ្លួន រាប់តាំងពីលំនៅឋានតម្លៃសមរម្យរហូតដល់លំនៅឋានតម្លៃខ្ពស់ៗ ខ្ទង់លានដុល្លារអាមេរិកក្នុងមួយខ្នង។ ដូច្នេះវាអាចបញ្ជាក់ថាតំបន់នេះ នឹងកាន់តែមានភាពមមាញឹក ទៅលើសកម្មភាពអាជីវកម្មនៅពេលអនាគតខាងមុខនេះ ហើយនឹងធ្វើឱ្យតំបន់តាមបណ្ដោយផ្លូវនេះ កាន់តែមានភាពទាក់ទាញកាន់តែខ្លាំងឡើង ។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ថា វីថីឈ្នះ ឈ្នះបាននិងកំពុងកែប្រែមុខមាត់បន្តិចម្ដងៗនិងធ្វើឱ្យតម្លៃដីធ្លីនៅតាមតំបន់នោះ មានការទាក់ទាញនិងហាងឆេងល្អប្រសើរ ។ អ្នកអភិវឌ្ឍន៍លំនៅឋានជាច្រើន បានចូលទៅកាន់តំបន់នោះនិងធ្វើសកម្មភាពអភិវឌ្ឍន៍ គម្រោងលំនៅឋានរបស់ខ្លួន ជាបន្តបន្ទាន់និងកាន់តែច្រើនគម្រោង ។

លោកបន្តថា តម្លៃដីធ្លីនៅបណ្ដោយផ្លូវនេះ ក៏ឃើញថាមានភាពល្អប្រសើរ និងកំពុងបន្តកើនឡើងបន្ថែមទៀតដែរ ស្របពេលផ្លូវក្រវ៉ាត់ក្រុងទី៣ក៏បាននិងកំពុងសាងសង់ជិតរួច ដែលផ្លូវនេះដែរក៏បានតភ្ជាប់ ទៅកាន់មហាវិថីឈ្នះ ឈ្នះ និងភ្ជាប់ទៅកាន់ផ្លូវជាតិសំខាន់ៗជុំវិញក្រុងភ្នំពេញ ។

លោកឧកញ៉ាបណ្ឌិតគីម ហ៊ាង ប្រធានក្រុមហ៊ុនអចលនទ្រព្យ KW khmer Real Estate បានថ្លែងផងដែរថា មហាវិថីឈ្នះឈ្នះនឹងក្លាយជាតំបន់ដែលមមាញឹកមួយ ជាពិសេសតំបន់នៅប៉ែកខាងជើងរាជធានីភ្នំពេញ ដែលតំបន់នេះ បាននិងកំពុងមានការទាក់ទាញអភិវឌ្ឍន៍លំនៅឋានតម្លៃខ្ពស់ ហើយក៏ឃើញថាមានការចាប់អារម្មណ៍ ពីប្រជាពលរដ្ឋដែលមានប្រាក់ចំណូលខ្ពស់ៗផងដែរ។

លោកឧកញ៉ាបានបន្តថា តំបន់ប៉ែកខាងជើង និងមហាវិថីឈ្នះ ឈ្នះមានកត្តាច្រើន ដែលទាក់ទាញមនុស្សទៅរស់នៅតំបន់នោះ កាន់តែច្រើនបន្ថែមរួមមានវិមានឈ្នះឈ្នះ ពហុកីឡដ្ឋានជាតិមរតកតេជោ និងគម្រោងអភិវឌ្ឍន៍ធំៗមួយចំនួនទៀតផងដែរ៕

មជ្ឈមណ្ឌលលំដាប់អន្តរជាតិកប់ពពកដំបូងគេនៅក្រុងកំពតនឹងបញ្ចប់ការសាងសង់នៅពាក់កណ្តាលឆ្នាំ២០២៣

 ដោយៈគង់ សូរិយា

        កំពតៈ អគារពាណិជ្ជកម្មកប់ពពកលំដាប់អន្តរជាតិដំបូងគេ នៅក្រុងកំពត បាននិងកំពុងពន្លឿនការសាងសង់ ដើម្បីបញ្ចប់នៅពាក់កណ្តាលឆ្នាំ​២០២៣ខាងមុខនេះ។

លោកសាស្រ្តាចារ្យទួស សាភឿនថ្នាក់ដឹកនាំជាន់ខ្ពស់មួយរូបនៃក្រុមហ៊ុនថៃ ប៊ុនរ៉ុងដែលបាននិងកំពុងវិនិយោគ សាងសង់អាគារនេះបានមានប្រ​សាសន៍ឲ្យដឹងតាមបណ្តាញតេឡេក្រាមកាលទីថ្ងៃទី១២ ឧសភាថា បច្ចុប្បន្ន​ការសាងសង់គំរោងនេះ បានឡើងដល់ជាន់ទី១០ហើយ  ដោយក្រុមការងារ​បាននិងកំពុងសំរុកធ្វើទាំងយប់ទាំងថ្ងៃ ដើម្បីបញ្ចប់ការសាងសង់តាមផែន​ការដែលបានគ្រោងទុក។

លោកបន្តថា “អគារពាណិជ្ជកម្មនេះ នឹងរួមបញ្ចូលនូវការិយាល័យធ្វើ​ការបែបទំនើប សណ្ឋាគារប្រណីត មជ្ឈមណ្ឌលកំសាន្ត ខារ៉ាអូខេ អាផាតម៉ិន​ដែលអាចជួលប្រើប្រាស់រយៈពេលវែង”។ លោកបន្តថា “ជាមួយគ្នានេះ យើងក៏មានភោជនីយដ្ឋាន សំរាប់ម្ហូបអាហារច្រើនប្រទេស និងសេវាកម្មជាច្រើនទៀត”។

លោកគឹម សង្រ្គាមអ្នកអភិវឌ្ឍន៍អចលនទ្រព្យ នៅក្នុងខេត្តកំពតបានមានប្រសាសន៍ឲ្យដឹងនៅថ្ងៃដដែលថា លោកគិតថាគំរោងនេះ នឹងទទួលបានជោគជ័យ ព្រោះទី១ មុនវិនិយោគក្រុមហ៊ុនបានសិក្សាពីទីផ្សាររួចហើយ ទី២ សក្តានុពលសេដ្ឋកិច្ចក្នុងខេត្តកំពតនៅតែដំណើរការល្អ ទោះមានវិបត្តិ​កូវីដក្តី ព្រោះខេត្តកំពតពឹងផ្អែកសេដ្ឋកិច្ចក្នុងស្រុកច្រើន មានភ្ញៀវទេសចរណ៍ក្នុងស្រុកច្រើន។

លោកបន្តថា “ជាមួយគ្នានេះ ខ្ញុំមើលឃើញថាអ្នកវិនិយោគជាច្រើនបានចាប់ផ្តើមចូលមកកាន់ខេត្តកំពត ហើយខេត្តនេះនឹងដើរតួជាប៉ូលសេដ្ឋកិច្ចថ្មីមួយនៅតំបន់ឆ្នេរ ដែលមានសកម្មភាពពាណិជ្ជកម្មបែបពហុបំណង”។​លោកបន្តថា “សក្តានុពលលើសេដ្ឋកិច្ច ដែលពឹងផ្អែកលើកសិកម្ម កសិឧស្សា​ហកម្ម ទេសចរណ៍ និងការវិនិយោគអចលនទ្រព្យ នឹងធ្វើឲ្យអគារពាណិជ្ជកម្មថៃ ប៊ុនរ៉ុងនឹងទទួលបានជោគជ័យ”។

លោកបន្តថា ការវិនិយោគរបស់ក្រុមហ៊ុននេះ ជាការឆ្លយតបនិងត្រៀមទុកសម្រាប់កិច្ចការមួយចំនួន ដែលជាសក្តានុពលរបស់ខេត្ត សូម្បីតែលោក

ក៏ត្រូវការអាគារបែបនេះ សម្រាប់ធ្វើជាការិយាល័យរបស់ខ្លួន នាពេលអនា​គតផងដែរ៕

មជ្ឈមណ្ឌលលំដាប់អន្តរជាតិកប់ពពកដំបូងគេនៅក្រុងកំពត នឹងបញ្ចប់ការសាងសង់នៅពាក់កណ្តាលឆ្នាំ២០២៣

ដោយៈគង់ សូរិយា

កំពតៈ អគារពាណិជ្ជកម្មកប់ពពកលំដាប់អន្តរជាតិដំបូងគេ នៅក្រុងកំពត បាននិងកំពុងពន្លឿនការសាងសង់ ដើម្បីបញ្ចប់នៅពាក់កណ្តាលឆ្នាំ​២០២៣ខាងមុខនេះ។

លោកសាស្រ្តាចារ្យទួស សាភឿន ថ្នាក់ដឹកនាំជាន់ខ្ពស់មួយរូបនៃក្រុមហ៊ុនថៃ ប៊ុនរ៉ុងដែលបាននិងកំពុងវិនិយោគ សាងសង់អាគារនេះបានមានប្រ​សាសន៍ឲ្យដឹងតាមបណ្តាញតេឡេក្រាមកាលទីថ្ងៃទី១២ ឧសភាថា បច្ចុប្បន្ន​ការសាងសង់គំរោងនេះ បានឡើងដល់ជាន់ទី១០ហើយ ដោយក្រុមការងារ​បាននិងកំពុងសំរុកធ្វើទាំងយប់ទាំងថ្ងៃ ដើម្បីបញ្ចប់ការសាងសង់តាមផែន​ការដែលបានគ្រោងទុក។

លោកបន្តថា “អគារពាណិជ្ជកម្មនេះ នឹងរួមបញ្ចូលនូវការិយាល័យធ្វើ​ការបែបទំនើប សណ្ឋាគារប្រណីត មជ្ឈមណ្ឌលកំសាន្ត ខារ៉ាអូខេ អាផាតម៉ិន​ដែលអាចជួលប្រើប្រាស់រយៈពេលវែង”។ លោកបន្តថា “ជាមួយគ្នានេះ យើងក៏មានភោជនីយដ្ឋាន សំរាប់ម្ហូបអាហារច្រើនប្រទេស និងសេវាកម្មជាច្រើនទៀត”។

លោកគឹម សង្រ្គាមអ្នកអភិវឌ្ឍន៍អចលនទ្រព្យ នៅក្នុងខេត្តកំពតបានមានប្រសាសន៍ឲ្យដឹងនៅថ្ងៃដដែលថា លោកគិតថាគំរោងនេះ នឹងទទួលបានជោគជ័យ ព្រោះទី១ មុនវិនិយោគក្រុមហ៊ុនបានសិក្សាពីទីផ្សាររួចហើយ ទី២ សក្តានុពលសេដ្ឋកិច្ចក្នុងខេត្តកំពតនៅតែដំណើរការល្អ ទោះមានវិបត្តិ​កូវីដក្តី ព្រោះខេត្តកំពតពឹងផ្អែកសេដ្ឋកិច្ចក្នុងស្រុកច្រើន មានភ្ញៀវទេសចរណ៍ក្នុងស្រុកច្រើន។

លោកបន្តថា “ជាមួយគ្នានេះ ខ្ញុំមើលឃើញថាអ្នកវិនិយោគជាច្រើនបានចាប់ផ្តើមចូលមកកាន់ខេត្តកំពត ហើយខេត្តនេះនឹងដើរតួជាប៉ូលសេដ្ឋកិច្ចថ្មីមួយនៅតំបន់ឆ្នេរ ដែលមានសកម្មភាពពាណិជ្ជកម្មបែបពហុបំណង”។​លោកបន្តថា “សក្តានុពលលើសេដ្ឋកិច្ច ដែលពឹងផ្អែកលើកសិកម្ម កសិឧស្សា​ហកម្ម ទេសចរណ៍ និងការវិនិយោគអចលនទ្រព្យ នឹងធ្វើឲ្យអគារពាណិជ្ជកម្មថៃ ប៊ុនរ៉ុងនឹងទទួលបានជោគជ័យ”។

លោកបន្តថា ការវិនិយោគរបស់ក្រុមហ៊ុននេះ ជាការឆ្លយតបនិងត្រៀមទុកសម្រាប់កិច្ចការមួយចំនួន ដែលជាសក្តានុពលរបស់ខេត្ត សូម្បីតែលោកក៏ត្រូវការអាគារបែបនេះ សម្រាប់ធ្វើជាការិយាល័យរបស់ខ្លួន នាពេលអនា​គតផងដែរ៕

ក្រុមហ៊ុនលក់រាយធំជាងគេនៅកម្ពុជាពង្រីកទីតាំងស្តុកទំនិញនៅខេត្ត ព្រះសីហនុ

ដោយៈសុផារី

ក្រុងព្រះសីហនុៈ គម្រោងសាងសង់ឃ្លាំងភស្តុភារពហុមុខងាររបស់ក្រុមហ៊ុន អ៊ីអនម៉ល(ខេមបូឌា)ឡូជី ផ្លាស ខូអិលធីឌី (Aeon Mall (Cambodia) Logi Plus Co., Ltd) នៅថ្ងៃទី១១ ខែឧសភា ឆ្នាំ២០២២ បានចាប់ផ្តើមបើកការដ្ឋានសាងសង់នៅតំបន់សេដ្ឋកិច្ចពិសេស កំពង់ផែស្វយ័តក្រុងព្រះសីហនុ។

ពិធីក្រុងពាលីបើកការដ្ឋានគម្រោងធំមួយនេះ មានការចូលរួមពីសំណា​ក់លោក ម៉ាង ស៊ីណេត អភិបាលរងខេត្តព្រះសីហនុ និងលោក ហែម វណ្ឌី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ។

មជ្ឈមណ្ឌលពហុមុខងារនេះ នឹងត្រូវសាងសង់នៅលើផ្ទៃដី ៣០.០០០ម៉ែត្រការ៉េ នៅក្នុងតំបន់សេដ្ឋកិច្ចពិសេសកំពង់ផែ ក្រុងព្រះសីហនុ ដោយគ្រោងដាក់ដំណើរការនៅឆ្នាំ២០២៣ខាងមុខ។

គម្រោងនេះ នឹងក្លាយជាមជ្ឈមណ្ឌលដឹកជញ្ជូនពហុមុខងារ ដែលនឹងមានផ្ដល់សេវាកម្មគ្រប់ជ្រុងជ្រោយ ក្នុងការគ្រប់គ្រងនិងដឹកជញ្ជូនទំនិញនាំចូល (Fulfillment service) និង សេវាកម្មសម្របសម្រួលនីតិវិធីគយ (Customs clearance) នៅក្នុងភណ្ឌាគារគយមានដែនកំណត់ (Bonded Warehouse) របស់ខ្លួន។

លោកម៉ាង ស៊ីណេត អភិបាលរងខេត្តព្រះសីហនុ បានបញ្ជាក់ថា ខេត្តព្រះសីហនុជាប៉ូលសេដ្ឋកិច្ច រាជរដ្ឋាភិបាលកម្ពុជាជម្រុញខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ជាច្រកចេញចូលអន្តរជាតិ មជ្ឍមណ្ឌ​លភស្តុភាកម្ម ដែលមានទំនាក់ទំនងជាមួយប្រទេសក្នុងតំបន់អាស៊ាន និងពិភពលោក និងជម្រុញខេត្តព្រះសីហនុ ជាទីក្រុងឆ្លាតវៃប្រើប្រាស់បច្ចេកវិទ្យាឌីជីថល។

លោកបានបន្ថែមថា “កម្ពុជា និងជប៉ុនមានទំនាក់ទំនង និងកិច្ចសហប្រតិបត្តិការល្អ ហើយរដ្ឋាភិបាលជប៉ុន បានផ្តល់ហិរញ្ញវត្ថុជាជំនួយមនុស្សធម៌ជាច្រើនមកដល់កម្ពុជា ព្រមទាំងស្នើសុំឱ្យធុរកិច្ចជប៉ុន ជួយផ្សព្វផ្សាយពីសក្តានុពលខេត្តព្រះសីហនុ ដល់ប្រជាពលរដ្ឋ និងអ្នកវិនិយោគជប៉ុន មកទេសចរណ៍ និងវិនិយោគនៅខេត្តព្រះសីហនុកាន់តែច្រើនបន្ថែមទៀត”៕

AEON Mall Vietnam to build trade centre in Hue

Hanoi – AEON Mall Vietnam plans to build its first trading centre in the central region, AEON Mall Hue, covering a total 86,000sq.m, with an investment of 170 million USD in Thua Thien-Hue province’s An Van Duong new urban area.

The provincial People’s Committee said the plan, which was accepted by the local authorities earlier in May, would open for operation in 2023 to celebrate the 50th anniversary of Vietnam-Japan diplomatic ties.

It said the province and AEON Mall Vietnam had signed a Memorandum of Understanding on the development of a trading centre to boost tourism, trade, and attraction of investment from Japan to Thua Thien-Hue.

In 2020, Thua Thien-Hue approved the development of the An Van Duong urban centre in Huong Tra township on 42.6ha.

Last month, during the meeting with the Japanese Consulate General, Yakabe Yoshinori, the province’s leaders called for investment from Japan to the locality in terms of tourism, trade, service, and high-tech industries.

Last month, the American Chamber of Commerce (AmCham) and Thua Thien-Hue also agreed to boost ties between businesses from the US and the province to promote Hue as a future green economic growth area.

Source: VNS