The Asian Development Bank (ADB) has approved a $95 million loan to help the Cambodian government vaccinate Cambodians against the coronavirus disease (COVID-19) from 2022 to 2023, including annual booster shots for those already vaccinated and primary doses for children under 5.

“The project will help Cambodia save lives by reducing the number of severe coronavirus cases and accelerate the country’s economic recovery from the pandemic,” said ADB Senior Social Sector Specialist Rikard Elfving. “ADB will also provide $1 million in technical assistance to help Cambodia boost the effectiveness of logistics and supply-management systems and reduce access barriers among women, girls, children, and hard-to-reach populations.”

Cambodia was largely successful in controlling the spread of the coronavirus in 2020. But an outbreak in 2021 severely stressed the health care system and resulted in widespread closures of schools and businesses for most of the year.

Cambodia has fully vaccinated 80% of its population of 16.7 million since launching a national vaccination campaign on 10 February 2021. More than one in five people, or 21.8%, have received booster shots. Still, the country’s health system remains vulnerable to a surge in new infections linked to variants such as Delta and Omicron.

In addition to the Asia Pacific Vaccine Access Facility loan, the Asian Infrastructure Investment Bank is expected to provide cofinancing of $50 million subject to approval of their Board of Directors.

The project builds on ADB’s earlier COVID-19-related assistance to Cambodia. On 8 July 2020, ADB provided a $250 million loan to help the government mitigate the severe health, social, and economic impacts of the pandemic. In addition, ADB provided about 1.7 million units of personal protective equipment to Cambodia in 2021.

Since 2005, ADB has supported the Cambodian Ministry of Health’s regional communicable disease control projects. In October 2021, ADB approved $30 million in additional financing for the Greater Mekong Subregion Health Security Project to strengthen Cambodia’s health system amid a surge in COVID-19 cases.

ADB is committed to achieving a prosperous, inclusive, resilient, and sustainable Asia and the Pacific, while sustaining its efforts to eradicate extreme poverty. Established in 1966, it is owned by 68members—49 from the region.

ដោយ៖សុខុម

បាងកក: នៅពេលទីផ្សារការិយាល័យក្រុងបាងកក ប្រឈមនឹងអត្រាជួលធ្លាក់ចុះទាបបំផុតមិនធ្លាប់មាន ម្ចាស់អគារការិយាល័យក្នុងក្រុងនេះគួរតែជួសជួលកែលម្អអគារការិយាល័យរបស់ខ្លួនឱ្យថ្មី និងមានលក្ខណៈទំនើប ហើយផ្ដល់កិច្ចសន្យាមានភាពបត់បែនជាងមុនដើម្បីទាក់ទាញអ្នកជួលឱ្យបានមុនពេលការផ្គត់ផ្គង់ថ្មីៗជោរជន់លើទីផ្សារ។

លោកស្រី Roongrat Veeraparkkaroon នាយកគ្រប់គ្រងក្រុមហ៊ុនប្រឹក្សាអចលនទ្រព្យ CBRE Thailand បានលើកឡើងថា ទីផ្សារការិយាល័យក្រុងបាងកក បានទទួលរងផលប៉ះពាល់យ៉ាងខ្លាំងពីវិបត្តិកូវីដ-១៩។ អត្រាជួលការិលាយ័យប្រចាំឆ្នាំបានដាំក្បាលចុះខ្លាំងកាលពីឆ្នាំ២០២១ ដែលជាលើកទី១ ចាប់តាំងពីវិបត្តិហិរញ្ញវត្ថុពិភពលោកក្នុងឆ្នាំ១៩៩៧ មក។

ទោះបីជាការព្យាករបង្ហាញថា សេដ្ឋកិច្ចពិភពលោក និងការគ្រប់គ្រងវិបត្តិកូវីដ-១៩ នឹងប្រសើរឡើងក្ដី ក៏ក្រុមហ៊ុនធំដែលជាអ្នកជួល បានពិចារណាកាត់បន្ថយការចំណាយ និងចាប់យកបែបបទធ្វើការថ្មីក្នុងបរិបទកូវីដ-១៩ ដោយធ្វើការឆ្លាស់វេនគ្នាពីផ្ទះខ្លះ និងនៅការិយាល័យខ្លះ។

លោកស្រី Roongrat Veeraparkkaroon ថ្លែងថា “យើងមើលឃើញសញ្ញាវិជ្ជមានក្នុងសកម្មភាពជួលនៅឆ្នាំនេះ ប៉ុន្តែការជួលថ្មីៗ និងការបន្តជួលទៀតគួរតែមានលក្ខណៈបត់បែនជាងមុន ព្រោះម្ចាស់អគារការិយាល័យភាគច្រើនប្ដេជ្ញាត្រៀមខ្លួនប្រឈាមមុខនឹងហានិភ័យនាពេលអនាគត រួមទាំងការរីករាលដាលវីរុសកូវីដ-១៩ រលកថ្មីៗដែលអាចកើតមានផងដែរ”។

អ្នកជំនាញរូបនេះបានគូសបញ្ជាក់ថា យុទ្ធសាស្ត្រដែលមានភាពបត់បែននេះនឹងរួមបញ្ចូលទាំងលក្ខខណ្ឌបន្តកិច្ចសន្យាជួល រយៈពេលជួលដោយមិនគិតថ្លៃ កញ្ចប់បំពាក់គ្រឿងសង្ហារិម និងអត្ថប្រយោជន៍ផ្សេងៗទៀត។

ទន្ទឹមនេះ ម្ចាស់អគារការិយាល័យក៏គួរតែត្រៀមលក្ខណៈទុកជាមុនផងដែរពាក់ព័ន្ធនឹងនិន្នាការទីផ្សារ និងនិន្នាការការិយាល័យ។

លោកស្រី Roongrat Veeraparkkaroon បានបន្ថែមថា “ម្ចាស់អគារការិយាល័យថ្មីៗគួរពិចារណាឡើងវិញអំពីការព្យាករអំពីតម្លៃ ឱ្យមានលក្ខណៈប្រាកដនិយម”។

យោងតាមទិន្នន័យបង្ហាញថា នៅរយៈពេលពីរបីឆ្នាំខាងមុខ ការផ្គង់អគារការិយាល័យនឹងមានច្រើនជោរជន់ក្នុងទីផ្សារក្រុងបាងកក៕

ដោយៈវឌ្ឈនៈ

ភ្នំពេញៈ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន ៩៥លានដុល្លារ ដើម្បីជួយរាជរដ្ឋាភិបាលកម្ពុជា ក្នុងដំណើរការចាក់វ៉ាក់សាំងប្រឆាំងនឹងជំងឺកូវីដ១៩ ជូនប្រជាពលរដ្ឋ ចាប់ពីឆ្នាំ ២០២២ ដល់ឆ្នាំ ២០២៣ រួមមានការចាក់វ៉ាក់សាំងជំរុញប្រចាំ ឆ្នាំសម្រាប់អ្នកដែលបានចាក់វ៉ាក់សាំងរួច និងការចាក់វ៉ាក់សាំងមូលដ្ឋាន សម្រាប់កុមារអាយុក្រោម៥ ឆ្នាំ។

លោក Rikard Elfving អ្នកឯកទេសជាន់ខ្ពស់ផ្នែកសង្គមរបស់ADB មានប្រសាសន៍ថា “គម្រោងនេះនឹងជួយកម្ពុជា ដើម្បីសង្គ្រោះជីវិតដោយកាត់បន្ថយចំនួនករណីឆ្លងមេរោគធ្ងន់ធ្ងរ និងបង្កើនល្បឿននៃ ការស្តារសេដ្ឋកិច្ចរបស់ប្រទេសពីជំងឺរាតត្បាត”។ លោកបន្តថា “ADB ក៏នឹងផ្តល់ជំនួយបច្ចេកទេសចំនួន១លានដុល្លារផងដែរ ដើម្បីជួយកម្ពុជាបង្កើនប្រសិទ្ធភាពនៃប្រព័ន្ធដឹកជញ្ជូន និងផ្គត់ផ្គង់វ៉ាក់សំាង ព្រមទាំងកាត់បន្ថយបញ្ហាប្រឈមក្នុងការទទួលបានវ៉ាក់សំាង ក្នុងចំណោមស្ត្រី កុមារី កុមារតូច និង ក្រុមពលរដ្ឋដែលនៅឆ្ងាយ”។

ប្រទេសកម្ពុជាទទួលបានជោគជ័យយ៉ាងធំធេង ក្នុងការគ្រប់គ្រងការរីករាលដាលនៃកូវីដ១៩ក្នុងឆ្នាំ២០២០ ប៉ុន្តែការផ្ទុះការឆ្លងនៅឆ្នាំ ២០២១ បានបង្កជាសម្ពោធយ៉ាងធ្ងន់ធ្ងរ ដល់ប្រព័ន្ធថែរទាំសុខភាព ហើយបណ្តាលឱ្យមានការបិទសាលារៀន និងអាជីវកម្មជាច្រើន មួយរយៈពេលធំក្នុងឆ្នាំនោះ។

ប្រទេសកម្ពុជាបានផ្តល់ចាក់វ៉ាក់សាំង យ៉ាងពេញលេញដល់ប្រជាពលរដ្ឋប្រមាណ៨០% នៃប្រជាពលរដ្ឋសរុប១៦,៧ លាននាក់ចាប់តាំងពីការចាប់ផ្តើមយុទ្ធនាការ ចាក់វ៉ាក់សាំងថ្នាក់ជាតិនៅថ្ងៃទី ១0 ខែ កុម្ភៈ ឆ្នាំ២០២១មក។ ជាមធ្យម ពលរដ្ឋកម្ពុជាច្រើនជាងម្នាក់ ក្នុងចំណោមពលរដ្ឋប្រាំនាក់ ឬ២១,៨% បានទទួលការចាក់វ៉ាក់សាំងដូសជំរុញ។

ទោះបីជាយ៉ាងនេះក្តី ប្រព័ន្ធសុខាភិបាលរបស់ប្រទេស នៅតែងាយរងគ្រោះ ចំពោះការកើនឡើងនៃការឆ្លងថ្មី នៃមេរោគបំប្លែងខ្លួន ដូចជា Delta និង Omicron ជាដើម។

បន្ថែមពីលើប្រាក់កម្ចីដែលបានមកពីមូលនិធិ APVAX (Asia Pacific Vaccine Access Facility) ធនាគារអភិវឌ្ឍន៍អាស៊ីក៏នឹងជួយសម្របសម្រួល ប្រាក់កម្ចីចំនួន៥0លានដុល្លារ ពីធនាគារវិនិយោគហេដ្ឋារចនាសម្ព័ន្ធអាស៊ី (Asian Infrastructure Investment Bank ឬហៅកាត់ថា AIIB) សម្រាប់កម្ពុជាផងដែរ។

ប្រាក់កម្ចីទាំងនេះ នឹងជាថវិការួមសម្រាប់ការទិញ វ៉ាក់សាំងរហូតដល់ ១៤,៥ លានដូស ព្រមទាំងជួយគាំទ្រដល់ការដឹកជញ្ជូនចាំបាច់នានា។

គម្រោងខាងលើ ជាការគាំទ្របន្ថែមទៅលើជំនួយ ទាក់ទងនឹងកូវីដ១៩កន្លងទៅរបស់ADBដល់កម្ពុជា។

កាលពីថ្ងៃទី ៨ ខែកក្កដា ឆ្នាំ២០២០ ADB បានផ្តល់ប្រាក់កម្ចីចំនួន ២៥០លានដុល្លារ ដើម្បីជួយរាជរដ្ឋាភិបាល ក្នុងការកាត់បន្ថយផលប៉ះពាល់ធ្ងន់ធ្ងរដល់សុខភាពសង្គម និងសេដ្ឋកិច្ចនៃ ជំងឺរាតត្បាតនេះ។ លើសពីនេះADB ក៏បានផ្តល់ឧបករណ៍ការពារខ្លួន ប្រមាណ១,៧ លានគ្រឿងដល់កម្ពុជាក្នុងឆ្នាំ២០២១ផងដែរ៕

ដោយៈគង់ ម៉ាលីនណា

ភ្នំពេញៈ លោកប្រធាននាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្មបានបញ្ជាក់ថា នៅចុងឆ្នាំ២០២២ខាងមុខ ក្រសួងគ្រោងនឹងចុះបញ្ជី “ដូងខ្ទិះបាត់ដំបង”ជាម៉ាកសមូហភាព ដើម្បីក្លាយជាទំនិញសំគាល់ភូមិ​សាស្រ្ត ខណៈដែលបច្ចុប្បន្នក្រសួងបានកំពុងសិក្សា និងចងក្រងឯកសារ។

លោកសួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធានលេខា​ធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយ​កដ្ឋានកម្មសិទ្ធិបញ្ញា បានមានប្រសាសន៍ឲ្យដឹងនាព្រឹកថ្ងៃទី១៥ កុម្ភៈនេះថា គោលបំណង ក្នុងការជ្រើសរើសយកដូងខ្ទិះបាត់ដំបង ដើម្បីរៀបចំចុះបញ្ជីម៉ាកសមូសហភាព គឺជាគំនិតផ្តួចផ្តើមប្រកបដោយចក្ខុវិស័យ របស់លោករដ្ឋមន្រ្តី ប៉ាន សូរស័ក្តិ ដើម្បីកសាងជាម៉ូដែលអាជីវកម្មថ្មីមួយ ក្នុងការទាញប្រយោជន៍សក្តានុពលរបស់ខេត្ត។

លោកបន្តថា លោករដ្ឋមន្រ្តីចង់ជំរុញផលិតកម្មកសិកម្ម ទៅជាកសិពាណិជ្ជកម្ម ដែលអាចផ្គត់ផ្គង់បរិមាណច្រើន ក៏ដូចជា ការកែច្នៃតំបន់ផលិ​តកម្មដាំដុះ ទៅជាគោលដៅទេសចរណ៍បែបកសិទេសចរណ៍ ដើម្បីបង្កើនការងារ និងចំណូលបន្ថែមដល់ប្រជាពលរដ្ឋ ស្របតាមគោលដៅយុទ្ធសា ស្ត្ររបស់រាជរដ្ឋាភិបាលកម្ពុជា។

លោកបានបន្តថា អត្ថប្រយោជន៍នៃការកសាងម៉ាក សមូហភាពដូងខ្ទិះបាត់ដំបង នឹងរួមចំណែកកែប្រែផលិតផល ដូងខ្ទិះបាត់ដំបង ពីផលិតផ​លសាមញ្ញ ទៅជាផលិតផលមួយ ដែលតំណាងរបស់កម្ពុជានៅបរទេសងាយស្រួលផ្សព្វផ្សាយ ក្នុងពិព័រណ៍ពាណិជ្ជកម្ម និងប្រើប្រាស់បង្ហាញក្នុងការទូតម្ហូបអាហារ ដើម្បីផ្សារភ្ជាប់ជាមួយវប្បធម៌ម្ហូបអាហារ របស់ប្រជាជនកម្ពុជា។

ផលិតផលដូងខ្ទិះនេះ អាចប្រើជាធាតុផ្សំយ៉ាងពិសេសសម្រាប់មុខម្ហូប និងបង្អែមដទៃទៀត ហើយតាមរយៈការបង្ហាញមុខម្ហូប ដែលប្រើប្រាស់គ្រឿងផ្សំដូងខ្ទិះបាត់ដំបង នឹងធ្វើឱ្យកេរ្តិ៍ឈ្មោះម៉ាកសមូហភាព កាន់តែល្បីរន្ទឺដែលអាចទាក់ទាញចំណាប់អារម្មណ៍ ពីគ្រប់ជាតិសាសន៍ឱ្យចង់ស្គាល់ និងចង់ភ្លក់រស់ជាតិ។

លោក គឹម ហួត ប្រធានមន្ទីរពាណិជ្ជកម្មខេត្តបាត់ដំបង បានឲ្យដឹងផងដែរថា ដូងខ្ទិះបាត់ដំបង មានអាយុកាលដ៏យូរលង់ណាស់មកហើយ ដែលភាគច្រើនសំបូរក្នុងស្រុកចំនួន៣ ដូចជា ស្រុកឯកភ្នំ បាណន់ និងស្រុកសង្កែ។ ដូងនេះមានចំនួនសរុបមានចំនួន៥០០ដើមតែប៉ុណ្ណោះ។

លោកបានរៀបរាប់ថា ដូងខ្ទិះនេះ មានសាច់ក្រាស់ និងមានខ្ទិះក្នុងនឹងស្រាប់ ហើយមានទឹកតិចៗ។ ការទទួលទានដូងនេះ គេហូបជាមួយលុកឈិត ត្រសក់ស្រូវ និងគ្រាប់ជីជាដើម ដោយកោសដាក់តែម្តង ពោលមិនមែនពូតយកតែខ្ទិះនោះទេ។

លោកឲ្យដឹងទៀតថា ដូងខ្ទិះ ជាដូងដែលគេដាំក្នុងភូមិ មិនមែនជាចំការទេ ដោយផ្ទះខ្លះមានចំនួនតែ៣ ឬ១០ដើម និងរហូតដល់៣០ដើម ក៏មានដែរ។ ដោយឡែក រយៈពេលប្រមូលផល គឺពី៤ទៅ៦ខែ ហើយក្នុង១ធ្លាយមានតែ២ទៅ៣ផ្លែប៉ុណ្ណោះ។ រីឯតម្លៃលក់នៅតាមទីផ្សារចន្លោះ២៥ ០០០ ដល់៣៥,០០០រៀលក្នុង១ធ្លាយ៕

ដោយ៖ សូរិយា

តូក្យូ៖ លោក HAYASHI Yoshimasa រដ្ឋមន្ត្រីការបរទេសជប៉ុន បានបង្ហាញនូវចំណាប់អារម្មណ៍ និងទស្សនៈផ្ទាល់ខ្លួនថា លោក ហ៊ុន ម៉ាណែត មិនត្រឹមតែជាបញ្ញាវ័ន្តផ្នែកសេដ្ឋកិច្ចប៉ុណ្ណោះទេ ប៉ុន្តែក៏ជាអ្នកនយោបាយជាន់ខ្ពស់ប្រកបដោយទស្សនវិស័យផងដែរ។

លោកបានលើកឡើងយ៉ាងដូច្នេះអំឡុងបំពេញទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត នៅប្រទេសជប៉ុន នារសៀលថ្ងៃទី១៤ ខែកុម្ភៈ ឆ្នាំ២០២២ កន្លងទៅនេះ ដើម្បីពិភាក្សាការងារ និងផ្លាស់ប្តូរយោបល់អំពីកិច្ចសហប្រតិបត្តិការទ្វេភាគី ក៏ដូចជាបញ្ហាក្នុងតំបន់។

លោក HAYASHI Yoshimasa បានសម្តែងការស្វាគមន៍ចំពោះដំណើរទស្សនកិច្ចរបស់ លោកឧត្តមសេនីយ៍ឯក ហ៊ុន ម៉ាណែត និងគណៈប្រតិភូកងទ័ពជើងគោក មកកាន់ទីក្រុងតូក្យូ នាពេលនេះ ដែលជាការបង្ហាញឱ្យឃើញអំពីចំណងមិត្តភាពជិតស្និទ្ធ និងកិច្ចសហប្រតិបត្តិល្អរវាងប្រទេសទាំងពីរកម្ពុជា-ជប៉ុន។

លោករដ្ឋមន្ត្រី ក៏បានបង្ហាញអំពីការប្តេជ្ញាចិត្តរបស់ជប៉ុនក្នុងការបន្តជួយដល់ដំណើរការកសាង និងអភិវឌ្ឍប្រទេសកម្ពុជាឱ្យបានរីកចម្រើនរុងរឿងតទៅមុខទៀត ទន្ទឹមនឹងការបន្តគាំទ្រកម្ពុជាក្នុងគ្រប់កាលៈទេសៈ ស័ក្តិសមជាដៃគូយុទ្ធសាស្ត្រ។ លើសពីនេះ លោករដ្ឋមន្ត្រី ក៏បានបង្ហាញអំពីការគាំទ្រផងដែរចំពោះដំណើរការបោះឆ្នោតនៅកម្ពុជានៅឆ្នាំក្រោយនេះស្របតាមគោលការណ៍ប្រជាធិបតេយ្យ។

លោកបណ្ឌិត ហ៊ុន ម៉ាណែត បានសម្តែងភាពរីករាយចំពោះការស្វាគមន៍យ៉ាងកក់ក្តៅដែលបានផ្តល់ជូនគណៈប្រតិភូកងទ័ពជើងគោកកម្ពុជា និងបានអរគុណចំពោះរាជរដ្ឋាភិបាល កងកម្លាំងស្វ័យការពារ និងប្រជាជនជប៉ុន ដែលតែងមានសមានចិត្តជួយឧបត្ថម្ភគាំទ្រកម្ពុជាជាប់រហូតមក ទាំងក្នុងដំណើរការស្វែងរកសន្តិភាពក្នុងទស្សវត្សរ៍ឆ្នាំ៨០ បេសកកម្មថែរក្សាសន្តិភាពក្នុងទស្សវត្សរ៍ឆ្នាំ៩០ និងការណ៍ដែលជប៉ុនជាប្រទេស១ ក្នុងចំណោមប្រទេសដែលបានចូលរួមយ៉ាងសកម្មក្នុងការស្តារកសាង និងអភិវឌ្ឍកម្ពុជាលើគ្រប់វិស័យ។

លោកទាំងពីរក៏បានវាយតម្លៃខ្ពស់ចំពោះលទ្ធផលនៃកិច្ចសហប្រត្តិការទ្វេភាគីកន្លងមក ជាពិសេសវិស័យយោធា ដែលមានការរីកចម្រើនជាលំដាប់ចាប់តាំងពីឆ្នាំ២០១៣មក ហើយនៅឆ្នាំ២០២៣ ខាងមុខនេះ ក៏នឹងមានប្រារព្ធខួបទី ៧០ ឆ្នាំ នៃទំនាក់ទំនងការទូតរវាងប្រទេសទាំងពីរ ដោយនឹងមានការរៀបចំកម្មវិធីជាច្រើនផងដែរ។

តបតាមការអញ្ជើញរបស់រាជរដ្ឋាភិបាលជប៉ុន តាមរយៈ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក កំពុងដឹកនាំគណៈប្រតិភូជាន់ខ្ពស់កងទ័ពជើងគោក បំពេញទស្សនកិច្ចផ្លូវការរយៈពេល០៤ ថ្ងៃ ចាប់ពីថ្ងៃទី១៤ ដល់ថ្ងៃទី១៧ ខែកុម្ភៈ ឆ្នាំ២០២២ នៅក្នុងប្រទេសជប៉ុន ស្របពេលដែលប្រមុខរាជរដ្ឋាភិបាលនៃប្រទេសទាំងពីរកម្ពុជា-ជប៉ុន បានឯកភាពគ្នាប្រារព្ធខួបទី៣០ឆ្នាំ នៃប្រតិបត្តិការរក្សាសន្តិភាព (PKO) របស់ជប៉ុននៅកម្ពុជា ហើយដែលប្រតិបត្តិការនេះ ជាប្រតិបត្តិការក្រៅប្រទេសលើកទី១ របស់កងកម្លាំងស្វ័យការពារជប៉ុន ក្នុងក្របខ័ណ្ឌអង្គការសហប្រជាជាតិ៕