China’s Zhejiang approves new US$1.1 billion coal-fired power plant

SHANGHAI: The eastern Chinese coastal province of Zhejiang has approved the construction of a new 7 billion yuan (US$1.10 billion) coal-fired power plant with 2 gigawatts (GW) of generating capacity, the state firm in charge of the project said on Wednesday (Feb 8).

The Zhejiang Energy Group said the Phase 2 Project of the Liuheng Power Plant would consist of two highly efficient “ultra-supercritical” units and would help balance energy supply and demand in the province.

The group said the new project would also serve Zhejiang’s low-carbon transition by boosting efficiency, with generation rates at 254 grams of coal per kilowatt-hour, much lower than the national average of 302.5 grams.

China has been under fire for continuing to approve new coal plants. The world’s biggest source of climate-warming greenhouse gas will not cut coal use until after 2025, according to a pledge by President Xi Jinping last year.

Researchers with the State Grid Corporation expect another 150 GW of new coal-fired power capacity to be built over the 2021-2025 period, bringing the total to 1,230 GW.

Source: Reuters

លោកឆាយ ថនៈកម្ពុជាមានអង្គភាពសេដ្ឋកិច្ច៧៤៣,៥៣២នៅទូទាំងប្រទេស

ដោយៈគង់ ម៉ាលីនណា

ភ្នំពេញៈ របាយការណ៍លទ្ធផលបឋមស្តីពី ការស្រង់បញ្ជីអង្គភាពសេដ្ឋកិច្ច នៅតាមរាជធានីខេត្ត ទាំង២៥បានឱ្យដឹងថា មានចំនួនអង្គភាពសេដ្ឋកិច្ចសរុប៧៤៣,៥៣២ ទីតាំងមូលដ្ឋាននៅឆ្នាំ២០២១ ក្នុងទូទាំងប្រទេស។

លោកទេសរដ្ឋមន្រ្តីឆាយ ថនរដ្ឋមន្រ្តីក្រសួងផែនការបានមានប្រសាសន៍ឲ្យដឹង ក្នុងកិច្ចប្រជុំជាមួយមន្រ្តីគណកម្មការជំរឿនសេដ្ឋកិច្ច កាលពីដើមសប្តាហ៍នេះថា ចំនួនអង្គភាពសេដ្ឋកិច្ច បានកើនទ្បើងប្រមាណ៤៧% បើធៀបនឹងឆ្នាំ២០១១ (ជំរឿនសហគ្រាសឆ្នាំ២០១១) ហើយបានកើនទ្បើងប្រមាណ៤៥% បើធៀបនឹងឆ្នាំ២០១៤ (ទិន្នន័យអង្កេតចន្លោះជំរឿនសហគ្រាសឆ្នាំ២០១៤)។

លោកបន្តថា “លទ្ធផលបឋមនេះ បានបង្ហាញឱ្យឃើញអំពីការប្រែប្រួលរចនាសម្ព័ន្ធកំណើនប្រជាជន និងភូមិសាស្រ្តរដ្ឋបាលគ្រប់គ្រងនៅថ្នាក់មូលដ្ឋាន (ភូមិ ឃុំ/សង្កាត់) នៅតាមរាជធានី ខេត្ត ដែលមានចំនួនប្រជាជនសរុបបានកើនទ្បើងដល់ជិត១៦លាននាក់ និងមានគ្រួសារសរុបប្រមាណ៣,៦លានគ្រួសារ នៅឆ្នាំ២០១៩”។

លោកឆាយ ថនបានបន្តថា ទន្ទឹមនឹងការកើនទ្បើងប្រជាសាស្រ្តនោះ ប្រទេសកម្ពុជាបច្ចុប្បន្ន មានការអភិវឌ្ឍសេដ្ឋកិច្ចរីកចម្រើនផងដែរ កន្លងមកនៅមុនពេលការរីករាលដាលនៃជំងឺកូវីដ-១៩ សេដ្ឋកិច្ចកម្ពុជាអាចរក្សាកំណើនសេដ្ឋកិច្ចសម្រេចបានជាមធ្យម៧% ដោយការធ្វើសមាហរណកម្ម និងពិពិធកម្មសេដ្ឋកិច្ចទៅក្នុងតំបន់ និងពិភពលោក។ លើសពីនេះ កម្ពុជានឹងឈានទៅសម្រេចគោលដៅ ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។

លោកបន្តថា ទោះជាយ៉ាងនេះក្តី កម្ពុជាយើងក៏បានទទួលរងនូវផលប៉ះពាល់ពីជំងឺកូវីដ-១៩ ដែលធ្វើឱ្យកំណើនសេដ្ឋកិច្ច មានការថមថយមកវិញពីឆ្នាំ២០២០-២០២១ផងដែរ ដែលជាហេតុនាំឱ្យប្រជាជនប្រមាណ១៧,៨% នៃប្រជាជនសរុបបានរស់ក្រោមខ្សែបន្ទាត់ភាពក្រីក្រ ក្នុងនោះរួមមាន៖ អត្រាភាពក្រីក្រនៅរាជធានីភ្នំពេញមាន៤,២% តំបន់ទីប្រជុំជនផ្សេងៗទៀតមាន១២,៦% និងតំបន់ជនបទមាន២២,៨%៕

ខេត្តចិន Zhejiang អនុម័តសាងសង់រោងចក្រថាមពលអគ្គិសនីថ្មីដើរដោយធ្យូងថ្មតម្លៃរាប់ពាន់លានដុល្លារ

ដោយៈសុខុម

សៀងហៃ: ចឺជាំង (Zhejiang) ដែលជាខេត្តជាប់ឆ្នេរសមុទ្រនាភាគខាងកើតនៃប្រទេសចិន បានអនុម័តការសាងសង់គម្រោងរោងចក្រថាមពលអគ្គិសនីថ្មី ដើរដោយធ្យូងថ្មតម្លៃ១,១០ពាន់លានដុល្លារអាមេរិក ដែលមានសមត្ថភាព ផលិតអគ្គិសនីបាន២ជីហ្គាវ៉ាត់ (GW)។ នេះបើយោងតាមសារព័ត៌មាន CNA ចុះផ្សាយកាលពីថ្ងៃពុធ ទី៩ កុម្ភៈ។

ក្រុមហ៊ុន Zhejiang Energy Group ដែលទទួលបន្ទុកគម្រោងនេះបានទម្លាយឱ្យដឹងកាលពីថ្ងៃពុធ ទី៨ កុម្ភៈ ថា គម្រោងរោងចក្រ Phase 2 Project of the Liuheng Power Plant នេះនឹងជួយធ្វើឱ្យមានតុល្យភាពនូវការផ្គត់ផ្គង់ និងតម្រូវការថាមពលអគ្គិសនីក្នុងខេត្តនេះ។

ក្រុមហ៊ុននេះនិយាយថា គម្រោងថ្មីនេះក៏នឹងជួយដល់ខេត្តចឺជាំង នៅក្នុងការកាត់បន្ថយការបំភាយកាបូន ចូលទៅក្នុងបរិយាកាសផងដែរ តាមរយៈការបង្កើនប្រសិទ្ធភាពផលិតថាមពល ជាមួយនឹងអត្រាធ្យូងថ្ម២៥៤ក្រាមផលិតអគ្គិសនីបានមួយគីឡូវ៉ាត់ម៉ោង (kWh) បើធៀបនឹងអត្រាជាមធ្យម៣០២,៥ក្រាមក្នុងមួយគីឡូវ៉ាត់ម៉ោងនៅទូទាំងប្រទេស។

ប្រទេសចិន បាននិងកំពុងរងការរិះគន់យ៉ាងខ្លាំង ដោយសារការបន្តអនុម័តគម្រោងរោងចក្រអគ្គិសនីថ្មីៗដើរដោយធ្យូងថ្ម។

ប្រធានាធិបតីចិន លោកស៊ី ជីនភីង បានថ្លែងកាលពីឆ្នាំមុនថា ប្រទេសចិន ដែលជាប្រភពបញ្ចេញឧស្ម័នផ្ទះ កញ្ចក់ធំបំផុតរបស់ពិភពលោក នឹងមិនកាត់បន្ថយការប្រើប្រាស់ធ្យូងថ្ម រហូតដល់ក្រោយឆ្នាំ២០២៥។

ទន្ទឹមនេះក្រុមអ្នកសិក្សាស្រាវជ្រាវ មកពីក្រុមហ៊ុនអគ្គិសនីរដ្ឋរបស់ចិន State Grid Corporation of China (SGCC) រំពឹងថា នឹងសាងសង់រោងចក្រថ្មីៗដើរដោយធ្យូងថ្ម ដែលមានសមត្ថភាពផលិតអគ្គិសនី១៥០ជីហ្គាវ៉ាត់ (GW) បន្ថែមទៀ តក្នុងរយៈពេលគិតពីឆ្នាំ២០២១ ដល់ឆ្នាំ២០២៥ ដែលធ្វើឱ្យសមត្ថភាពផលិតសរុប ឈានដល់១.២៣០ជីហ្គាវ៉ាត់ (GW)៕ Reuters៕

ក្រុមហ៊ុនធំមួយវិនិយោគជាង ១២លានដុល្លារ លើអគារ Flatiron by Meridian International Holding

ដោយៈសុធារី

ភ្នំពេញៈ កាលពីដើមសប្តាហ៍នេះ ID Investors Hub បានចុះកិច្ចសន្យាវិនិយោគគម្រោងទី១របស់ខ្លួន នៅអគារ Flatiron ជាអគារពាណិជ្ជកម្មលំដាប់ A ស្ថិតនៅក្រោមគម្រោងសាងសង់ Meridian International Holding ក្នុងទំហំវិនិយោគជាង១២លានដុល្លាអាមេរិក។

អគារ Flatiron ជាអគារពាណិជ្ជកម្មលំដាប់ A ដែលមានទីតាំងស្ថិតនៅសង្កាត់ស្រះចក ខណ្ឌដូនពេញ ជាចំណុចកណ្តាល នៃរាជធានីភ្នំពេញ។

លោក ហោ សេរីវឌ្ឍន៍ ប្រធានក្រុមប្រឹក្សាភិបាល IDI និង IDC បានមានប្រសាសន៍ថា យន្តការថ្មីនេះ ក្លាយជាបណ្តាញដ៏សំខាន់មួយ ក្នុងការប្រមូលផ្តុំ គម្រោងវិនិយោគរបស់ពាណិជ្ជករ សហគ្រិន និងវិនិយោគិនក្នុង និងក្រៅប្រទេស ដែលមានបំណងចង់ទទួលមូលនិធិវិនិយោគ Investment Fund យកមកសិក្សានិងវិភាគ ប្រកបដោយវិជ្ជាជីវៈខ្ពស់ មុនសម្រេចវិនិយោគ ដើម្បីរក្សាសុវត្ថិភាពថវិកា និងផលចំណេញខ្ពស់។

ក្រោយសិក្សា និងវាយតម្លៃស៊ីជម្រៅគ្រប់ជ្រុងជ្រោយ មុនឈានដល់ការសម្រេចចិត្តវិនិយោគ IDI Hub និង ID Capital PLC បានវាយតម្លៃថា ជាគម្រោងអគារ Flatiron ដែលអាចទទួលប្រាក់ចំណេញខ្ពស់ សម្រាប់វិនិយោគិន ប្រៀបនឹងគម្រោងដែលប្រហាក់ប្រហែលនៅក្នុងតំបន់។

IDI Hub ជាបណ្តុំវិនិយោគនាំមុខគេនៅកម្ពុជាមួយ ដែលបានប្រមូលផ្តុំវិនិយោគិន នៅក្នុងប្រទេសដែលមានសក្តានុពល ហើយក៏ជាដៃគូសហការរបស់ក្រុមហ៊ុនគ្រប់គ្រងមូលនិធិជាតិ និងអន្តរជាតិផ្សេងៗផងដែរ។
IDI & IDC ផ្តោតការវិនិយោគលើវិស័យសំខាន់ៗចំនួន៣ គឺ អចលនៈទ្រព្យ សេវាកម្ម និងកសិកម្ម ដែលជាវិស័យឆ្អឹងខ្នងរបស់កម្ពុជា។

Meridian International Holding គឺជាក្រុមហ៊ុនចុះបញ្ជីនៅកម្ពុជាចាប់ផ្តើមឡើងក្នុងវិស័យកាត់ដេរ ហើយឈានមកអភិវឌ្ឍន៍អចលនទ្រព្យ ។ Flatiron by Meridian គឺជាគម្រោងទី៣របស់ Meridian International Holding នៅកម្ពុជា បន្ទាប់ពីអគារ Casa by Meridian ស្ថិតក្នុងតំបន់កោះពេជ្រ និង Skylar by Meridian៕

ក្រុមហ៊ុនសាងសង់ផ្លូវជាតិលេខ២ និងលេខ២២ សុំពន្យាពេលសាងសង់ ខណៈលទ្ធផលយឺតជាងផែនការ

ដោយៈ សុធារី

ភ្នំពេញៈ ក្រុមហ៊ុនសាងសង់ បានស្នើសុំពន្យាពេល៤ខែបន្ថែមទៀត ដោយសារខ្វះគ្រឿងចក្រសាងសង់ ខណៈមកដល់ពេលនេះការស្ថាបនា កំណាត់ផ្លូវជាតិលេខ២ និងផ្លូវជាតិលេខ២២ ទើបតែសម្រេចបានជិត៥៧ភាគរយ ដែលជាការស្ថាបនាយឺតយ៉ាវជាងផែនការ ដែលបានកំណត់ទុក។

លោកទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធាណរការ និងដឹកជញ្ជូន មានប្រសាសន៍នៅថ្ងៃទី៩ ខែកុម្ភៈ ឆ្នាំ២០២២ថា ផ្លូវជាតិលេខ២និងផ្លូវជាតិលេខ២២ កំពុងជួសជុល មានការយឺតយ៉ាវមិនទាន់ផែនការ។ ពេលនេះ ក្រុមហ៊ុនសាងសង់ បានស្នើសុំពន្យាពេលប្រមាណ៤ខែបន្ថែមទៀត។

លោកបានមានប្រសាសន៍ថា “ប្រជាពលរដ្ឋមានការលើកឡើងនៅតាមបណ្តាញសង្គម អំពីដំណើរការយឺតយ៉ាវ នៃការសាងសង់ផ្លូវជាតិលេខ២និងផ្លូវជាតិលេខ២២នេះ”។ លោកសង្កេតឃើញថា “ក្រុមហ៊ុនកំពុងខ្វះសម្ភារៈ គ្រឿងចក្រតាមការគ្រោងទុករបស់ខ្លួន ហើយក្រសួងសាធារណការ និងដឹកជញ្ជូន កំពុងត្រួតពនិត្យសំណើ លក្ខណៈបច្ចេកទេស និងហេតុផលនៃការសុំពន្យាពេលឱ្យក្រុមហ៊ុនសាងសង់”។

ទោះយ៉ាងណាក្តី លោកនៅមិនទាន់សម្រេច លើសំណើរខាងលើឡើយ។ គិតត្រឹមខែមករា ឆ្នាំ២០២២ គម្រោងផ្លូវជាតិលេខ២ និងផ្លូវជាតិលេខ២២ សម្រេចបានត្រឹមតែ៥៧ភាគរយតែប៉ុណ្ណោះ។

កំណាត់ផ្លូវជាតិលេខ២ និងផ្លូវជាតិលេខ២២ ចាប់ពីរង្វង់មូលកួរស្រូវ ដល់ផ្លូវបំបែកផ្លូវជាតិ លេខ៣ អង្គតាសោម ប្រវែង៦៣,៤២គីឡូម៉ែត្រ ដោយចំណាយថវិកា៥៦,១លានដុល្លាសហរដ្ឋអាមេរិក ដែលជាហិរញ្ញប្បទានពីរដ្ឋាភិបាល នៃសាធារណរដ្ឋកូរ៉េខាងត្បូង និងថិវកាបដិភាគរបស់រាជរដ្ឋាភិបាលកម្ពុជា។

គម្រោងនេះ សាងសង់ដោយយក្រុមហ៊ុន Hasan Engineering & Constructions Co., Ltd និងត្រួតពិនិត្យបច្ចេកទេសសាងសង់ ដោយសម្ព័ន្ធក្រុមហ៊ុន Dasan Constructions Co., Ltd, Dong II Engineering Consultants Co., Ltd និង Seoyoung Engineering Co., Ltd Join Venture ប្រើប្រាស់រយៈពេល ៣០ខែ គ្រោងបញ្ចប់នៅខែមេសា ឆ្នាំ២០២២៕

រដ្ឋាភិបាលនឹងរៀបចំជំរឿនសេដ្ឋកិច្ចសម្រាប់ឆ្នាំ២០២២នៅខែមិនាខាងមុខ

ដោយៈជេស៊ីកា

ភ្នំពេញៈ រដ្ឋាភិបាលនឹងរៀបចំដំណើរការ ជំរឿនសេដ្ឋកិច្ចនៅឆ្នាំ២០២២ នឹងត្រូវធ្វើឡើងចាប់ពីថ្ងៃទី១ ដល់ថ្ងៃទី៣១ ខែមីនា ឆ្នាំ២០២២ នៅទូទាំងប្រទេស ដោយត្រូវប្រើប្រាស់មន្ត្រីសម្ភាសន៍ សរុបចំនួនប្រមាណ៥ពាន់នាក់។

លោកឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានមានប្រសាសន៍ឲ្យដឹងក្នុងកិច្ចប្រជុំនៅថ្ងៃទី៨ កុម្ភៈថា ទិន្នន័យជំរឿនសេដ្ឋកិច្ច គឺពិតជាមានសារៈសំខាន់បំផុត ដែលត្រូវធ្វើមិនអាចខ្វះបាន ដើម្បីឆ្លើយតបសេចក្តីត្រូវការប្រើប្រាស់ទិន្នន័យ សម្រាប់ជាធាតុចូលដ៏សំខាន់ ក្នុងការរៀបចំគោលនយោបាយអភិវឌ្ឍន៍សេដ្ឋកិច្ច បរិស្ថាន សង្គម វប្បធម៌ និងសុខុមាលភាពរបស់ប្រជាជនកម្ពុជា និងផ្តល់សូចនាករសម្រាប់ចំណុចដៅនៃគោលដៅអភិវឌ្ឍន៍ប្រកបដោយចីរភាពឆ្នាំ២០១៦-២០៣០។

លោកបានបន្តថា ការធ្វើជំរឿនសេដ្ឋកិច្ច ត្រូវបានធ្វើជាលើកទី២ បន្ទាប់ពីបានធ្វើជាលើដំបូងនៅឆ្នាំ២០១១ ហៅថា “ជំរឿនសហគ្រាសនៅព្រះរាជាណាចក្រកម្ពុជាឆ្នាំ២០១១” និងបានធ្វើ “អង្កេតចន្លោះជំរឿនសហគ្រាសនៅកម្ពុជាឆ្នាំ២០១៤” ដែលឧបត្ថម្ភគាំទ្រផ្នែកហិរញ្ញវត្ថុ និងបច្ចេកទេសពីអង្គការ JICA រដ្ឋាភិបាលជប៉ុន និងថវិកាបដិភាគរបស់រាជរដ្ឋាភិបាលកម្ពុជា។

លោកឆាយ ថនបានពន្យល់ថា ដើម្បីគណនាវាយតម្លៃអំពីកំណើនសេដ្ឋកិច្ច តាមវិស័យនៅរាជធានីខេត្តនីមួយៗ យើងត្រូវតែមានទិន្នន័យតួលេខឱ្យបានច្បាស់ត្រឹមត្រូវ ជឿជាក់ខ្ពស់ និងទាន់ពេលវេលា សម្រាប់ឆ្លើយតបតម្រូវការប្រើប្រាស់ទិន្នន័យ ដោយផ្អែកតាមបរិបទសេដ្ឋកិច្ច នៅក្នុងរាជធានីខេត្ត ថ្នាក់តំបន់ និងសកលលោក ដែលមានការរីកចម្រើនយ៉ាងឆាប់រហ័សជាមួយ នឹងបដិវត្តន៍ឧស្សាហកម្មជំនាន់ទី៤ ដែលនឹងនាំមកនូវបច្ចេកវិទ្យាដ៏ទំនើបសម្រាប់ការអភិវឌ្ឍសេដ្ឋកិច្ចឌីជីថល ស្របតាមយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលកម្ពុជា៕

ក្រុមហ៊ុនលំដាប់យក្សចិន R&F Properties បានជាប់គាំងគំរោងនៅអង់គ្លេស និងកម្ពុជា

ដោយៈសុខុម

ក្រុងឡុងដ៍: ការងារសាងសង់អគារកប់ពពក One Nine Elms តម្លៃ១,២២ពាន់លានដុល្លារអាមេរិក នៅទីក្រុងឡុងដ៍ បានជាប់គាំងកាលពីសប្ដាហ៍កន្លងទៅ ដោយសារបញ្ហាទូទាត់ប្រាក់ ជាមួយក្រុមហ៊ុនអភិវឌ្ឍន៍ដ៏ធំ R&F Properties ដែលមានមូលដ្ឋាននៅប្រទេសចិន។

យោងតាមសារព័ត៌មានបរទេស Construction News ចុះផ្សាយកាលពីថ្ងៃអង្គារ ទី៨ កុម្ភៈ ឱ្យដឹងថា ក្រុមហ៊ុន R&F Properties បានឈានចូលទីផ្សារអង់គ្លេស ក្នុងឆ្នាំ២០១៧ ហើយបច្ចុប្បន្នមានគម្រោងធំៗចំនួន៤ដែលមានតម្លៃសរុប មិនតិចជាង៣ពាន់លានដុល្លារអាមេរិកឡើយ។ ប៉ុន្តែពេលនេះក្រុមហ៊ុននេះ កំពុងតែជួបការលំបាកផ្នែកហិរញ្ញវត្ថុ។

កាលពីដើមខែមករា ឆ្នាំ២០២២ បុត្រសម្ព័ន្ធនៅក្រុងហុងកុង របស់ក្រុមហ៊ុន R&F Properties បានខកខានសងបំណុល តាមពេលវេលាកំណត់ ក្រោយពីបុត្រសម្ព័ន្ធនោះ បានព្រមព្រៀងជាមួយម្ចាស់បំណុលរបស់ខ្លួន ដើម្បីពន្យារពេលទូទាត់សងបំណុល៧២៥លានដុល្លារអាមេរិក។

គំរោងរបស់ក្រុមហ៊ុន R&F Property ស្ថិតនៅលើមហាវិថីព្រះមុនីវង្ស ទល់មុខក្រសួងធនធានទឹក និងឧត្តុកនិយមក៏បានជាប់គាំង អស់រយៈពេលជាង២ឆ្នាំកន្លងមកផងដែរ។

ជុំវិញករណីនេះ ទីភ្នាក់ងារដាក់កម្រិតគុណភាពឥណទានអាមេរិក S&P Global មិនបានផ្លាស់ប្ដូរកម្រិតគុណភាព ឥណទានរបស់ក្រុមហ៊ុនមេ R&F Properties នោះទេ ប៉ុន្តែនិយាយថា ខ្លួនអាចនឹងកាត់។

ទោះជាយ៉ាងណា ទីភ្នាក់ងារដាក់កម្រិតគុណភាពឥណទានអាមេរិក S&P Global ក៏បានព្រមានដែរថា ក្រុមហ៊ុន R&F Properties នៅតែបន្តប្រឈមនឹងបញ្ហាសាច់ប្រាក់ នៅក្នុងរយៈពេល១២ខែខាងមុខ។

ទន្ទឹមនេះទីភ្នាក់ងារដាក់កម្រិត គុណភាពឥណទានអាមេរិក មួយទៀតឈ្មោះ Fitch ជឿថា ក្រុមហ៊ុន R&F Properties នៅតែបន្តប្រឈមមុខនឹងបញ្ហាសាច់ប្រាក់ ដោយសារបំណុលរយៈពេលខ្លី មួយចំនួនធំរបស់ខ្លួន ដល់ពេលត្រូវទូទាត់សងនៅក្នុងឆ្នាំ២០២២នេះ ខណៈក្រុមហ៊ុននេះនៅតែពិបាកទទួលបានហិរញ្ញប្បទាន។

ក្រុមហ៊ុននេះ កំពុងរៀបចំផែនការលក់ទ្រព្យសកម្ម ដើម្បីទូទាត់សងបំណុល ដែលដល់ពេលត្រូវសងក្នុងពេលដ៏ខ្លីខាងមុខនេះ ប៉ុន្តែអ្នកជំនាញជឿថា មានហានិភ័យខ្ពស់នៅក្នុងលក់ទ្រព្យសកម្មនេះ ដោយសារបរិយាកាសម៉ាក្រូសេដ្ឋកិច្ចកំពុងប្រឈមការលំបាក។

ខាងក្រោមនេះ ជាស្ថានភាពគម្រោងបច្ចុប្បន្នរបស់ក្រុមហ៊ុន R&F Properties នៅប្រទេសអង់គ្លេស៖

ទី១/ គម្រោងអគារកប់ពពក One Nine Elms
– ក្រុមហ៊ុនទទួលម៉ៅការ: Multiplex
– តម្លៃគម្រោង: ១,២២ពាន់លានដុល្លារអាមេរិក
– គម្រោងបញ្ចប់: ចុងឆ្នាំ២០២២
– ស្ថានភាពបច្ចុប្បន្ន: ការងារភាគច្រើនផ្អាក

ទី២/ គម្រោងអគារកប់ពពក Thames City
– ក្រុមហ៊ុនទទួលម៉ៅការ: ក្រុមហ៊ុន Mace (ដំណាក់កាលទី១) / ក្រុមហ៊ុន Midgard (ដំណាក់កាលទី២)
– តម្លៃគម្រោង: ជាង៦៥០លានដុល្លារអាមេរិក
– គម្រោងបញ្ចប់: ចុងឆ្នាំ២០២២
– ស្ថានភាពបច្ចុប្បន្ន: ដំណើរការតាមផែនការគ្រោងទុក

ទី៣/ គម្រោងអគារកប់ពពក Vauxhall Square
– ក្រុមហ៊ុនទទួលម៉ៅការ: មិនទាន់ប្រគល់ក្រុមហ៊ុនណាមួយទេ
– តម្លៃគម្រោង: ៥៤២លានដុល្លារអាមេរិក
– គម្រោងបញ្ចប់: មិនទាន់មានការបញ្ជាក់
– ស្ថានភាពបច្ចុប្បន្ន: ការងារសំខាន់ៗមិនទាន់បានចាប់ផ្ដើម

ទី៤/ គម្រោងអគារកប់ពពក Queen’s Square
– ក្រុមហ៊ុនទទួលម៉ៅការ: ក្រុមហ៊ុន Ardmore សម្រាប់ដំណាក់កាលទី១ ហើយដំណាក់កាលៗ ក្រោយមិនទាន់ប្រគល់ ទៅឱ្យក្រុមហ៊ុនណានៅឡើយទេ។
– តម្លៃគម្រោង: ជាង៦៧៧លានដុល្លារអាមេរិក
– គម្រោងបញ្ចប់: មិនទាន់ច្បាស់
– ស្ថានភាពបច្ចុប្បន្ន: ការងារផ្អាក ៕ Construction News៕

ដំណឹងល្អៈរដ្ឋាភិបាលបន្តលើកលែងការបង់ពន្ធប្រចាំខែចំពោះអាជីវកម្មក្នុងវិស័យទេសចរណ៍

ដោយ: សុផារី

ភ្នំពេញៈ រដ្ឋាភិបាលបានសម្រេចលើកទឹកចិត្តជាបន្តទៀតចំពោះម្ចាស់អាជីវកម្មទេសចរណ៍នានា តាមរយៈការលើកលែងពន្ឋប្រចាំខែ ដើម្បីជួយសម្រាលបន្ទុកដល់អ្នកពាក់ព័ន្ឋក្នុងវិស័យនេះ ដែលបានរងគ្រោះធ្ងន់ធ្ងរដោយសារវិបត្តិកូវីដ។

ក្រសួងសេដ្ឋកិច្ច និងហិរញ្ញវត្ថុ និងក្រសួងទេសចរណ៍ បានចេញប្រកាសអន្តរក្រសួងស្តីពី ការអនុវត្តវិធានការគោលនយោបាយគន្លឹះ សម្រាប់វិស័យទេសចរណ៍ ដោយបន្តលើកលែងការបង់ពន្ធប្រចាំខែ គ្រប់ប្រភេទចំពោះសណ្ឋាគារ ផ្ទះសំណាក់ ភោជនីយដ្ឋាន និងក្រុមហ៊ុនភ្នាក់ងារទេសចរណ៍ បន្តលើកលែងការបង់ពន្ធប៉ាតង់ ចំពោះក្រុមហ៊ុនភ្នាក់ងារទេសចរណ៍ និងប្រតិបត្តិករ ក្នុងវិស័យទេសចរណ៍ដទៃទៀត និងលើកលែងការបង់កម្រៃបន្តអាជ្ញាបណ្ណ ទេសចរណ៍គ្រប់ប្រភេទសម្រាប់ឆ្នាំ២០២២។

យោងតាមប្រកាសនេះ បានអនុញ្ញាតឱ្យអនុវត្តនូវគោលនយោបាយគន្លឹះ សម្រាប់វិស័យទេសចរណ៍ឆ្នាំ២០២២ រដ្ឋាភិបាលបន្តលើកលែងការបង់ពន្ធប្រចាំខែគ្រប់ប្រភេទ ចំពោះសណ្ឋាគារ ផ្ទះសំណាក់ ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដែលបានចុះបញ្ជីជាមួយអគ្គនាយកដ្ឋានពន្ធដារ និងមានសកម្មភាពអាជីវកម្ម នៅក្នុងរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកែប ខេត្តកំពត ក្រុងបាវិតនៃខេត្តស្វាយរៀង និងក្រុងប៉ោយប៉ែត នៃខេត្តបន្ទាយមានជ័យ សម្រាប់ឆមាសទី១ ឆ្នាំ២០២២។

ករណីមានបំណុលសល់ មុនវិបត្តិនៃជំងឺកូវីដ-១៩ ចំពោះប្រតិបត្តិករក្នុងវិស័យទេសចរណ៍សម្រាប់ខេត្តដទៃទៀត ត្រូវពន្យារពេលការចុះធ្វើសវនកម្មនៅក្នុងឆ្នាំ២០២១។ អាជីវកម្មទាំងនេះ នៅតែមានកាតព្វកិច្ចដាក់លិខិតប្រកាសពន្ធអាករ និងប្រើប្រាស់ប្រព័ន្ធអនទ្បាញ សម្រាប់គ្រប់គ្រងអាករលើតម្លៃបន្ថែម (E-VAT) ជារៀងរាល់ខែ ក្នុងអំទ្បុងពេលនៃការលើកលែងនេះ។

បន្ថែមលើសនេះ បន្តលើកលែងការបង់ពន្ធប៉ាតង់ ចំពោះក្រុមហ៊ុនភ្នាក់ងារទេសចរណ៍ និងប្រតិបត្តិករក្នុងវិស័យទេសចរណ៍ដទៃទៀត សម្រាប់ឆ្នាំ២០២២។ អ្នកជាប់ពន្ធទំាំងនេះ មានកាតព្វកិច្ចត្រូវធ្វើបច្ចុប្បន្នភាពប៉ាតង់។

ក្រៅពីនេះ រដ្ឋាភិបាលក៏លើកលែងការបង់កម្រៃ បន្តអាជ្ញាបណ្ណទេសចរណ៍គ្រប់ប្រភេទសម្រាប់ឆ្នាំ២០២២ ចំពោះអាជ្ញាបណ្ណទេសចរណ៍ ដែលស្ថិតក្នុងសុពលភាព។ អាជីវកម្មទេសចរណ៍គ្រប់ប្រភេទ នៅតែមានកាតព្វកិច្ច ដាក់ពាក្យស្នើសុំបន្តអាជ្ញាបណ្ណ ទេសចរណ៍ពីក្រសួងទេសចរណ៍ ឬរដ្ឋបាលរាជធានី-ខេត្ត ឬរដ្ឋបាលក្រុង-ស្រុក-ខណ្ឌ (ទៅតាមប្រភេទ និងទំហំអាជីវកម្មទេសចរណ៍ ដែលក្រសួងទេសចរណ៍ បានធ្វើប្រតិភូកម្មកន្លងមក) ក្នុងអំទ្បុងពេលនៃការលើកលែងនេះ។

ប្រកាសអន្តរក្រសួងខាងលើនេះ ក៏បានអនុញ្ញាតឱ្យបន្តសុពលភាពនៃការអនុវត្តសេចក្តីជូនដំណឹងស្តីពី ការអនុវត្តគោលនយោបាយលើកទឹកចិត្តនៃការលក់បណ្ណ ចូលទស្សនារមណីយដ្ឋានអង្គរ រហូតដល់ថ្ងៃទី៣១ ខែធ្នូ ឆ្នាំ២០២២៕

The Federal Reserve Bank of New York: Americans are increasingly in debted

A big year for car and home shopping helped push Americans to take on a lot more debt last year.

Household debt increased by $1 trillion in 2021, the biggest annual increase since 2007, according to data from the Federal Reserve Bank of New York.

In the fourth quarter alone, household debt grew by $333 billion to $15.58 trillion, the largest quarterly rate of increase since 2007 as well.

Mortgage debt and auto loans were the big drivers of the increase, according to the report, which is based on data from the New York Fed’s nationally representative Consumer Credit Panel.

“The aggregate balances of newly opened mortgage and auto loans sharply increased in 2021,” said Wilbert Van Der Klaauw, senior vice president at the New York Fed, “corresponding to increases in home and car prices.”

Source: CNN

ធនាគារកណ្តាលក្រុងញូវយ៉ក: ជនជាតិអាមេរិកកំពុងជំពាក់បំណុលកាន់តែច្រើនឡើងហើយ

ដោយៈ ម៉ាលីស

អន្តរជាតិៈ កាលពីឆ្នាំមុនគឺជាឆ្នាំដ៏ធំមួយ សំរាប់ការដើរទិញ ផ្ទះនិងរថយន្ត ដែលជំរុញឱ្យជនជាតិអាមេរិក ជំពាក់បំណុលកាន់តែច្រើនឡើង។

បំណុលគ្រួសារបានកើនឡើងដល់ ចំនួន១០០០ពាន់លានដុល្លារ ក្នុងឆ្នាំ២០២១ ដែលជាការកើនឡើងប្រចាំឆ្នាំដ៏ធំបំផុត ចាប់តាំងពីឆ្នាំ២០០៧ នេះបើយោងតាមទិន្នន័យពីធនាគារកណ្តាលនៃទីក្រុងញូវយ៉ក។

នៅក្នុងត្រីមាសទីបួន បំណុលគ្រួសារបានកើនឡើងទំហំ៣៣៣ពាន់លានដុល្លារ ដល់១៥,៥៨ពាន់ពាន់លានដុល្លារ ដែលជាអត្រាកំណើនប្រចាំត្រីមាសដ៏ធំបំផុតចាប់តាំងពីឆ្នាំ២០០៧ផងដែរ។

បំណុលកម្ចីទិញផ្ទះ និងប្រាក់កម្ចីទិញរថយន្ត ជាកត្តាជំរុញដ៏ធំនៃការកើនឡើងនេះ បើយោងតាមរបាយការណ៍ ដែលផ្អែកលើទិន្នន័យពីអ្នកតំណាងនៃ New York Fed Consumer Credit Panel ។

លោក Wilbert Van Der Klaauw អនុប្រធានជាន់ខ្ពស់នៅ New York Fed បាននិយាយថា “សមតុល្យសរុបនៃកម្ចីទិញផ្ទះ ដែលទើបនឹងបើកថ្មី និងប្រាក់កម្ចីទិញរថយន្ត បានកើនឡើងយ៉ាងខ្លាំងនៅឆ្នាំ២០២១” ដែលស្របគ្នាទៅនឹងការកើនឡើងនៃតម្លៃផ្ទះ និងរថយន្តផងដែរ៕

ប្រភព: CNN៕

1...1,5821,5831,584...3,296 Page 1,583 of 3,296