ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគថ្មីចំនួន២ទៀតមានទុនវិនិយោគជិត៦លានដុល្លារ

ដោយ៖ សុផារី

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី៣១ ខែមីនា ឆ្នាំ២០២២នេះ បានអនុម័តគម្រោងវិនិយោគថ្មីៗចំនួន២បន្ថែមទៀត ដែលសរុបទុនវិនិយោគចំនួន៥,៤លានដុល្លារ និងអាចបង្កើតការងារបានជាច្រើនកន្លែង។

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖

១. TOP NINGBO FASHION CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ ក្នុងទុនវិនិយោគប្រមាណ២,៤លានដុល្លារអាមេរិក និងអាចបង្កើតការងារបានចំនួន៦០៣កន្លែង។

២. KING LIM (CAMBODIA) CO., LTD: គម្រោងបង្កើតរោងចក្របោះពុម្ពលើស្លាកសញ្ញា និងផលិតគ្រឿងបន្សំសម្លៀកបំពាក់ ដែលមានទីតាំងវិនិយោគស្ថិតនៅភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ក្នុងទុនវិនិយោគប្រមាណ៣លានដុល្លារអាមេរិក និងអាចបង្កើតការងារបានចំនួន២២៤កន្លែង៕

Goldman Sachs expects Hong Kong home prices to fall 20per cent by end-2025

Reporting by Clare Jim

HONG KONG : Goldman Sachs said Hong Kong residential property prices could drop as much as 20per cent through 2025, hurt by a drag on household income and homebuyer demand caused by the latest wave of the COVID-19 outbreak and a rise in interbank rates.

The investment bank lowered the price forecasts for 2022 and 2025 to a drop of 5per cent each year, from previous forecasts of flat for both years. For 2023 and 2024, it maintained its prediction of a 5per cent drop.

Hong Kong, ranked by survey company Demographia as the world’s most unaffordable housing market for the 12th consecutive year, posted a 2.9per cent decline in home prices so far this year, with prices dropping at a faster pace in February to their lowest since January 2021.

Home prices more than doubled over the last decade and reached an all-time high in September. They were largely resilient during the mass protests that convulsed the city in 2019 and through the pandemic over the last two years, supported by robust demand and lower interest rates.

Goldman Sachs said in a report dated on Monday it expected HIBOR, on which most mortgages in Hong Kong are based, to rise around 270 basis points through 2024, sending mortgage rates higher to around 3.8per cent from a low of around 1.46per cent in the fourth quarter of 2021, and property prices could decline as a result.

“Every 25bp rate hike would need c.5per cent rise in income or 5per cent decline to property price to maintain affordability at the pre-rate hike state,” it said in the report

Source: Reuters

ធនាគារអាមេរិកមួយព្យាករថាតម្លៃផ្ទះនៅក្រុងហុងកុងនឹងធ្លាក់ចុះរហូតដល់២០ភាគរយ

ដោយ៖ សុខុម

ហុងកុង: ធានាគារអាមេរិក Goldman Sachs បានព្យាករថា តម្លៃអចលនទ្រព្យប្រភេទលំនៅដ្ឋាននៅក្រុងហុងកុង អាចនឹងធ្លាក់ចុះរហូតដល់ទៅ២០%នៅត្រឹមឆ្នាំ២០២៥។ នេះបើយោងតាមសារព័ត៌មាន CNA ចុះផ្សាយកាលពីថ្ងៃពុធ ទី៣០ ខែមីនា។

ការព្យាករនេះធ្វើឡើងនៅពេលប្រាក់ចំណូលរបស់ពលរដ្ឋ និងតម្រូវការរបស់អ្នកទិញផ្ទះដែលបង្កឡើងដោយសាររលកចុងក្រោយនៃការរីករាលដាលវីរុសកូវីដ-១៩ និងការដំឡើងអត្រាការប្រាក់របស់បណ្ដាធនាគារអន្តរជាតិ។

ធនាគារវិនិយោគដ៏ធំមួយនេះបានទម្លាក់ការព្យាករអំពីតម្លៃលំនៅដ្ឋានសម្រាប់ឆ្នាំ២០២២ និងឆ្នាំ២០២៥ មកនៅត្រឹមធ្លាក់ចុះ៥%ជារៀងរាល់ឆ្នាំបើធៀបនឹងការព្យាករមុននេះថា តម្លៃនឹងនៅទ្រឹងសម្រាប់ទាំងពីរឆ្នាំ។ សម្រាប់ឆ្នាំ២០២៣ និង២០២៤ ធនាគារនេះបានរក្សាការព្យាកររបស់ខ្លួន គឺធ្លាក់ចុះ៥%។

ទីក្រុងហុងកុង ដែលត្រូវបានក្រុមហ៊ុនស្ទង់មតិ Demographia ដាក់ចំណាត់ថ្នាក់ថាជាទីផ្សារលំនៅដ្ឋានថ្លៃបំផុតរបស់ពិភពលោករយៈពេល១២ឆ្នាំជាប់ៗគ្នា បានប្រកាសពីការធ្លាក់ចុះ២,៩%នូវតម្លៃផ្ទះមកទល់ពេលនេះនៅឆ្នាំនេះ ដោយតម្លៃបានធ្លាក់ចុះលឿនក្នុងខែកុម្ភៈ ដែលជាការធ្លាក់ចុះខ្លាំងបំផុតចាប់តាំងពីខែមករា ឆ្នាំ២០២១។

តម្លៃផ្ទះបានហក់ឡើងលើសទ្វេដងក្នុងរយៈពេលជាងមួយទសវត្សរ៍ចុងក្រោយនេះ និងបានឈានដល់កម្រិតខ្ពស់បំផុតមិនធ្លាប់មានក្នុងខែកញ្ញា ឆ្នាំ២០២១។

ទីផ្សារលំនៅដ្ឋាននេះនៅតែមានភាពធន់ទ្រាំគួរឱ្យកត់សម្គាល់អំឡុងមហាបាតុកម្ម ដែលបានធ្វើឱ្យក្រុងនេះ ធ្លាក់ចូលក្នុងស្ថានភាពចលាចលក្នុងឆ្នាំ២០១៩ និងបានឆ្លងកាត់វិបត្តិរីករាលដាលវីរុសកូវីដ-១៩ យ៉ាងស្វាហាប់រយៈពេល២ឆ្នាំមកនេះ។ នោះក៏ដោយសារទីផ្សារនេះទទួលបានកំណើនរឹងមាំ និងអត្រាការប្រាក់ចុះថោកជាងមុន៕

តើកត្តារយៈចម្ងាយមានឥទ្ធិពលដល់ការសម្រេចចិត្តលើសកម្មភាពវិនិយោគផ្ទះលំហែពិតឬ?

ដោយ៖ សុផារី

ភ្នំពេញ៖ ដោយសារតែស្ថានភាពទីក្រុងភ្នំពេញមានការប្រែប្រួលខ្លាំង ជាពិសេសអគារពាណិជ្ជកម្មធំៗ បណ្តុំសកម្មភាពសេដ្ឋកិច្ច មានប្រជាពលរដ្ឋរស់នៅច្រើន ដែលធ្វើឱ្យពលរដ្ឋបែងចែកផ្ទះស្នាក់នៅជា២ផ្សេងគ្នា មួយសម្រាប់ធ្វើការ និងមួយទៀតសម្រាប់លំហែកាយពេលឈប់សម្រាក។

អ្នកជំនាញមើលឃើញប្រជាពលរដ្ឋខ្មែរភាគច្រើន ជាពិសេសអ្នកមានលំនៅឋានរួចហើយនៅទីក្រុងភ្នំពេញ នឹងងាកមករស់នៅលំនៅឋានបែបធម្មជាតិបន្ថែមទៀត។ យ៉ាងណាក្តី ដើម្បីធ្វើដំណើរទៅកាន់ទីតាំងទាំងនោះ រយៈចម្ងាយនិងពេលវេលានៃការធ្វើដំណើរអាចជាកត្តាដែលពិចារណា និងមានឥទ្ធិពលដល់ការសម្រេចចិត្តសកម្មភាពវិនិយោគផ្ទះលំហែពិតឬទេ?

លោក Cooler Tan អគ្គនាយកក្រុមហ៊ុនYoungsia Real Estate និងជាម្ចាស់អាជីវកម្មដីឡូតិ៍លំហែបូកគោលែននៅក្នុងខេត្តកំពត មានប្រសាសន៍នៅក្នុងថ្ងៃទី៣០ ខែមីនា ថា សម្រាប់ទីផ្សារដីឡូត៍និងផ្ទះលំហែ បណ្តាខេត្តជាប់សមុទ្រនិងបណ្តាខេត្តជាប់ភ្នំ ជាតំបន់ដែលមានសក្តានុពល។ ប៉ុន្តែខេត្តនៅឆ្ងាយពេកក៏មិនសូវមានសក្តានុពលដែរ។

លោក Cooler Tan បន្តថា ខេត្តដែលល្អជាងគេ គឺខេត្តជាប់សមុទ្រនិងមានចម្ងាយជិតក្រុងភ្នំពេញ ក្នុងនោះមានខេត្តកំពតនិងខេត្តកែប។

យ៉ាងណាក្តី លោកក៏មើលឃើញថា អ្នកអភិវឌ្ឍន៍ខ្លះបង្វែរទិសដៅ ឱ្យស្របតាមតម្រូវការរបស់អតិថិជនរបស់គាត់ ព្រោះអ្នកខ្លះមានតម្រូវការមធ្យមចុះក្រោម ថោកៗ ជាដើម ដោយសារដីធ្លីនៅក្នុងបណ្ដាខេត្តសក្តានុពលខ្ពស់មានតម្លៃខ្ពស់ខ្លាំង ដែលបណ្តាលឱ្យអ្នកអភិវឌ្ឍន៍បង្វែរទិសដៅអភិវឌ្ឍន៍របស់ខ្លួនទៅកាន់បណ្តាខេត្តផ្សេងៗ ដូចជា ខេត្តជាប់តំបន់ភ្នំ មានទេសភាពស្អាតដូចគ្នា។


លោកឧកញ៉ា តេង ឬទ្ធី អគ្គនាយកក្រុមហ៊ុន R Investment Group បានប្រាប់គេហទំព័រ propertyarea.asia តាមប្រព័ន្ធទូរស័ព្ទថា កាលណាចម្ងាយឆ្ងាយ ភ្ញៀវទេសចរនិងអ្នកវិនិយោគទុនពិចារណាមើលទីតាំងជិតនិងមានសក្តានុពលមុនហើយ។

ជាក់ស្តែង លោកឧកញ៉ាបន្តថា បើប្រៀបធៀបនឹងខេត្តផ្សេងៗទៀត ខេត្តកំពតជាទីតាំងមួយដែលខ្លាំង ដោយសារតែរយៈចម្ងាយជិតក្រុងភ្នំពេញនិងអំណោយផលនិងភាពងាយស្រួលពីផ្លូវថ្នល់ស្អាត សុវត្ថិភាពក្នុងការធ្វើដំណើរទៅមក ទាំងយប់និងថ្ងៃ។

លោកឧកញ៉ាបានអះអាងថា “ចំណែកខេត្តមួយចំនួនទៀត ដែលមានរយៈចម្ងាយឆ្ងាយពីក្រុងភ្នំពេញ ដូចជាខេត្តមណ្ឌលគិរី ពិតមែនតែជាខេត្តមួយដែលមានបរិយាកាស អាកាសធាតុល្អ តែចម្ងាយផ្លូវឆ្ងាយ អាចទាក់ទងបានការវិនិយោគតិចជាង”៕

ផ្សារទំនើបធំៗកាន់តែច្រើនបានប្រមូលផ្ដុំគ្នានៅតំបន់សែនសុខ

      ដោយៈវឌ្ឍនៈ

ភ្នំពេញៈ តំបន់ជាច្រើននៃខណ្ឌសែន សុខរាជធានីភ្នំពេញ បាននិងកំពុងទទួលបានការចាប់អារម្មណ៍ លើការវិនិយោគផ្សារទំនើបធំៗ ហើយបច្ចុប្បន្ននេះផ្សារទំនើបធំៗជាច្រើន បានបង្ហាញខ្លួនជាបន្តបន្ទាប់ ដែលធ្វើឱ្យតំបន់មួយផ្នែកនៃខណ្ឌសែនសុខ ក្លាយជាតំបន់លក់រាយទំនិញម៉ាកយីហោល្បីៗជាច្រើន ។

នៅថ្ងៃទី៣១ខែ មីនា ២០២២នេះផងដែរផ្សារទំនើប ក្នុងស្រុកធំមួយបានបើកសម្ពោធដំណើរការជាផ្លូវការ នៅក្នុងតំបន់នៃខណ្ឌសែនសុខរាជធានីភ្នំពេញ គឺផ្សារទំនើបជីបម៉ុង នៅតាមបណ្ដោយផ្លូវម៉ុងឬទ្ធី និងជាទីតាំងដែលពោរពេញទៅដោយសក្ដានុពលលើផ្សារទំនើប ។

អ្នកជំនាញនៃវិស័យអចលនទ្រព្យជាច្រើន បានមើលឃើញថា តំបន់ខណ្ឌសែនសុខ បានក្លាយជាតំបន់ដែលប្រមូលផ្ដុំ ដោយហាងលក់ទំនិញដ៏ពេញនិយម ហើយតំបន់នេះដែរក៏ឃើញ មានផ្សារទំនើបល្បីៗជាច្រើនរួមមានផ្សារទំនើបអ៊ីអនរបស់ជប៉ុន ផ្សារទំនើបម៉ាក្រូរបស់ប្រទេសថៃ ផ្សារទំនើបGlobal House ផ្សារទំនើបជីបម៉ុងជាផ្សារទំនើបក្នុងស្រុក និងផ្សារទំនើបតូចៗជាច្រើន រួមជាមួយផ្សារបោះដុំមួយចំនួនផងដែរ ។

លោកឧកញ៉ាបណ្ឌិតគីមហ៊ាង ប្រធានក្រុហ៊ុនអចលនទ្រព្យ KW Cambodia ក៏បានឱ្យដឹងផងដែរថា ខណ្ឌសែនសុខប៉ែកខាងជើងឈៀងខាងលិច មានការអភិវឌ្ឍខ្លាំង ក្នុងរយៈពេលប៉ុន្មានឆ្នាំកន្លងមកនេះ ។ពីមុនតម្លៃដីធ្លី នៅក្នុងតំបន់ខណ្ឌសែនសុខ ក្នុងកម្រិតមួយទាបសមរម្យប៉ុន្តែបច្ចុប្បន្ននេះ តំបន់នៃខណ្ឌសែនសុខបានហក់ឡើង និងសម្រាប់អភិវឌ្ឍន៍ជាលំនៅឋានតម្លៃខ្ពស់ និងផ្សារទំនើបៗ ។

តាមការសិក្សារបស់ក្រុមហ៊ុនអចលនទ្រព្យមួយ ក៏បានបង្ហាញផងដែរថា តំបន់សែនសុខជាតំបន់ ដែលមានការឆ្លងកាត់ពីមនុស្សជាច្រើន នៅក្នុងរាជធានិភ្នំពេញ រហូតដល់៧០ម៉ឺននាក់ក្នុងមួយថ្ងៃ  ។ កត្តាទាំងនេះហើយ ដែលធ្វើឱ្យតំបន់សែនសុខ បានក្លាយជាតំបន់ដែលមានសក្ដានុពលនិងកន្លែងលក់រាយទំនិញ ដ៏ពេញនិយមមួយនៅក្នុងរាជធានីភ្នំពេញ ។

តំបន់ខណ្ឌសែនសុខ ក៏មានការអភិវឌ្ឍហេដ្ឋារចនាសម្ព័ន្ធជាច្រើនផងដែរហើយតំបន់នេះ ក៏មានផ្ទៃដីទូលាយសម្រាប់ការអភិវឌ្ឍបន្ថែម ហើយវិនិយោគិនក៏អាចវិនិយោគតំបន់បន្ថែមទៀតផងដែរ៕

ដំណឹងល្អៈតម្លៃប្រេងធ្លាក់ចុះខ្លាំង ស្របប្រធានាធិបតីចូ បៃឌិន ពិចារណាបញ្ចេញស្តុកប្រេងរាប់រយលានបារ៉ែល

ដោយៈសុខុម

អន្តរជាតិ: តម្លៃប្រេងបានធ្លាក់ចុះយ៉ាងខ្លាំង បន្ទាប់ពីធ្លាយដំណឹងថា សហរដ្ឋអាមេរិក គ្រោងនឹងចាត់វិធានការថ្មីៗដើម្បីបញ្ចុះតម្លៃប្រេងដែលហក់ឡើងខ្ពស់។ នេះបើយោងតាមសារព័ត៌មាន BBC ចុះផ្សាយនៅថ្ងៃព្រហស្បតិ៍ ទី៣១ ខែមីនា នេះ។

ផ្អែកតាមសេចក្ដីរាយការណ៍បង្ហាញថា រដ្ឋាភិបាលរបស់លោក ចូ បៃឌិន កំពុងពិចារណាបញ្ចេញប្រេង រហូតដល់ទៅ១៨០លានបារ៉ែល នៅប៉ុន្មានខែខាងមុខនេះ ពីប្រេងបម្រុងជាយុទ្ធសាស្ត្ររបស់សហរដ្ឋអាមេរិក។

ប្រសិនបើជាការពិតដូចការអះអាងមែន វានឹងក្លាយជាការបញ្ចេញស្តុកប្រេងដ៏ធំបំផុត មិនធ្លាប់មានចាប់តាំងប្រេងបម្រុង ជាយុទ្ធសាសត្រត្រូវបានបង្កើតឡើងក្នុងឆ្នាំ១៩៧៤។

សង្គ្រាមឈ្លានពានពីសំណាក់ប្រទេសរុស្ស៊ី ទៅប្រទេសអ៊ុយក្រែន បានធ្វើឱ្យកក្រើក ទីផ្សារថាមពលពិភពលោក ក្នុងរយៈពេលប៉ុន្មានសប្តាហ៍ចុងក្រោយនេះជុំវិញក្តីបារម្ភថា ការផ្គត់ផ្គង់នឹងត្រូវបានកាត់បន្ថយ។

នៅក្នុងការជួញដូរពេលរសៀលនេះ នៅតំបន់អាស៊ី សន្ទស្សន៍តម្លៃប្រេងរបស់អាមេរិក West Texas Intermediate បានធ្លាក់ចុះ៥,៤% មកនៅត្រឹម១០២ដុល្លារក្នុងមួយបារ៉ែល ខណៈប្រេងឆៅលើទីផ្សារអង់គ្លេស បានធ្លាក់ចុះ៤,៦%មកនៅត្រឹមប្រមាណ១០៨ដុល្លារក្នុងមួយបារ៉ែល។

ការហក់ឡើងនូវតម្លៃប្រេងឥន្ធនៈ បានក្លាយជាបញ្ហានយោបាយដ៏សំខាន់នៅក្នុងសហរដ្ឋអាមេរិក នៅមុនពេលការបោះឆ្នោតពាក់កណ្តាលអាណត្តិដែលនឹងធ្វើឡើងនៅខែវិច្ឆិកា។

សេតវិមាននិយាយថា លោក ចូ បៃឌិន នឹងថ្លែងសុន្ទរកថា នៅរសៀលថ្ងៃព្រហស្បតិ៍ នេះស្តីពីចំណាត់ការរបស់រដ្ឋាភិបាលលោក ដើម្បីកាត់បន្ថយផលប៉ះពាល់នៃការដំឡើងថ្លៃថាមពល និងឧស្ម័នហ្គាស។  ទោះជាយ៉ាងណា សេតវិមានមិនបានផ្តល់ព័ត៌មាន លម្អិតបន្ថែមទៀតឡើយជុំវិញរឿងនេះ។

ដំណឹងស្ដីពីបញ្ចេញប្រេងយ៉ាងច្រើន សន្ធឹកសន្ធាប់ពីសំណាក់សហរដ្ឋអាមេរិក នេះធ្វើឡើងស្របពេលក្រុមប្រទេសនាំចេញប្រេង OPec+ គ្រោងជួបប្រជុំនៅថ្ងៃព្រហស្បតិ៍ នេះ៕ BBC៕

អ្នកជំនាញរំពឹងថាទីផ្សារខុនដូនឹងមានភាពប្រសើរឡើងវិញនៅឆ្នាំ២០២២នេះ

ដោយ: ម៉ាលីស

ភ្នំពេញ: បន្ទាប់ពីរដ្ឋាភិបាលបានប្រកាសបើកប្រទេស បើកសេដ្ឋកិច្ច និងអនុញ្ញាតឱ្យជនបរទេសចូលមកកម្ពុជា បានធ្វើឱ្យសកម្មភាពសេដ្ឋកិច្ច អាជីវកម្មនិងសកម្មភាពទេសចរណ៍ ក្នុងនិងក្រៅប្រទេសបានប្រសើរឡើងវិញតែយ់ាងណាក្ដីសម្រាប់វិស័យខុនដូ ក្នុងឆ្នាំ២០២២នេះវិស័យនេះនឹងមានការប្រសើរឡើងវិញ។

អគ្គនាយកក្រុមហ៊ុនអចលនទ្រព្យ DNZ Realty លោករិន ច័ន្ទរឹទ្ធបានថ្លែងក្នុងកិច្ចសម្ភាសន៍ពិសេសមួយជាមួយគេហទំព័រ Property Area នៅក្នុងសប្តាហ៍នេះថា រហូតមកដល់ចុងត្រីមាសទី១ឆ្នាំ២០២២នេះ ការទិញលក់ ខុនដូនៅក្នុងប្រទេសកម្ពុជាមិនទាន់ប្រសើរឡើងវិញនៅឡើយទេ ដោយសារតែអតិថិជនដែលមានលទ្ធភាពទិញខុនដូបានរងផលប៉ះពាល់ពីកូវីដ១៩ ដែលធ្វើពួកគេមិនអាចទិញខុនដូបាននៅក្នុងបរិបទមួយនេះ ។

តែលោកនៅបន្តមានសុទិដ្ឋិនិយម និងរំពឹងថា ក្នុងឆ្នាំ២០២២នេះវិស័យនេះនឹងប្រសើរឡើងវិញ ស្របពេល វិស័យមួយចំនួនបានប្រសើរឡើងវិញផងដែរ ដូច្នេះទាំងការជួល ការទិញ លក់លើអចលនទ្រព្យនឹងអាចវិលត្រលប់ទៅកាន់ប្រក្រតីភាពទៅស្ថានភាពដើមវិញ។

បើយើងធ្វើការប្រៀបធៀបរវាងត្រីមាសទី១ ឆ្នាំ២០២២នេះទៅនឹងត្រីមាសទី១ឆ្នាំ២០២១កន្លង យើងឃើញថា កាលពីត្រីមាសទី១ឆ្នាំ២០២១កន្លងទៅ មានការលក់ដាច់ច្រើនជាងត្រីមាសទី១ឆ្នាំនេះផង ដោយសារតែពេលនោះគាត់នៅមានលុយមានលទ្ធភាព ហើយមកដល់ពេលនេះទោះបីជាបើកប្រទេសភ្លាមៗ  បើកសេដ្ឋកិច្ចភ្លាមៗគាត់ក៏ពិបាកក្នុងការរកលុយបានមកទិញភ្លាមៗដែរ។

លោករិន ច័ន្ទរិទ្ឋបានបន្ថែមថា អ្នកទិញខុនដូកន្លងមក ដែលមានបំណងជាអ្នកវិនិយោគ ក៏ពិបាកក្នុងការរកអ្នកជួល ឬលក់បន្តណាស់ ដូច្នេះហើយទើបធ្វើឱ្យចរន្តនៃការទិញលក់ខុនដូ នៅកាន់តែពិបាកជាងកាលពីឆ្នាំ២០២១កន្លងទៅ។

ទោះជាយ៉ាងណាក្ដី គម្រោងខុនដូមួយចំនួនបានបន្ធូរបន្ថយ ទៅលើលក្ខខណ្ឌនៃការបង់ប្រាក់ ដើម្បីឱ្យការលក់គម្រោងខុនដូនោះឆាប់ដាច់ ជាក់ស្ដែងដូចជាខុនដូ Urban Village ដែលលោកទទួលលក់ជាដើម បានបន្ធូរបន្ថយលក្ខខណ្ឌមួយចំនួនផងដែរ ដល់អតិថិជនដែលទិញខុនដូរបស់ខ្លួន។

លោកបន្តថា យោងតាមលក្ខ័ណ្ឌបន្ធូរបន្ថយ នៃការបង់ប្រាក់នឹងប្រម៉ូសិននានារបស់គំរោងខុនដូរនីមួយៗ ក៏ដូចជាការបើកដំនើរការឡើងវិញនូវទេសចរណ៍ និងសេដ្ឋកិច្ចនេះ នឹងធ្វើអោយ ប្រជាពលរដ្ឋមានស្ថិរភាពហិរញ្ញវត្ថុដូចដើម ដែលវិស័យនេះរពឹងនឹងមានការប្រសើរឡើងវិញផងដែរ៕

អ្នកជំនាញៈវិស័យអចលនទ្រព្យដល់ដំណាក់កាលមួយស្រួលទិញ តែពិបាកលក់?

        ដោយៈវឌ្ឈនៈ

ភ្នំពេញៈ វិស័យអចលនទ្រព្យកម្ពុជាបាន និងកំពុងបន្តជួបផលលំបាកពោលគឺតំបន់ខ្លះ បានជួបតាំងពីមុនកូវីដ១៩មកម្លេះ គឺចាប់តាំងពីការចាកចេញរបស់ចិនពីកម្ពុជា ក្រោយការបិទហ្គេមអនឡាញ ហើយក្រោយមកទៀត ក៏បានជួបផលលំបាកដោយសារតែកូវីដ១៩។

រហូតមកដល់ពេលនេះ វិស័យមួយនេះវាបានដល់ដំណាក់កាលមួយគឺស្រួលទិញតែពិបាកលក់ចេញវិញ។

លោកប៉ូ អ៊ាវគង់ ស្ថាបនិក និងអគ្គនាយកក្រុមហ៊ុនAdvance Realty បានថ្លែងនៅក្នុង កម្មវិធី “ការផ្ដល់ប្រឹក្សាអាជីវកម្មអចលនវត្ថុ” នៅថ្ងៃទី៣១ ខែមីនា ឆ្នាំ២០២២ តាមរយៈ ZOOM ឱ្យដឹងថា ដំណាក់កាលនេះអចលនទ្រព្យ ជាដំណាក់កាលមួយ ដែលងាយស្រួលទិញណាស់ តែពិបាកលក់ចេញវិញ ដែលមានន័យថាការផ្គត់ផ្គង់មានច្រើន អ្នកលក់អចលនទ្រព្យមានច្រើន ប៉ុន្តែអ្នកទិញអចលនទ្រព្យ នៅមិនទាន់មានកំណើនឡើងវិញនៅឡើយទេ ដូច្នេះហើយទើបធ្វើឱ្យតម្រូវអ្នកទិញនៅតែមានកម្រិតនៅឡើយ។

លោកបន្តថា “តាមពិតទៅ វិនិយោគិនចិនមួយចំនួន បានចាកចេញពីកម្ពុជា ក្រោយពេលកម្ពុជាបានប្រកាសបិទហ្គេមអនឡាញ ដែលធ្វើឱ្យតម្រូវការជួលអចលនទ្រព្យ ពីសំណាក់ជនជាតិចិន ក៏បានធ្លាក់ចុះជាបន្តបន្ទាប់និងជំរុញឱ្យតម្លៃដីធ្លី នៅតំបន់មួយចំនួនបានធ្លាក់ចុះទៅតាមនោះដែរ”។

រហូតដល់កម្ពុជាជួបវិបត្តិកូវីដ១៩ រឹតតែធ្វើឱ្យរំហូរវិនិយោគិននិងវិនិយោគទុន មកពីប្រទេសនៅតែបន្តធ្លាក់បន្ថែមទៀត ។ មកដល់បច្ចុប្បន្ននេះ អ្នកវិនិយោគបរទេស នៅតែមិនទាន់ចូលមកកម្ពុជាច្រើន ដូចកាលពីមុនៗនៅឡើយ ហើយអចលនទ្រព្យក៏មានតម្រូវការតែពីអ្នកក្នុងស្រុកដែរ ។

ចំណែកលោក គាម សៀកឡុង ទីប្រឹក្សាគាំទ្រអាជីវកម្មអចលនវត្ថុនៃសមាគមអ្នកវាយតម្លៃ និងភ្នាក់ងារអចលវត្ថុកម្ពុជាក៏បានថ្លែងថា ថ្វីត្បិតកូវីដ១៩ នៅកម្ពុជាសឹងតែលែងប៉ះពាល់ដល់សេដ្ឋកិច្ច និងធ្វើឱ្យសកម្មភាពសេដ្ឋកិច្ច អាជីវកម្មនានា ក្នុងប្រទេសបានងើបឡើងវិញក៏ពិតមែន ប៉ុន្តែភ្លាមប្រជាពលរដ្ឋ នឹងមិនយកទុនឬលុយ ដែលខ្លួនរកស៊ីចំណេញមកបណ្ដាក់ទុនអចលនទ្រព្យនោះទេ ដូច្នេះហើយទើបយើងមើលឃើញថា អចលនទ្រព្យមួយចំនួនមិនមានតម្រូវការដូចជាខុនដូជាដើម ។

លោកបន្តថា “សម្រាប់អ្នកប្រថុយអ្នកមានទុន មានលុយច្រើនអាចចាប់ឱកាស ក្នុងការយកចំណេញពីជំនួញអចលនទ្រព្យ ពីព្រោះអចលនទ្រព្យពេលគឺងាយស្រួល ក្នុងការចរចាជាមួយអ្នកលក់ និងអាចរកទិញអចលនទ្រព្យតម្លៃក្រោមទីផ្សារ ដែលជាហេតុអាចរកចំណេញវិញនៅពេលស្ថានភាពបានល្អប្រសើរឡើងវិញផងដែរ”៕

សម្ដេចតេជោពិចារណាឱ្យក្រសួងសេដ្ឋកិច្ចរៀបចំស្តុកប្រេងឥន្ធនៈទុកដើម្បីឆ្លើយតបតម្រូវការជាក់ស្តែង

ដោយ៖ សុផារី

ភ្នំពេញ៖ សម្តេចកំពុងពិចារណាឱ្យក្រសួងសេដ្ឋកិច្ច និងហិរញ្ញវត្ថុ រៀបចំដាក់យុទ្ធសាស្ត្របន្ថែមទៅលើបញ្ហាប្រេងឥន្ធនៈ ដោយចង់ឱ្យមានរៀបចំស្តុកយុទ្ធសាស្ត្រលើបញ្ហាប្រេង ដើម្បីឆ្លើយតបសេចក្តីត្រូវការ។

សម្ដេចតេជោថ្លែងឱ្យដឹងក្នុងពិធីសម្ពោធដាក់ឱ្យប្រើប្រាស់ជាផ្លូវការនូវស្ពានអាកាស និងផ្លូវក្រោមដីចោមចៅ នៅព្រឹកថ្ងៃទី៣១ ខែមីនា ឆ្នាំ ២០២២នេះ។

សម្ដេចតេជោ ហ៊ុន សែន បានថ្លែងថា “ខ្ញុំកំពុងតែគិតថា ឲ្យក្រសួងសេដ្ឋកិច្ច ហិរញ្ញវត្ថុ រៀបចំស្ដុកយុទ្ធសាស្រ្ដបន្ថែមទៀត ទៅលើបញ្ហាប្រេង ក្រែលោពេលណាមួយនោះ ពីមុនមកយើងផ្អែកទៅលើក្រុមហ៊ុនឯកជន ដើម្បីស្ដុកយុទ្ធសាស្រ្ដ”។

សម្តេចបន្តថា “ឥឡូវយើងនៅតែស្ដុកយុទ្ធសាស្រ្ដ ដោយពឹងពាក់លើក្រុមហ៊ុនឯកជនដដែល ក៏ប៉ុន្តែយើងត្រូវបង្កើននូវការស្ដុកទុកនូវប្រេងឥន្ធនៈ ព្រោះឧទាហរណ៍ថា ស្រាប់តែវារីអគ្គិសនីរបស់យើង ឬក៏ម៉ាស៊ីនភ្លើងដើរដោយធ្យូងថ្មរបស់យើង រត់វាមិនគ្រប់ដូចនៅឆ្នាំ២០១៨”។

សម្ដេចតេជោបានថ្លែងបន្ថែមថា ក្នុងនាមរាជរដ្ឋាភិបាលត្រូវគិតគូរជុំវិញការបច្ឆេះម៉ាស៊ីនភ្លើងដែលដើរដោយប្រេងឥន្ធនៈ ប្រសិនបើជូបបញ្ហាប្រឈមភ្លើងប្រើប្រាស់មិនគ្រប់ ដើម្បីបំពេញតម្រូវការរបស់ប្រជាពលរដ្ឋ ហើយកន្លងមករាជរដ្ឋាភិបាល ក៏បានទិញម៉ាស៊ីនភ្លើងមកដាក់នៅក្បែររាជធានីភ្នំពេញ ដែលមានកម្លាំងរហូតដល់៤០០មេហ្គាវ៉ាត់ រួចទៅហើយដែរ។

សម្ដេចតេជោលើកឡើបន្តថា “អញ្ចឹងវាមានតម្រូវការប្រេង ដើម្បីនឹងៗបច្ឆេះម៉ាស៊ីនហ្នឹងឱ្យវាដើរ។ អញ្ចឹងពីដំណាក់កាលមួយទៅដំណាក់កាលមួយ តម្រូវវាខុសគ្នា ដូចជាយុទ្ធសាស្រ្ដចតុកោណអញ្ចឹង កាលពីមុនទឹក ផ្លូវ ភ្លើង មនុស្ស ឥឡូវយើងដាក់ទៅជា មនុស្សមុន”៕

សម្ដេចតេជោ៖ ការរុករកប្រេងរបស់កម្ពុជាជួបបញ្ហាជីកមិនបានផលហើយបាត់កប៉ាល់ទៀត

ដោយ៖ សុផារី

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែង ថា ការរុករកប្រេងក្នុងឈូងសមុទ្ររបស់កម្ពុជាបាននិងកំពុងជួបបញ្ហាមិនមានលទ្ធផល ហើយត្រូវបានគេលួចកប៉ាល់ថែមទៀត។

សម្ដេចតេជោ ហ៊ុន សែន លើកឡើងដូច្នេះក្នុងពិធីសម្ពោធដាក់ឱ្យប្រើប្រាស់ជាផ្លូវការនូវស្ពានអាកាស និងផ្លូវក្រោមដីចោមចៅ នៅព្រឹកថ្ងៃទី៣១ ខែមីនា ឆ្នាំ ២០២២នេះ។

សម្ដេចតេជោបានថ្លែងថា “អារឿងបញ្ហា ការជីកប្រេងនៅឯសមុទ្រនោះ វាបង្កើតបានជាបញ្ហាហើយ ព្រោះអាជីកនោះ វាអត់ផល ថែមទាំងគេលួចអាកប៉ាល់ហ្នឹងថែមទៀត”។

តែទោះជាយ៉ាងណាក្តី កម្ពុជាបែរជាបាននិងកំពុងទទួលលទ្ធផលពីការរុករករ៉ែមាសយ៉ាងច្រើនវិញ ដោយក្នុងរយៈពេល៩ខែ កម្ពុជារុករករ៉ែមាសបានដល់ទៅចំនួន២ ២៧៥គីឡូ។

ប្រទេសកម្ពុជាបានចាប់ផ្តើមទទួលដំណក់ប្រេងលើកដំបូងរបស់ខ្លួនកាលពីថ្ងៃទី២៩ ខែធ្នូ ឆ្នាំ២០២០ ស្ថិតនៅតំបន់ប្លុកA នៃឈូងសមុទ្រកម្ពុជា ដោយក្រុមហ៊ុន Kris Energy ដែលបានខួងប្រេងចេញពីបាតសមុទ្រទឹកដីកម្ពុជា ក្នុងខេត្តព្រះសីហនុ៕