តើទិន្នផលជួលសរុបគឺជាអ្វី? អាចគណនាបានដោយរបៀបណា?

ដោយៈសុផារី

ភ្នំពេញៈ ទិន្នផលជួលសរុប (Gross rental yield) គឺជាប្រាក់ចំណូលដែលវិនិយោគិនទទួលបានពីអចលនទ្រព្យ ជាធម្មតាប្រចាំខែ ដូច្នេះជាធម្មតាវាមានសារៈសំខាន់ណាស់ ចំពោះវិនិយោគិនទាំងអស់ ហើយអាចជាកត្តាកំណត់ ក្នុងការជ្រើសរើសអចលនទ្រព្យមួយ លើអចលនទ្រព្យមួយផ្សេងទៀតនៅពេលទិញ។

ទិន្នផលជួលសរុបខ្ពស់មានន័យថា វិនិយោគិនទទួលបានប្រាក់ចំណូ​លកាន់តែច្រើនពីអចលនទ្រព្យ។ ប្រសិនបើអ្នកវិនិយោគ មានការចំណាយទាក់ទងនឹងអចលនទ្រព្យ ដូចជា ការប្រាក់កម្ចី ថ្លៃសាជីវកម្ម ថ្លៃគ្រប់គ្រងអចលនទ្រព្យ និងការថែទាំ ប្រាក់ចំណូលពីទិន្នផលជួលសរុបខ្ពស់នេះកាន់​តែខ្ពស់ នោះការចំណាយក្រៅហោប៉ៅ កាន់តែតិចសម្រាប់អ្នកវិនិយោគ។

ដើម្បីគណនាទិន្នផលការជួលសរុប វិនិយោគិនត្រូវយកចំណូលពីការជួលប្រចាំឆ្នាំចែក នឹងតម្លៃទិញអចលនទ្រព្យ ហើយគុណនឹង១០០ដើម្បីទទួលបានតួលេខភាគរយ។

ទិន្នផលជួលសរុប (%) = (ចំណូលពីការជួលប្រចាំឆ្នាំ/តម្លៃអចលនទ្រព្យ) x 100។

ឧទាហរណ៍ ពិសីមានអចលនទ្រព្យ ដែលមានតម្លៃ១០ម៉ឺនដុល្លារ ដែលរកចំណូល ពីការជួលចំនួន៥០០ដុល្លារក្នុងមួយខែ។

ដើម្បីទទួលបានការជួលប្រចាំឆ្នាំ គុណ៥០០ដុល្លារក្នុងមួយខែជាមួយ១២ខែ នោះអ្នកនឹងទទួលបានចំណូល ពីការជួល៦០០០ដុល្លារក្នុងមួយឆ្នាំ។ បន្ទាប់មកចែក៦០០០ដុល្លារ នឹង១០០.០០០ដុល្លា ដែលស្មើនឹង០,០៦ បន្ទាប់មកគុណនឹង១០០ ដើម្បីទទួលបាន៦ភាគរយ។ ដូច្នេះទិន្នផលជួលសរុប សម្រាប់អចលនទ្រព្យនេះគឺ៦ភាគរយ៕

ខេត្តកំពង់ស្ពឺបង្ហាញសក្តានុពលទាក់ទាញវិនិយោគិនម៉ាឡេស៊ីលើវិស័យសំខាន់ចំនួនប្រាំ

ដោយៈ សុផារី

កំពង់ស្ពឺៈ ដោយមើលឃើញពីសក្តានុពលខ្ពស់ នៃខេត្តកំពង់ស្ពឺ លោក ELDEEN HUSAINI HOHD HASHIM ឯកអគ្គរដ្ឋទូតប្រទេសម៉ាឡេស៊ីប្រចាំនៅប្រទេសកម្ពុជា បានសន្យាថា នឹងខិតខំជួយកៀរគរវិនិយោគិនមកបណ្តាក់ទុនរកស៊ីលើវិស័យ៥ នៅក្នុងខេត្តមួយនេះ។

វិស័យទាំងប្រាំនោះមានដូចជា វិស័យទេសចរណ៍ វិស័យពាណិជ្ជកម្ម វិស័យអចលនទ្រព្យ វិស័យកសិកម្ម វិស័យឧស្សាហកម្ម វិស័យអគ្គិសនីដើរដោយថាមពលព្រះអាទិត្យ។

លោកឯកអគ្គរដ្ឋទូតប្រទេសម៉ាឡេស៊ី បានលើកឡើងក្នុងឱកាសជួបពិភាក្សាការងារជាមួយលោក វ៉ី សំណាង អភិបាលខេត្តកំពង់ស្ពឺ ថ្ងៃទី១៦ ខែមីនា ឆ្នាំ២០២២នេះ។

លោកឯកអគ្គរដ្ឋទូតរំពឹងថា នៅពេលដែលអ្នកវិនិយោគរបស់ម៉ាឡេស៊ីមានចំណាប់អារម្មណ៍ហើយ មកបណ្ដាក់ទុននៅក្នុងខេត្តកំពង់ស្ពឺ ពេលនោះប្រជាពលរដ្ឋអ្នកខេត្តកំពង់ស្ពឺ នឹងមានប្រាក់ចំណូលបន្ថែមទៀត តាមរយៈ ឱកាសការងារ ដែលអ្នកវិនិយោគរបស់ម៉ាឡេស៊ីមកបណ្ដាក់ទុន។

លោក វ៉ី សំណាង បានមានប្រសាសន៍ថា ដំណើរទស្សនកិច្ចរបស់ឯកអគ្គរដ្ឋទូតប្រទេសម៉ាឡេស៊ី មកកាន់ខេត្តកំពង់ស្ពឺនាពេលនេះ ក្នុងគោលបំណង ដើម្បីសិក្សាស្វែងយល់ពីសក្តានុពល របស់ខេត្តកំពង់ស្ពឺ តាមការចង្អុលបង្ហាញរបស់សម្ដេចតេជោនាពេលកន្លងមក។

លោកអភិបាលខេត្ត បានថ្លែងអំណរគុណ ចំពោះលោកឯកអគ្គរដ្ឋទូតប្រទេសម៉ាឡេស៊ី ដែលមានចំណាប់អារម្មណ៍ មកទស្សនកិច្ចនៅខេត្តកំពង់ស្ពឺ និងបានជួយជំរុញឱ្យអ្នកវិនិយោគ មកបណ្តាក់ទុកនៅខេត្តនាពេលខាងមុខ ដែលនឹងជួយលើកស្ទួយដល់សេដ្ឋកិច្ចខេត្ត ក៏ដូចជាលើកកម្ពស់ជីវភាពរស់នៅរបស់ប្រជាពលរដ្ឋកាន់តែរីកចម្រើនថែមទៀត៕

កម្ពុជាជាប់ចំណាត់ថ្នាក់ជាប្រទេសទទួលបានផលចំណេញពីការវិនិយោគអចលនទ្រព្យខ្ពស់លំដាប់លេខ៣នៅអាស៊ី

ដោយៈសុផារី

ភ្នំពេញៈ ជាប្រទេសដែលទទួលបានផលចំណេញ ពីការវិនិយោគអចលនទ្រព្យខ្ពស់លំដាប់ទី៣ នៅក្នុងប្រទេសអាស៊ី ក្នុងអត្រា៥,៣៣ភាគរយ បន្ទាប់ពីប្រទេសឥណ្ឌូណេស៊ី។

ប្រទេសឥណ្ឌូនេស៊ី ទទួលបានផលចំណេញពីការវិនិយោគ ពិសេសកា​រជួលសរុបខ្ពស់បំផុតដល់ទៅ៧,០៩ភាគរយ និងប្រទេសហ្វីលីពីនក្នុងចំណាត់ថ្នាក់ទី២ ក្នុងអត្រា៦,១៣ភាគរយ។

យោងតាមគេហទំព័រ ឬវេបសាយវាយតម្លៃអចលវត្ថុពិភពលោកមួយ ឈ្មោះ Globalpropertyguide បានចាត់ចំណាត់ថ្នាក់ប្រទេសកម្ពុជាលំដាប់ទី៣បែបនេះ ខណៈប្រទេសជិតខាងកម្ពុជា ដូចជាប្រទេសថៃ តាមពីក្រោយកម្ពុជា ក្នុងអត្រាចំណេញពីការវិនិយោគក្នុងកម្រិត៥,១៣ភាគរយ ប្រទេសវៀតណាមក្នុងអត្រា៤,៣៣ភាគរយ។

ប្រទេសនៅក្នុងតំបន់អាស៊ីផ្សេងទៀតមាន ប្រទេសម៉ាឡេស៊ីក្នុងអត្រា៣,៧៣ភាគរយ ប្រទេសសិង្ហបុរីក្នុងអត្រា៣៣ភាគរយ ប្រទេសជប៉ុនក្នុងអត្រា២,៦៦ភាគរយ ហុងកុងក្នុងអត្រា២,៣៥ភាគរយ ប្រទេសចិនក្នុងអត្រា២,១ភាគរយ និងតៃវ៉ាន់ ២,០៦ភាគរយ៕

បុរី ឡាក់គីវ័ន “The commercial Avenue” ត្រៀមសម្ពោធជាផ្លូវការរបស់ប្លុកថ្មី ជាមួយនឹងឱកាសចំនេញដ៏ច្រើន

ដោយសហការី

ភ្នំពេញ: ការទន្ទឹងរង់ចាំរបស់អតិថិជនបានមកដល់ហើយ! បុរី ឡាក់គីវ័ន “The commercial Avenue” នឹងរៀបចំពិធីបើកសម្ពោធជាផ្លូវការរបស់ប្លុកថ្មីនៅថ្ងៃទី 26 27 ខែមីនា ឆ្នាំ ២០២២​ ខាងមុខនេះ ជាមួយនឹងឱកាសចំនេញដ៏ច្រើន។

បុរី ឡាក់ឃី វ័ន គឺជាគម្រោងលំនៅដ្ឋានដែលកំពុងតែលេចធ្លោមួយក្នុងទឹកដីខណ្ឌដង្កោ បន្ទាប់ពីទទួលបានជោគជ័យជាច្រើនគម្រោងរួចមកហើយ ជាពិសេសគម្រោងបានឈរលើទីតាំងដ៏មានសក្តានុពលខ្លាំងលើវិស័យពាណិជ្ជកម្មនាតំបន់ប៉ែកខាងត្បូងរាជធានីភ្នំពេញទៀតផង។

រាជធានីភ្នំពេញមានខណ្ឌទាំងអស់ ១៤ ខណ្ឌ ដែលខណ្ឌនីមួយៗមានការអភិវឌ្ឍផ្សេងៗគ្នា។ ដោយឡែកភាគខាងត្បូងរាជធានីភ្នំពេញ ខណ្ឌដង្កោផ្ទាល់តែម្តងគឺ មានការអភិវឌ្ឍយ៉ាងឆាប់រហ័សស្ទើរគ្រប់វិស័យ ពិសេសគឺគម្រោងលំនៅដ្ឋាននេះតែម្តង ហើយបើយោងតាមការព្យាករណ៍របស់រាជរដ្ឋាភិបាលនាពេលកន្លងមក ខណ្ខនេះនឹងមានតម្រូវការលំនៅដ្ឋានប្រហែល ១០០,០០០ ផ្ទះនៅឆ្នាំ ២០៣០។

បន្ថែមពីលើនេះទៀតខណ្ខដង្កោជាខណ្ខមួយដែលមានលក្ខណៈពិសេសជាច្រើនដូចជា៖
• មានផ្ទៃដីធំជាងគេលំដាប់ទី២ បន្ទាប់ពីខណ្ឌព្រែកព្នៅ
• មានរបាយប្រជាជនរស់នៅច្រើនជាងគេលំដាប់ទី 5
• មានព្រំប្រទល់ជាប់និងខណ្ឌមានជ័យ និងខណ្ឌពោធិ៏សែនជ័យដែលមានចំនួនប្រជាជនច្រើនជាងគេ
• មានទីក្រុងរណបដ៏ទំនើបនិងធំបំផុតឈ្មោះថា ទីក្រុងរណប ING
• មានប្រព័ន្ធផ្លូវក្រវ៉ាត់ក្រុងធំៗ ទី២ និង ទី៣ ដែលពិសេសជាងខណ្ឌផ្សេងៗទាំងអស់
• មានប្រព័ន្ធផ្លូវធំៗងាយចូលក្នុងទីប្រជុំជនក្រុងភ្នំពេញ
• ប្រជុំដោយតំបន់ពាណិជ្ជកម្ម ផ្សារទំនើបខ្នាតយក្ស៣ធំៗ និងផ្សារទំនើបផ្សេងៗទៀត​ ដូចជាផ្សារទំនើប AEON 3 ផ្សារទំនើប PH Diamond Place ផ្សារ ChipMong Mega Mall
• ជាខណ្ឌដែលជិតគម្រោងព្រលានយន្តហោះអន្តរជាតិថ្មី
• មានប្រព័ន្ធផ្លូវភ្ជាប់ទៅបណ្តាញផ្លូវជាតិសំខាន់ៗ ផ្លូវជាតិលេខ១, ២, ៣, ៤
• មានប្រព័ន្ធរំដោះទឹកធំៗព្រោះមានប្រព័ន្ធប្រឡាយ និងបឹងធំៗសំរាប់រំដោះទឹកភ្លៀង មិនងាយឲ្យមានទឹកជំនន់ឡើយ។

បុរី ឡាក់គីវ័ន “The commercial Avenue” បានអភិវឌ្ឍន៍ខ្លួនជាគម្រោងបុរីដែលមានឥទ្ធិពលខ្លាំងប្រចាំតំបន់ ដែលគម្រោងមានទីតាំងលើផ្លូវ ២១៧ចំការដូង កៀកទៅនឹងផ្សារព្រែកជ្រៃដែលជាផ្សារធំជាងគេក្នុងតំបន់។

ក្នុងនោះមានម៉ូដផ្ទះ៣ប្រភេទគឺ ផ្ទះអាជីវកម្ម ដែលមានបន្ទប់គេង 4 និងបន្ទប់ការិយាល័យ1 លើផ្ទូវរដ្ឋ២១៧ និង លើផ្លូវរដ្ឋប៉ែកខាងត្បូងបុរីជាផ្លូវធ្វើដំណើរដ៏មមាញឹករបស់ប្រជាជនរាប់ពាន់គ្រួសារ សាកសមបំផុតសម្រាប់ ការប្រកបអាជីវកម្មគ្រប់បែបយ៉ាង។
វីឡាភ្លោះ និងវីឡាទោលមាន 4 បន្ទប់គេង និង 5 បន្ទប់ទឹកដូចគ្នា ដែលរចនាឡើងតាមបែបស្តង់ដារទំនើប ផ្តល់នូវ Lifestyle នៃការរស់នៅបែបថ្លៃថ្នូរ និងអភិជន ។

ចំពោះទីតាំងរបស់បុរីគឺនៅក្នុងតំបន់ដែលមានសក្តានុពលខ្លាំងបំផុត ដោយអតិថិជនអាចធ្វើដំណើរទៅកាន់តំបន់សំខាន់ៗដូចជា:
– កៀកផ្សារព្រែកជ្រៃ
– ៣នាទីពី AEON 3 (តាមវិថីឈុនគង់ថ្មី)
– 5នាទី ពី ផ្សារ ជីបម៉ុង 60m
– 7នាទីពីផ្សារទំនើប ប៉េងហួត 60m

ក្នុងឱកាសនៃការបើសម្ពោធបើកលក់ជាផ្លូវការ បុរី ឡាក់ឃីវ័ន មានការផ្តល់ជូនពិសេសលើពិសេស គឺការបញ្ចុះតំលៃរហូតដល់ ១២% បង់ប្រាក់ត្រឹមតែ 600$ ជាងក្នុង១ខែដោយគ្មានការប្រាក់ និងការថែមជូនគ្រឿងអេឡិចត្រូនិចមួយឈុតធំ។
ការផ្តល់ជូនពិសេសនេះគឺសម្រាប់ឳកាសមុនសម្ពោធបើកលក់ជាផ្លូវការតែប៉ុណ្ណោះ!
កុំភ្លេចអញ្ចើញមកចូលរួមពិធីសម្ពោធជាផ្លូវការរបស់! បុរី ឡាក់គីវ័ន “The commercial Avenue” ដើម្បីទទួលបានការបញ្ចុះតម្លៃពិសេសក៏ដូចជាការថែមជូបផ្សេងទៀតដែលមានតក្នុងថ្ងៃកម្មវិធីតែប៉ុណ្ណោះ!

ទីតាំង៖ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ
ផែនទី៖https://goo.gl/maps/U65TopSj7eNYg75z5

ព័ត៌មានលំអិតសូមទំនាក់ទំនងលេខ: 092 92 65 66 | 086 92 65 66

វិភាគៈតើអ្នកវិនិយោគចិនត្រលប់មកកាន់ក្រុងព្រះសីហនុវិញទេ?

ដោយៈយិន លាងគង់ សហស្ថាបនិក និងជាអគ្គនាយកគេហទំព័រ Propertyarea.asia

ភ្នំពេញៈ ព្រះអាទិត្យថ្មី មិនទាន់រះនៅក្រុងព្រះសីហនុទេ ពពកខ្មៅក៏មិនទាន់បានរសាត់ចេញ ពីទឹកសមុទ្រខៀវស្រងាត់ នៅតាមបណ្តោយឆ្នេរដ៏វែងអន្លាយរបស់ខេត្តនេះនៅឡើយ។

ហេដ្ឋារចនាសម្ព័ន្ឋលើសពី៣៤ខ្សែបាន និងកំពុងសាងសង់បន្ត ដោ​យ​ប្រែក្លាយទីក្រុងនេះ ជាមួយនឹងសោភ័ណភាព របៀបរៀបរយជាមុន និងមានអគារកំពស់កម្រិតមធ្យម និងអគារកប់ពពក មានរហូតដល់១៦៦១គំរោង ដែលគំរោងទាំងនេះបានចាប់ផ្តើមពីឆ្នាំ២០១៧ ដល់ឆ្នាំ២០២១។

តើស្ថានភាពក្រុងព្រះសីហនុបែបណានាពេលបច្ចុប្បន្ន?
ទីក្រុងដែលធ្លាប់តែស្ងប់ស្ងាត់ ប្រែក្លាយជាអូរអរ និងក្រោយមកស្ងប់ស្ងាត់ឡើងវិញ ប្រៀបដូចទឹកសមុទ្រជោរហើយនាចនេះ កំពុងគេងលង់លក់ជាមួយនឹងសុបិន ដ៏រវើរវាយមួយរបស់ម្ចាស់គំរោងនានា ដែលបានខ្ចីលុយធនាគារមកសាងសង់អាគារពាណិជ្ជកម្ម អគារសំរាប់ជួល និងកាស៊ីណូនានា។

ក្នុងចំណោមអគារ ដែលបានសាងសង់ចន្លោះឆ្នាំ២០១៧ ដល់ឆ្នាំ២០២១ អាគារបានផ្អាកការសាងសង់ មានចំនួន៣៦៨អគារ អគារកំពុងដំណើរការសាងសង់មានចំនួន៧៨អគារ សំណង់ដែលបានបញ្ចប់ការសាងសង់ និងមិនដំណើរការមានចំនួន ២៥១អគារ និងអគារកំពុងដំណើរការអាជីវកម្មមានចំនួន ២៧៨អគារ។

ក្នុងស្ថានភាពជូបវិបត្តិផ្ទួនៗ លើការបិទហ្គេមអនឡាញរបស់រដ្ឋាភិបាលកាលពីដើមឆ្នាំ២០២០ យ៉ាងតក់ក្រហល់ គ្រោះទឹកជំនន់ ការកាត់ផ្តាច់ EBA ២០ភាគរយពីសហគមន៍អឺរ៉ុប ការមកដល់នៃវិបត្តិជំងឺកូវីដ១៩ រយៈពេលជាងពីរឆ្នាំ ការមកដល់នៃសង្រ្គាមឈ្លានពានរបស់រុស្ស៊ី លើប្រទេសអ៊ុយក្រែន និងការជាប់ដៃ ក្នុងសង្រ្គាមពាណិជ្ជកម្មរវាងចិន និងអាមេរិកបានធ្វើឲ្យក្រុងព្រះសីហនុ បានលង់លក់ជាមួយនឹងក្តីសង្ឃឹមដែរ តែសង្ឃឹមតិចៗ។

តើស្ថានភាពប្រទេសចិនបែបណា?
ប្រទេសចិនបាន និងកំពុងរៀបចំគោលនយោបាយរបស់ខ្លួនឡើងវិញ ទាក់ទងនឹងខ្សែក្រវ៉ាត់១ ផ្លូវ១ ហើយប្រទេសនេះ បានរអិលធ្លាក់ចូលក្នុងវិបត្តិអចលនទ្រព្យ ដោយសារការដាក់ចេញ គោលនយោបាយប្រជានិយម បែ​បឆ្វេងនិយមរបស់ប្រធានាធិបតីចិនស៊ី ជីនពីង ដែលធ្វើឲ្យក្រុមហ៊ុន Evergande និងក្រុមហ៊ុនដទៃទៀត បានប្រឈ​មមុខនឹងការដួលរលំ ព្រោះវិស័យអចលនទ្រព្យ តំណាងឲ្យ៣៥ភាគរយ នៃផលទុនជាតិសរុបរបស់ចិន។

ជាមួយនឹងហានិភ័យដ៏ធំនេះ រដ្ឋាភិបាលចិនបានកែសម្រួលផែនការ និងគោលនយោបាយរបស់ខ្លួនឡើងវិញ ដោយអនុញ្ញាត្តឲ្យប្រជាពលរដ្ឋ និងក្រុមហ៊ុនអភិវឌ្ឍន៍អចលនទ្រព្យនានា អាចខ្ចីឥណទានយកមកអភិវឌ្ឍន៍៍ ហើយប្រជាពលរដ្ឋ អាចខ្ចីលុយពីស្ថាប័នហិរញ្ញវត្ថុ ដែលធ្វើឲ្យពួកគេអាចមានលទ្ឋភាពទិញ ឬវិនិយោគអចលនទ្រព្យឡើងវិញ។

ជាលទ្ឋផលវិស័យអចលនទ្រព្យរបស់ចិន បានងើបឡើងវិញបណ្តើរៗ ជាមួយនឹងសញ្ញាសុទិដ្ឋិនិយម ប៉ុន្តែយ៉ាងណាសេដ្ឋកិច្ចរបស់ប្រទេសនេះពិបាកសម្រេចបានកំណើន លើសពី៥,៥ភាគរយនៅឆ្នាំនេះ។ នេះបើតាមការលើកឡើងរបស់លោកលី ខឺឈាងនាយកដ្ឋមន្រ្តីចិន ដែលនឹងលាលែងចេញពីដំណែងនៅក្នុងខែមិនា ឆ្នាំ២០២៣។

ការកើនឡើងនូវវិបត្តិជំងឺកូវីដ របស់ចិន និងវិធានការណ៍រឹតបន្តឹងយ៉ាងម៉ត់ចត់របស់រដ្ឋាភិបាលចិន និងផលប៉ះពាល់ពីសង្រ្គាមរវាងរុស្ស៊ី និងអ៊ុយក្រែន ក៏បានធ្វើឲ្យប្រទេសចិនជួបបញ្ហាប្រឈមរបស់ខ្លូនផងដែរ។

គោលនយោបាយបិទខ្ទប់លំហូរសាច់ប្រាក់
ជាមួយនឹងការកាត់បន្ថយ លំហូរមូលធនចេញពីប្រទេស ជាថ្មីម្តងទៀត​រដ្ឋាភិបាលចិន បានកាត់បន្ថយ និងរឹតបន្តឹងក្រុមហ៊ុននានា មិនឲ្យប ញ្ចេ​ញសាច់ប្រាក់ច្រើន មកវិនិយោគនៅបរទេស ដែលរាប់បញ្ចូលទាំងកម្ពុជាផងដែរ។

ការកាត់បន្ថយលំហូរសាច់ប្រាក់ មកវវិនិយោគនៅបរទេស មិនមែនជាការបញ្ចប់នូវយុគមាសរបស់បណ្តាប្រទេស ដែលពឹងផ្អែកលើប្រទេសចិននោះទេ ព្រោះទី១ ដើម្បីកំណើនសេដ្ឋកិច្ចរបស់ខ្លូន រដ្ឋាភិបាលចិនត្រូវតែបើកចន្លោះណាមួយ ដើម្បីឲ្យក្រុមហ៊ុនចិនធំធាត់នៅបរទេស ដើម្បីពង្រីកឥទ្ឋិពលរបស់ខ្លួនផង និងដើម្បីបង្កើនប្រាក់ចំណូលពន្ឋរបស់ខ្លូនផង ទី២ គោលនយោបាយខ្សែក្រវ៉ាត់១ និងផ្លូវ១ ទោះបីជាមិនស្ថិតនៅក្នុងផែនការអាទិភាពទី១ក្តី ក៏វាស្ថិតក្នុងចំណោមអាទិភាពដទៃទៀត ដើម្បីចិនអាចពង្រីកឥទ្ឋិពលសេដ្ឋកិច្ច មនោគមន៍វិជ្ជានៅបរទេស។

ទី៣ ការបិទខ្ទប់លំហូរសាច់ប្រាក់ ស្មើនឹងការបិទខ្ទប់ដង្ហើមខ្លួនឯងផងដែរ និងទី៤ ការពង្រីកទំនាក់ទំនងអន្តរជាតិ និងមិត្តភាព កិច្ចសហប្រតិបត្តិការរបស់ចិន ដើម្បីមានសម្ព័ន្ឋមិត្តកាន់តែច្រើន និងអាចទុកចិនបានថែមទៀត ចិននឹងពង្រីកការវិនិយោគនៅបរទេស។

តើអ្នកវិនិយោគចិននឹងត្រលប់មកវិញឬទេ?
មុនឆ្លើយសំណួរដ៏រសើបនេះ យើងត្រលប់ទៅមើលកម្រិតទំនាក់ទំនងរវាងចិននិងកម្ពុជា និងភូមិសាស្រ្តរបស់កម្ពុជា តើមានភាពអំណោយផល និងគុណតម្លៃបែបណា ក្នុងទំនាក់ទំនង ដែលប្រធានាធិបតីចិនបានចាត់ទុក ជា “ទំនាក់ទំនងដែកថែប” ជាមួយប្រទេសចិន។

ដូចស្មេរធ្លាប់លើកឡើងជាច្រើនមកហើយ ពីការក្រាលវិថីលើព្រំមាសរបស់អតីតសម្តេចព្រះបរមរតនកោដិ នរោត្តម សីហនុ ជាមួយប្រធា​នាធិបតីចិនជាបន្តបន្ទាប់ដូចជា លោកម៉ៅ សេទុង ជូ អេនឡាយ លោកតេង ស៊ាវពីងជាដើម។ ទំនាក់ទំនងនេះបានធ្វើឲ្យមិត្តភាព និងកិច្ចសហប្រតិបត្តិការវាងប្រទេសទាំងពីរ ត្រូវបានពូនជ្រុំ និងពេលខ្លះក៏ជួបរឿងសោកសៅផងដែរ។

ប៉ុន្តែទំនាក់ទំនង និងការជួយប្រទេសចិន អាចចូលជាសមាជិកអចិន្រ្តៃយ៍របស់អង្គការសហប្រជាជាតិ ហើយតៃវ៉ាន់ត្រូវបានដកចេញដោយមហាក្សត្រកម្ពុជា គឺជាគុណតម្លៃដែលមិនអាចកាត់ថ្លៃបាន ជាអ្វីដែលមេដឹកនាំចិន តាំងពីដើមរៀងមក រហូតដល់បច្ចុប្បន្នបានបន្តឲ្យតម្លៃតួនាទីរបស់មហាក្សត្រកម្ពុជា។

ការបើកផ្លូវហាយវេដ៏៏ធំ និងមានតម្លៃមហាសាលនៅឆ្នាំ២០១០ របស់សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា ដែល​បានប្រែក្លាយពីទំនាក់ទំនង និងកិច្ចសហប្រតិបត្តិការជាមិត្តភាព មកកាន់កម្រិតមួយដ៏ខ្ពស់គឺ “ភាពជាដៃគូគ្រប់ជ្រុងជ្រោយ” និងក្រោយមកបានប្រសិទ្ឋនាម ភាពជាដៃគូយុទ្ឋសាស្រ្តនេះ មកជា “សហគមន៍ពីរ វាសនាតែមួយ” បានធ្វើឲ្យស្នាមញញឹមលេចឡើង លើផ្ទៃមុខមេដឹកនាំទាំងពីរ(ស៊ី ជីនពីង និងសម្តេចតេជោ) ដោយគ្មានមន្ទិស និងពោរពេញដោយទំនុកចិត្ត និងភាពជឿជាក់គ្នាទៅវិញទៅមក ក្នុងកម្រិតអន្តរជាតិ និងឆាកកាទូតពិភពលោក។

ចម្លើយសំរាប់សំណួរខាងលើ បានឆ្លើយត្រួសៗមកហើយ ប៉ុន្តែភាពដែលអាចទុកចិត្តបាន ឬមិនបានបន្ថែមទៀតថា អ្នកវិនិយោគចិននឹងវិលមកកម្ពុជាម្តងទៀតឬយ៉ាងណា ហើយក្រុងព្រះសីហនុ នឹងមានព្រះអាទិភ្យថ្មីរះម្តងទៀតឬទេ? យើងត្រូវវិភាគ និងឆ្លើយសំណួរនេះទាំងអស់គ្នា ទី១ ចិនបានមកដល់វិញបណ្តើរៗហើយ ប៉ុន្តែការបញ្ចេញសាច់ប្រាក់ មិនទាន់មានសញ្ញាល្អនៅឡើយទេ​ ទី២ ដោយសារទំនាក់ទំនងភាពជាដៃគូ យុទ្ឋសាស្រ្តគ្រប់ជ្រុងជ្រោយ រវាងមេដឹកនាំក៏ដូចជាប្រទេសទាំងពីរ ចិននឹងមិនចោលកម្ពុជានោះទេ។

ទី៣ ការវិនិយោគរបស់ចិននឹងកើនឡើង ប៉ុន្តែមានភាពច្បាស់លាស់ជាងមុន ទី៤ ទីផ្សារអចលនទ្រព្យ​នៅក្រុងព្រះសីហនុ ត្រូវការរយៈពេលយូរបន្ថែមទៀត ដើម្បីឲ្យវាវិលមកកាន់សភាពប្រសើរឡើង ប៉ុន្តែកម្រិតនៃភាពរីកចម្រើន នឹងដើរស្របជាមួយនិន្នា​ការសេដ្ឋកិច្ចសង្គមកម្ពុជា ទី៥ កម្ពុជានៅតែជាប្រទេសសំខាន់សំរាប់ចិន ក្នុងការពឹងអាស្រ័យ និងអាស្រ័យគ្នាទៅវិញទៅមក។

ទី៦ ទីផ្សារនាំចេញពីកម្ពុជាទៅចិន នឹងកាន់តែប្រសើរឡើងរាប់ចាប់តាំងពីឧស្សាហកម្ម កសិកម្ម ខណៈ FTA ប្រទេសទាំងពីរបានចូលជាធរមានរូចហើយ និងកិច្ចព្រមព្រៀងដៃគូសេដ្ឋកិច្ចតំបន់គ្រប់ជ្រុងជ្រោយ (RCEP) ក៏បានចូលជាធរមានផងដែរ។

សាររបស់សម្តេចតេជោ និងក្តីសង្ឃឹម
សម្តេចតេជោ ហ៊ុន សែន នៅរសៀលថ្ងៃទី១៥ ខែមីនាកន្លងមក បានសរសេរ នៅលើបណ្តាញសង្គមហ្វេសប៊ុកថា ប៉ុន្មានឆ្នាំចុងក្រោ​យនេះខេត្តព្រះសីហនុបាន និងកំពុងផ្លាស់ប្តូរមុខមាត់យ៉ាងលឿន តាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់​តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ។

សម្តេចបានមើលឃើញថា ទិដ្ឋភាពនៃខេត្តព្រះសីហនុរបស់កម្ពុជា គិតត្រឹមនៅខែមីនា ឆ្នាំ២០២២នេះ ពិតជាខុសគ្នាដាច់ស្រឡះពីអតីតកាល​។ សម្តេចបានសរសេរថា ក្រុងព្រះសីហនុទៅអនាគត ក៏នឹងកាន់តែរីកដុះដា​លច្រើន និងល្អៗជាងនេះថែមទៀត។

សម្តេចសរសេរថា “តាមរយៈទិដ្ឋភាពនេះ បានបង្ហាញឲ្យឃើញថា ប៉ុន្មានឆ្នាំចុងក្រោយនេះ ខេត្តព្រះសីហនុបាន និងកំពុងផ្លាស់ប្តូរមុខមាត់យ៉ាងលឿន តាមរយៈវត្តមានអគារខ្ពស់ៗកប់ពពក ហេដ្ឋារចនាសម្ព័ន្ធ ស្ពាន ស្ពានអាកាស ផ្លូវថ្នល់ កាន់តែច្រើននៅក្នុងទីក្រុង នៃប្រទេសកំពុងមានការអភិវឌ្ឍមួយនេះ”។

សម្តេចបានសរសេរបន្តថា “ការបង្ហាញវត្តមានអគារខ្ពស់ៗ ហេដ្ឋារចនា​សម្ព័ន្ធ ស្ពាន ស្ពានអាកាស ផ្លូវថ្នល់ បានកើតឡើងជាបន្តបន្ទាប់ កាន់​តែ​ច្រើនទាំងអស់នេះ គឺបានឆ្លុះបញ្ចាំងពីសមិទ្ធផលធំៗរបស់កម្ពុជា ដែលសម្រេចបាន និងមិនធ្លាប់មានពីមុនមក”។

ភ្ជាប់ជាមួយសារដ៏សុទិដ្ឋិនិយម និងស្នាមញញឹមនេះ មន្រ្តីជាន់ខ្ពស់ រដ្ឋាភិបាលកម្ពុជា លោកវង្ស៊ី វិស្សុតរដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ក៏ធ្លាប់បានបង្ហើបឲ្យ​ដឹងកាលពីពេលថ្មីៗនេះថា រដ្ឋាភិបាលកំពុងរៀបចំផែនការ ដើម្បីឲ្យអគារជាប់គាំងនៅខេត្តព្រះសីហនុ ដំណើរការឡើងវិញផងដែរ។

ការឆ្លើយសំណួរដ៏ខ្លី ប៉ុន្តែចម្លើយដ៏វែងអន្លាយនេះ បានមកដល់ទីតាំងមួយ នៃការទន្ទឹងរង់ចាំ ជាមួយក្តីសង្ឃឹម សុទិដ្ឋិនិយមមួយ ដែលវាប្រៀបដូចផ្លែឈើមួយផ្លែ ដែលត្រូវការពេលវេលា ដើម្បីឲ្យវាទុំ និងអាចទទួលទានបាននាពេលអនាគត អនាគតដ៏រីករាយ និងភ្លឺស្វាងមួយ៕

ខេត្តរតនៈគិរីមានក្រុមហ៊ុនកំពុងវិនិយោគជិត២០០ ស្របពេលសភាពាណិជកម្មនឹងមាននៅទីនោះ

ដោយ: ម៉ាលីស

រតនគីរី: សភាពាណិជ្ជកម្មកម្ពុជា គ្រោងបង្កើតការិយាល័យតំណាងសភាពាណិជ្ជប្រចាំខេត្តរតនគីរី ខណៈខេត្តនេះមានក្រុមហ៊ុនវិនិយោគជិត២០០ក្រុមហ៊ុន។

ការលើកឡើងនេះក្នុង កិច្ចប្រជុំស្ដីពីការពិនិត្យលទ្ធភាពបង្កើតសភាពាណិជ្ជកម្មខេត្តរតនគិរី និងផ្សព្វផ្សាយអំពីយន្តការភាពជាដៃគូ រវាងរដ្ឋបាលរាជធានី-ខេត្ត និងសភាពាណិជ្ជកម្មខេត្ត-ក្រុង ដែលបានប្រារព្វធ្វើឡើងនៅមន្ទីពាណិជ្ជកម្មខេត្តរតនគិរី កាលពីដើមសប្តាហ៍នេះ ក្រោមអធបតីភាពលោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម និងមន្រ្តីពាក់​ព័ន្ឋ។

យោងលើរបាយការណ៍ របស់លោកប្រធានមន្ទីពាណិជ្ជកម្មខេត្ត បានបញ្ជាក់ថា បច្ចុប្បន្នខេត្តមានក្រុមហ៊ុន និងសាខាក្រុមហ៊ុនសរុបចំនួន១៧៩ ក្នុងនោះមានដូចជា ក្រុមហ៊ុនសេវាកម្ម ពាណិជ្ជកម្មមានចំនួន១៥០ក្រុមហ៊ុន។

ក្រុមហ៊ុនវិនិយោគលើដីសប្បទានសេដ្ឋកិច្ច២៧ ក្រុមហ៊ុនសឹក្សារុករករ៉ែមានចំនួន២ក្រុមហ៊ុន និងមានអាជីវកម្មខ្នាតតូច និងមធ្យមចំនួន២៣០៧មូលដ្ឋាន ចំពោះកសិផលសក្ដានុពល និងការវិនិយោគរួមមាន ដំណាំកៅស៊ូ ស្វាយចន្ទី ដំឡូងមី សណ្ដែកសៀង សណ្ដែកបាយ អំពៅ ល្ងរខ្មៅ ថ្នាំជក់ កាហ្វេជាដើម ។

បើតាមទិនន័យខាងលើ អាចធ្វើការវាយតម្លៃបានថា ខេត្តរតនគិរីមានលក្ខណៈសម្បត្តិគ្រប់គ្រាន់ ក្នុងការបង្កើតសភាពាណិជ្ជកម្មខេត្ត ហើយឯកឧត្តមរដ្ឋលេខាធិការ និងរាយការណ៍ជូនរដ្ឋមន្ត្រីក្រសួងពាណិជ្ជកម្ម ដើម្បីដំណើរការរៀបចំសភាពាណិជ្ជកម្មតាមនិតិវិធី ។

ជាមួយគ្នានេះ លោក បួន សារៈមុនីរដ្ឋលេខាធិការក្រសួងពាណិជ្ជកម្មបាន លើកឡើងពីយន្តការភាពជាដៃគូ រវាងរដ្ឋបាលរាជធានី-ខេត្ត និងសភាពាណិជ្ជកម្មខេត្ត-ក្រុង ដែលយន្តការនេះមានសារៈសំខាន់ណាស់ ដើម្បីជួយសម្រួលរាល់សំណូមពររបស់ពាណិជ្ជករ ដែលជួបបញ្ហាប្រឈមក្នុងការធ្វើពាណិជ្ជកម្មក្នុងខេត្ត៕

Land markets around two government development projects will continue to rise soon

By: Sophary

Phnom Penh: Two state development projects, the Moradok Techo National Stadium project, and the Techo International Airport project, have been pushing land prices to another level.
ខ

Since the start of the two major projects, land prices and odds have skyrocketed, especially in the nearby area. Real estate experts point out the potential and confirm that the land around the two development projects will rise further.

Oknha Kaing Sothy, CEO of Century 21 Land Station, said that just by leaking information about the emergence of investment projects somewhere, it has already boosted the buying and selling momentum. Next time, it will bring relief to those who have a lot of money, and rich people who will be looking to invest in the area in large amounts.

Oknha said that these factors will increase the movement of real estate sales and push the price of land around the area to another level because when any large project occurs, the government will build infrastructure projects there, for example, the Moradok Techo National Stadium project, and the Techo International Airport project.

“The land around the major development projects around 10 to 15 kilometers will have odds and prices will continue to rise, so the rich who invests in land for profit in the future is not wrong,” he added.

Ms. An Sothyta, CEO of PropNex Cambodia Real Estate Company, also said that the northern part of Phnom Penh has the project of Moradok Techo National Stadium and Victory Monument, which will attract investment in housing and will soon be transformed into a commercial area.

She also mentioned that in the south, there are projects such as Techo International Airport and the Third Ring Road, which are attractive to investors in the real estate sector, such as residential developers, shopping malls and high-rise buildings.

កំណាត់ផ្លូវចំនួន២ខ្សែភ្ជាប់ពីផ្លូវជាតិលេខ៦Aទៅមហាវិថីឈ្នះឈ្នះគ្រោងបញ្ចប់ការស្ថាបនានៅចុងឆ្នាំនេះ

ដោយ: ម៉ាលីស

ភ្នំពេញ: រដ្ឋបាលរាជធានីភ្នំពេញបាននិងកំពុងស្ថាបនាកំណាត់ផ្លូវ២ខ្សែ ក្រោមការដឹកនាំរបស់លោក ឃួង ស្រេង អភិបាលរាជធានីភ្នំពេញ ដោយប្រើប្រាស់ពេលវេលានៃការស្ថាបនាចំនួន២ឆ្នាំ ចាប់ផ្តើមពីខែមករាឆ្នាំ២០២១ ហើយគ្រោងនឹងបញ្ចប់នៅខែវិច្ឆិកា ឆ្នាំ២០២២ខាងមុខនេះ។

យោងតាមអាជ្ញាធររាជធានីភ្នំពេញបានឱ្យដឹងថា កំណាត់ផ្លូវចំនួន២ខ្សែនេះនឹងលើកសោភណភាពក្នុងរាជធានីភ្នំពេញ និងជួយរំដោះចរាចរណ៍ពីផ្លូវជាតិលេខ៦Aទៅមហាវិថីឈ្នះឈ្នះ ជាពិសេសដើម្បីសម្រួលចរាចរណ៍ខណៈដែលកម្ពុជាត្រូវធ្វើជាម្ចាស់ផ្ទះនៃការប្រកួតកីឡាស៊ីហ្គេមនៅចុងឆ្នាំ២០២៣ខាងមុខនេះ។

លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូន បានបញ្ជាក់ថា កំណាត់ផ្លូវ២ខ្សែ បាននិងកំពុងស្ថាបនានេះរួមមាន ផ្លូវទី១ជាផ្លូវបេតុងឆ្អឹងដែក សាងសង់ចាប់ពីផ្លូវជាតិលេខ៦ ដល់ផ្លូវគល់ស្ពានឈ្នះឈ្នះ កម្រាស់២០សង់ទីម៉ែត្រ ទទឹងផ្លូវ១៥ម៉ែត្រ រៀបខឿនទ្រូងផ្លូវបែងចែកចរាចរ រៀបបរឌៀរ និងការឺឡាសងខាងចិញ្ចើមផ្លូវទទឹង២,៥ម៉ែត្រ មានទទឹងសរុប២០ម៉ែត្រ ប្រវែងសរុប៨២៤០ម៉ែត្រ។

លោកបានបញ្ជាក់ថា ចំណែកផ្លូវទី២ ជាផ្លូវបេតុងឆ្អឹងដែកពីរជួរចាប់ពីមាត់ព្រែកតាគង់ ដល់ចំណុច ផ្លូវ ទំនប់ឧកញ៉ាលីយ៉ុងផាត់ កម្រាស់ ២០សង់ទីម៉ែត្រទទឹងផ្លូវ១៥ម៉ែត្ររៀប ខឿនទ្រូងផ្លូវបែងចែកចរាចរ រៀបបរឌៀរ និងការឺឡាសងខាងចិញ្ចើមផ្លូវ ទទឹង២,៥ម៉ែត្រ មានទទឹងសរុប២០ម៉ែត្រ ប្រវែងសរុប៦៩១៦ម៉ែត្រ ចាប់ពីផ្លូវខ្សែទី២ត្រង់ចំណុចPK0+830ដល់មហាវិថីឈ្នះឈ្ន៕

ទីផ្សារដីធ្លីជុំវិញគម្រោងអភិវឌ្ឍន៍របស់រដ្ឋាភិបាលចំនួនពីរនឹងហក់ឡើងបន្តទៀតនៅពេលខាងមុខ

ដោយ៖ វឌ្ឍនៈ

ភ្នំពេញ ៖ គម្រោងអភិវឌ្ឍន៍របស់រដ្ឋចំនួនពីរ គឺគម្រោងពហុកីឡដ្ឋានជាតិមរតកតេជោ និងគម្រោងព្រលានយន្តហោះអន្តរជាតិតេជោ បាននិងកំពុងជំរុញតម្លៃដីធ្លីឱ្យកាន់តែមានសន្ទុះមួយកម្រិតទៀត។

ចាប់តាំងពីគម្រោងធំៗទាំងពីរបានចាប់ផ្ដើមអនុវត្តបានធ្វើឱ្យតម្លៃនិងហាងឆេងដីធ្លីហក់ងើបមួយកម្រិត ជាពិសេសបានទាក់ទាញការវិនិយោគជាច្រើនចូលទៅតំបន់ក្បែរនោះ។ អ្នកជំនាញនៃវិស័យអចលនទ្រព្យបានលើកឡើងពីសក្ដានុពលនិងបញ្ជាក់ផងដែរថា ដីជុំវិញគម្រោងអភិវឌ្ឍន៍ទាំងពីរនឹងហក់ឡើងបន្ថែមទៀត ដោយមិននៅត្រឹមហ្នឹងនោះទេ។

លោកឧកញ៉ា កាំង សុធី អគ្គនាយកក្រុមហ៊ុនCentury 21 Land Stationបានមានប្រសាសន៍ថា គ្រាន់តែលេចលឺនូវព័ត៌មាននៃការកកើតឡើងនៃគម្រោងវិនិយោគនៅកន្លែងណាមួយ គឺវាបានធ្វើឱ្យសន្ទុះនៃការទិញលក់កក្រើកឡើងម្ដងរួចទៅហើយ។ នៅពេលបន្ទាប់វាធ្វើឱ្យអ្នកដែលមានជីវភាពធូរធា អ្នកដែលមានលុយច្រើននឹងស្វែងរកការវិនិយោគនៅតំបន់នោះយ៉ាងច្រើនកុះករ។

លោកឧកញ៉ាបន្តថា កត្តាទាំងនេះនឹងធ្វើឱ្យចលនានៃការទិញលក់អចលនទ្រព្យកើនឡើងជាបន្តបន្ទាប់និងជំរុញឱ្យតម្លៃដីនៅជុំវិញតំបន់នោះនឹងកើនឡើងមួយកម្រិតទៀតផងដែរ ដោយសារតែនៅពេលមានគម្រោងធំៗណាមួយកើតឡើង រាជរដ្ឋាភិបាលនឹងសាងសង់គម្រោងហេដ្ឋារចនាសម្ព័ន្ធនៅទីនោះដែរ ជាក់ស្ដែងគម្រោងព្រលានយន្តហោះអន្តរជាតិតេជោ និងគម្រោងពហុកីឡដ្ឋានមរតកតេជោជាដើម។

លោកឧកញ៉ាបន្ថែមថា “ដីធ្លីនៅជុំវិញគម្រោងអភិវឌ្ឍន៍ធំៗ រង្វង់១០ទៅ១៥គីឡូម៉ែត្រនឹងមានហាងឆេង និងតម្លៃនឹងកើនឡើង ជាបន្តបន្ទាប់ ដូច្នេះអ្នកមានទុនអាចវិនិយោគលើដីធ្លីទុកយកចំណេញនៅពេលអនាគតពិតជាមិនខុសឡើយ”។

លោកស្រី អាន សុធីតា អគ្គនាយិកាក្រុមហ៊ុនអចលនទ្រព្យPropNex Cambodiaបានមានប្រសាសន៍ផងដែរថា តំបន់ខាងជើងភ្នំពេញមានគម្រោងពហុកីឡដ្ឋានជាតិមរតកតេជោ និងវិមានឈ្នះឈ្នះ ដែលជាកត្តាទាក់ទាញការវិនិយោគលើលំនៅឋាន ហើយនឹងកំលាយទៅជាតំបន់ពាណិជ្ជកម្មនៅពេលឆាប់ៗជាក់ជាមិនខាន។

លោកស្រីក៏បានលើកឡើងពីនៅខាងត្បូង ដែលមានគម្រោងព្រលានយន្តហោះអន្តរជាតិតេជោ និងផ្លូវក្រវ៉ាត់ក្រុងទី៣ ដែលជាកត្តាទាក់ទាញដល់វិនិយោគិនក្នុងវិស័យអចលនទ្រព្យ ដូចជា អ្នកអភិវឌ្ឍន៍លំនៅឋាន ផ្សារទំនើប និងអគារខ្ពស់ៗជាដើម៕

ខេត្តបាត់ដំបងគ្រោងរៀបចំតំបន់មួយដែលស្រដៀងទៅនឹងPub Street នៅខេត្តសៀមរាប

ដោយ៖ ម៉ាលីស

បាត់ដំបង៖ លោក សុខ លូ អភិបាលខេត្តបាត់ដំបង បានមានប្រសាសន៍ថា នៅពេលខាងមុខនេះរដ្ឋបាលខេត្តនឹងរៀបចំតំបន់មួយដែលស្រដៀងទៅនឹងPub Street នៅខេត្តសៀមរាប គឺជាតំបន់ដែលភ្ញៀវទេសចរអាចធ្វើដំណើរកំសាន្ត មានភោជនីយដ្ឋាន ឬអាហារដ្ឋានជាដើម។

លោកបញ្ជាក់ដូចនេះនៅក្នុងជំនួបជាមួយ លោកស្រី Aurelie Vincq អគ្គលេខាធិការសាលាសៀកអេសាក់តូ ដើម្បីរាយការណ៍អំពីសមាគមហ្វារពន្លឺសិល្បៈ ដែលកំពុងអនុវត្តន៍គម្រោងផ្លាស់ប្ដូរគរុកោសល្យរវាងសមាគមហ្វារពន្លឺសិល្បៈ និងសាលាសៀកបារាំង អេសាក់តូ នៅតំបន់អុកស៊ីតានី ប្រទេសបារាំងនៅ ថ្ងៃទី១៦ ខែមីនា ឆ្នាំ២០២២។

លោកអភិបាលខេត្តមានប្រសាសន៍ទៀតថា រដ្ឋបាលខេត្តនឹងធ្វើការសហការជាមួយសមាគមន៍ហ្វារពន្លឺសិល្បៈ ដើម្បីរៀបចំការសម្ដែងសិល្បៈផ្សេងៗនៅក្នុងថ្ងៃណាមួយ ដើម្បីឲ្យប្រជាពលរដ្ឋ ភ្ញៀវទេសចរបានយល់ដឹង និងបានទស្សនាការសម្ដែងសិល្បៈពីសិល្បករក្នុងខេត្តរបស់យើង ។

លោកសង្ឃឹមថា អង្គការហ្វារពន្លឺសិល្បៈនឹងបន្តធ្វើការបណ្ដុះបណ្ដាលដល់យុវជន យុវនារី ជាពិសេសគឺផ្នែកសិល្បៈនេះដើម្បីលើកស្ទួយវិស័យសិល្បៈនៅក្នុងខេត្ត និងដើម្បីលើកទឹកចិត្តដល់អ្នកដែលស្រឡាញ់សិល្បៈ ដែលមានសាលាបណ្ដុះបណ្ដាលវិស័យសិល្បៈបែបនេះ៕