ដោយៈម៉ាលីស

ឌូបៃៈ តម្លៃអចលនទ្រព្យលំនៅដ្ឋាននៅទីក្រុងឌូបៃ បាននិងកំពុងស្ទុះងើបឡើងវិញយ៉ាងខ្លាំងពីកម្រិតទាបបំផុត ដោយផ្អែកលើតម្រូវការកើនឡើង អារម្មណ៍ប្រសើរឡើងវិញនៃវិនិយោគិន និងអ្នកប្រើប្រាស់ ការស្ទុះងើបឡើងវិញនៃតម្លៃប្រេង និងឧស្ម័ន និងការស្ទុះងើបម៉ាក្រូសេដ្ឋកិច្ចបន្តិចម្តងៗ។ នេះបើយោងតាម   S&P Global Platts ។

ទីក្រុងឌូបៃបានឃើញ “ត្រីមាសទីបីដ៏ល្អបំផុតក្នុងប្រវត្តិសាស្ត្រ” របស់ខ្លួនសម្រាប់តម្លៃប្រតិបត្តិការលក់អចលនទ្រព្យ នេះបើយោងតាមមន្ទីរដែនដីរបស់ឌូបៃ។  ដោយសារទីក្រុងឌូបៃបានបដិសេធការចាក់សោរ បង្កើនការចាក់វ៉ាក់សាំង និងអនុវត្តន៍គោលនយោ​បាយថ្មី ដើម្បីទាក់ទាញមនុស្សឱ្យឆ្លងកាត់ជម្រៅនៃជំងឺរាតត្បាត។

ខណៈពេលដែលប្រទេសជាច្រើន បានដាក់ការចាក់សោរឡើងវិញ និងការហាមប្រាមការធ្វើដំណើរកាលពីឆ្នាំមុន ទីក្រុងឌូបៃមានភាពលេចធ្លោ សូម្បីតែក្នុងចំណោមប្រទេសជិតខាងរបស់ខ្លួន ដោយអនុញ្ញាតឱ្យមានការធ្វើដំណើរ ដោយភាគច្រើនមិនមានការរំខានសម្រាប់ការការធ្វើដំនើរឡើយ។

វាក៏ត្រូវបានបន្ធូរបន្ថយបទប្បញ្ញត្តិធុរកិច្ច និងទិដ្ឋាការផងដែរ ដោយនាំយកអ្នកតំណាងឌីជីថលជាច្រើន ចូលទៅក្នុងប្រទេសអេមីរ៉ាត បន្ទាប់ពីចំនួនប្រជាជនរបស់ខ្លួនបានធ្លាក់ចុះជិតជាង៨ភាគរយ ក្នុងឆ្នាំ ២០២០ ដោយសារជំងឺរាតត្បាត។

លោកSajwani បាននិយាយថា ប្រជាជនបានមកទីក្រុងឌូបៃ ក្នុងអំឡុងពេលបិទខ្ទប់ប្រទេសរបស់ពួកគេ ហើយបានរកឃើញសុវត្ថិភាព ការថែទាំសុខភាព វ៉ាក់សាំង និងសន្តិសុខ ដែលធ្វើឱ្យទីក្រុងនេះ ក្លាយជាកន្លែងទាក់ទាញក្នុងការវិនិយោគ។ ទីក្រុងឌូបៃពិតជារីកចំរើនខ្លាំងពីការកាន់ទស្សនៈបែបនេះ”។

អ្នកជួលនៅទីក្រុងឌូបៃ ក៏មានអារម្មណ៍ថា មានការកើនឡើងយ៉ាងខ្លាំងនៅក្នុងទីផ្សារផងដែរ។  អ្នកជំនាញវ័យក្មេងជាច្រើន បានបង្ហោះការផ្សាយពាណិជ្ជកម្ម ស្វែងរកបន្ទប់នៅក្នុងផ្ទះរួម ដោយទុកអាផាតម៉ិនរបស់ពួកគេ ខណៈដែលពួកគេនិយាយថា ម្ចាស់ផ្ទះរបស់ពួកគេ កំពុងបង្កើនតម្លៃជួលពី៣០% ទៅ ៥០% ៕ ប្រភព: CNBC៕

ដោយៈ មុនី

ភ្នំពេញៈ ថ្ងៃទី 25 ខែវិច្ឆិកា ឆ្នាំ 2021 – បុរី ណាឌីនឹងរៀបចំកម្មវិធីចែករំលែកគន្លឹះនៃការវិនិយោគ ជាមួយនឹងអ្នកជំនាញអចលនទ្រព្យ លោក Simon Luu នៅថ្ងៃទី 27 ខែវិច្ឆិកា ឆ្នាំ 2021 វេលាម៉ោង 3 រសៀលនៅការិយាល័យលក់ បុរី ណាឌី។

អចលនទ្រព្យពាណិជ្ជកម្ម គឺជាការវិយោគដ៏មានឥទ្ធិពលបំផុតមួយ សម្រាប់អ្នកវិនិយោគទាំងអស់។ សម្រាប់ប្រជាជនកម្ពុជា ដែលចង់ធ្វើការវិនិយោគចម្រុះ និងចង់ប្រើប្រាស់ធនធានក្នុងការវិនិយោគ លើអចលនទ្រព្យពាណិជ្ជកម្ម គម្បីធ្វើការជ្រើសរើសទីកន្លែងឲ្យបានត្រឹមត្រូវ ដើម្បីធានាផ្ដល់ជូននូវផលចំណេញ ប្រកបដោយចីរភាព និងភាពនឹងនរផងដែរ។

សម្រាប់អ្នកវិនិយោគលើអចលនទ្រព្យបែបពាណិជ្ជកម្ម ដែលមានភាពវ័យឆ្លាតតែងទទួលបានអត្ថប្រយោជន៍ ដ៏សម្បូរបែបលើសគេទាំង អត្រាផលចំណេញ កំណើនលំហូរសាច់ប្រាក់ ការកើនតម្លៃ ការចំណាយតិចលើការជុសជុល និងគ្រប់គ្រង និងជាពិសេសកុងត្រាជួលរយៈពេលវែង។

សួនពាណិជ្ជកម្មណាឌី មានទីតាំងស្ថិតនៅក្នុងតំបន់ ដែលមានសន្ទុះនៃការអភិវឌ្ឍខ្លាំងគឺខណ្ឌជ្រោយចង្វារ។ អ្នកតំណាងផ្ទាល់ពីបុរី ណាឌីបានរៀបរាប់ក្នុងព្រឹត្តិការណ៍សម្ពោធសួនពាណិជ្ជកម្មណាឌី អំពីការផ្ដល់ជូននូវសេវាកម្មឡានក្រុង ដែលនឹងបម្រើដល់អ្នកមកទស្សនាកម្សាន្តជាង 10,000 នាក់ក្នុងមួយថ្ងៃ ហើយទីនេះមានចម្ងាយ ត្រឹមតែ 2 គីឡូម៉ែត្រប៉ុណ្ណោះ ពីពហុកីឡដ្ឋានដែលនឹងប្រារព្ធព្រឹត្តិការណ៍កីឡាស៊ីហ្គេម។

ទាំងនេះបង្ហាញឲ្យឃើញអំពី ការយកចិត្តទុកដាក់ខ្ពស់របស់អ្នកអភិវឌ្ឈន៍ ចំពោះម្ចាស់គេហដ្ឋានទាំងអស់។ ក្រៅអំពីនេះ សួនពាណិជ្ជកម្មណាឌី ក៏មានក្រុមហ៊ុនអន្តរជាតិជាង 10 ត្រៀមជួលទីតាំងរួចជាស្រេចរួមមាន  ភោជនីយដ្ឋានKabukicho, Luk Hot Pot, Hong Kong Restaurant, Singapore Bak Kut Teh, Bioplus Health Centre, GC Pest Control ហើយក៏កំពុងអញ្ជើញក្រុមហ៊ុនលំដាប់ពិភពលោក ដូចជា Starbucks Coffee, Burger King, Adidas Outlet, Nike Outlet ជាដើមមកចូលរួម។

ទាំងនេះសបញ្ជាក់ឲ្យឃើញថា ម្ចាស់អាជីវកម្មទាំងអស់អាចឈប់បារម្ភ អំពីចំនួនអ្នកមកទស្សនាកម្សាន្ត ដោយសារតែភាពល្បីល្បាញ នាពេលអនាគតរបស់សួនពាណិជ្ជកម្មណាឌីនៅពេល ដែលក្រុមហ៊ុនទាំងនេះចូលមកដល់។ មិនតែប៉ុណ្ណោះបន្ទាប់ពីការប្រគល់ផ្ទះ សហគមន៍ណាឌី នឹងមានអ្នករស់នៅមិនក្រោម 5,000នាក់បន្ថែមទៀតសម្រាប់ជាអតិថិជនរបស់អាជីវកម្មទាំង អស់។

សួនពាណិជ្ជកម្មណាឌីត្រូវបានរចនាឡើង ដោយផ្ដោតលើការបង្កើននូវប្រសិទ្ធិភាពប្រើប្រាស់អាគារ ទីតាំង និងពេលវេលា។ គេហដ្ឋានទាំងអស់មានកម្ពស់4ជាន់ព្រមជាមួយនឹងបន្ទប់គេង 4 និងបន្ទប់ទឹក 5 នៅគ្រប់ផ្ទះទាំងអស់ ព្រមជាមួយនឹងវ៉េរ៉ង់ដាចំនួន 2 សម្រាប់មើលទេសភាពដ៏ ស្រស់បំព្រង។ សួនពាណិជ្ជកម្មណាឌី ក៏រួមមាននូវផ្ទះជាន់លើបង្អស់ សម្រាប់ឲ្យម្ចាស់លំនៅឋាន ទាំងអស់ប្រើប្រាស់ផងដែរ។ ពួកគេក៏អាចកែប្រែជាន់ដំបូលឲ្យក្លាយ ទៅជាស្កាយបារផ្ទាល់ខ្លួនផង ឬជួលសម្រាប់ការប្រើប្រាស់ផ្សេងទៀតផង។

តើអ្នកចាប់អារម្មណ៍ពីសួនពាណិជ្ជកម្មណាឌីមែនទេ? សូមអញ្ជើញមកស្ដាប់អ្នកជំនាញផ្នែកអចលនទ្រព្យលោក Simon Luu នៅថ្ងៃសៅរ៍ 27 ខែវិច្ឆិកា ឆ្នាំ 2021 នាម៉ោង 3 រសៀល។ លោក Simon នឹងជម្រាបជូនលោកអ្នកនូវចំណេះដឹង និងគន្លឹះនៅក្នុង ការវិនិយោគលើអចលនទ្រព្យពាណិជ្ជកម្ម ជាពិសេសគឺផ្ទះអាជីវកម្ម និងសួនពាណិជ្ជកម្មណាឌី។

លោក Simon Luu មានបទពិសោធន៍ជាង25ឆ្នាំ ក្នុងវិស័យពាណិជ្ជកម្មនៅក្នុងព្រះរាជាណាចក្រកម្ពុជា។ លោកមានបទពិសោធន៍ ជាអ្នកគ្រប់គ្រងជាន់ខ្ពស់លើវិស័យដ៏សម្បូរបែបផ្សេងទៀត ដូចជា នៅធនាគាបរទេស និងធនាគាក្នុងស្រុកដ៏ល្បីល្បាញ និងនៅក្នុងក្រុមហ៊ុនគ្រប់គ្រងសន្និធិ និងមូលធនឯកជនជាង10 ឆ្នាំ។ លោកក៏មានតំណែងជាអ្នកប្រឹក្សាជាន់ខ្ពស់ សម្រាប់អ្នកអភិវឌ្ឈន៍បុរីលំដាប់ខ្ពស់ នៅក្នុងព្រះរាជាណាចក្រកម្ពុជាជាង10 ឆ្នាំផ្សេងទៀត។

លោកអ្នកអាច អញ្ជើញមកទស្សនាការិយាល័យលក់ផ្ទាល់ ដែលមានទីតាំងស្ថិតនៅតាមបណ្ដោយផ្លូវជាតិលេខ ​6 ហើយនៅក្នុងឱកាសនេះ កាដូពិសេស ការធានាជួលត្រឡប់ ប្រូម៉ូសិន និងការផ្ដល់ជូនដ៏ច្រើនសន្ធឹកសន្ធាប់ នឹងត្រូវបានផ្ដល់ជូនទៅអតិថិជនទាំងអស់ ដែលកក់នៅក្នុងពេលនេះ។ សម្រាប់អ្នកដែលមានចំណាប់អារម្មណ៍ ក្នុងការចូលរួមក្នុងការចូលរួមស្ដាប់លោក Simon Luu សូមធ្វើការចុះឈ្មោះតាមរយៈលេខទូរស័ព្ទ 096 606 6688 (តេលេក្រាម)។

សម្រាប់ព័ត៌មានលម្អិតអំពីបុរី ណាឌីសូមចូលទៅកាន់ហ្វេសប៊ុកផេកផ្លូវការ៖

–        Borey Nadi by GC City: https://www.facebook.com/NADIBYGCC

–        Borey Nadi by GC City: https://www.instagram.com/borey_nadi_by_gc_city/

–        ឆាណែលតេលេក្រាម – https://t.me/BOREYNADIBYGCCITY

–        លេខទូរស័ព្ទ និងតេលេក្រាម: 096 606 6688៕

ដោយៈសហការី

ភ្នំពេញៈ គម្រោងខុនដូ ដឹស្តា ប៉ូឡារីស២៣ របស់បុរីប៉េង ហួត ដែលមានទីតាំងស្ថិតនៅក្នុងខណ្ឌច្បារអំពៅ គ្រោងនឹងបញ្ចប់ការសាងសង់ក្នុងពេលឆាប់ៗនេះ ព្រមជាមួ​យការបំពាក់គ្រឿងសង្ហារិមរួចជាស្រេច សម្រាប់គ្រប់ប្រភេទយូនីត។

ស្ថិតក្នុងទីតាំងដ៏មានសក្ដានុពល ពោលគឺនៅចំកណ្ដាលគម្រោងពាណិជ្ជកម្មដ៏មមាញឹក “ដឹស្តាផ្លាទីនីម ប៉ូឡារីស” របស់បុរី ប៉េង ហួត ខុនដូ ដឹស្តា ប៉ូឡារីស ២៣ គឺជាជម្រើសនៃការរស់នៅបែបស៊ីវិល័យ ទាន់សម័យ និងឯករាជ្យភាពយ៉ាងពេញលេញ ជាមួ​យតម្លៃចាប់ពីជាង4ម៉ឺនដុល្លារឡើងទៅ ហើយស្ថិតនៅជិតទីតាំងសំខាន់ៗ ជាច្រើនទាំងក្នុងគម្រោងបុរី ប៉េង ហួត ផ្ទាល់ និងហេដ្ឋារចនាសម្ព័ន្ធក្រៅគម្រោងផ្សេងៗ។

ដឹស្តា ប៉ូឡារីស ២៣ មានច្រើនជម្រើសដូចជា យូនីតបន្ទប់គេង១ ដែលមានទំហំ ៣០ម៉ែត្រការេ និងយូនីតបន្ទប់គេង២ ដែលមានទំហំ៤៦ម៉ែត្រការេ ចែកចេញជា៣អគារដែលអតិថិជន អាចរីករាយជាមួយទេសភាពប្លែកភ្នែក ប្លែកអារម្មណ៍ពីការរស់នៅក្នុងគេហដ្ឋានធម្មតា។

នៅខាងក្រោមដីមានចំណតយានយន្តដ៏ធំទូលាយ និងមានសុវត្ថិភាព។ ចំណែកជាន់ទី១ និងជាន់ទី២ មានហាងលក់ទំនិញចម្រុះ ប្រមូលផ្ដុំទៅដោយហាងល្បីៗ ទីធ្លាលម្ហែ និងសួនច្បារនៅជាន់ទី៧ ដែលលោក អ្នកអាចលំហែអារម្មណ៍ ឬជជែកកម្សាន្តជាមួយមិត្តភ័ក្ដិយ៉ាងសប្បាយរីករាយ និងស្កាយបារនៅជាន់ទី២៦ ដែលលោកអ្នកអាចរីករាយជាមួយទេសភាព និងទទួលយកអារម្មណ៍​ត្រជាក់នៃដងទន្លេមេគង្គ ក៏ដូចជាទេសភាពនៃខណ្ឌច្បារអំពៅទាំងមូល។

មិនតែប៉ុណ្ណោះ គ្រប់យូនីតរបស់ខុនដូ ដឹស្តា ប៉ូឡារីស២៣ ត្រូវបានបំពាក់គ្រឿងសង្ហារិមពហុមុខងារមួយកំផ្លេរួចជាស្រេចដូចជា គ្រែគេងដែលមានថតសម្រាប់ដាក់អីវ៉ាន់នៅពីក្រោម ទូសម្លៀកបំពាក់ ទូចង្ក្រានលើក្រោម តុចាប់ជាប់ជញ្ជាំងដែលធ្វើឱ្យផ្ទៃបន្ទប់មានភាពទូលាយ ទូតាំងដ៏ទាន់សម័យ និងបរិក្ខាផ្សេងទៀត។

https://www.facebook.com/condoboreypenghuoth/videos/378346327248599។

អ្វីដែលកាន់តែពិសេសសម្រាប់ខុនដូដ៏ប្រណីតនេះ គឺគោលការណ៍បង់ប្រាក់មានភាពងាយស្រួល ជាមួយជម្រើសបង់រំលស់រហូតដល់ 100% ដោយមិនចាំបាច់មានប្រាក់កក់ឡើយ។

គួរឱ្យចាប់អារម្មណ៍ណាស់មែនទេ? ដើម្បីជ្រាបព័ត៌មានកាន់តែច្បាស់ សូមទាក់​ទងទៅបុគ្គលិកផ្នែកលក់របស់បុរី ប៉េង ហួត តាមរយៈលេខទូរសព្ទ៖ 098 / 016 / 017 596 789 ឬចូលរួមជាមួយ Telegram Channel https://t.me/boreypenghuoth ៕

ដោយៈ សុផារី

ប្រទេសថៃៈ ទោះបីជាប្រឈមនឹងបញ្ហាកូវីដ១៩ក៏ដោយ ទំនុកចិត្តរបស់អ្នកវិនិយោគបរទេសមកលើប្រទេសថៃ នៅតែមានកម្រិតខ្ពស់លើវិស័យអចលនវត្ថុថៃ។

លោកស្រី  Naridtanan Palakavong Na Ayuthaya សមាជិកនៃគណៈកម្មការសមាគមអ្នកវាយតម្លៃអចលនវត្ថុប្រទេសថៃ ក្នុងសមាជលើកទី២៣ ក្រោមប្រធានបទ “ការវាយតម្លៃអចលនវត្ថុ ក្នុងអំឡុងពេលនៃការរីករាលដាលជំងឺកូវីដ-១៩” របស់សមា​គមអ្នកវាយតម្លៃអចលនវត្ថុអាស៊ាន (ASEAN Valuers Association – AVA) ក្នុងថ្ងៃទី២៤ ខែវិច្ឆិកាដែលកម្ពុជាធ្វើជាប្រធាននេះបានបន្តថា

យោងតាមការសិក្សាទៅលើក្រុមហ៊ុន វិនិយោគបរទេសចំនួន៦០០ បានបង្ហាញថា មាន១៩,៣៣ភាគរយ មានគម្រោងថានឹងពង្រីកការវិនិយោគរបស់ខ្លួន នៅក្នុងប្រទេសថៃបន្ថែមទៀត និង៧៦,៦៧ភាគរយទៀតនៅបន្តការវិនិយោគ ក្នុងកម្រិតបច្ចុប្បន្នបន្តទៀត។

តាមរយៈការការស្ទាបស្ទង់មតិទៅលើផលប៉ះពាល់លើការវិនិយោគ ដែលបណ្តាលមកពីវិបត្តិកូវីដ១៩ បានបង្ហាញថា ៦៣% នៃការវិនិយោគបានទទួលរងផលប៉ះពាល់ ក៏ប៉ុន្តែនៅតែអាចបន្តដំណើរការទៅមុខបាន។ ចំណែក២៩% បានទទួលរងផលប៉ះពាល់ធ្ងន់ធ្ងរ ប៉ុន្តែនៅតែបន្តដំណើរការទៅមុខបាន៧ភាគរយ មិនទទួលរងផលប៉ះពាល់នោះទេនិងនៅតែបន្តដំណើរការជាធម្មតា ហើយមានត្រឹមតែ០,១៧% បានបញ្ឈប់ដំណើរការវិនិយោគរបស់ខ្លួនក្នុងប្រទេសថៃ។

លោកស្រីបានធ្វើបទបង្ហាញថា និន្នាការការវិនិយោគដោយរបស់វិនិយោគិនបរទេសមានការធ្លាក់ចុះ ចាប់តាំងពីការចាប់ផ្ដើមនៃវិបត្តិកូវីដ១៩ ប៉ុន្តែនៅដើមឆ្នាំមុនមានការធ្លាក់ចុះខ្លាំងបំផុត។ នៅក្នុងដើមឆ្នាំ២០២១នេះ យើងសង្កេតឃើញថាចំនួននៃការវិនិយោគរបស់វិនិយោគិនបរទេស មកលើប្រទេសថៃមានការកើនឡើង ប្រហែលទ្វេដងប្រៀបធៀបទៅនឹងឆ្នាំមុន។

តាមរបាយការណ៍ដដែល លោកស្រីបានបញ្ជាក់ថា ឧស្សាហកម្មដែលទទួលបានការពេញនិយម ក្នុងការវិនិយោគរបស់វិនិយោគិនបរទេសមាន ដូចជា វិស័យឌីជីថល វិស័យវេជ្ជសាស្ត្រ វិស័យគីមីឥន្ធនៈនិង វិស័យ Robot Automation និងវិស័យផ្សេងៗទៀត។ ប្រទេសជប៉ុន គឺជាប្រទេសដែលវិនិយោគច្រើនបំផុត មកលើប្រទេសថៃក្នុងចំនួន១២៥គម្រោង តាមដោយសហរដ្ឋអាមេរិក ប្រទេសសិង្ហបុរី និងប្រទេសចិន៕

ដោយៈវឌ្ឍនៈ

ភ្នំពេញៈ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោកអូនព័ន្ឋមុនីរ័ត្នបានលើកឡើងពីប៉ូលសេដ្ឋកិច្ចកម្ពុជាសំខាន់ៗចំនួន៤ ដែលមានសក្តានុពលទាក់ទាញការវិនិយោគលើវិស័យអចលនទ្រព្យ។

មានប្រសាសន៍ក្នុងពិធីបើកកិច្ចប្រជុំ សមាគមអ្នកវាយតម្លៃអចលនទ្រព្យអាស៊ាន ដែលមានភ្នាក់ងារ អ្នកវិនិយោគជាតិ អន្តរជាតិចូលរួមនាព្រឹកថ្ងៃទី២៥ វិច្ឆិកានេះ ក្រោមការរៀបចំរបស់កម្ពុបា លោកអូន ព័ន្ឋមុនីរ័ត្នបានមានប្រសាសន៍ថា ទោះបីជាកម្ពុជាកំពុងប្រឈមនឹងជំងឺកូវីដ១៩ និងបន្តសម្រ​បខ្លួនទៅនឹងប្រក្រតីភាពថ្មីក្ដី ក៏ប៉ុន្តែវិស័យអចលនវត្ថុក្នុងប្រទេស នៅតែមានសក្ដានុពលខ្ពស់ និងមានតម្លៃទាបសមរម្យ សម្រាប់ការវិនិយោគ  បើប្រៀបធៀបនឹងប្រទេសជិតខាង។

លោកបន្តថា តំបន់សំខាន់ៗមួយចំនួន ដូចជា ១. រាជធានីភ្នំពេញនិងខេត្តកណ្ដាល ដែលមានគម្រោងសាងសង់អាកាសយានដ្ឋានថ្មីកំពុងអនុវត្តន៍ ២. ខេត្តព្រះសីហនុ ដែលកំពុងតែត្រូវបានប្រែក្លាយ ជាតំបន់សេដ្ឋកិច្ចពិសេសពហុបំណង ៣. ខេត្តសៀមរាបដែលជាតំបន់ទេសចរណ៍ប្រវត្តិសាស្ត្រ និងទី៤ ក្រុងបាវិតដែលជាមាត់ច្រកព្រំដែនកម្ពុជាវៀតណាម និងក្រុងប៉ោយប៉ែតជាមាត់ច្រកព្រំដែនកម្ពុជាថៃ។

លោកអគ្គបណ្ឌិតសភាចារ្យអូន ព័ន្ធមុនីរ័ត្នឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានផ្ដល់អនុសាសន៍មួយចំនួនដល់សមាគមនិងអ្នកពាក់ព័ន្ធក្នុងវិស័យអចលនវត្ថុទាំងកម្ពុជា និងតំបន់អាស៊ានទាំងមូល។

លោកមានប្រសាសន៍ថា ដើម្បីអភិវឌ្ឍន៍វិស័យអចលនទ្រព្យប្រកបដោយចីរភាព ស្ថិរភាព ស័ក្ដិសិទ្ធភាព លោកបានស្នើឱ្យអង្គ សមាជពិនិត្យលទ្ធភាព ក្នុងការគិតគូរនិងផ្ដល់យោបល់លើចំណុចសំខាន់ៗមួយចំនួនដូចជា ទី១ រៀបចំស្តង់ដារអ្នកវាយតម្លៃអចល​នវត្ថុរួមមួយក្នុងក្របខណ្ឌតំបន់អាស៊ាន ទី២.សម្រាប់ប្រទេសដែលមិនទាន់មានស្តង់ដារអចលនវត្ថុដូចជាកម្ពុជា គួររៀបចំស្តង់ដារវាយតម្លៃអចលនវត្ថុនេះឡើងឱ្យបានឆាប់ ទី៣. ជំរុញលើកកម្ពស់ការងារពង្រឹងសមត្ថភាពវិជ្ជាជីវៈនិងគុណវឌ្ឍិអ្នកវាយតម្លៃអចលនវត្ថុឱ្យកាន់តែប្រសើរ និងទី៤.ពង្រឹងកិច្ចសហប្រតិបត្តិការរវាងឯកជន និងឯកជន ឯកជននិងនិយ័តករ និងរវាងនិយ័តករ និងនិយ័តករផងដែរ តាមរយៈការផ្លាស់ប្តូរជំនាញនិបទពិសោ​ធន៍ បច្ចេកវិទ្យា ការវិនិយោគនិងអាជីវកម្មរួមគ្នា៕