ក្នុងរយៈពេលជាង៧ខែកន្លងមក កម្ពុជាចម្រាញ់បានរ៉ែមាសជិត១៥០០គីឡូហើយ

ដោយ៖ សុធារី

ភ្នំពេញ៖ ក្នុងរយៈពេលជាង ៧ ខែ កន្លងមកនេះ ក្រុមហ៊ុនអូស្រ្ដាលី Renaissance Limited (Cambodia) ដែលកំពុងរុករកមាសនៅខេត្តមណ្ឌលគីរី បានចម្រាញ់រ៉ែមាសបានជិត១៥០០គីឡូ ឬស្មើនឹង១១០ដុំមាសហើយ។

នេះបើតាមការបង្ហាញរបស់លោក ស៊ុយ សែម រដ្ឋមន្រ្តីក្រសួងរ៉ែ និងថាមពល ក្នុងពិធីប្រគល់ទទួលអគារទីស្តីការក្រសួងរ៉ែ និងថាមពល ទៅជូនគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី១៤ ខែមករា ឆ្នាំ២០២២។

ក្រុមហ៊ុន Renaissance Minerals (Cambodia) Ltd គឺជាក្រុមហ៊ុនទី១ ដែលជាក្រុមហ៊ុនខ្នាតអន្ដរជាតិ ដែលអាចចាប់ផ្ដើមផលិតមាសជាលើកដំបូងនៅប្រទេសកម្ពុជា ដែលចាប់ផ្តើមដំណើរការរបស់ខ្លួននៅថ្ងៃទី២១ ខែមិថុនា ឆ្នាំ២០២១កន្លងទៅ។

លោក អ៊ឹង ឌីប៊ូឡា អគ្គនាយកនៃអគ្គនាយកដ្ឋានធនធានរ៉ែ បានឱ្យដឹងនៅថ្ងៃទី១៤ ខែមករា ឆ្នាំ២០២២ នេះថា គិតចាប់ពីពេលចាប់ផ្តើមបើកឱ្យដំណើរការ រាជរដ្ឋាភិបាលទទួលបានចំណូល តាមរយៈការបង់សួយសាររបស់ក្រុមហ៊ុន ចូលក្នុងថវិកាជាតិ បានចំនួនជាង១,៦លានដុល្លារអាមេរិក។

លោកថា ក្រុមហ៊ុនរំពឹងថានឹងអាចផលិតមាសសុទ្ធបានប្រមាណ៣តោន ក្នុងមួយឆ្នាំ សម្រាប់រយៈពេល៨ឆ្នាំដំបូង ដោយនឹងត្រូវនាំចេញទៅបន្សុទ្ធនៅក្រៅប្រទេស ដូចជាប្រទេសសឹង្ហបុរី និងអូស្ត្រាលី ជាដើម។

នៅឆ្នាំ២០២២នេះ នឹងមានក្រុមហ៊ុនរុករករ៉ែមាសចំនួន៤ទៀត នឹងចាប់ផ្តើមធ្វើអាជីវកម្ម ចម្រាញ់រ៉ែមាសជាផ្លូវការរបស់ខ្លួន នៅក្នុងប្រទេសកម្ពុជា។ ក្នុងនោះ៣ក្រុមហ៊ុន ត្រូវបានវិនិយោគដោយក្រុមហ៊ុនចិន មានទីតាំងនៅខេត្តព្រះវិហារ ក្រចេះ និងមណ្ឌលគិរី នឹងចាប់ផ្តើមនៅក្នុងឆ្នាំ២០២២។ មួយទៀត ជាក្រុមហ៊ុនឥណ្ឌា Mesco Gold ដែលមានទីតាំង នៅខេត្តរតនគិរី នឹងអាចចាប់ផ្តើមនៅចុងឆ្នាំ២០២២៕

Asia’s richest man Ambani plans to invest US$76 bil in green projects

 

(Jan 13): The conglomerate led by Mukesh Ambani, Asia’s richest man, announced plans to invest US$76 billion toward clean energy projects, dwarfing an earlier commitment of US$10 billion by the world’s biggest fossil-fuel billionaire.

Reliance Industries Ltd, controlled by Ambani, has signed pacts with the state government of Gujarat for a total investment of 5.96 trillion rupees (US$81 billion), according to an exchange filing on Thursday. Of this, about 5 trillion rupees would be used over the next 15 years to build 100 gigawatts of renewable power projects and a green hydrogen network, while 600 billion rupees will be for factories making solar modules, hydrogen electrolyzers, fuel cells and storage batteries, the filing said.

The remaining sum is to be spent in the retail-to-refining group’s new and existing projects, including the upgrade of its telecom network for 5G services and expansion of its consumer retail businesses. Reliance has already “started the process of scouting land” for its renewable energy power projects and has requested the Gujarat administration for 450,000 acres (182,110 hectares) in the arid Kutch region.

Though the investment pact is just a memorandum of understanding right now, it outlines the scope of Ambani’s green ambitions and is a big step up from the US$10 billion investment over three years he had announced in June. Ambani is in the midst of transforming his fossil fuel-fed empire and pivoting it toward green energy and digital technology.

Ambitious Target
These projects will also boost Reliance’s target to make its operations carbon neutral by 2035 — an ambitious target for a company that derived 60% of its revenue from oil refining and petrochemicals.

The announcement follows billionaire Gautam Adani-led conglomerate’s pact with South Korean steel giant Posco to explore business opportunities in India, including setting up a green steel mill in Gujarat with a potential investment of US$5 billion. Adani has committed to invest a total of US$70 billion by 2030 across its green energy value chain.

Both the billionaires and their ability to walk the talk on their green energy commitments are crucial if the Narendra Modi-led government has to achieve its target of making the country net carbon zero by 2070.

Like their global peers, Reliance and Adani groups, who made their fortunes from fossil fuels, are now aggressively expanding their clean energy footprint amid mounting pressure to join the fight against climate change.

Source: The Edge Markets

កំពូលមហាសេដ្ឋីមានបំផុតនៅអាស៊ី គ្រោងបោះទុនជិត១០០ពាន់លានដុល្លារ វិនយោគលើគម្រោងបៃតង

ដោយ៖ សុខុម

ញូវដេលី៖ សម្ព័ន្ធក្រុមហ៊ុនយក្សដឹកនាំដោយលោក Mukesh Ambani ដែលជាកំពូលមហាសេដ្ឋីមានបំផុតប្រចាំតំបន់អាស៊ី បានប្រកាសផែនការបោះទុនរហូតដល់ទៅ៧៦ពាន់លានដុល្លារអាមេរិក វិនិយោគលើគម្រោងថាមពលស្អាត។ នេះបើយោងតាមសារព័ត៌មាន The Edge Markets ចុះផ្សាយនៅថ្ងៃសុក្រ ទី១៤ មករានេះ។

យោងតាមឯកសារទីផ្សារភាគហ៊ុនកាលពីថ្ងៃព្រហស្បតិ៍ ទី១៣ មករា បង្ហាញថា សម្ព័ន្ធក្រុមហ៊ុន Reliance Industries Ltd ដែលគ្រប់គ្រងដោយលោក Mukesh Ambani បានចុះកិច្ចព្រមព្រៀងជាមួយអាជ្ញាធររដ្ឋហ្គូចារ៉ាត (Gujarat) ប្រទេសឥណ្ឌា សម្រាប់ការវិនិយោគសរុបរហូតដល់ទៅ៥,៩៦ពាន់ពាន់លានរូពី (៨១ពាន់លានដុល្លារអាមេរិក)។

ក្នុងចំណោមទំហំវិនិយោគសរុប ទុនប្រមាណ៥ពាន់ពាន់លានរូពី នឹងត្រូវប្រើប្រាស់ក្នុងរយៈពេល១៥ឆ្នាំខាងមុខដើម្បីសាងសង់គម្រោងថាមពលកកើតឡើងវិញ និងបណ្ដាញអ៊ីដ្រូសែនបៃតងមួយ ដែលមានកម្លាំងសរុបរហូតដល់ទៅ១០០ជីហ្គាវ៉ាត់ (GW) ចំណែកឯ៦០០ពាន់លានរូពីទៀតសម្រាប់ការសាងសង់រោងចក្រផលិតបន្ទះសូឡា អេឡិចត្រូតអ៊ីដ្រូសែន កោសិកាឥន្ធនៈ និងអាគុយផ្ទុកថាមពល។

ទំហំទឹកប្រាក់ដែលនៅសេសសល់ គឺត្រូវចំណាយក្នុងគម្រោងថ្មីៗ និងគម្រោងដែលមានស្រាប់របស់ក្រុមហ៊ុនរួមទាំងការធ្វើឱ្យប្រសើរឡើងនូវបណ្តាញទូរគមនាគមន៍របស់ខ្លួនសម្រាប់សេវាអ៊ីនធឺណិតល្បឿនលឿន 5G និងការពង្រីកអាជីវកម្មលក់រាយអ្នកប្រើប្រាស់របស់ខ្លួនផងដែរ។

ក្រុមហ៊ុន Reliance Industries Ltd “បានចាប់ផ្តើមហើយនូវដំណើរការស្វែងរកដី” សម្រាប់គម្រោងថាមពលកកើតឡើងវិញរបស់ខ្លួន ហើយបានស្នើសុំរដ្ឋបាលរដ្ឋហ្គូចារ៉ាត នូវផ្ទៃដីរហូតដល់ទៅ១៨២.១១០ហិកតានៅតំបន់គុច (Kutch)។

ទោះបីជាពេលនេះកិច្ចព្រមព្រៀងវិនិយោគនេះគ្រាន់តែជាអនុស្សរណៈនៃការយោគយល់ (MoU) នៅឡើយយ៉ាងណាក្ដី វាបង្ហាញពីវិសាលភាពនៃមហិច្ឆតាបៃតងរបស់មហាសេដ្ឋី Mukesh Ambani និងជាការបោះជំហានយ៉ាងធំពីទំហំវិនិយោគ១០ពាន់លានដុល្លារអាមេរិក ក្នុងរយៈពេល៣ឆ្នាំដែលលោកធ្លាប់បានប្រកាសកាលពីខែមិថុនា៕

WB ព្យាករណ៍កំណើនសេដ្ឋកិច្ចវៀតណាមស្ថិតក្នុងរង្វង់៥,៥ភាគរយ ក្នុងឆ្នាំ២០២២

ដោយ៖ ស្រីលិះ

ហាណូយ៖ ការស្ទុះងើបឡើងវិញនៃសេដ្ឋកិច្ចរបស់ប្រទេសវៀតណាមទំនងជានឹងកើនឡើងនៅឆ្នាំ២០២២ ខណៈដែលកំណើនផលិតផលក្នុងស្រុកសរុបត្រូវបានធនាគារពិភពលោកព្យាករណ៍ថានឹងកើនឡើងដល់ ៥,៥% កើនពី ២,៦% កាលពីឆ្នាំ២០២១។

តាមរយៈវិធានការគ្រប់គ្រងជំងឺរាតត្បាតកូវីដ-១៩ ទាំងក្នុងប្រទេស និងក្រៅប្រទេស វិស័យសេវាកម្មរបស់វៀតណាមត្រូវបានគេព្យាករណ៍ថា នឹងងើបឡើងវិញជាបណ្តើរៗដោយសារទំនុកចិត្តរបស់ក្រុមហ៊ុននិងវិនិយោគិននានា ខណៈវិស័យផលិតកម្មទទួលបានអត្ថប្រយោជន៍ពីស្ថិរភាពការបញ្ជាទិញពីសហរដ្ឋអាមេរិក សហភាពអឺរ៉ុប និងប្រទេសចិន។

ចំណែកឱនភាពសារពើពន្ធ និងបំណុលត្រូវបានគេរំពឹងថានឹងនៅមានស្ថិរភាព ជាមួយនឹងសមាមាត្របំណុលធៀបនឹងផលិតផលក្នុងស្រុកសរុប ដែលត្រូវបានព្យាករថាស្ថិតក្នុងរង្វង់ ៥៨,៨ ភាគរយ ដែលទាបជាងការកំណត់នៅក្នុងច្បាប់។

ទោះជាយ៉ាងនេះក្តី ភាពមិនប្រាកដប្រជាអំពីជំងឺរាតត្បាត អាចជំរុញធ្វើឱ្យសកម្មភាពសេដ្ឋកិច្ចចុះខ្សោយ។ លើសពីនេះ ដៃគូពាណិជ្ជកម្មជាច្រើនកំពុងប្រឈមមុខនឹងការថយចុះទំហំសារពើពន្ធ និងគម្លាតរូបិយវត្ថុ ដែលអាចកម្រិតសមត្ថភាពក្នុងការគាំទ្រសេដ្ឋកិច្ច ប្រសិនបើវិបត្តិនៅតែបន្តកើតមាន ដែលនេះអាចធ្វើឱ្យការស្ទុះងើបឡើងវិញជាសកល និងធ្វើឱ្យតម្រូវការនាំចេញរបស់វៀតណាមធ្លាក់ចុះ។
តាមរយៈការបោះពុម្ពផ្សាយរបាយការណ៍របស់ Takeing Stock “គ្មានពេលដែលត្រូវខ្ជះខ្ជាយ៖ បញ្ហាប្រឈម និងឱកាសនៃពាណិជ្ជកម្មស្អាតសម្រាប់វៀតណាម” ឱ្យដឹងថា វិស័យពាណិជ្ជកម្មបៃតងគួរតែជាអាទិភាពមួយសម្រាប់ប្រទេសវៀតណាម។ ពាណិជ្ជកម្មរបស់វៀតណាមក្នុងរយៈពេល២ទសវត្សរ៍កន្លងមកនេះ ពឹងផ្អែកទៅលើកាបូន ដែលស្មើនឹងមួយភាគបីនៃការបញ្ចេញឧស្ម័នផ្ទះកញ្ចក់សរុបរបស់ប្រទេស និងការបំពុល។

លោកស្រី Carolyn Turk នាយកធនាគារពិភពលោកប្រចាំប្រទេសវៀតណាមបានមានប្រសាសន៍ថា “ពាណិជ្ជកម្មនឹងក្លាយជាធាតុផ្សំសំខាន់នៃសកម្មភាពអាកាសធាតុរបស់វៀតណាមក្នុងប៉ុន្មានឆ្នាំខាងមុខ”។ លោកស្រីថា “ការលើកកម្ពស់ពាណិជ្ជកម្មបៃតងនឹងមិនត្រឹមតែជួយវៀតណាមធ្វើតាមការសន្យារបស់ខ្លួនក្នុងការឈានដល់ការបំភាយសូន្យសុទ្ធក្នុងឆ្នាំ ២០៥០ ប៉ុណ្ណោះទេ ប៉ុន្តែវាក៏នឹងជួយឱ្យប្រទេសនេះរក្សាការប្រកួតប្រជែងរបស់ខ្លួននៅក្នុងទីផ្សារអន្តរជាតិ និងធានាថាពាណិជ្ជកម្មនៅតែជាប្រាក់ចំណូលដ៏សំខាន់ និងជាប្រភពការងារ។

របាយការណ៍នេះបានផ្តល់អនុសាសន៍ឱ្យរដ្ឋាភិបាលធ្វើសកម្មភាពអាទិភាពចំនួនបី៖ សម្រួលដល់ការធ្វើពាណិជ្ជកម្មទំនិញ និងសេវាកម្មបៃតង ជំរុញការវិនិយោគផ្ទាល់ពីបរទេសបៃតង និងអភិវឌ្ឍតំបន់ឧស្សាហកម្មធន់ និងគ្មានកាបូនបន្ថែមទៀត៕

កម្ពុជាជាប់ចំណាត់ថ្នាក់លេខ២នៅអាស៊ីជាប្រទេសល្អបំផុតសម្រាប់អ្នកចូលនិវត្តន៍ក្នុង ឆ្នាំ២០២២

ដោយ: ម៉ាលីស

ភ្នំពេញ: សម្រាប់ឆ្នាំ២០២២ កម្ពុជាជាប់ចំណាត់ថ្នាក់លេខ ២ នៅអាស៊ី និងទី ១៤ លើពិភពលោក ជាប្រទេសល្អបំផុតសម្រាប់អ្នកចូលនិវត្តន៍។ នេះបើយោងទៅតាមការចេញផ្សាយរបស់គេហទំព័រ International Living។

កម្ពុជាក៏ជាប់ចំណាត់ថ្នាក់ជាគោលដៅទេសចរណ៍ល្អបំផុតមួយក្នុងចំណោមគោលដៅទេសចរណ៍ល្អបំផុតក្នុងរយៈពេល១០ ឆ្នាំខាងមុខ នេះបើយោងតាមទស្សនាវដ្តី Forbes ដែលមានមូលដ្ឋាននៅសហរដ្ឋអាមេរិក។

គេហទំព័រនេះបានដាក់ប្រទេសថៃ ជាកន្លែងទី១នៅអាស៊ី និងទី១១នៅទូទាំងពិភពលោក។ នៅទូទាំងពិភពលោក ប្រទេសប៉ាណាម៉ាបានជាប់ចំណាត់ថ្នាក់លេខ១ កូស្តារីកាលេខ២ និងម៉ិកស៊ិកជាប់លេខ៣ ដែលតាមពីក្រោយដោយអេក្វាឌ័រ កូឡុំប៊ី បារាំង ម៉ាល់តា អេស្ប៉ាញ អ៊ុយរូហ្គាយ អៀរឡង់ និងប៉េរូ។

កាលពីខែវិច្ឆិកា និងខែធ្នូ ឆ្នាំ២០២១ ក្រុមហ៊ុនមគ្គុទ្ទេសទេសចរណ៍ Touropia ក៏បានចាត់ចំណាត់ថ្នាក់ឧទ្យានបុរាណវិទ្យាអង្គរ ថាជាកន្លែងដ៏ល្អបំផុតសម្រាប់ការទស្សនានៅអាស៊ីអាគ្នេយ៍ ហើយប្រាសាទអង្គរជាប់ចំណាត់ថ្នាក់លេខ ១ ក្នុងចំណោមប្រាសាទល្បីៗបំផុតទាំង១០នៅអាស៊ីផងដែរ៕

តម្លៃដីផ្លូវលេខ៤៣ចាប់ឡើងថ្លៃ ក្រោយគម្រោងផ្លូវនេះកាន់តែជិតអភិវឌ្ឍ

ដោយ៖ វឌ្ឍនៈ

ភ្នំពេញ ៖ គម្រោងអភិវឌ្ឍន៍ផ្លូវជាតិលេខ៤៣ ដែលតភ្ជាប់ពីផ្លូវជាតិលេខ៣ត្រង់ចំនុចខេត្តកំពតទៅផ្លូវជាតិលេខ៤ខេត្តកំពង់ស្ពឺ កំពុងរៀបចំដំណើរការអភិវឌ្ឍន៍ជាបណ្ដើរៗ ដែលធ្វើឱ្យហាងឆេងដីធ្លីនៅតាមបណ្ដោយផ្លូវមួយនេះកាន់តែមានសន្ទុះងើបឡើង ក្នុងនោះដែរតម្លៃដីធ្លីក៏ត្រូវបានរំពឹងថានឹងងើបឡើងមួយកម្រិតទៀតផងដែរ។

លោក កែវ សុជាតិ ប្រធានសាខានៃក្រុមហ៊ុនអចលនទ្រព្យ KW Cambodia ប្រចាំខេត្តកំពត បានឱ្យដឹងថា គម្រោងផ្លូវជាតិលេខ៤៣បាននិងកំពុងធ្វើឱ្យហាងឆេងដីធ្លីនៅតាមបណ្ដោយផ្លូវនេះ កំពុងតែមានកំណើនល្អប្រសើរបន្ថែមមួយកម្រិតទៀត។ ជាក់ស្ដែង ដីធ្លីនៅតំបន់នោះ ដែលកាលពីមុនត្រឹមតែ៥ទៅ១០ដុល្លារអាមេរិក តែមកដល់ពេលនេះវាឡើងដល់១៥ដុល្លារអាមេរិក និងតំបន់ខ្លះក៏ខ្ពស់ជាងនេះផងដែរ ទៅតាមទីតាំងសក្ដានុពល។
លោកបន្តថា គម្រោងផ្លូវជាតិលេខ៤៣នេះដែរក៏ឃើញថាមានក្រុមហ៊ុនក្នុងស្រុកមួយចំនួនបានចូលទៅអភិវឌ្ឍន៍ជាបណ្ដើរៗ ដូចជាគម្រោងអភិវឌ្ឍន៍ដីលំហែរបស់បូកគោលែនទី២ និងមានអ្នកវិនិយោគមួយចំនួនទៀតទិញដីត្រៀមសម្រាប់អភិវឌ្ឍន៍ នៅពេលផ្លូវនេះចាប់ផ្ដើមស្ថាបនាចាក់កៅស៊ូ។

លោកថា ”សក្ដានុពលដីធ្លីនៅតំបន់ផ្លូវ៤៣ពេលនេះគ្រាន់តែជាដីប្រភេទលំហែកាយ ហើយអ្នកអភិវឌ្ឍន៍ដែលចូលទៅតំបន់នោះ ក៏អភិវឌ្ឍជាផ្ទះលំហែ ចំការលំហែ មិនទាន់មានការអភិវឌ្ឍជាអ្វីផ្សេងឡើយ”។

លោកសុខ គែន នាយកក្រុមហ៊ុនអចលនទ្រព្យ Kampot Street Real Estate ក៏បានឱ្យដឹងផងដែរថា នៅពេលមានគម្រោងអភិវឌ្ឍន៍ផ្លូវជាតិលេខ៤៣ភ្លាម ដីធ្លីនៅតាមបណ្ដោយនៃគម្រោងផ្លូវនេះ បានឡើងថ្លៃមួយកម្រិត ហើយនៅពេលផ្លូវនេះស្ថាបនាវានឹងឡើងម្ដងទៀត ក្នុងនោះដែរ សក្ដានុពលនៃការអភិវឌ្ឍនៅតំបន់នោះក៏ប្រែប្រួលបន្តិចដែរ។

លោកបន្តថា នៅពេលនេះ ការអភិវឌ្ឍមានតែទៅលើតំបន់លំហែ និងចំការ ប៉ុន្តែនៅពេលអនាគត ពោលគឺពេលផ្លូវនេះសាងសង់រួច វានឹងមានការអភិវឌ្ឍជាតំបន់ឧស្សាហកម្មរោងចក្រសហគ្រាស ដោយសារតែផ្លូវជាផ្លូវសំខាន់ក្នុងការដឹកជញ្ជូនទំនិញទៅកាន់កំពង់ផែ ខេត្តព្រះសីហនុ ឬកំពង់ផែទឹកជ្រៅខេត្តកំពតដែលបាននិងកំពុងសាងសង់ជាដើម ។ ដូច្នេះអ្នកវិនិយោគអាចនឹងសាងសង់ជាឃ្លាំងស្តុកទំនិញនិងដឹកជញ្ជូនទៅកាន់កំពង់ផែទាំងពីរ៕

អ្នកជំនាញៈសកម្មភាពទិញលក់ដីធ្លីខេត្តសៀមរាបនៅទ្រឹងក្រោយម្ចាស់ដីសម្រុកតម្លើងតម្លៃខ្លាំង

ដោយៈសុធារី

សៀមរាបៈ អ្នកជំនាញអះអាងថា កត្តាម្ចាស់ដីនៅក្នុងខេត្តសៀមរាបបានតម្លើងតម្លៃដី របស់ពួកគាត់នៅតាមផ្លូវទើបស្ថាបនារួចនេះ បានបណ្តាលឱ្យសកម្មភាពទិញ លក់នៅទ្រឹងមួយកន្លែង ដែលជាឱកាសសម្រាប់អ្នកមានគម្រោងទិញដីធ្លី សម្រាប់វិនិយោគនៅថ្ងៃក្រោយ។

លោកបឿន រិទ្ធ ប្រធាន GRA ប្រចាំខេត្តសៀមរាបមានមានប្រសាសន៍ឲ្យដឹងតាមទូរស័ព្ទកាលពីថ្ងៃទី១៣ មករាកន្លងមកថា សេដ្ឋកិច្ចរបស់ខេត្តសៀមរាប អាចដើរទៅរួចអាស្រ័យលើវិស័យទេសចរណ៍។ យើងមើលឃើញថា នៅកំឡុងចូលឆ្នាំសកលកន្លងទៅ មានលក្ខណៈល្អប្រសើរ ដោយសារកំណើននៃភ្ញៀវទេសចរ បានមកលេងនៅក្នុងខេត្តសៀមរាបមានច្រើន។

តាមរយៈរបាយការណ៍របស់ក្រសួងទេសចរណ៍ នាឱកាសឆ្លងឆ្នាំសក​ល២០២១ឆ្លងចូល២០២២ ខេត្តសៀមរាប ទទួលបានភ្ញៀវទេសចរសរុប មានអ្នកចូលទស្សនាច្រើនជាងគេ ១៨៩,៤៣៦នាក់។

លោកបឿន រិទ្ឋបានអះអាងថា សកម្មភាពសេដ្ឋកិច្ចរបស់ខេត្តសៀម​រាបមានសកម្មភាពតែមួយឆាវៗ ដោយសារតែកូវីដ១៩ រារាំង។ បច្ចុប្បន្នដីធ្លីក្នុងខេត្តសៀមរាប បែងចែកជា៤ប្រភេទ មាន ដីសម្រាប់កសិកម្ម ដីសម្រាប់អាជីវកម្ម ដីលំនៅឋាន និងដីពាណិជ្ជកម្ម។ បច្ចុប្បន្ននេះ ប្រភេទដីធ្លីមួយប្រភេទកំពុងតែមានចរន្តទិញលក់ល្អ គឺ ប្រភេទដីពាណិជ្ជកម្ម ដោយសង្គេតឃើញមានអ្នកមកពីភ្នំពេញ និងបណ្តាខេត្តផ្សេងៗមកទិញ។

លោកបន្តថា “សកម្មភាពទិញលក់អចលនទ្រព្យដីធ្លីនៅមាន គ្រាន់តែមានមិនច្រើនទេ មានតិចតួចដោយភាពច្រើនជា អ្នកទិញក្នុងស្រុកជាអ្នកធ្វើសកម្មភាពទិញលក់នៅក្នុងខេត្តសៀមរាប”។ លោកបន្តថា “សកម្មភាពទិញលក់ តម្លៃចន្លោះក្រោម១លានដុល្លារចុះក្រោម នៅមានដំណើរការធម្មតាទេ។ ចំណែកសកម្មភាពវិនិយោគខ្នាតធំៗ មិនទាន់ចូលមកនោះទេ”។

សម្រាប់តម្លៃដីធ្លី លោកបែងចែកជា២ ប្រភេទគឺ ដីធ្លីនៅក្នុងក្រុងនិងដីធ្លីកសិកម្មនៅក្រៅក្រុង។ ដីធ្លីកសិកម្មនៅក្រៅក្រុង អាចមានតម្លៃចាន់ពី៣ទៅ១០ដុល្លាអាមេរិក ខ្លះអាចឡើងដល់១៥ដុល្លាអាមេរិក សម្រាប់ដីនៅម្តុំគម្រោងអាកាសយានដ្ឋានថ្មីសៀមរាប។ តម្លៃដីកសិកម្មអាស្រ័យ តាមទំហំនិងទីតាំងរបស់ដីផងដែរ។ ប្រសិនបើ ដីមានទំហំធំ នោះតម្លៃនឹងរៀងទាប តែប្រសិនបើដីមានទំហំតូច ហើយនៅជាប់នឹងផ្លូវធំ នោះតម្លៃក៏ឡើងខ្ពស់តាមនោះដែរ។

ចំណែកដីនៅក្នុងក្រុង តំបន់២ដែលមានតម្លៃថ្លៃបំផុត។ តំបន់ទី១ គឺ តំបន់ផាប់ស្ទ្រីត ដែលមានតម្លៃចាប់ពី៣ពាន់ ទៅ៤ពាន់ដុល្លាអាមេរិកក្នុងមួយម៉ែត្រការ៉េ និងតំបន់ទី២ តំបន់ផ្សារលើនៅតាមបណ្តោយ ផ្លូវជាតិលេខ៦ ចាប់ពីម្តុំព្រះអង្គចេកព្រះអង្គចម មកដល់ហួសផ្សារលើបន្តិច មានតម្លៃចាប់ពី៤០០០ចុះក្រោម។
សម្រាប់ម្ដុំផ្សារលើតម្លៃប្រហែល៤៥០០ ដល់៥០០០ ដុល្លារអាមេរិកក្នុងមួយម៉ែត្រការ៉េ។ នៅតាមផ្លូវមេ ដីមានតម្លៃប្រហែល១៣០០ ក្នុងមួយម៉ែត្រការ៉េ ខ្លះចន្លោះ៣០០ ទៅ៥០០ដុល្លាអាមេរិក ក្នុងមួយម៉ែត្រការ៉េ។

លោកបឿន រិទ្ឋបានបន្តថា ក្នុងចំណោមដីទាំង៤ ប្រភេទនេះលោកមើលឃើញថា ប្រភេទដីពាណិជ្ជកម្ម ដែលនៅជាប់នឹងផ្លូវ៣៨ខ្សែ ជាប្រភេទដីដែលមានល្អបំផុត សម្រាប់ការវិនិយោគ ព្រោះនៅតាមផ្លូវ៣៨ខ្សែ តំបន់ខ្លះដីពាណិជ្ជកម្ម នៅមានតម្លៃធូរនៅឡើយចន្លោះពី៣០០ ទៅ១៥០០ ដុល្លាអាមេរិក ដោយលើកឡើងតំបន់ពីរខាងលើ។
លោកបញ្ជាក់ថា”យ៉ាងណាម៉ិញតម្រូវការផ្គត់ផ្គង់ មានច្រើនជាងតម្រូវការទិញ។ ដូច្នេះសម្រាប់អ្នកមានលទ្ធភាព អាចចាប់យកឱកាសនេះសម្រាប់ទិញទាន់ នៅមានតម្លៃធូរថ្លៃហើយមានតម្រូវការលក់ច្រើន”៕

ការងារបំពាក់ប្រព័ន្ធផ្លាស់ប្តូររទិន្នន័យអេឡិចត្រូនិកនៅកំពង់ផែព្រះសីហនុសម្រេចបានជាង ៩០ភាគរយហើយ

ដោយ: ម៉ាលីស

ព្រះសីហនុ: លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណ ការ និងដឹកជញ្ជូន បានឲ្យដឹងថា គម្រោងប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ នឹងអាចដាក់ដំណើការបាននៅ ក្នុងអំឡុងខែសីហា ឆ្នាំ ២០២២នេះ។

ខណៈបច្ចុប្បន្ន ក្រុមហ៊ុនទទួលបន្ទុករៀបចំ កំពុងពន្លឿនការងារបំពាក់បច្ចេកទេស លើប្រព័ន្ធស្វ័យ ប្រវត្តិកម្មដែលនៅសេសសល់ឱ្យបានរួចរាល់ តាមផែនការដែលបានគ្រោងទុក។

លោកបញ្ជាក់ថា មកដល់បច្ចុប្បន្ន ការងារបំពាក់ប្រព័ន្ធផ្លាស់ប្តូរទិន្ន​ន័យតាមអេឡិច ត្រូនិកនៅកំពង់ផែនេះ សម្រេចវឌ្ឍនភាពបានប្រមាណជាង៩០ភាគរយហើយ ដោយគ្រោងបញ្ចប់តាមផែនការ ដើម្បីសុំគោល ការណ៍ដាក់ដំណើរការ។

គម្រោងប្រព័ន្ធផ្លាស់ប្តូរទិន្នន័យអេឡិចត្រូនិក នៅកំពង់ផែនេះ ស្ថិតក្រោមជំនួយឥតសំណង របស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ JICA ក្នុងទឹកប្រាក់សរុបប្រមាណ១២លាន២សែនដុល្លារអាមេរិក ក្នុងគោលបំណងកែលម្អហេដ្ឋារចនា សម្ព័ន្ធ និងបរិក្ខារកំពង់ផែឱ្យកាន់តែល្អប្រសើរ ខណៈបរិមាណនៃការនាំចូល និងការនាំចេញបានកើនឡើងជារៀងរាល់ឆ្នាំ នៅតាមកំពង់ផែធំៗចំនួន២គឺ កំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ ហើយត្រូវបានដំណើរការធ្វើបែបបទនាវាចូល-ចេញតាមនីតិវិធីរដ្ឋបាលដោយដៃ ដែលងាយជួបប្រទះបញ្ហាប្រឈមផ្សេងៗ។

ប្រព័ន្ធនេះ នឹងជួយសម្រួលដល់នីតិវិធីចេញ-ចូលកំពង់ផែកម្ពុជាសម្រាប់នាវាដឹកជញ្ជូនទំនិញអន្តរជាតិធំៗ និងគ្រប់គ្រងសេវាដឹកជញ្ជូនតា​មផ្លូវទឹកប្រកបដោយប្រសិទ្ធភាព តម្លាភាព ចំណេញពេលវេលា និងកាត់បន្ថយការចំណាយផ្សេងៗ ជាពិសេសជួយបង្កើនការទាក់ទាញ ការវិនិយោគផ្ទាល់ពីបរទេស និងបង្កើតការងារធ្វើជូនពលរដ្ឋកម្ពុជា៕

World Bank: ឡាវនឹងទទួលបានកំនើនសេដ្ឋកិច្ចរង្វង់៤,៥ភាគរយក្នុងឆ្នាំនេះ

ដោយៈសុខុម

វៀងចន្ទន៍: ធនាគារពិភពលោក (World Bank) បានធ្វើការព្យាករថា ប្រទេសឡាវ នឹងទទួលបានកំណើនសេដ្ឋកិច្ច ក្នុងរង្វង់៤,៥%នៅឆ្នាំ២០២២នេះ និង៤,៨%នៅឆ្នាំ២០២៣។ នេះបើយោងតាមសារព័ត៌មាន Laotian Times ចុះផ្សាយកាលពីថ្ងៃព្រហស្បតិ៍ ទី១៣ មករា។

យោងតាមរបាយការណ៍ ទស្សនវិស័យសេដ្ឋកិច្ចពិភពលោក (Global Economic Prospects) ចុងក្រោយបង្អស់របស់ធនាគារ ពិភពលោកបង្ហាញថា សេដ្ឋកិច្ចពិភពលោក កំពុងឈានចូលដល់ដំណាក់កាល បង្អង់ល្បឿនគួរឱ្យកត់សម្គាល់។

ការបង្អង់ល្បឿននេះកើតមានឡើង ស្របពេលពិភពលោកកំពុងប្រឈ​មមុខ នឹងការគំរាមកំហែងជាថ្មី ពីការរីករាលដាលវីរុសកូវីដ-១៩ បំប្លែងខ្លួនថ្មី និងការកើនឡើងនូវអតិផរណា បំណុល និងវិសមភាពប្រាក់ចំណូល ដែលអាចជះផលប៉ះពាល់ខ្លាំង ដល់ការស្ទុះងើបឡើងវិញ ក្នុងបណ្ដាសេដ្ឋកិច្ចរីកចម្រើនឆាប់រហ័ស និងបណ្ដាសេដ្ឋកិច្ចកំពុងអភិវឌ្ឍន៍។

កំណើនសេដ្ឋកិច្ចពិភពលោកត្រូវបានរំពឹងថា នឹងធ្លាក់ចុះគួរឱ្យកត់សម្គា​ល់ពី៥,៥%ក្នុងឆ្នាំ២០២១ មកនៅត្រឹម៤,១%ក្នុងឆ្នាំ២០២២ និងធ្លាក់មកនៅត្រឹម៣,២%ក្នុងឆ្នាំ២០២៣ នៅពេលតម្រូវការធ្លាក់ចុះ ហើយការគាំទ្រផ្នែកសារពើពន្ធ និងរូបិយវត្ថុគ្មានភាពធូរស្រាល នៅទូទាំងពិភពលោក។

លោក David Malpass ប្រធានធនាគារពិភពលោកបានលើកឡើងថា “សេដ្ឋកិច្ចពិភពលោកកំពុងប្រឈមមុខវីរុសកូវីដ-១៩ អតិផរណា និងភាពមិនប្រាកដប្រជា នៃគោលនយោបាយ ក្នុងពេលដំណាលគ្នា ដោយការចំណាយ និងគោលនយោបាយរូបិយវត្ថុ របស់រដ្ឋាភិបាលនានាកំពុងស្ថិតក្នុងស្ថានភាពដែលមិនធ្លាប់ជួបប្រទះ”។

លោកបន្ថែមទៀតថា “ការធ្វើឱ្យប្រទេសកាន់តែច្រើន ស្ថិតលើមាគ៌ាទទួលបានកំណើនគួរជាទីពេញចិត្ត គឺទាមទារឱ្យមានចំណាត់ការរួមជាអន្តរជាតិ និងការឆ្លើយតបទៅនឹងគោលនយោបាយជាតិ ដែលមានលក្ខណៈទូលំទូលាយ”៕ Laotian Times៕

តើមហាសេដ្ឋី Elon Musk តែងតែអនុវត្តន៍៍យុទ្ឋសាស្រ្តពិភាក្សាការងារបែបណា

ដោយ:ម៉ាលីស

ភ្នំពេញ: មានរឿងរ៉ាវជាច្រើនណាស់ ដែលពាក់ព័ន្ធទៅនឹងបុរសរូបនេះមុនពេលដែលគាត់ បានក្លាយទៅជាមនុស្សដ៏ជោគជ័យបែបនេះ ជាពិសេ​សបរាជ័យដ៏ច្រើនរាប់មិនអស់ ក្នុងរយៈពេល10ឆ្នាំចុងក្រោយ។

នៅក្នុងកិច្ចប្រជុំពិភាក្សាទាំងឡាយ លោក Elon Musk តែងតែប្រកាន់យកគោលការណ៍ចំនួន៣ សម្រាប់ខ្លួនគាត់ ព្រមទាំងមេដឹកនាំតាមផ្នែកនៅក្នុងក្រុមហ៊ុនដើម្បីឲ្យគោរព និងអនុវត្តតាម៖

ទី១.មិនមែនជាកិច្ចប្រជុំដែលមានទំហំធំនោះទេ
លោក Elon Musk ធ្លាប់បានបញ្ជាក់ហើយថា កិច្ចប្រជុំទាំងអស់នៅ Tesla មិនគួរមានចំនួនលើសពី4 ទៅ6នាក់ឡើយ ដោយចាប់យកតែមនុស្សសំខាន់ប៉ុណ្ណោះ សម្រាប់ប្រធានបទនៃកិច្ចប្រជុំ។

ដូចនេះ លោកតែងតែប្រើប្រាស់ពេលវេលា ក្នុងការពិចារណាថា តើអ្នកណាខ្លះ គួរតែចូលរួមកិច្ចប្រជុំនាពេលបន្ទាប់។

ទី២ អ្នកអាចដើរចេញបានពីកិច្ចប្រជុំ
លោក Elon Musk ធ្លាប់ពន្យល់ថា សារៈសំខាន់ដែលត្រូវតែកសាងវប្បធម៍នៃកិច្ចប្រជុំបែបនេះ គឺវានឹងអាចជួយឲ្យអង្គភាពរបស់លោក ទទួលបានភាពត្រឹមត្រូវ និងតម្លាភាពបំផុត។ កិច្ចុប្រជុំដែលមានទំហំតូច និងចូលរួមតែពីមនុស្សដែលសំខាន់ប៉ុណ្ណោះ ប៉ុន្តែបើសមាជិកចូលរួមណាម្នាក់ ដែលគិតថា ពួកគេគិតថាមិនអាចចូលរួមប្រយោជន៍អ្វី ដល់កិច្ចប្រជុំទេនោះលោ​កតែងតែប្រាប់ថា ពួកគេគឺអាចដើរចេញពីកិច្ចប្រជុំនេះបាន។

លោកបន្តថា មិនមានជាសកម្មភាពដ៏ព្រហើននោះទេ ប៉ុន្តែវាគឺជាអ្វីដែលកិច្ចប្រជុំរំពឹងទុក បើពួកគេមិនអាចផ្តល់ប្រយោជន៍ ដល់កិច្ចប្រជុំនោះពួកគេមិនគួរចំណាយពេលខ្ជះខ្ជាយឡើយ។

ទី៣.មិនមែនជាកិច្ចប្រជុំដ៏ញឺកញាប់នោះឡើយ
លោក Elon Musk តែងតែនិយាយថាកិច្ចប្រជុំធ្វើឡើង គួរស្ថិតនៅក្នុងពេលណាចាំបាច់ប៉ុណ្ណោះ។ ដូចនេះត្រូវតែលប់ចោលឲ្យអស់ នូវកិច្ចប្រជុំដែលតែងតែធ្វើឡើងជាប្រចាំពេក។

លោកបន្តថា អ្នកដែលមានបទពិសោធន៍ ធ្វើការងារនៅអង្គភាពធំៗពិតជាបានយល់ថា គោលការណ៍ទី៣នេះ ពិតជាមានប្រយោជន៍ខ្លាំងពីព្រោះថាកិច្ចប្រជុំគួរតែត្រូវបានធ្វើឡើង ដើម្បីដោះស្រាយបញ្ហាដែលចាំបា​ច់ និងអទិភាពបំផុតប៉ុណ្ណោះ៕